Мастер студии по уставно право

29/12/2025

👉 На 26.12.2025 година, во рамките на предметот Политички систем, студентите на правни студии од втората група, ја изведоа и втората симулација на политичкиот систем на Соединетите Американски Држави.

🇺🇸 За време на симулацијата студентите имаа можност подетално и попрактично да се запознаат со поставеноста и функционирањето на политичкиот систем на САД.

📣Притоа, студентите симулираа и претседателски и потпретседателски дебати меѓу кандидатите на Републиканската и Демократската партија. Така, во рамките на симулацијата беа дебатирани прашања поврзани со економската политика, имиграциската политика, меѓународната политика и политиката на контрола на оружјето. Со тоа, студентите имаа можност да дебатираат на едни од најактуелните прашања во американската политика.

➡ Студентите, кои ја изведоа симулацијата покажаа исклучителна посветеност, креативност, одлични ораторски способности и аргументирано дебатирање. Изведбата на симулацијата уште еднаш покажа дека на Правниот факултет „Јустинијан Први“ студираат студенти со кои Факултетот може да се гордее.

👏 Честитки до сите учесници!

25/12/2025

👉 За време на наставата по предметот Политички систем, студентите на правни студии од првата група ја спроведоа симулацијата на политичкиот систем на Соединетите Американски Држави.

🇺🇸 Во рамките на симулацијата, студентите симулираа претседателски и потпретседателски дебати меѓу кандидатите на Републиканската и Демократската партија и имаа можност подетално да се запознаат со поставеноста и функционирањето на политичкиот систем на САД.

🗳 Симулацијата имаше интересна изборна разврска. Новиот претседател беше избран со мнозинство гласови од електорскиот колеџ, но со помал број вкупни гласови од публиката. На тој начин, студентите и практично се запознаа со функционирањето на електорскиот колеџ и ги согледаа спецификите на изборот на претседател и потпретседател во САД, вклучително и можноста за претседател на САД да биде избран кандидат за кого се изјаснило мнозинството од електорите, но не и мнозинството од граѓаните на САД кои гласале.

✅ При изведбата на симулацијата, студентите покажаа посветеност, креативност и знаење, како и одлични ораторски способности. На овој начин, студентите успешно ги доближија до публиката најактуелните политички прашања од политичката сцена на САД!

👏 Честитки до сите учесници за нивниот ангажман, посветеност и успешна реализација на симулацијата!

13/12/2025

📣 На 145-та сесија на Венецијанската комисија, одржана на 12 и 13 декември во Венеција, раководителката на Катедрата за уставно право и политички систем, проф. д-р Рената Дескоска, беше избрана за потпретседателка на ова реномирано експертско тело на Советот на Европа.

✅ Изборот претставува значајно меѓународно признание за професорката, но и за македонската уставноправна наука, имајќи предвид дека проф. д-р Дескоска е првата потпретседателка на Венецијанската комисија која доаѓа не само од Македонија, туку и од држава која не е членка на Европската Унија, ниту од земјите на поранешна Југославија.

➡ Венецијанската комисија е експертско тело на Советот на Европа кое дава правни совети на земјите членки и помага на земјите во усогласувањето на нивните правни системи со европските стандарди во областа на демократијата, човековите права и владеењето на правото.

👏 На професорката и го честитаме изборот и и посакуваме многу успеси во натамошната работа.

12/12/2025

🇬🇧 Симулациите на политичките системи продолжуваат и оваа работна недела на Правниот факултет „Јустинијан Први“. Студентите од втората група на правни студии, во рамките на предметот Политички систем, успешно изведоа симулација преку која подетално се запознаа со поставеноста и функционирањето на политичкиот систем на Обединетото Кралство.

👉 Во текот на подготовката и изведбата на симулацијата, студентите покажаа посветеност, креативност и одлични ораторски способности. Изведбата на симулацијата уште еднаш потврди дека на Правниот факултет „Јустинијан Први“ студираат мотивирани и квалитетни студенти со кои Факултетот може да се гордее.

👏 Честитки до сите учесници!

05/12/2025

🇬🇧 Традицијата на успешни симулации на политички системи продолжува и оваа учебна година ➡ Студентите на правни студии од првата група за време на часовите по Политички систем во текот на оваа недела спроведоа симулација на политичкиот систем на Обединетото Кралство.

📍Притоа, студентите во рамките на симулацијата симулираа лидерски дебати, парламентарни избори, доделување на мандат за формирање на влада, Говорот од тронот, пратеничка дебата во Домот на комуни и распуштање на Домот на комуни. Преку тоа, студентите подетално се запознаа со поставеноста и функционирањето на политичкиот систем на Обединетото Кралство.

