Вук Караџиќ

01/09/2026

И оваа учебна 2026/7година ја започнавме со убава енергија и голема радост. Првиот училиштен ден е посебен за сите ученици, а особено за нашите мили првачиња кои со голема возбуда ја очекуваа првата средба со учителката и нивните другарчиња. Средба којашто ќе им биде врежана во сеќавањата како важен спомен. Им приредивме срдечно добредојде во нашето семејство и им посакавме многу успех во учењето, а училиштето да им биде втор дом како што заслужува секој ученик. Ученици, првачиња, среќно! 🏫📖📚✏️📜✒️🍀

27/08/2026

08/07/2026

Нашите ученици, Марија и Дамјан, преку проектот „Среќа“ престојуваат на бесплатно летување во Копер, Словенија.

11/06/2026

УЧЕНИК НА ГЕНЕРАЦИЈА

Со особена чест и гордост ве известуваме дека за Ученик на генерација е прогласена ученичката Јана Јовановска од IX-1 одделение.

Со својата посветеност, одличен успех, примерното однесување и активното учество во наставните и воннаставните активности, Јана остави значаен белег во напредокот на нашето училиште и заслужено го понесе ова престижно признание.

Јана е пример за труд, упорност и одговорност, а нејзините успеси претставуваат гордост за училиштето, наставниците, соучениците и семејството.

Од срце ѝ честитаме на ова големо признание и ѝ посакуваме многу успех, среќа и нови достигнувања во понатамошното образование и животот.

Честитки, Јана! Горди сме на тебе! 🎓🌟

06/06/2026

По повод 6 јуни – Денот на рускиот јазик, нашите ученици учествуваа на креативен конкурс организиран од Руски центар при Универзитетот „Св. Кирил и Методиј“ во Скопје. За својот труд, креативност и ангажман беа наградени со дипломи за учество.

04/06/2026

04/06/2026

Дваесет и два ученика од десет општински основни училишта под менторство на своите наставници деновиве твореа во рамките на петтото издание на детската ликовна ко...

02/06/2026

Денеска нашата ученичка Лаура Митровска од 8 одд.освои прва награда под менторство на наставничката Марија Величковска, а успешно се претстави и Јована Тасевска на традиционалната културно – уметничка манифестација „Детска ликовна колонија Пчиња 2026". Манифестацијата се одржува по петти пат во Туристичко - информативен центар во с.Пчиња, со поддршка на Општина Куманов,а во организација на здружението,,Мајка". Посетителите имаа можност да ги разгледаат и да уживаат во прекрасните уметничките дела на тема: “Убавините на реката Пчиња и Бислимската Клисура”, Делата беа изработени во разни ликовни техники од страна на 22 ученици од 10 општински основни училишта, кои твореа под водство на своите наставници-ментори. Честитки до учениците и менторот за постигнатиот успех!