Shembuj - Kur'anor

MËSIME NË AKIDE

Si mund ta di që unë ndjek akiden - besimin e saktë që e trasoi Pejgamberi alejhis selam, dhe u pasua nga shokët e tij?
Si ta di që jam në grupin e shpëtuar e jo në një prej 72 sekteve të devijuara?!

Imam Abdullah ibn El-Mubarek, Allahu e mëshiroftë, ka thënë:

"Origjina e shtatëdhjetë e dy sekteve është se:
Katër burojnë nga pasimi i epsh*t, e nga këto katër u degëzuan shtatëdhjetë e dy sekte.
- Kaderitë,
- Murxhiet,
- Shiitët, dhe
- Havarixhët.

“Kush i ka dhënë përparësi Ebu Bekrit, Omerit, Othmanit dhe Aliut ndaj sahabëve tjerë të Pejgamberit alejhis selam, por, nuk ka folur veçse të mira për pjesën tjetër të sahabëve dhe është lutur për ta, është distancuar nga Shiizmi përfundimisht.”

“Kush thotë:
- Besimi është fjalë dhe vepër, shtohet e pakësohet, është distancuar nga Murxhiet përfundimisht.”

"Kushdo që thotë:
- Falim namaz pas çdo njeriu të prishtë dhe të pamoralshëm, Xhihadi është pas çdo Kalifi, dhe nuk e sheh (të lejuar) rebelimin me shpatë kundër Sulltanit, lutet që ata të jenë të drejtë, atëherë ai është distancuar nga Havarixhët përfundimisht.”

"Kushdo që thotë:
- Të gjitha caktimet janë nga Zoti i Lartësuar, e mira dhe e keqja është nga Ai, e devijon kë të dojë dhe e udhëzon kë të dojë, atëherë ai është distancuar nga Kaderit përfundimisht.”
(Ai është pasues i Sunnetit).

"Sherhus-Sunneh", Imam El-Barbahari, Allahu e mëshiroftë.

Hoxhe Irfan Salihu

HIJA E TIJ

Pejgamberi alejhis selam, ka thënë:

"Janë shtatë grupe njerëzish që do të jenë nën Hijen e Allahut, ditën që nuk ka hije veç hijes së Tij:

1- Prijësi i drejtë.

2 - I riu që rritet me adhurimin e Allahut.

3 - Personi që zemrën e tij e ka të lidhur me xhamitë.

4 - Dy persona që u deshën për Hirë të Allahut, i bashkoi dhe i ndau dashuria për Hirë të Tij.

5 - Një person i cili ftohet nga një grua me pozitë dhe e bukur (për të bërë zina, imoralitet), e ky (refuzon) i thotë:
“Unë i frikësohem Allahut!”

6 - Një person që jep Sadaka-lëmoshë dhe e fsheh atë, derisa dora e tij e majtë nuk e di se çfarë dha dora e djathtë.

7 - Një person që përkujton Allahun kur është vetëm dhe sytë i lotojnë!”
Buhariu dhe Muslimi.

Allahu na bëftë prej tyre!

Hoxhe Irfan Salihu

FALËNDERIMET E MIA TË PËRZEMËRTA

Falënderim për atë, që më mësoi dhe la gjurmë në jetën time.

Falënderim për atë, që më këshilloi dhe më dha kurajë për të realizuar shumë.

Falënderim për atë, që më dhuroi trëndafila dhe e ngjyrosi jetën time.

Falënderim për atë, që më dhuroi dashuri të sinqertë dhe më mësoi se dynjaja është në mirësi.

Falënderim për atë, që më tha se ti je shoku im dhe i dhuroi jetës sime kuptim.

Falënderim për atë, që më kapi për dore atëherë kur gabova dhe më dha një mundësi tjetër.

Falënderim për atë, që më urreu dhe ma mësoi kuptimin e dashurisë.

Falënderim për atë, që më përgojoi dhe më pakësoi nga gjynahet e mia.

Falënderim për atë, që më bëri të qaj dhe ma pastroi zemrën nga dhimbjet.

Falënderim për atë, që tallej me ambiciet e mia dhe ma mësoi kuptimin e sfidës dhe vullnetit.

Falënderim për atë, që më dëmtoi dhe e bëri që mes lutjes sime dhe Allahut të mos ketë perde.

Falënderim për atë, që më braktisi kur kisha më së shumti nevojë për të dhe se më bëri më të fortë në ballafaqimin e jetës.

Falënderim për atë, që mbolli ferra në trupin tim dhe më mësoi si të bëj durim gjatë dhembjeve.

Falënderim për atë, që më goditi me thikë pas shpine dhe më mësoi se besimi nuk i jepet çdonjërit.

Falënderime, edhe atë një mijë falënderime për atë, që më nënçmoi, për atë që më shkatërroi dhe për atë që më rrëzoi dhe ma mësoi kuptimin e fisnikërisë dhe krenarisë.

