Општинско основно училиште „Ј. Х. Песталоци“ - Скопје

Уште една успешна година за дебатниот клуб World Scholar’s Cup при ООУ „Јохан Хајнрих Песталоци“!

На 15 и 16 мај 2026 година нашето училиште повторно беше дел од регионалната рунда на престижниот меѓународен натпревар World Scholar’s Cup, на која учествувавме со дури 14 тимови составени од ученици од различни одделенија.

Во силна конкуренција учениците покажаа исклучително знаење, критичко размислување, дебатерски вештини и тимска работа, достојно претставувајќи го нашето училиште.

Најуспешни меѓу нашите учесници беа тимот составен од Габриел Никола Петак, Глигор Дединец и Теодора Трајковска, како и тимот на Срна Дамевска, Јоана Стефаноска и Јоана Гривчевска, кои остварија извонредни резултати во повеќе натпреварувачки дисциплини.

Посебна чест за нашето училиште претставува успехот на Срна Дамевска, која беше избрана меѓу шесте најдобри дебатери за учество на Debate Showcase – завршната дебатна ревија на најдобрите учесници.

World Scholar’s Cup е многу повеќе од натпревар. Тој претставува можност учениците да стекнат знаења од различни области, да развиваат вештини за јавно говорење, аргументирање и критичко размислување, но и да градат пријателства со врсници од различни култури и земји.

Горди сме на сите наши ученици кои со својот труд, посветеност и ентузијазам уште еднаш покажаа дека знаењето, тимската работа и љубопитноста се патот до успехот.

Честитки за сите учесници и им посакуваме уште многу идни успеси!

📚 На 26.05.2026 година, Михаела Трајковска од IX-1 одделение ја освои втората награда на државно ниво за најдобар есеј на тема „Холокаустот низ призмата на детските очи“. Со својот талент, труд и зрел начин на изразување, Михаела достојно го претстави своето училиште и покажа голема почит кон историската вистина и човечките вредности. Овој успех е гордост за неа, за одделението и за целото училиште.
Честитки за постигнатиот успех и желби за уште многу награди во иднина!

🌍✨ Erasmus+ повторно ги отвори вратите кон нови знаења, искуства и европски пријателства! ✨🌍

Со големо задоволство и искрена благодарност ја споделуваме нашата прекрасна посета на ОУ „Матија Губец“ во Таванкут, Војводина, реализирана во периодот од 16.03 до 20.03.2026 година.
Благодарение на Erasmus+ програмата и активностите за job shadowing, повторно имавме можност да стекнеме нови искуства, да воспоставиме успешна соработка и да размениме современи методи и практики во наставниот процес.
Оваа мобилност ни овозможи: 📚 размена на идеи и искуства меѓу наставниците,
🤝 создавање нови пријателства и партнерства,
🌍 запознавање со различни образовни системи и култури,
💡 примена на иновативни методи на работа,
🎯 унапредување на професионалните компетенции,
и мотив за понатамошен развој и модернизација на наставата.
Ваквите проекти претставуваат огромен бенефит за учениците, наставниците и целото училиште, бидејќи придонесуваат кон поквалитетно образование, европски вредности и отворање нови можности за идни соработки.
Им благодариме на домаќините за топлиот пречек, гостопримството и инспиративната соработка. Се радуваме на идни заеднички активности и нови успеси!

Во периодот од 20 до 24 април, две наставнички од нашето училиште беа дел од инспиративна Erasmus+ обука во Барселона на тема „ICT and AI in education".

"Ова беше патување низ иднината на образованието, размена на идеи со колеги од различни земји и потсетник дека наставникот никогаш не престанува да учи.

Голема благодарност до Erasmus+ за можноста да растеме професионално, да се инспирираме и наученото да го донесеме назад — во нашите училници, кај нашите ученици."

