ОСУ "Мирко Милески" Кичево

11/06/2026

ℹ️Утре започнуваат уписите во јавните средни училишта во учебната 2026-2027 година. Пријавување како и во изминатите години е електронски и се спроведува преку порталот e-uslugi.mon.gov.mk, каде што учениците се најавуваат со веќе постоечките кориснички сметки на schools.mk.

Првото пријавување на учениците во јунскиот уписен рок ќе се врши од 12 до 15 јуни, а доставувањето на потребната документација до училиштата е на 16 и 17 јуни. Конечната ранг листа со резултатите од запишувањето и слободните места, училиштата треба да ја објават на 18 јуни.

Второто пријавување во јунскиот уписен рок е на 23 јуни, додека доставувањето на потребната документација до училиштата е на 24 јуни. Третото пријавување е на 20 август.

Конкурсот со слободните места и јавните средни училишта учениците можат да го најдат на следниот линк: https://mon.gov.mk/mk-MK/konkursi-i-stipendii/konkursi-mon/konkurs-za-zapisuvanje-ucenici-vo-javnite-sredni-ucilista-za-ucebnata-20262027-godina-vo-republika-severna-makedonija .

За учениците од голема помош при изборот, може да биде онлајн водичот за квалификации - https://kvalifikacii.crso.gov.mk/ , кој ќе им овозможи да донесат информирана и правилна одлука за струката во која ќе продолжат да се едуцираат и понатаму да работат.

Среќно!

Утре започнува електронското запишување на учениците во јавните средни училишта

Nesër fillon regjistrimi elektronik i nxënësve në shkollat e mesme publike

https://mon.gov.mk/mk-MK/odnosi-so-javnost/soopstenija/zapocnuvaat-upisite-vo-sredno-obrazovanie

10/06/2026

03/06/2026

📢 ИЗВЕСТУВАЊЕ 📢

Се информираат сите ученици од завршните класови (од IV година и од клас III-14 ) дека на огласната табла во училиштето се истакнати списоците за полагање на државна стручна матура и државна матура по предметите Англиски јазик и Математика.

Ги замолуваме сите ученици навремено да се информираат и внимателно да ги проверат своите податоци.

02/06/2026

Со особена чест и благодарност, денес во ОСУ „Мирко Милески“ – Кичево беше одбележан значаен момент – пензионирањето на нашиот почитуван професор по Ликовна уметност, Мирослав Крстески.
По долгогодишна посветена работа, исполнета со креативност, професионалност и искрена љубов кон учениците и уметноста, професорот Крстески го завршува своето успешно работно патување, оставајќи неизбришлива трага во нашето училиште и во генерациите ученици кои ги воспитуваше и инспирираше.
По тој повод, директорот Бранислав Стојаноски свечено му го врачи Решението за пензионирање, изразувајќи искрена благодарност за неговиот значаен придонес во развојот и афирмацијата на училиштето, како и за неговата несебична посветеност во образовниот процес.
Во име на колективот на ОСУ „Мирко Милески“, му посакуваме на професорот Miroslav Miro Krsteski добро здравје, многу среќа, лична исполнетост и уште многу години исполнети со инспирација, творештво и убави моменти во заслужените пензионерски денови.
Ви благодариме за сè што направивте за нашето училиште и за вашата благородна мисија во образованието. Вашето дело ќе остане траен дел од историјата на ОСУ „Мирко Милески“ – Кичево.
Среќна пензија, професоре Крстески!

29/05/2026

🎨Првата фаза од проектот #успешниприказни ја заокружуваме денес со деканот на Ликовната академија при Универзитетот „Гоце Делчев" - Штип проф. д-р Слободан Милошески.

Неговата богата и успешна кариера нѐ прави горди што бил наш ученик и му посакуваме уште повисоки академски достигнувања во иднина!

29/05/2026

🎓Отворен ден во ОСУ „Мирко Милески“ - Кичево 🎓

Денес нашето училиште беше исполнето со енергија, насмевки и нови соништа!
Со голема радост ги пречекавме полуматурантите од Општина Кичево и Општина Пласница, кои имаа можност одблиску да го почувствуваат духот на ОСУ „Мирко Милески“.

📚 Преку интересни презентации, креативни штандови и практични активности, учениците се запознаа со гимназиското образование и стручните профили, како и со можностите што ги отвора образованието.

🚀 Твојата иднина започнува денес!
🌟 Избери знаење. Избери успех. Избери пат што води кон твоите соништа!

🏫 Добредојде во ОСУ „Мирко Милески“ - Кичево!

28/05/2026

ОСУ „Мирко Милески“ – Кичево денеска ги отвори вратите за идните средношколци, организирајќи успешен Отворен ден исполнет со креативност, презентации и

27/05/2026

📍Со посебна гордост денес претставуваме уште една од низата #успешниприказни. Д-р Давор Јанкулоски е наш драг поранешен ученик, а сегашен научен соработник во истражувачкиот центар за ареална лингвистика при МАНУ.

🇲🇰Наша заедничка мисија е да го негуваме и сочуваме македонскиот јазик. Ги охрабруваме новите генерации да го следат примерот на Давор во изучувањето на мајчиниот јазик и со гордост секаде да зборуваат на македонски јазик!

27/05/2026

Задоволство ни е да упатиме пофалба за учеството на државниот натпревар на Економската олимпијада организиран од страна на Сојузот на Математичари на Македонија на ученикот од трета година Марко Миладиноски . Овој успех претставува доказ за вложениот труд, знаење и посветеност, како и способноста за аналитичко размислување и натпреварувачки дух. Учеството на вакво високо ниво е значајно достигнување и гордост, на нашето училиште ОСУ „Мирко Милески“ и претставува поттик за понатамошен развој и нови успеси. Честитки!

26/05/2026

#успешниприказни во приватниот сектор има многу, но ретки се компаниите во нашиот град кои по својот обем на работа спаѓаат во категоријата средни претпријатија. Една таква компанија е раководена од нашиот поранешен ученик Томислав Филипоски!

📈 На Томислав му посакуваме да ја зачува амбицијата, да ја развива својата компанија во различни стопански сфери и да нуди различни содржини за граѓаните!