Nga arabishtja: Irfan JAHIU

PSE TË ZEMËROHESH?!

Mos u zemëro e të thuash se unë jam i pikëlluar, ka të tjerë që janë në pikëllim më të rëndë se ti.

Mos u zemëro e të thuash se unë jam i sëmurë, ka të tjerë që janë shumë më të sëmurë se ti.

Mos u zemëro e të thuash se nuk kam të holla, ka të tjerë që nuk kanë as vendstrehim.

Mos u zemëro e të thuash se unë jam i vetëm, ka të tjerë që janë jetimë dhe pa familje.

Mos u zemëro e të thuash se pse o Zot! Zoti yt është Bujar, i Urtë, Fuqiplotë, Ai e di se pse!

E jotja mbetet të thuash se unë jam robi Yt, që i nënshtrohet urdhrave të Tua dhe jam i kënaqur me caktimin Tënd.

Nga arabishtja: Irfan JAHIU

MBROJE VETEN MË KËTO FJALË

- Nëse do që shejtani mos të të afrohet, thuaj kur të dalësh nga shtëpia, makina apo puna: Bismilah tevekultu ala Allahi, ve la havle ve la kuvete il-la bil-lah (Me emrin e Allahut, në Allahun u mbështeta nuk ka ndryshim e as forcë pa ndihmën e Allahut).

- Nëse do që Allahu të të mjaftojë gjatë çdo brenge e vështirësie, thuaj shtatë herë: Hasbij Allahu la ilahe il-la huve Alejhi tevekeltu ve Huve Rabul arshil adhim (Më mjafton mua Allahu, nuk i takon adhurimi askujt tjetër përveç Allahut, Atij i mbështetem dhe ai është Zoti i Arsh*t të Madh).

- Fjala, la il-lahe il-lAllah, është e dashur për zemrat dhe është drita e atyre zemrave dhe përmendja e saj i fshin gjynahet.

- Kur ndien ngushtim dhe zbrazëtirë në gjoks përsërite: La ilahe il-la Ente Subhaneke in-ni kuntu minedh-dhalimin (Nuk i takon adhurimi askujt me të drejtë përveç Teje që je i Madhëruar. Vërtetë, unë jam prej mëkatarëve).

- Kur e hulumton dritën në kohën e errësirës, lexoje suren Kehf në ditën e xhuma.

- Kush do të jetë në zemrën e tij, le të kapet për fjalën: Ja Hajju ja Kajjumu bi rahmetike estegithu aslih li she’ni kul-lehu ve la tekilni ila nefsi tarfete ajnin (O i Gjallë përgjithmonë, O Mbikëqyrës i çdo gjëje, me mëshirën Tënde kërkoj ndihmë, ma përmirëso tërë gjendjen time dhe mos më lër të mbështetem në veten time as sa një përpëlitje e syrit).

- Nëse do që Allahu të jetë i kënaqur me ty Ditën e Kiametit, thuaj nga tri herë, në mëngjes dhe në mbrëmje: Redijtu bil-lahi Rabben ve bil islami dinen, ve bi Muhamedin nebijjen (Jam i kënaqur që Zoti im është Allahu, feja ime është Islami dhe Pejgamberi im është Muhamedi, lavdërimi dhe paqja e Allahut qofshin për të).

- Shejtani thotë: “E shkatërrova të birin e Ademit me gjynahe dhe ai më shkatërroi me istigfar dhe me fjalën la ilahe il-lAllah.”

Nga arabishtja: Irfan JAHIU

KOHË TË ÇUDITSHME

Kohë të çuditshme!

Prindërit dhe nënat kujdesen për veshjen dhe ushqimin e fëmijëve dhe e harrojnë mbjelljen e vlerave dhe të moralit.

Kohë të çuditshme!

Punëtorët nuk janë të sinqertë në punët e tyre, me pretekst se pagat i kanë të ulëta dhe harruan se Allahu i bekon në furnizim hallall dhe e shkatërron haramin.

Kohë të çuditshme!

Të rinjtë dhe të rejat kalojnë orë të tëra në ecje nëpër tregje e dëfrim dhe lodhen në rekatin e parë në namaz.

Kohë të çuditshme!

Të rinjtë dhe të rejat dëgjojnë muzikë me gjoks të zgjeruar, kurse, kur e dëgjojnë Kuranin u shtrëngohen gjokset dhe nuk e kuptojnë se hallalli nuk përzihet me haram.

Kohë të çuditshme!

E blejmë atë që e duam dhe e do epshi me qindra, kurse kur e shohim kutinë e lëmoshës, hulumtojmë mos po gjejmë ndonjë para të hekurit, e ta hedhim në kuti dhe krenohemi me atë që e kemi bërë.

Kohë të çuditshme!