✅Симулацијата на политичкиот систем на Обединетото Кралство уште еднаш покажа дека на Правниот факултет ,,Јустинијан Први" студираат креативни, посветени и квалитетни студенти!

👏 Честитки до сите учесници!

14/10/2025

➡ Конкурсот за пријавување на Мастер студиите по уставно право е објавен!

📋 Во прилог се основните податоци за предметите и можностите кои ги отвораат Мастер студиите по уставно право!

📆Рокот за пријавување е до 15.10.2025 година

👉 Начинот на пријавување и запишување е достапен на следниот линк: https://pf.ukim.edu.mk/informaczija-za-rokovi-za.../

12/10/2025

📍Двегодишните Мастер студии по уставно право се организирани во четири семестри! Притоа, првите три семестри студентите имаат можност да слушаат и полагаат задолжителни и изборни предмети, додека, пак, четвртиот семестар е посветен на пишувањето и одбраната на магистерската теза.

🔎 Во прилог може да најдете повеќе информации околу структурата на Мастер студиите по уставно право!

11/10/2025

📣 Конкурсот за пријавување на Мастер студиите по уставно право е објавен!

🗓 Рок за пријавување: 1–15.10.2025 година

👉 Начинот на пријавување и запишување е достапен на следниот линк: https://pf.ukim.edu.mk/informaczija-za-rokovi-za-prijavuvane-i-zapishuvane-na-vtor-cziklus-studii/

✨ Избери магистерски студии што ја градат твојата иднина! ✨

📚 Правен факултет „Јустинијан Први“ - Скопје @нуди повеќе од 15 различни студиски програми на мастер студии, отворени за дипломирани студенти од сите високообразовни институции во државата и странство.

🗓 Рок за пријавување: 1–15.10.2025 година

👉 Начинот на пријавување и запишување е достапен на следниот линк: https://shorturl.at/da4w5

🚀 Обликувај ја својата професионална иднина со нас – Јустинијан Први те очекува!

15/05/2025

👇👇👇

30/04/2025

➡Во рамките на предметот Уставно право, студентите на правни студии од втората група имаа можност да го проследат предавањето на професорката Cynthia M. Horne на тема ,,Evaluating Post-Communist Vetting Measures: What is too late and what is too long for lustration as transitional justice?".

🔎Предавањето претставуваше можност студентите да научат повеќе за примената и влијанието на механизмот на лустрација врз демократската консолидација во пост-комунистичките држави во Европа. Студентите го проследија предавањето со внимание и активно се вклучија во дискусијата со прашања и коментари.

✅Во рамките на Мастер студиите по уставно право посебно внимание се посветува на проблемите и предизвиците на демократските транзиции. Доколку сакаш да научиш повеќе како примената на транзиционата правда влијае врз демократската консолидација во пост-конфликтните и пост-репресивните општества, тогаш Мастер студиите по уставно право се вистинскиот избор за тебе.

16/04/2025

📍Во текот на вчерашниот ден, во рамките на предметот Уставно право, студентите на правни студии од третата група, беа во организирана посета на Собранието на Република Северна Македонија.

✅ За време на посетата студентите имаа можност да слушнат повеќе за историјата на парламентаризмот во нашата држава, организацијата и работата на Собранието, како и неговите основни надлежности. Дополнително, преку организирана обиколка на зградата на Собранието, студентите ги посетија најрепрезентативните простории на нашето Собрание.

➡Доколку сакате да знаете повеќе за историскиот настанок на парламентите, нивниот состав, положба, организација, улога и надлежности, тогаш Мастер студиите по уставно право се вистинскиот избор за тебе!

09/04/2025

👉 Во текот на вчерашниот ден во рамките на предметот Уставно право, студентите на правни студии од втората група имаа можност да го проследат предавањето на професорот David Siegel на тема ,,Што ја ограничува извршната власт во САД: правото или политиката?”

🗯 Студентите го проследија предавањето со големо внимание и интерес. Воедно, преку поставување на прашања студентите активно учествуваа во предавањето и дискусијата. Со тоа, студентите на Правниот факултет ,,Јустинијан Први" уште еднаш покажаа дека поседуваат пошироки знаења и дека активно ги следат политичките случувања во државата и светот.

✅ Доколку сакаш да научиш повеќе за различните модели на организација на власта преку конкретни примери, тогаш те очекуваме на Мастер студиите по уставно право!