Во периодот 30.3.-4.4.2026 година шестмина членови на училишниот мандолински оркестар, во придружба на наставничките Татјана Танеска и Верица Неделкоска, остварија посета на основното училиште во Тржишче (Osnovna šola Tržišče), Словенија. Оваа групна мобилност на учениците и job shadowing-активнoстите на наставничките се реализираа во рамките на Еразмус+ програмите.
Во рамки на мобилноста учениците реализираа заеднички концерт со училишниот хор од Тржишче, имаа можност да учествуваат во училишниот еднодневен излет на Бледското Езеро, активно да учествуваат на часови по Словенечки јазик, Биологија, Хемија, Историја, Англиски јазик, Физичко образование, на часови по готвење.
Сите овие активности придонесоа учениците да ги запознаат културните особености на Словенија, да ги продлабочат своите знаења од различни области, да ги прошират своите јазични, комуникациски и интеркултурни вештини и, секако, да стекнат нови пријателства и партнерства.
Со програмите на Еразмус+ продолжуваме да ги шириме хоризонтите за меѓукултурна соработка, учење и личен развој.

🌍🇪🇺✨ Уште една успешно реализирана Еразмус+ мобилност во Братислава, Словачка! ✈️📚

Во периодот од 2 до 6 март 2026 година, тројца наставници од ООУ „Јохан Хајнрих Песталоци“ – Скопје учествуваа во job shadowing мобилност во Братислава, Словачка 🇸🇰, во рамки на програмата Еразмус+.

Мобилноста беше реализирана во училиштето Základná škola s materskou školou M. R. Štefánika, кое се покажа како одличен домаќин, овозможувајќи топол прием, професионална соработка и инспиративна атмосфера за учење и размена на искуства.

За време на посетата, наставниците имаа можност да ги следат наставните процеси, да разменуваат добри практики со колегите и да се запознаат со современи методи и пристапи во образованието.

Преку наставни активности, дискусии и работилници, наставниците стекнаа нови знаења и идеи за унапредување на наставата, развој на дигиталните и интеркултурните компетенции и поттикнување на европските вредности кај учениците.

Покрај професионалниот развој, мобилноста овозможи и запознавање со културата, традицијата и знаменитостите на прекрасната Братислава, како и создавање нови пријателства и идни партнерства.

Голема благодарност до Еразмус+ кој продолжува да гради мостови на соработка, знаење и инспирација! 🌟📚🤝

Во рамки на Erasmus+ мобилноста во Ровињ, Хрватска, имавме можност да се запознаеме со современи наставни методи, инклузивни практики и организацијата на образовниот систем. Мобилноста беше драгоцено искуство исполнето со нови знаења, соработка и инспирација за примена на иновативни идеи во нашето училиште. Благодарност до Европската Унија и Erasmus+ програмата за поддршката и можноста за професионален развој.

🌍🇪🇺 Успешно реализирана Еразмус+ мобилност во Реунион, Франција!

Во периодот од 23 до 27 март 2026 година, благодарение на Еразмус+ програмите, 6 ученици и 3 наставници од ООУ „Јохан Хајнрих Песталоци“ – Скопје учествуваа во групна мобилност на ученици и job-shadowing активности во партнерското училиште Middle School De Bois De Nèfles на островот Реунион, Франција, како дел од тековен eTwinning проект.

Во рамки на мобилноста, учениците и наставниците имаа можност да учествуваат во наставни, едукативни и културни активности, да разменуваат искуства со своите домаќини и да се запознаат со природните и културните особености на островот.

Преку работилници, тимски активности, учење во природа и културна размена, учесниците ги унапредија своите јазични, комуникациски и интеркултурни вештини, стекнаа нови знаења и создадоа нови пријателства и партнерства.

Еразмус+ продолжува да отвора нови можности за учење, соработка и личен развој! ✈️🌿🤝

Со голема радост им честитаме на нашите ученици за успешното учество на натпреварите по англиски јазик!
Тие постигнаа одлични резултати и се здобија со заслужени награди, покажувајќи знаење, труд и посветеност.
Горди сме на секој од нив и им посакуваме уште многу успеси во иднина!