Industrial Design Engineering in Skopje

Нашите студенти по предметот Еко дизајн имаа можност да ја слушнат приказната зад одржливиот и еколошки свесен бренд .maison 🌿

ги сподели сите убави, но и предизвикувачките моменти од градењето глобален бренд во Македонија — искуство кое е од особена важност за нашите студенти.

Голема благодарност до Натали што и покрај преполниот распоред, секогаш одвојува време за поддршка и мотивација на нашите студенти 💚

Со студентите од 6ти семестар од насоката Индустриски дизајн бевме во посета на две изложби:
📍Spaces in between | Whispers in the Hollow, Lights of Hope на м-р Ана Спасов и
📍Стопен град на м-р Игор Сековски

Голема благодарност до
за поканата и одвоеното време!

✨Се надеваме дека ова искуство ќе им помогне на студентите во нивната понатамошна работа!

👉На 29.10.25 година се одржа 18тата Годишна изложба на студентите од насоката Индустриски дизајн при Машинскиот факултет - Скопје
✨Овој настан ги обедини сегашните студенти со алумните на насоката, како и долгогодишните соработници од индустријата и сродните факултети при УКИМ.

Присутните ги поздравија:
📍проф. д-р Златко Петревски, Декан на факултетот
📍проф. д-р Татјана Кандикјан, професор во пензија
📍вонр. проф д-р Јелена Џокиќ, професор на насоката

✨Гостите имаа можност да уживаат во делата кои студентите ги реализираа како дел од наставните активности во изминатата година.
👉За прв пат оваа година студентите организираа и дополнителни активности со кои ги вклучија посетителите во работилници и гласање за избор на најдобро дело.🏆

Голема благодарност за помошта во организацијата од .mfs

Честитки до сите учесници!👏

✨Една од новините кои ги воведовме на Годишната студентска изложба беше гласање на публиката за најдобрите дела според нив.

Денес ги прогласивме најдобрите дела според вашите гласови!
📍Миа Ристовска
📍Тамара Мојсовска
📍Мартина Стоикова

Честитка до наградените колешки и уште многу награди во иднина! 👏

mfs

✨Во рамки на предметот Истражување во дизајнот студентите се запознаваат со бројни методи и алатки за креативно истражување.

Проектните задачи се фокусираат на дизајн со општествено влијание што отвара многу нови аспекти за студентите, како: работа со невладини организации, маргинализирани групи и државни институции.

Заради обемноста на задачите проектните работи се работат тимски посветувајќи особено внимание на истражувачкиот процес, осознавање на корисниците преку ко-дизајнирањето.

Во продолжение ви претставуваме неколку проектни задачите:
📍Автобуска постојка TerraStop (Јана Ѓоргиевска, Јана Тасева, Евгенија Павковска, Антонија Петковска)
📍Јавни тоалети (Јана Величкова, Трена Џепароска, Мила Андонова, Горјан Атанасов, Дарко Чаушевски)
📍Автобуска постојка Smart Stop (паола Укајдари, Мартина Дуранска, Јована Димоска, Јана Балов)
📍Зачувување на биодиверзитетот Bug B&B (Ана Трпевска, Катерина Ристовска, Кристина Маринковска, Ева Ѓоргиевска)
📍Урбана опрема Urban Fiber (Анастасија Боневска, Ангела Тошевска, Тамара Трајчевска, Николина Атанасовска)

Доколку сакате да дознаете повеќе околу насоката кликнете на линкот во био.

Се потсетуваме на одличната соработка со мултимедијалниот уметник Дриант Зенели! 🎥✨

Ова беше исклучително искуство за нашите студенти кои беа директно вклучени во целиот процес на создавање на уметничко видео – од првични онлајн средби и дефинирање на концепт, до сесии на ко-дизајнирање во кои се разработуваше приказната, изгледот на сценографијата, карактерите и финалната реализација.

