ETIK - Evangelsko Teološki Institut Kumanovo

Денеска нашиот студент Роберт Шаламанов официјално ја прими својата диплома за завршено вишо теолошко училиште при ЕТИК - Евангелско теолошкиот институт Куманово и во таа пригода беше ракоположен за служба пастор на Евангелска црква во Радовиш. Нека Господ изобилно ги благослови него и неговото семејство, за да имаат благословена служба и да бидат голем благослов за жителите на Радовиш и пошироко.

Денеска, Роберт Шаламанов ја одбрани својата дипломска работа со наслов: "Зависност од наркотици и други видови зависност (Анализа на причините и последиците и можно христијанско решение за проблемот од зависност)" пред менторот професор д-р Сашо Георгиевски и членот на комисијата м-р Марино Мојтиќ. Со положени 20 испити, 4 семинарски и дипломска работа, Роберт го заврши вишото теолошко училиште на ЕТИК - Евангелско-теолошкиот институт Куманово, и се стекна со звање теолог. Роберт Шаламанов е од Штип, но веќе неколку години, заедно со својата сопруга, служи во Евангелска Црква Радовиш. Се радуваме на неговиот успех и се молиме Господ моќно да го употреби неговото знаење и ревност за служба Божја во Радовиш и пошироко.