ООУ „Добре Јованоски“ Прилеп

28/08/2026

24/08/2026

Нашите ученици и наставници ќе се вратат побогати со нови искуства, знаења и вештини од интеркултурната размена на ученици во Троген-Швајцарија .
Голема благодарност до МЦГО и Песталоци за укажаната можност да се стекнат учениците со нови знаења.

02/07/2026

Екскурзија - СОНК - ООУ ,,Добре Јованоски".

25/06/2026

Учебната година заврши на најубав можен начин со насмевки, радост и незаборавни спомени. Денес нашите прекрасни ученици од петто и седмо одделение ја валоризираа големата награда Гранд При, освоена по повод карневалот Прочка. Од срце упатуваме огромна благодарност до Општина Прилеп и до градоначалникот Дејан Проданоски за несебичната поддршка и прекрасната можност нашите ученици да поминат еден волшебен ден во бисерот на Македонија – Охрид.
Исполнети со детска возбуда, љубопитност и искрени насмевки, заедно со своите посветени наставници, тие доживеаја едно незаборавно патување кое ќе остане длабоко врежано во нивните срца. Овие моменти се најубавата награда за вложениот труд, креативност и заедништво и се силен поттик следната година да бидат уште помотивирани, посмели и поуспешни во освојувањето на нови признанија и успеси.
Голема благодарност до сите ученици и наставници кои беа дел од оваа прекрасна, инспиративна и успешна приказна. Заедно докажавме дека кога има љубов, труд и тимски дух , успесите сами го наоѓаат својот пат.
Нека овие спомени бидат само почеток на уште многу убави мигови и нови победи!

10/06/2026

На државниот натпревар по физика ученикот Димитриј Спиркоски од 8-2 одд. зеде пофалница. Посакуваме поголем успех во иднина.

10/06/2026

Првенец на генерацијата 2017–2026 🎓

Со особена чест и гордост објавуваме дека за првенец на генерацијата 2017–2026 во ООУ „Добре Јованоски“ – Прилеп е избрана ученичката Анастасија Глигороска од 9-2 одд.калсен раководител Јагода Волческа, која со својата посветеност, трудољубивост, одлични училишни постигнувања и активно учество во воспитно-образовниот процес го заслужи ова престижно признание.

Во изборот за првенец на генерацијата учествуваше и ученичката Исидора Боризоска од 9-2 одд.класен раководител Јагода Волческа, која исто така покажа извонредни резултати, посветеност и успеси во текот на своето основно образование. Нејзиното учество во изборот е потврда за нејзиниот континуиран труд и залагање.

Упатуваме искрени честитки до двете ученички за нивните постигнувања, како и до нивните родители и наставници кои несебично ги поддржуваа на патот кон успехот.

Ви посакуваме многу нови успеси, исполнети со знаење, упорност и остварени соништа!

09/06/2026

„Заедно во боите на другарството“
Со многу насмевки, радост и искрени емоции, денес ООУ „Добре Јованоски“ од Прилеп ја заокружи уште една успешна учебна година.
Преку песна, игра, дружење и заеднички моменти, нашите ученици покажаа дека вистинското богатство на училиштето не се само знаењата што ги стекнуваат, туку и пријателствата што ги градат. Заедно со своите наставници, тие ја претставија посветеноста, трудот и љубовта вложени во текот на целата година.
Денешниот настан беше потсетник дека секој успех е поубав кога се споделува, а секоја насмевка е повредна кога доаѓа од срце.
Горди сме на сите наши ученици и наставници кои секојдневно ги бојат училишните денови со добрина, почит и другарство.
Ви благодариме за прекрасната учебна година исполнета со незаборавни спомени!
#ЗаедноВоБоитеНаДругарството #ООУДобреЈованоски #Прилеп #КрајНаУчебнаГодина #Другарство #УчилиштеСоСрце 💙💛💚❤️💜

04/06/2026

Успешно реализиран завршен настан по програмата „Општествено-хуманитарна работа“.

Со голема гордост го реализиравме завршниот настан на учениците од VII одделение, на кој беа презентирани активностите спроведени во текот на учебната година во рамките на програмата „Општествено-хуманитарна работа“.

Преку различни работилници, проекти, хуманитарни акции и општествено корисни активности, учениците покажаа одговорност, креативност, солидарност и подготвеност да придонесат за доброто на заедницата. Во соработка со наставниците и стручните соработници, тие стекнаа нови знаења, развијаа важни животни вештини и ја потврдија важноста на хуманоста, емпатијата и тимската работа.

Им честитаме на сите ученици за нивниот труд, ангажман и посветеност, а благодарност упатуваме и до наставниците, стручните соработници и родителите за нивната поддршка и соработка.
Заедно градиме одговорни, хумани и активни млади луѓе!

04/06/2026

Со голема радост ги пречекавме дечињата од градинката кои наскоро ќе станат првачиња!

Во пријатна и весела атмосфера тие имаа можност да ги посетат училниците, да се запознаат со училиштето, наставниците и учениците, како и да почувствуваат дел од училишниот живот што ги очекува од септември.

Нивните насмевки, љубопитност и позитивна енергија го исполнија нашето училиште со радост. Се надеваме дека оваа посета ќе им остане убав спомен и ќе го направи нивниот прв училишен ден уште повозбудлив.