Студентите стекнаа знаења и практично искуство во подготовка, продукција, снимање и пост-продукција на видео материјал, а делото беше презентирано на престижниот фестивал Manifesta 14! 🎬

За повеќе информации за проектот и уметникот 👉 https://driantzeneli.com/the-firefly-keeps-falling-and-the-snake-keeps-growing/

За програмата Индустриски дизајн дознајте на следниот линк: https://www.mf.ukim.edu.mk/zaidnitestudenti/ind/

Машински Факултет Скопје

🎓Во својата дипломска работа со наслов „Имплементација на циматика во дизајн на производ“, Евгенија Цветиниќ навлегува во сериозно истражување на циматиката, која претставува наука што го проучува феноменот на визуелно претставување на звучните бранови.

🔊Цветиниќ успева мошне успешно да ги интегрира експерименталните испитувања и да креира концептно решение на звучник кој покрај основната функција, пренос на звучни сигнали, има и декоративно-естетски функицја. 🎼

✨Во својата дипломска работа кандидатката ги презентира свои интереси и вештини, како: детално истражување и анализа на нови сознанија, експериментално истражување, визуелизација и прототипирање на концептуални решенија.

🎯Оваа дипломска работа е пример за интегрирање на повеќе дисциплини, со цел добивање иновативен производ кој ќе биде конкурентен на пазарот.

Ментор: вонр. проф. д-р Јелена Џокиќ




#запишисенамфс

✨Во рамки на предметот Дизајн на возила студентите се запознаваат со историскиот развој на дизајнот на возилата и анализа на клучни дизајнерски имиња и модели за секој период.

🚗Преглед на процесот на дизајн на возилата, поставување на дизајнот во контекст на пазарниот сегмент и однос со конкуренцијата. Современи 2D и 3D системи за дизајн на возила, аеродинамиката во дизајнот на возилата, дизајн на ентериерот на возилата: правила за ергономско, удобно и безбедно сместување на патниците, современи конструктивни материјали и нивно место во дизајнот на возилата, дизајн на концептни автомобили.

Во своите проектни задачи, студентите спроведуваат детални истражување за одредени сегменти на возила, а потоа креираат и свои дизајни решенија за елементи од возилата.

Во продолжение погледнете неколку примери на студентски проекти, сработени на предметите Дизајн на возила и Дизајн на ентериер од следните студенти:
📍Ѓорѓи Стевковски,
📍Леонид Танасковиќ,
📍Јана Тасева,
📍Катерина Ристовска,
📍Јана Ѓоргиевска.

🎯Повеќе информации околу студиската програма можете да најдете на линкот во био или интернет страната на Машинскиот факултет - Скопје.

✨Дизајнерот има клучна улога во постигнувањето на зелени, одржливи и циркуларни економии🌍 Во фазата на дизајнирање, при дефинирање на формата на производот, се дефинираат материјалите кои би се користеле, а со тоа и производните процеси кои можат да се применат. Понатаму тоа го условува производството, транспортот и секако влијае на (не)можноста производот да се реупотреби, репроизведе, рециклира или компостира. ♻️

🌱Во предметот Еко дизајн студентите се запознаваат со основите на дизајнирањето на нови производи и притоа грижејќи се за животната средина.
Студентите работат на проектни задачи во кои треба да дизајнираат функционални и естетски производи, а притоа да го намалат штетното влијание на животната средина. Како би го реализирале тоа студентите покрај стандардните алатките во процесот на дизајнирање користат алатки и техники кои се дел од стратегии за еко дизајн. 🌿

Во продолжение погледнете ги студентските проекти, на следните студенти:
📍Јана Ѓоргиевска,
📍Марина Климоска,
📍Ана Трпевска,
📍Анастасија Боневска,
📍Теодора Ѓеорѓиевска, Ивана Јовановска, Сара Коваческа, Андреа Новева
📍Јана Тасева,
📍Кристина Маринковска,
📍Катерина Ристовска,
📍Анастасија Зинзовска, Ива Јованчева, Марко Ристовски, Петар Палески
📍Матеа Анишиќ, Матеа Каратошева, Јована Спасковска

🎯Повеќе информации околу студиската програма можете да најдете на линкот во био или интернет страната на Машинскиот факултет - Скопје.