ООУ „Страшо Пинџур“ - Неготино

Денес учениците од петто одделение од ООУ ,, Страшо Пинџур”- ПУ с. Криволак учествуваа на интеркултурен настан под мотото
,, Да ја прифатиме различноста, затоа што таму започнува заедништвото”, организиран од Црвен крст - Неготино, во СОУ Св. ,,Кирил и Методиј”- Неготино.
Преку различни активности, музика, игри, танци, традиции и креативни изведби, учениците имаа можност да ја почувствуваат убавината на различностите и значењето на почитта, толеранцијата и пријателството.
Учеството во вакви настани придонесува за развој на позитивни вредности, тимска работа и градење дух на заедништво меѓу учениците. 🌏✨🍀

Денес, учениците од прво одделение, заедно со своите наставнички реализираа наставна посета, практично учење и интеграција со наставниот предмет- Општество. Тие ги посетија фабриката за алва ,,Росал ДС"; фурна ,,Шишкови"; црквата и основното училиште во с. Тимјаник. Голема благодарност за сите нив, за топлиот прием и гостопримство. 🙂

Со голема чест и гордост нашиот град беше домаќин на Државното првенство во кошарка – женски, во организација на Федерација за училишен спорт. Нашето училиште ја имаше привилегијата да биде домаќин на овој значаен спортски настан и да учествува со своја екипа, предводена од наставничката Сузана Андонова.

Настанот свечено го отвори градоначалничката Марија Нацева, а присутните ги поздравија директорката на училиштето Љубица Толовска и претседателката на Федерацијата за училишен спорт Елена Мицковска, со што му беше дадена посебна важност и тежина на овој спортски празник.

Нашите ученички одиграа со срце, тимски дух и голема посветеност, освојувајќи го одличното второ место. Иако овој пат не го освоивме првото место, покажавме дека сме силен тим, подготвен за нови предизвици и уште поголеми успеси.

Честитки за нашите кошаркарки за постигнатиот резултат! Вистинската победа е во трудот, заедништвото и желбата да се биде подобар секој ден. Ова е само чекор поблиску до врвот – следниот пат целиме уште повисоко! 🏀👏

Учениците од 4 одд.беа во посета на компанијата Ри-Ле Декор од Пепелиште,каде се запознаа со процесот на преработка на дрво и изработка на разновидни дрвни производи кои наоѓаат свое место на пазарите низ Европа .Со посебно задоволство учениците ги разгледаа сите изработки па и самите пројавија желба да учествуваат во нивната реализација.
Им Благодариме на љубезните домаќини и им посакуваме уште многу години успешна работа.

На ден во 28.04.2026 нашето училиште се реализираше Едукативна работилница за аматерски филм од 5 Филмска школа СТЕФАН СИДОВСКИ СИДО во организација на Народна техника на Македонија, Кино сојуз на Македонија, градоначалник Марија Нацева, општина Неготино и секако ООУ ,,Страшо Пинџур"-Неготино. На настанот се обратија градоначалничката Марија Нацева, директорот на Народна техника на Македонија Пере Митрев, директорката на ООУ Страшо Пинџур Љубица Толовска, началникот за образование на општина Неготино Цветанка Емшова а предавачи на работилницата беа М.А.Ф Петре Чаповски и М.А.Ф Јане Темелковски од Кино сојуз на Македонија и Народна техника на Македонија. Учесници во оваа работилница беа ученици од 7 одд. заедно со наставничката Маја Атанасова.

Регионален натпревар по Македонски јазик и литература

На Регионалниот натпревар по Македонски јазик и литература, одржан на ден 25.04.2026 година, нашите ученици успешно го претставија училиштето, постигнувајќи ги следните резултати:

IX одделение

Ана Николова, 78 поени
(пласман на Државен натпревар)

Ева Марија Петров, 67 поени (успешно учество)

Ментор: Милена Златковиќ

VIII одделение

Александра Хаџиска, 83 поени (пласман на Државен натпревар)

Ева Ганчева, 67 поени
(успешно учество)

Ментор: Билјана Димова

Им честитаме и им посакуваме голем успех и на Државниот натпревар.

Горди сме на нашите ученици! ❤️
На натпреварот по Прва помош тие блеснаа со знаење и тимска работа и освоија екипно прво место!👏👏👏

Ова достигнување е доказ дека хуманоста, посветеноста и вештините што ги стекнуваат се од огромно значење.

Овој успех е повеќе од награда — тој е доказ за нивната хуманост, подготвеност да помогнат и способност да реагираат кога е најпотребно. Првата помош не е само вештина, туку вредност што спасува животи и гради одговорни и солидарни личности.

Денес учениците од 9б одделение заедно со наставничката Јованка Паункова беа во едукативна посета на Центарот за култура Ацо Ѓорчев - Неготино, во рамки на наставната програма по предметот "Истражување на родниот крај".
За време на посетата, учениците имаа можност да се информираат за работата на Центарот за култура, како и за бројните културни настани, изложби и активности што се организираат таму. Преку разговор и разгледување, тие го продлабочија своето знаење за историјата и културниот живот на својот роден крај.

Ваквите теренски активности претставуваат значаен дел од наставниот процес, бидејќи поттикнуваат интерес, љубопитност и активно учење кај учениците. Посетата помина во пријатна и работна атмосфера, оставајќи позитивен впечаток и нови сознанија кај сите учесници.

Со учениците од 9-то одделение, во рамки на програмата за професионална ориентација, реализиравме посета на Инка Кабли Неготино.
Оваа посета претставуваше одлична можност учениците одблиску да се запознаат со реалниот процес на работа, различните професии и можностите што ги нуди индустријата. Преку директен контакт со вработените, тие добија корисни информации кои ќе им помогнат при изборот на нивниот понатамошен образовен и кариерен пат.
Голема благодарност до Инка Кабли Неготино – една од општествено одговорните компании, која секогаш ни излегува во пресрет и несебично ги поддржува активностите на нашето училиште.
Со вакви соработки продолжуваме да градиме мост помеѓу образованието и реалниот сектор, во интерес на нашите ученици.

Кога технологијата и природата ќе се сретнат се добиваат паметни зелени простори. Активностите од Еразмус+ проектот Smart Green Spces се објавени и дисеминирани на блогот на scientix.

Scientix blog - Growing Smart Green Spaces at School The Smart Green Spaces project combines STEM and sustainability education to transform school gardens into interactive learning enviroments