ООУ „Коле Неделковски" - Центар, Скопје

🥖🏭 Денес учениците од IIIб одделение ја посетија пекарата Специјал. 👩‍🍳👨‍🍳
Се запознаа со машините кои се вклучени во процесот на правење леб 🍞 и разновидни пецива 🥐🥨.
Со голем интерес и радост учествуваа во обликување на вкусни ѓевречиња 🥯.
На крај од посетата имаа можност да ги пробаат вкусните производи од пекарата 🍞.
Среќни и со многу убави впечатоци се вратија во училишните клупи.
👏 Голема благодарност до вработените од пекарата Специјал за топлото гостопримство и убавото искуство што им го овозможија на нашите ученици .

Денес учениците од четвртите одделенија присуствуваа на едукативно предавање на тема „Правилна орална хигиена“. 🦷✨🪥
Преку интересно и поучно предавање дознаа повеќе за правилната грижа за забите и важноста од одржување на оралната хигиена.
Со внимание и интерес го проследија предавањето и стекнаа корисни совети за секојдневна грижа за своето здравје.

📚 По повод празникот на Св. Кирил и Методиј, учениците од Vв одделение ги подготвија овие творби со љубов и почит.
👏 Им оддаваме почит и благодарност на нашите учители!

📚✨ Во пресрет на 24 Мај – Денот на сесловенските просветители Св. Кирил и Методиј, нашите најмлади ученици од прво одделение со голема љубов, креативност и детска искреност твореа инспирирани од делото на светите браќа. ✨📚
Преку цртежи, букви, пораки и шарени изработки, првачињата ја покажаа својата почит кон творците на словенската писменост и значењето на азбуката како најголемо богатство на еден народ. 🖍️📖
Со детска насмевка и вредни рачиња, тие уште еднаш нè потсетија колку е важно да го чуваме и негуваме мајчиниот јазик, писменоста и културното наследство. ❤️
👏 Горди сме на нашите мали ученици и нивната прекрасна креативност!
Среќен 24 Мај – Ден на Св. Кирил и Методиј 📚✨

📚🌿 Настава во природа 2026 🌿📚
Во периодот од 11.05 до 14.05.2026 година, учениците од Va, Vб и Vв одделение, заедно со своите наставнички, реализираа незаборавна настава во природа исполнета со дружење, учење и прекрасни моменти.
Учениците имаа можност да посетат многу значајни културно-историски и природни знаменитости:
🕌 Шарена Џамија
🌊 Вруток
⛰️ Маврово
⛪ Св. Јован Бигорски , женскиот манастир Рајчица
🌅 Дебарско Езеро
🏰 Самоилова тврдина
🎭 Антички театар
⛪ Св. Климент Охридски
Плаошник,Канео,Св.Софија
💧 Билјанини Извори
🛶 Залив на Коските
🙏 Свети Наум
🌉 Струга и 🌿 Вевчани.
Преку ваквите активности учениците стекнаа нови знаења, развиваа другарство и создадоа спомени кои долго ќе ги паметат.
Сите си поминаа прекрасно, исполнети со радост, смеа и позитивна енергија. 💚

🏦 Денес учениците од Ia одделение беа во едукативна посета на Централна кооперативна банка.

Во рамки на содржината по општество „Професии на луѓето“, учениците имаа можност одблиску да се запознаат со професијата банкар и да научат како функционира една банка.

Со големо внимание и љубопитност дознаа како функционира банкоматот, која е улогата на вработените во банката, како се организира секојдневната работа и кои безбедносни правила се применуваат.

Преку оваа поучна и интересна посета, учениците согледаа дека професијата банкар бара одговорност, љубезност, доверба и знаење, а воедно научија дека секоја професија е важна и достапна за сите. 👩‍💼👨‍💼💳💰

Им благодариме на вработените за топлиот пречек, трпението и прекрасното искуство кое им го овозможија на нашите најмлади ученици. ✅️

Во книжарницата „Матица“ учениците од четвртите одделенија имаа средба со писателот Стојан Тарапуза. 📚✨
Тој им го доближи светот на литературата преку лектирата „Сон на тркала“.
Со голем интерес слушаа, поставуваа прашања и активно учествуваа во разговорот. 🙋‍♀️🙋‍♂️
Оваа средба претставуваше поинаков и инспиративен начин на обработка на лектирата, кој остава силна мотивација за љубов кон читањето и книгата. ❤️📖