ShMQSh " SARAJ "

23/04/2026

22/04/2026

08/04/2026

Sot nxënësit e Sh.M.Q.Sh “SARAJ” realizuan një vizitë në Aeroklubin e Shkupit.✈️

Vizita ju mundësoi nxënësve të njihen nga afër me aktivitetet, funksionimin dhe kapacitetet që ofron klubi i aviacionit. Nxënësit patën mundësinë të degjojnë përvoja dhe informacione me ekipin profesional.

Faleminderit për mikpritjen dhe bashkëpunimin.

07/04/2026

Me qëllim promovimin e integrimit multietnik në arsim, nxënësit e shkollës së mesme “Saraj” dhe nxënësit e shkollës së mesme “Vasil Antevski Dren” nga Shkupi, patën një bashkëpunim të suksesshëm, i cili u realizua përmes aktiviteteve të përbashkëta edukative dhe rekreative.

Gjatë kësaj dite të veçantë, nxënësit morën pjesë në:
🔹 punëtori të përbashkëta në klasë, ku u shkëmbyen ide dhe përvoja,
🔹 lojëra sportive që forcuan frymën e ekipit dhe bashkëpunimit,
🔹 një shëtitje në Kanioni i Matkës, duke shijuar natyrën dhe shoqërinë e njëri-tjetrit.

Këto aktivitete ndikojnë drejtpërdrejt në forcimin e miqësisë, mirëkuptimit dhe integrimit ndërmjet nxënësve, duke ndërtuar ura bashkëpunimi dhe respekti.

03/04/2026

Në kuadër të aktiviteteve të Sh.M.Q.Sh. “Saraj”, nxënësit e drejtimit ekonomik, nën mentorimin e prof. Agron Ajdini, morën pjesë në organizimin e garës së biznes planeve në Universiteti i Evropës Juglindore, ku me përkushtim dhe punë të palodhur arritën të fitojnë vendin e dytë.

Ky sukses është dëshmi e angazhimit, talentit dhe përgatitjes cilësore të nxënësve tanë, si dhe e mbështetjes së vazhdueshme nga stafi arsimor.

Urime të përzemërta për këtë arritje të rëndësishme dhe suksese të mëtejshme në të ardhmen!

02/04/2026

📚Një ditë krenarie në shkollën tonë! 📚

Sot, në Shkollën e Mesme të Qytetit të Shkupit – Saraj, u zhvillua një ngjarje e veçantë kulturore dhe arsimore – promovimi i librit të parë të nxënësit tonë, Hamza Alili.

Ky aktivitet përbën një moment të rëndësishëm jo vetëm për autorin e ri, por edhe për institucionin tonë, duke dëshmuar përkushtimin, seriozitetin dhe potencialin e lartë që posedojnë nxënësit tanë. Hamza Alili është një nxënës shembullor, i dalluar për suksesin e tij në mësime, sjelljen e mirë dhe angazhimin e vazhdueshëm në zhvillimin personal dhe intelektual.

Promovimi i librit të tij me titull “Arti i Mendimit të Mençur dhe Reflektimi në Shoqëri” u përcoll me emocione të veçanta, reflektime të thella dhe interesim të madh nga të pranishmit. Aktiviteti u karakterizua nga një atmosferë frymëzuese dhe mbështetje e sinqertë për punën dhe përkushtimin e autorit.

Si institucion arsimor, jemi krenarë që mbështesim dhe promovojmë iniciativa të tilla, të cilat ndikojnë drejtpërdrejt në zhvillimin e mendimit kritik, kulturës dhe vlerave tek të rinjtë. Ky sukses është dëshmi e punës së palodhshme të nxënësve tanë dhe një motivim shtesë për arritje edhe më të mëdha në të ardhmen.

Shprehim urimet tona më të sinqerta për Hamza Alilin për këtë arritje të rëndësishme dhe i dëshirojmë suksese të vazhdueshme në rrugëtimin e tij akademik dhe krijues.

