04/11/2025
👏👏
Изминатиот викенд во 5 градови низ Македонија беше одржан првиот Мастерс квиз за оваа сезона на кој учествуваа повеќе од 30 натпреварувачи.
Најдобар резултат оствари Бари Исени со освоени 126 поени, второпласиран беше Филип Гогу со 112 поени, додека третото место му припадна на Илија Стевков со 107 поени.
Најдобар резултат во поединечна тема во официјалниот дел имаа Бари Исени на тема историја и Илија Стевков на тема спорт и игри со по 21 освоен поен. Исени исто така имаше најдобар резултат и на темите наука (19), свет (19) и култура (16). На забава најдобар резултат имаше Ане Тунтев (17 поени), на медиуми најдобар беше Стефан Стошиќ (16 поени), додека на животен стил најдобри беа Филип Гогу и Горјан Наџински (14 поени). Вреден резултат да се спомене е и резултатот на нашиот пријател од Варна, Димитар Георгиев, кој имаше 22 поени на тема историја.
Според просечната решеност по теми, најдобар резултат натпреварувачите остварија на тема историја (10,57), а следат спорт и игри (9,9), забава (9,33), животен стил (9,07), свет (8,83), наука (8,8), култура (8,37), додека најслаб резултат имаа на тема медиуми (6,07).
МКА на сите натпреварувачи им честита на остварените резултати, а на сите наши следачи им порачува да ги следат нашите активности за да бидат информирани за сите наредни квизови.
Исто така, би сакале да упатиме благодарност и до авторот на квизот, Мартин Мајк Петрески, за вложениот труд и време во изработката на овој квиз.
