ООУ “Браќа Рамиз- Хамид“ - Скопје

https://www.youtube.com/watch?v=VcgvM0zR5vY&t=1487s

Roma Youth Voices Podcast | Season 1 Episode 1: Redzepali Chupi 🎙️ Добредојдовте на **Roma Youth Voices** – подкаст создаден од уче...

🎙️ НОВО! „Roma Youth Voices“ – гласот на младите започнува!

🎙️ УТРЕ ВО 19:00 ЧАСОТ – ПРЕМИЕРА НА ПРВИОТ УЧЕНИЧКИ ПОДКАСТ „ROMA YOUTH VOICES“!

По повод Меѓународниот ден на детето, учениците од ООУ „Браќа Рамиз - Хамид“ го започнуваат своето ново медиумско патување – подкаст создаден од ученици, за ученици и за целата заедница.

Во „Roma Youth Voices“ ќе слушнете искрени разговори, интересни приказни и гости од различни области – ученици, наставници, уметници, спортисти, јавни личности и носители на одлуки.

Ова е првата епизода од проект за кој веруваме дека ќе прерасне во убава традиција и ќе стане препознатлив глас на младите во нашето училиште.

📅 Понеделник, 1 Јуни
🕖 19:00 часот

👉 Претплатете се на нашиот YouTube канал и бидете меѓу првите што ќе ја проследат премиерата:

https://youtube.com/-hamid9964?si=zlfialDyyj7UbIux

🔔 Subscribe • 👍 Like • 💬 Comment • 📢 Share

Вашата поддршка ќе им помогне на младите гласови да се слушнат уште погласно!

#ГласНаМладите #ООУБраќаРамизХамид #МеѓународенДенНаДетето

Во текот на вчерашниот ден, 15.05.2026 - петок, во Скопје се одржаа 4-тите Мини Олимписки игри, во организација на MKD Olympic Team, на кои учество земаа околу 480 ученици и 40 наставници од четири основни училишта на кој учествуваше и нашето училиште ООУ „Браќа Рамиз Хамид“.
Нашите ученици беа предводени од наставниците по физичко и здравствено образование. Настанот помина во одлична атмосфера, исполнета со спортски дух, фер-плеј, меѓусебна почит и активно навивање од сите учесници. Учениците имаа можност да ги покажат своите спортски способности, да развиваат тимска работа, соработка и пријателство, како и да ги промовираат вистинските олимписки вредности. Игрите не претставуваа само спортски натпревар, туку и празник на младоста, дружењето и спортот.
Особен успех за нашето училиште постигна нашиот ученикот Љатиф Асан од VIII одделение, кој беше прогласен за апсолутен победник на Мини Олимписките игри, освојувајќи го првото место со најголем број освоени поени. Со своите резултати, спортски дух и залагање, тој достојно го претстави нашето училиште.
Како дел од настанот, на училиштата им беше донирана спортска опрема и дополнителна опрема за потребите на наставата. Колективот на наставници по физичко и здравствено образование од ООУ „Браќа Рамиз Хамид“ изразува благодарност до организаторите за успешно реализираниот настан и можноста нашите ученици да бидат дел од една ваква позитивна и значајна спортска манифестација. Честитки упатуваме до сите наставници и учесници, продолжете со истата енергија и позитивен дух, а на нашиот ученик му честитаме за освоеното I место и му посакуваме уште понатамошни успеси. Децата се нашата иднина.

https://www.facebook.com/share/18rLxELtnH/

Во текот на вчерашниот ден, 14.05. (четврток), нашето училиште го посетија идните првачиња од градинката ЈОУДГ „8 Април“. Нивните топли насмевки ни го разубавеа денот.
Дечињата имаа кратка обиколка низ нашето училиште, ја посетија библиотеката, спортското игралиште и училниците, а имаа можност да видат и како изгледа еден училишен час.
Голема благодарност упатуваме до директорот на градинката и воспитувачките кои беа заедно со дечињата и нѐ удостоија со нивното присуство.
Среќно, идни првачиња!

Денес нашето училиште, ООУ ,,Браќа Рамиз Хамид" беше дел од активноста „Еко час“, реализирана во рамки на пролетната акција за чистење „Генералка викенд“, организирана од Министерството за образование и наука и Бирото за развој на образованието.
Во активноста учество земаа сите наставници и ученици, кои преку различни едукативни и практични активности придонесоа кон подигање на еколошката свест, развивање на одговорен однос кон животната средина и поттикнување на навики за зачувување на чиста и здрава околина.
Учениците активно учествуваа во уредување и чистење на училишниот двор, собирање отпад и разговори за важноста на заштитата на природата. Преку реализираните активности се поттикна тимската работа, одговорноста и грижата за заедницата.
Со оваа активност училиштето уште еднаш ја покажа својата посветеност кон еколошкото образование и создавање позитивни навики кај учениците. #екочас2026