31/03/2026

FTESË PËR PROMOVIM LIBRI

Të nderuar,
Shkolla e Mesme e Qytetit të Shkupit “Saraj” ka nderin dhe kënaqësinë t’ju ftojë në promovimin e librit më të ri të nxënësit tonë, Hamza Alili, me titull:
“Arti i mendimit të mençur dhe reflektimi në shoqëri”

Promovimi do të mbahet më datë 02.04.2026 (e enjte), në ora 13:00, në hapësirat e Shkollës së Mesme “Saraj”.

Në këtë ngjarje të veçantë kulturore, prania juaj do të jetë nder dhe mbështetje e çmuar.



i mendimit të mençur dhe reflektimi në shoqëri

27/03/2026

Nxënësit e shkollës sonë realizuan një vizitë në Innox Innovation Center!

Qendra e Inovacionit Innox është një hapësirë ku:
• zhvillohen ide biznesi 💡
• punojnë startup-e dhe kompani të vogla 🏢
• organizohen trajnime, evente dhe projekte 📚

Kjo qendër është e përkushtuar në nxitjen e inovacionit dhe bashkëpunimit, duke ofruar një mjedis dinamik ku idetë mund të zhvillohen dhe të lulëzojnë.
Vizita u realizua nën udhëheqjen e profesorit Adnan Ademi, ndërsa në këtë qendër nxënësit u mirëpritën ngrohtësisht nga Drejtori i qendrës INNOX Abil Baush, duke u mundësuar një përvojë të vlefshme dhe frymëzuese.

26/03/2026

Në garat rajonale për parukeri – grupi i femrave, në të cilat morën pjesë të gjitha shkollat e mesme profesionale nga qyteti i Shkupit, nxënëset e shkollës sonë u renditën në vendin e dytë dhe siguruan kualifikimin për në garat shtetërore.

Në këtë garë konkurruan gjithsej 12 garuese, të cilat prezantuan punime me nivel të lartë profesional, duke reflektuar përgatitje cilësore dhe angazhim të vazhdueshëm në zhvillimin e kompetencave praktike dhe artistike.
Me kënaqësi dhe krenari të veçantë njoftojmë se nxënëset tona, sipas vlerësimit të komisionit profesional rajonal, u renditën në vendin e dytë. Ky rezultat përfaqëson një vlerësim të rëndësishëm për punën sistematike, përkushtimin dhe mbështetjen e vazhdueshme nga stafi arsimor.

Falë këtij suksesi, shkolla jonë do të vazhdojë garimin në nivel shtetëror, ku do ta përfaqësojë me dinjitet dhe përgjegjësi institucionin tonë, duke synuar arritje edhe më të larta.
Ky rezultat shërben si një motivim i fuqishëm për të gjithë kolektivin tonë që të vazhdojmë me përkushtim në rrugën e ngritjes profesionale dhe të përgatitjes së kuadrove cilësore për tregun e punës.

Urime nxënëseve për këtë arritje të merituar dhe suksese të mëtejshme në garat shtetërore!

25/12/2025

🎓👥Nxënësit e Shkollës së Mesme “Saraj” – Shkup morën pjesë në manifestimin festiv të Vitit të Ri në qytetin e Shkupit, ku përmes këngëve festive dhe interpretimeve artistike dhanë një kontribut të çmuar në krijimin e një atmosfere festive dhe dinjitoze. 🎄

🎶✨ Me një përzgjedhje të kujdesshme dhe plot ndjeshmëri artistike, u interpretuan këngët “Asaman trëndafili çelës”, “Oj hanë” dhe “Fshatarja ime”, duke zgjuar emocione, kujtesë dhe respekt për traditën tonë muzikore. Performancat e tyre u pritën me interes dhe vlerësim nga publiku, duke e bërë këtë ngjarje edhe më të veçantë. 🎺

🎷Institucioni ynë shpreh mirënjohje dhe krenari për angazhimin, përkushtimin dhe talentin e nxënësve dhe mësimdhënësve, të cilët vazhdojnë të përfaqësojnë denjësisht shkollën tonë dhe të promovojnë artin, kulturën dhe vlerat edukative në aktivitete publike.