SHMK "Negotine" - Faqja Zyrtare

10/06/2026

Në prag të periudhës së regjistrimeve, semimaturantët ftohen të ndjekin me vëmendje afatet e regjistrimit në Shkollën e Mesme Komunale “Negotinë”. Shkolla ofron mundësi për arsimim cilësor dhe përgatitje profesionale, duke krijuar një bazë të fortë për zhvillimin e mëtejshëm arsimor dhe profesional të të rinjve.

Ju dëshirojmë suksese në këtë proces të rëndësishëm dhe ju inkurajojmë të bëni një zgjedhje të mirëfilltë për të ardhmen tuaj.

05/06/2026

MATURA SHTETËRORE – GJUHË ANGLEZE

Të nderuar maturantë,

Nesër 06.06.2026 zhvillohet provimi i Maturës Shtetërore në lëndën e Gjuhës Angleze. Ju lutemi të paraqiteni me kohë dhe t’u përmbaheni të gjitha rregullave dhe udhëzimeve të përcaktuara nga Qendra Shtetërore e Provimeve.

Ju dëshirojmë shumë suksese dhe rezultate të shkëlqyera.

Suksese të gjithëve!

SHMK “Negotinë"

03/06/2026

Të nderuar semimaturantë,
Data e regjistrimeve po afrohet! Zgjidhni profesionin e së ardhmes dhe bëhuni pjesë e SHMK “Negotinë”

👩‍⚕️ Drejtimi:Mjekësi-Motër Medicinale
Një profesion human, i kërkuar dhe me perspektivë!
📚 Drejtimi: Gjimnaz
Përgatitje cilësore për vazhdimin e studimeve në universitete të ndryshme.
Investoni në dijen, profesionin dhe të ardhmen tuaj!
Regjistrohu në SHMK “Negotinë” dhe ndërto rrugën drejt suksesit!
📞 Për informata shtesë, na kontaktoni ose na vizitoni në shkollë.

SHMK “Negotinë” – Vendimi i duhur për të ardhmen tuaj!
Afatet e rregistrimeve⬇️

25/05/2026

🎓✨ Mbrëmja e maturës – Prom Night 2026 në SHMK “Negotinë” u realizua me shumë emocione, buzëqeshje dhe kujtime të paharrueshme.
Një falënderim i veçantë për të gjithë maturantët tanë për sjelljen, energjinë dhe atmosferën e mrekullueshme që krijuan gjatë kësaj nate speciale. 🌟
Mirënjohje të sinqertë edhe për kujdestarët e klasave, profesorët dhe stafin e shkollës për përkushtimin dhe mbështetjen e vazhdueshme gjatë gjithë rrugëtimit të maturantëve tanë.
Ju urojmë maturantëve shumë suksese në hapat e ardhshëm të jetës! 🎉📚

19/05/2026

🚌 Gjatë këtij vikendi, nxënësit tanë realizuan me sukses ekskurzione edukative dhe argëtuese në Durrës, Tiranë dhe Ulqin. ☀️✨
Përveç momenteve të bukura dhe argëtimit, nxënësit patën mundësi të njohin nga afër kulturën, historinë dhe bukuritë e vendeve të vizituara, duke krijuar kujtime të paharrueshme me shokët dhe profesorët e tyre. 📸❤️
Falënderojmë profesorët dhe të gjithë nxënësit për atmosferën pozitive, disiplinën dhe bashkëpunimin gjatë gjithë udhëtimit.

15/05/2026

13/05/2026

🏥 Në kuadër të International Nurses Day, shkolla jonë realizoi aktivitete të ndryshme të organizuara nga nxënësit e drejtimit të mjekësisë. 🩺

Gjatë këtij aktiviteti, nxënësit realizuan prezantime edukative dhe demonstrime praktike lidhur me profesionin e infermierisë, kujdesin ndaj pacientëve dhe procedurat bazë infermierore. Përmes këtyre aktiviteteve synohej rritja e vetëdijes mbi rëndësinë e infermierëve në sistemin shëndetësor, zhvillimi i aftësive profesionale, si dhe promovimi i humanizmit, përgjegjësisë dhe punës ekipore te nxënësit.

Aktivitetet si prezantimet edukative, demonstrimet praktike, simulimi i situatave të ndryshme, si dhe diskutimet e ndryshme, kishin për qëllim të nderojnë dhe vlerësojnë kontributin e infermierëve në kujdesin dhe mbrojtjen e shëndetit të njerëzve.

Në këtë aktivitet morën pjesë nxënësit e viteve të para dhe të dyta, nën monitorimin e prof. Fatime Hasani,Liridona Bexheti dhe Izet Xheladini

12/05/2026

12/05/2026

🏫 Sot në SHMK “Negotinë” u organizua me sukses Dita e Hapur, me praninë e semimaturantëve ,drejtorëve të shkollave fillore të komunës së Vrapçishtit, përfaqësuesve të sektorit të arsimit në komunë, prindërve dhe shumë vizitorëve.

Semimaturantët për së afërmi u njoftuan me profesorët e shkollës sonë,kushtet, hapësirat shkollore , ambientin që e ofron shkolla jonë.

Një faleminderim i sinqertë për të gjithë profesorët dhe stafin e shkollës për angazhimin, përkushtimin dhe organizimin e shkëlqyer të këtij aktiviteti. 👏👏👏

Në veçanti falënderojmë nxënësit dhe maturantët tanë, të cilët me energjinë, prezantimet dhe mikpritjen e tyre e bënë këtë ditë edhe më të veçantë dhe frymëzuese për të gjithë pjesëmarrësit. 🌟

Së bashku po ndërtojmë një shkollë moderne dhe një të ardhme më të mirë për të rinjtë tanë!
Me respekt , Drejtor
Fatmir Rakipi