СОУ “Ѓорче Петров„-Прилеп

Home
Macedonia
Prilep
СОУ “Ѓорче Петров„-Прилеп

Средно општинско училиште

08/09/2026

Татковината е повеќе од место на картата.
Таа е јазикот што го зборуваме, местата што ги препознаваме со затворени очи и чувството дека некаде припаѓаме.
Ја градиме со знаење, ја чуваме во напишаниот збор и ја оставаме како приказна на генерациите што доаѓаат. 📖❤️

Нека ни е честит Денот на независноста! 🇲🇰

01/09/2026

📚✨ Среќна нова учебна година! ✨📚

Нека оваа учебна година биде исполнета со нови знаења, убави пријателства, успех и многу насмевки!
Верувајте во себе, бидете храбри и секој ден чекорете кон своите соништа. 🌟

Среќен почеток, драги ученици! ❤️
Денес ученик – утре СТРУЧЊАК! 🎓

29/08/2026

Драги ученици, почитувани родители
Ви соопштуваме дека на 01.09.2026 г. во вторник стартува новата учебна година 2026/2027, со следниот распоред:
👉Учениците од ПРВА година почнуваат во 07:30
👉Учениците од ВТОРА година почнуваат во 08:30
👉Учениците од ТРЕТА година почнуваат во 09:30
👉Учениците од ЧЕТВРТА година почнуваат во 10:30
Ви посакуваме среќен почеток🍀🍀

18/08/2026

Ве очекуваме 🍀

17/08/2026

Почитувани матуранти,
Со гордост ви ги доделуваме дипломите за генерацијата 2025/2026, како признание за вашиот труд, истрајност и сите моменти што ги споделивте во текот на средношколските години.
Пред вас се нови предизвици, нови соништа и многу можности. Следете го својот пат со храброст, верба во себе и пред сè – останете добри луѓе.
🍀Честитки, драги матуранти! Ви посакуваме успех, среќа и храброст да ги остварите сите ваши соништа!

✨Со гордост испраќаме уште една прекрасна генерација – 2025/2026.✨

30/06/2026

🌟 УСПЕШНАТА СОРАБОТКА ПРОДОЛЖУВА: ДОДЕЛЕНИ БЛАГОДАРНИЦИ ЗА ТИМОТ „ГЕРИО ХЕЛП“! 🌟Со огромно задоволство ја известуваме јавноста дека нашата успешна соработка со Здружението „Центар за развој и едукација“ продолжува со полн ек! во рамки на ова партнерство, на свечен настан беа доделени благодарници за вредните ученици-волонтери од тимот „Герио Хелп“ од нашето училиште, СОУ „Ѓорче Петров“ – Прилеп. 🤝❤️
Преку инспиративната Service Learning иницијатива „Old but Gold“, нашите млади волонтери донесоа бесценета радост, грижа и поддршка за повозрасните сограѓани, докажувајќи дека хуманоста и меѓугенерациската солидарност се движечка сила на заедницата.
✨ ГОЛЕМА БЛАГОДАРНОСТ ДО НАШИТЕ ПОДДРЖУВАЧИ! ✨Оваа благородна мисија немаше да биде целосно остварлива без институционалната поддршка на локалните самоуправи. Упатуваме срдечна благодарност до:
🏛️ Општина Прилеп
🏛️ Општина Кривогаштани
Ви благодариме што го препознавте потенцијалот на нашите млади, што застанавте зад нивната иницијатива и што заеднички придонесуваме за унапредување на квалитетот на животот на повозрасните лица и промоција на здравите животни навики.Горди сме на нашите ученици кои учат преку искуство и кои со својот ентузијазам се вистински амбасадори на позитивни промени! Продолжуваме понатаму со уште поголеми заеднички успеси! 🏁☂️🧶 #СОУЃорчеПетров #ГериоХелп #ЦентарЗаРазвојИЕдукација #ОпштинаПрилеп #ОпштинаКривогаштани #Волонтеризам #МеѓугенерацискаСолидарност

29/06/2026

Денес, 29.6.2026г., членовите на ,,СЛОБОДНО ТЕАТАРЧЕ" - Драмската секција на СОУ,,Ѓорче Петров" Прилеп, директорката на училиштето, Жанета Видевска и менторот на секцијата, Билјана Тинтоска, беа на прием кај градоначалникот на Општина Прилеп, г-н Дејан Проданоски. Градоначалникот ја пофали заложбата на учесниците во филмот,,Девојките на Марко", нивната посветеност, пожртвувана работа и креативност, што резултираа со полна сала и задоволна публика. Градоначалникот го истакна значењето на оваа ученичка посветеност за напредокот на нашиот град и изрази благодарност и верба во идни вакви и уште поголеми дела. Средбата беше и разговор со актерите и целиот тим, за нивните искуства од подготовките на филмот, а свои впечатоци изнесоа и директорката и менторката. Градоначалникот ја закити средбата со Пофалница и Плакета за ,,СЛОБОДНО ТЕАТАРЧЕ", а го искажа и своето задоволство од дружбата со вакви креативни, пожртвувани и одговорни млади луѓе кои ја испишуваат историјата на нашиот град.

26/06/2026

📌Вечерва во пријатна и релаксирана атмосфера, во паркот кај Могилата на непобедените, од страна на градоначалникот и Општина Прилеп им беа доделени ваучери на нашите ученици коишто во текот на оваа учебна година освоија награди на државни натпревари, како и пофалница на првенецот на генерацијата. И сите добија значка "амбасадор на знаењето 2025/2026". За забавниот дел се погрижи нашиот бенд The doctors и нашата DJ Ангела. Благодарност до Локалната самоуправа за континуираната поддршка којашто што ја добиваме во сите сфери на работењето на училиштето. Честитки до наградените ученици и до нивните ментори.
Благодарност до нашите музичари коишто се одзваа на поканата да учествуваат на овој прекрасен настан. Навистина сите тие се амбасадори на знаењето и
наша гордост🍀

24/06/2026

📌Психологот Маја Димоска-Јандреска и професорката Лора Трајкоска-Николоски успешно ја следеа обуката
,, Јакнење на капацитетите на стручните лица за превенција за употреба на дроги во училиштата”
организирана во рамките на проектот „ Воспоставување на национален систем за превенција од употреба на дроги во училиштата“
поддржан од Европска унија, програма Европски инструмент за демократија и човекови права ( EIDHR).
Обуката се одржа во хотел „Милениум“ во Битола од 22.06.2026 -25.06.2026
👉Оваа обука овозможи продлабочување на знаењата, развој на нови компетенции и размена на искуства меѓу учесниците, со цел поефикасно справување со предизвиците поврзани со превенцијата на употребата на дроги кај младите.
👉Со континуирана едукација и професионален ангажман, придонесуваме кон создавање безбедна, здрава и позитивна училишна средина во која секој ученик има можност за правилен раст и развој.
ХОПС - Опции за здрав живот Скопје

Address

Улица Октомввриска бб
Prilep
7500

Website

http://gorcepetrov.mk/

Alerts

Be the first to know and let us send you an email when СОУ “Ѓорче Петров„-Прилеп posts news and promotions. Your email address will not be used for any other purpose, and you can unsubscribe at any time.

Contact The School

Send a message to СОУ “Ѓорче Петров„-Прилеп:

Want your school to be the top-listed School/college in Prilep?