E kurdisim alarmin që të mos vonohemi për në punë dhe e harrojmë takimin me Allahun në namazin e sabahut dhe të gjithë e dimë se ka mundësi ta programojmë alarmin edhe për namaz, po edhe për punë.

Kohë të çuditshme!

E shajmë njëri-tjetrin, flasim për nderin e krijesave të Allahut dhe harrojmë se i kemi melaqet me vete që i shënojnë veprat.

Kohë të çuditshme!

Burrat i shohin gratë dhe vajzat e tyre se si vishen dhe i shfaqin bukuritë e tyre, nuk xhelozojnë dhe nuk mërziten fare, me pretekst se ata janë të kuptueshëm dhe të civilizuar.

Nga arabishtja: Irfan JAHIU

Nëse Zoti të do, askush nuk do të dojë më shumë se Ai, nëse të jep, askush nuk do të japë më të bukur se Ai dhe nëse zemërohet me ty, askush nuk do të shpëtojë prej Tij!

Jini vetëm me Zotin.

Hoxhe Bedri Lika

🔹Ka thënë 𝐈𝐦𝐚𝐦 𝐌𝐚𝐥𝐢𝐤𝐮 (𝘈𝘭𝘭𝘢𝘩𝘶 𝘦 𝘮𝘦̈𝘴𝘩𝘪𝘳𝘰𝘧𝘵𝘦̈):

E kam shfletuar librin e Allahut ﷻ dhe sunetin e Pejgamberit ﷺ, dhe nuk kam gjetur diçka më të keqe se kamata, sepse Allahu të shpallë luftë për atë.

تفسير القرطبي📚
•𝐏𝐞̈𝐫𝐤𝐭𝐡𝐢𝐦•𝐄𝐌•

BËHU ME ALLAHUN

Gjatë jetës do ta kuptosh se çdo njeri e ka rolin e vet me të cilin do të ballafaqohesh.

Do të ketë nga ata që do të të duan.

Do të ketë nga ata që do të të mësojnë.

Do të ketë nga ata që do të përfitojnë nga ti.

Do të ketë nga ata që do të të shërbejnë.

Do të ketë nga ata që do të të urrejnë.

Do të ketë nga ata që do të ta kenë zili.

Do të ketë nga ata që do të bëhen mësim për ty.

Mirëpo, ti bëhu me Allahun gjithmonë dhe mos u mërzit, se Ai do të jetë me ty.

Nga arabishtja: Irfan JAHIU

MASHTRIMI

Hasan el-Basri, ka thënë:

"Ka njerëz që u mashtruan nga dëshirat boshe, derisa e lanë botën pa asnjë vepër të mirë.
Arsyetimi i tyre ishte:
"Unë kam mendim të mirë për Allahun", por, ata gënjejnë, sepse nëse do të kishin një mendim të mirë për Allahun, atëherë ata do të kishin bërë vepra të mira.” Pastaj citoi ajetin:
"Ky mendim që keni pasur për Zotin tuaj, ju shkatërroi e ju u bëtë humbës." Fussilet, 23.
"Faslul-hitabi fiz-zuhdi...", fq 147.

Sa njeriu sot i thotë vetës musliman, por, nuk falë namaz, nuk jep zekat, nuk ka mbulesë, pinë alkohol, merr kredi bankare... por, po i tërhoqe vërejtjen pse nuk i respekton rregullat e fesë, përgjegjen e ka të gatshme,
"unë e kam zemrën e mirë, e dua Zotin..."
Vdekja e nxenë të mashtruar, e ky ende nuk ka fillu me praktimin e urdhërave të Zotit!
Prandaj, vëllezër dhe motra, t'i kthehemi sot Allahut, se jeta është e shkurtër, e vdekja është shumë e afërt.
Allahu na e lehtësoftë dhe pranoftë pendimin!

Hoxhe Irfan Salihu

Muslimani duhet ti konsiderojë obligimet si tregtari kapitalin e vet, ti shikoj nafilet, siq sheh tregtari fitimet shtesë mbi kapitalin e tij, dhe të konsiderojë fajet dhe mëkatet si humbje të tregtisë.
Pastaj, në fund të gjdo dite, të ulet dhe ti kërkojë llogari vetes për punët e ditës. Nëse sheh mangësi në kryerjen e detyrimeve, ta qortojë, ta fajësoj dhe ta shtrëngojë atë në qast.
Nëse mangësit janë punë që mund të kryen kaza, le ti kryejë, e nëse jo, atëherë të mundohet të bëjë sa më shumë nafile. Nëse mangësitë janë te veprat nafile, le ti kompensojë ato. Nëse sheh se ka humbje për shkak të mëkateve që ka kryer, le të kërkoj falje, të pendohet dhe të kryejë aq punë të mira sa duhet për të rregulluar ato çka u prishën.

(Minhaxh el-Muslim)