22/08/2023
Отворен повик
ЕКСПЕРТ – ДЕФЕКТОЛОГ
Во рамки на проектот „Социјално Претприемништво за младинско вработување”, Инклузив Мјузик отвора повик за 1 експерт-дефектолог за спроведување на серија обуки за развој на капацитетите на вработените во училиштето за инклузивен едукативен пристап и развој на прирачник за самостојно работење со лица со атипичен развој.
За Инклузив Мјузик
Инклузивна музичка школа за деца и млади, со специјализирана настава за лица со попречености преку соработка на дефектолог и менторот за инструмент. Преку наставата
За ангажманот
Експертот ангажиран за спроведување на обуките е предвидено својот ангажман да го заврши помеѓу 04.09. и 29.09. За ангажманот се предвидени вкупно 20 консултантски денови.
Во рамките на експертските денови експертот треба да достави 2 работни пакети:
1. 10 експертски денови за спроведување на 5 интерни обуки:
1.1. Една групна обука за вработените едукатори и надворешни соработници на училиштето
1.2. Девет поединечни еден-на-еден обуки (практична работа) за вработените едукатори и надворешни соработници на училиштето
2. 10 експертски денови за изработка на класификација на лицата со атипичен развој кои се моментални членови на училиштето и изработка на прирачник за самостојно работење кој ќе опфаќа анализа на структурата на ученици, класификација на атипични однесувања и нивни препознатливи карактеристики, начин на препознавање и утврдување на типот на однесување, начин на избирање на соодветен пристап и негово прилагодување на потребите на учениците, начин на мониторинг и прилагодување во текот на работењето во зависност од фидбекот на ученикот. Експертот треба да биде во можност да се прилагоди на потребите на интерниот кадар и по потреба да воведе и теми надвор од горенаведените, а кои се препознаени како потреба за едукаторите и подобрување на нивното работење.
Во апликацијата потребно е да се содржани следните документи:
– Финансиска понуда (Анекс 1, https://mab.to/t/jtaDsI5IBN9/eu1)
– Детален план за работа – концепт (Анекс 2, https://mab.to/t/jtaDsI5IBN9/eu1)
– Биографија на експертот со референци
– Потпишана изјава за ексклузивност и достапност (Анекс 3, https://mab.to/t/jtaDsI5IBN9/eu1)
Експертиза
Експертот треба да поседува:
- Да се има стекнато со високо образование во областа на дефектологија (4 години)
- Да поседува најмалку 6 години работно искуство како дефектолог – рехабилитатор
- Да поседува најмалку 4 години работно искуство како дефектолог во приватна установа т.е. работа во мал тим и работа на индивидуални часови со лица со атипичен развој
- Да има објавено најмалку 1 релевантна публикација (анализа, студија, case study)
Финансиската понуда ќе изнесува 30% од бодувањето, додека 70% ќе припаднат на деталниот план и биографијата.
Начин на аплицирање
Понудата се се доставува до Инклузив Мјузик скенирана на е-поштa [email protected]. Како наслов на електронската порака наведете: ,,Апликација/Понуда за Експерт-Дефектолог“, најдоцна до 26.08.2022 во 16:00.
Докумените во понудата доставени по е-пошта треба да се скенирани и со потпис во оригинал од одговорното лице/понудувачот.
Проектите финансирани од ЕУ се ослободени од сите давачки, даноци и такси, вклучувајќи го и данокот на додадена вредност (ДДВ). Оттаму, единечните цени кои вклучуваат ДДВ нема да бидат прифатени.
Сите понудувачи кои доставиле понуди кои ги исполнуваат условите ќе бидат разгледани од страна на евалуционата комисија и соодветно известени.
