Дефектолог со рабoтно искуство од Шведска нуди часови

Се бара дефектолог за работа како личен асистент. Заинтересираните дефектолози нека ме контактираат во inbox.

Што да НЕ кажете на родител со аутистично дете? - Дечиња со посебни потреби - Ringeraja.mk Бидејќи распрoстанетоста на аутизмот се зголемува, многу луѓе се наоѓаат во разговор со родители на деца со аутизам и не знаат што да кажат. Луѓето се добри и сакаат да ја кажат вистинската работа. Сакаат да охрабрат, да влеат надеж. Но...

Се бара дефектолог за работа со дете. Заинтересираните нека пишат во inbox за да им дадам контакт од родителите.

Brain Gym вежби

Што е Brain Gym?

Brain Gym е метода е метода за активирање на мозокот преку движење.

Техниката Brain Gym создадена е од странана Paul Dennison во 1969 год. Станува збор за гимнастика на мозокот, однсно за програма која цел е потполно да се активира мозокот за учење преку движењата. Основата на програмата се 26 вежби кои едукаторите ги изведуваат во зависност од процената кај личноста кај која ги изведуваат. 26-те вежби се едноставни,прифатливи, насочени активности кои резултираат со значителни подобрувања во концентрацијата,памтењето, читањето,организирањето, слушањето и координацијата. Прилагоденото функционирање на телото и умот доведува до подобрување на општата моторна координација, концентрација и меморија читање, пишување, јазични и математички вештини, организациски способности, логично размислување и разбирање, емоционална рамнотежа, како и намалување на хиперактивност и напнатост.

Brain Gym се базира на три едноставни правила:
• Учење е природнa активност која носи радост и трае цел живот
• тешкотии или тн. "блокади во учењето" не се ништо повеќе туку неможност да се справат со стресот и неизвесноста на нови задачи
• сите ние на некој начин сме биле"блокирани", бидејќи не сме научили како да се движиме.Разбирање на мозокот на детето и начинот на кој работи и се развива е од клучно значење за разбирање на процесот на учење.
За многу деца во првите години од животот се пропушти некои од фазите на развој на мозокот кои се основа за идната организација на мозокот на детето. На пример, заради употребата на дубак, многу деца прескокнуваат многу важна фаза-лазење, која е најсложена моторна активност, бидејќи ги комбинира сите три физички димензии, а истата подоцна ја олеснува ориентацијата на детето горе - долу, лево – десно, напред - назад.

Подоцна, тие пропуштени фази може да се пресликаат во форма на пелтечење, неразвиен говор, сиромашен изговори, тешкотии во читањето и пишувањето, тешкотии разбирање, дислексија, хиперактивност ...
Brain Gym вежбите помагаат да се создадат нови врски помеѓу левата и десната хемисфера на мозокот штп пак поволно влијае за решавање на овие и многу други проблеми. Времетраење на терапијата е индивидуално и зависи од подготвеноста на детето да соработува со едукаторот кој завршил обука за Brayn Gum, родителски напори и други фактори.

Во Македонија за примена на методата Brain Gym обучени се дефектолози кој ја посетувале обуката организирана од edu-moveo.hr лиценцирани за спроведување обуки.

КОГА ДА СЕ ОБРАТИТЕ КАЈ ДЕФЕКТОЛОГ?

Детскиот развој може да има отстапувања во некои подрачја. Ако воочите отстапувања во подрачјето на говорот, неправилен изговор на поедини гласови или недоволно развиен речник, обратете се кај логопед. Ако отстапувањата се на подрачјето на фината моторика (фаќање ситни предмети, сечење), графомоторика (неправилно држење на моливот, одбивање активности кои бараат употреба на молив), внимание, концентрација, памтење и логично заклучување, обратете се кај дефектолог-рехабилитатор. Недоволната спремност на детето за училиште, тешкотиите во учењето и повлекувањето на детето од активности во кои учествуваат и други деца (изолирање и осамување) се знак дека совет треба да побарате кај истиот стручњак.

Што е сензорна дисфункција?

Сензорната дисфункција е состојба при која мозокот не е во состојба да ги процесира сензорните информации од надворешната средина на начин кој овозможува нивно правилно разбирање. Оваа состојба се манифестира со несоодветна реакција на сензорните дразби од надворешната средина (мирисни, звучни, тактилни и др.).

Погрешната интерпретација на надворешната и внатрешната информација резултира со неадекватен одговор и однесување, кое често пати погрешно се интерпретира од околината.
Ако детето не може правилно да ја прими и разбере информацијата од надворешната средина, на пример различен звук, нежен допир, тогаш не само што ќе има проблем со неговата реакција која нема да биде во соогласност со јачината на звукот или допирот туку тоа ќе дејствува и на неговите емоции, концентрацијата ќе го афектира учењето.

Овие проблеми не мора секогаш да се јават во склоп на некое растројство (сензорна дисфункција, аутизам, ADHD) едноставно може да се јават и кај деца кои немаат таква дијагноза. Има многу причини за настанување на овие симптоми и не мора секогаш причината да биде невролошка, на пример може да се јави при: настинка, умор, ненадејна промена во животот итн.

Која е целта на сензорната интеграција?

Да се подобри способноста за процесирање и интегрирање на сензорната информација и да се создаде подобрена самостојност и учество во секојдневните животни активности, играта и училишните обврски.

Што е Snoezelen (Сензорна соба)?

Snoezelen или контролирана мулти сензорна стимулација потекнува од Холандија во 70-тите години со цел да се докаже дека околината влијае на однесувањето. Името Snoezelen доаѓа од холандските зборови (snuffelen ) истражува, бара и doezelen (спие, дремнува).

Snoezelen е недирективна терапија која делува на основните сетила за вид, слух, допир и мирис. Преку хармонично и контролирано изложување користи светлосни ефекти, бои, звуци, музика и мириси. Snoezelen собата е соба која е специјално опремена и каде природата, интензитетот и количината на стимулусот е контролирана.

Може да се постави така што се стимулираат повеќе сетила (multisensory) или фокусот да е само на едно сетило (single sensory focus). Целта на ова активност е да се постигне баланс помеѓу релаксацијата и активноста во рамки на сигурна и адаптирана средина. Предноста на Snoezelen е дека за ова терапија не е потребна вербална комуникација и може да се користи и кај лица кои неможат да зборуваат. Овозможува стимулација на оние кои не реагираат на околината, кои не зборуваат и до кои неможеме да допреме.

Дизајн

Snoezelen може да се опише како еден магичен свет. Уште од самиот влез ве пленуваат опојните мириси, осветлените туби со меурчиња, ѕвезденото небо и пријатната музика. Со мноштво сензорна стимулација и можности Snoezelen постигнува голем успех. Креира
атмосфера, ги мотивира децата и возрасните да учат , го намалува стресот, овозможува одвелкување на внимание. Како вид на терапија помага со зближување на луѓето, ги намалува потешкотиите.

Snoezelen се користи кај аутизам, растројства во развојот, деменција, повреди на мозокот како и за мали деца. Најчести истражувања се клиничките студии кои покажуваат дека во Snoezelen средината намалена е вознемиреноста и стереотипното однесување за 50%, а агресивното однесување и самоповредувачкото однесување за 75%.

Благодетите на Snoezelen се користат во училишта, градинки, дневни центри, психијатриски институции и центри за рехабилитација. Се користи како педагошка и терапевтска мерка. Овие соби се посебно дизајнирани да предизвикуваат кај луѓето, одмор, мир, добросотојба, задоволство и радост. Пријатното опкружување навраќа пријатни спомени. Со ова се зголемува потенцијалот за развивање на идеи.