ООУ "Христијан Карпош" с. Младо Нагоричане

27/08/2026

02/07/2026

🎓 Свечено доделување на свидетелства и незаборавен ден за нашите ученици од ПУ с. Бајловце! 🎓

Со многу насмевки, радост и гордост ја заокруживме уште една успешна учебна година. На свечен начин им беа доделени свидетелствата на нашите ученици, како признание за нивниот труд, посветеност и постигнатите успеси во текот на годината.

Овој ден беше исполнет со убави емоции, искрени честитки и желби за нови успеси. Им честитаме на сите ученици за нивната истрајност и им посакуваме безгрижно, весело и исполнето лето, со многу игра, дружење и незаборавни моменти.

Посебна благодарност упатуваме до Александар Денковски, наш иселеник во Америка, кој потекнува од с. Бајловце. Иако живее далеку од родниот крај, тој не ги заборава своите корени и со големо срце повторно покажа дека љубовта кон татковината и грижата за најмладите немаат граници.

Благодарение на неговата хуманост и несебична поддршка, секое дете доби пригоден подарок, што донесе искрени насмевки и голема радост кај учениците. Овој благороден гест е уште еден доказ дека добрината и хуманоста оставаат траен белег во срцата на најмладите.

Од срце му благодариме на Александар Денковски за неговата дарежливост, човечност и континуирана поддршка. Му посакуваме добро здравје, среќа и успех, со надеж дека и понатаму ќе остане пример за хуманост и поврзаност со родното место.

На сите наши ученици им честитаме за успешно завршената учебна година и им посакуваме многу успех во иднина!

📚🎉 Честит распуст и убаво лето!

11/06/2026

Горди на нашата ученичка Анастасија Трајковска за постигнатиот резултат од Државниот натпревар по природни науки, одржан на 7.Vl 2026 година на Природно математички факултет-Скопје, каде што со знаење, посветеност и труд освои lll награда.
Честитки за постигнатиот успех!
На сите ученици им посакуваме убав и весел летен распуст.

02/06/2026

Од отворениот ден во СОУ "Киро Бурназ" во Којнаре

26/05/2026

Во чест на одбележувањето на денот посветен на Светите Кирил и Методиј, во нашето училиште се одржа кратка презентација. Се осврнавме на животот и дејноста на сесловенските просветители, значајни за развојот и ширењето на писменоста кај Словените, како и на културното наследство што ни го оставиле.

21/05/2026

Еднодневен излет на учениците од нашето училиште

13/05/2026

Во насока на успешна соработка меѓу нашето училиште и институциите од локалната заедница, денес беше изведена показна вежба за евакуација во случај на пожар во училишната зграда. Дополнително, пожарникарската служба обезбеди едукативно предавање за постапување при евентуален пожар и на отворено место. Содржината на настанот освен што е корисна, наиде на голем интерес меѓу учениците.

10/05/2026

Учениците и наставниците од нашето училиште активно се вклучија во еко-акцијата и оваа година повторно беа дел од „Generalka Weekend“. Со заеднички труд и голем ентузијазам се реализираше чистење на училишниот двор и просторот околу училиштето, а паралелно беа спроведени и повеќе активности насочени кон подигнување на еколошката свест и зачувување на животната средина.

07/05/2026

По повод Денот на македонскиот јазик и Денот на македонската азбука 5 мај, учениците од нашето училиште изработија хамер со содржини посветени на потеклото и значењето на македонскиот јазик и писмо. Со оваа креативна изработка учениците ја изразија љубовта и почитта кон македонскиот јазик, но и ја истакнаа важноста од неговото негување и зачувување.

04/05/2026

Денеска во нашето училиште се одржа едукативна работилница по повод 123 години од загинувањето на големиот визионер Гоце Делчев. Учениците преку креативни изработки и дискусии се потсетија на неговиот живот и историското значење за македонскиот народ. Со голем интерес се истражуваа неговите пораки за слобода и светот како поле за културен натпревар меѓу народите. Преку цртежи и лични творби, секој ученик оддаде почит кон ликот и делото на апостолот на македонската револуција. Овој настан уште еднаш покажа дека идеалите на Делчев остануваат силна инспирација за младите генерации.