Macedonian Archaeology

Macedonian Archaeology

Страница од областа на Македонската археологија и работи поврзани со неа

Operating as usual

18/05/2023

...остров во едно поразлично море :)
( темелите од средновековната црква
Св.40 Севастополски маченици, во близината на селото Банско, Струмичко, помеѓу пластеници )
Фотографија: Александар Дончев

Photos from Macedonian Archaeology's post 16/05/2023

Приказ на офанзивното и дефанзивното оружје како дел од воената опрема на македонската војска, неговата типологија и развојните фази, развојот на воената тактика и стратегија, развојот на опсадната машинерија, како принцип на војување и претставите на македонските монети, се истражени во монографијата на д-р Бошко Ангеловски, “Оружје во античкото кралство Македонија”, издание на Институтот за старословенска култура - Прилеп.

27/04/2023

После фијаското со "Црната Клеопатра" му даваме нова идеја на тимот на Нетфликс 🤪

16/04/2023

Ви посакуваме среќни Велигденски празници со добро здравје, многу радост и благосостојба. ✨
Христос воскресе!
Детал од фреската "Симнување во адот" од црквата Св. Пантелејмон во Нерези насликана 1164 година.
Фрескоживописот во оваа црква претставува врв на Комненската уметност и некои од фреските, посебно "Оплакување Христово" се смета дека е предвесник на европската ренесанса, дури 150 години пред да се појави во Италија.

14/04/2023

Македонската култура и уметност-богатство кое вреди да се погледне, почувствува и чува.

По повод Светскиот ден на културното наследство БЕСПЛАТЕН ВЛЕЗ во сите музеи и локалитети низ Македонија.

Дојдете, посетете и истражете на 18ти април, вторник.

29/03/2023

Бронзен врв на стрела. Ретрограден натпис: ΦΙΛΙΠΠΟ „Филип“, најверојатно од опсадата на халкидискиот град Олинт од Филип II Македонски во 348 година пред Христа.

16/03/2023

Карта на Охридската Архиепископија околу 1020 година после потпаѓањето под Византиска власт.
Во втората половина на X век, во рамките на Самуиловата држава е организирана Охридската автокефална Архиепископија, врз темели на Јустинијана Прима, во достоинство на патријаршија е прогласена од царот Самуил најверојатно во 996 година и за прв патријарх е поставен Герман.
Под јурисдикција на Охридската патријаршија се наоѓаат Тесалија, Епир, Албанија, Дукља, Травунија, Захумје, Рашка, Босна, Срем и подунавска Бугарија.
Во сѐ уште непознат временски период, цар Самоил ја уништува бугарската патријаршија и ја сведува на ниво на митрополија Бугарија, па патријархот Глигориј се упокојува во 1016 година како „митрополит Бугарски“.
Подоцна, по паѓањето на Самуиловото Царство во 1018 година, повторно е сведена на степен на архиепископија и како таква постои цели осум века, сè до 1767 година кога е укината од страна на турскиот султан Мустафа III, а нејзините епархии се присоединети кон Цариградската патријаршија.

14/03/2023

Внатрешноста на катедралната црква
Света Софија во Константинопол(Цариград) кон крајот на XII век, слика од швајцарскиот уметник и архитект Gaspare Fossati насловена како "Кралот Ричард Лавовско срце се причестува во Аја Софија" изработена во 1849 година.
Двајцата браќа архитекти Фосати биле поканети од Османлискиот султан Абдул Меџит I да го отстранат слојот малтер измачкан по 1453 година кога Цариград паѓа под Османлиска власт и црквата е претворена во џамија, да направат конзервација на мозаиците и фреските и повторно да ги покријат со слој на малтер (според муслиманската традиција е забранет приказ на луѓето и животните).
Браќата ја прифатиле задачата и во текот на конзервација изработиле и алманах со литографии од изгледот на Аја Софија пред конзервацијата која траела во периодот 1847-49 година.
Оваа слика е многу мистериозна, насликана е според визијата на уметникот на невистинит настан кој се нема никогаш случено. Можно е да е нарачка од некој обожавател на англискиот крал Ричард Лавовско срце.
Благодарение на браќата Фосати и на султанот Меџит I зачуваните фрески и мозаици во Света Софија се во одлична состојба.

10/03/2023

Почитувани, изложбата ,,Праисторијата во Струмичко-радовишкиот Регион (материјална и духовна култура на праисториските заедници) беше отворена на 09.03.2023 год.во изложбениот салон на НУ Археолошки музеј на Република Македонија-Скопје.
Автор на изложбата е археологот м-р Зоран Рујак од струмичкиот Завод и музеј. Откриените артефакти им припаѓале на праисториските заедници кои живееле на територијата на Струмичко-радовишкиот Регион, презентирајќи ја материјалната, но и духовната култура на овие простори од пред повеќе милениуми.
Зоран Рујак вели дека долгогодишните археолошки истражувања во овој регион дале почетна основа за разбирање на процесите на создавањето на праисторски заедници кои се развивале од раниот неолит до полното железно време во една затворена микроцелина.
Со оваа изложба се надеваме дека ќе успееме во нашата намера да го презентираме нашето богато праисториско културно наследство.
Изложбата ќе биде поставена во Археолошки музеј на Република Македонија-Скопје до крајот на април, Ве покануваме да ја посетите.

20/02/2023

Прекрасен мозаичен под од Ранохристијанската Базилика Ц во Амфипол, Беломорска Македонија, втора половина на V век.

Фотографија на Костис Талос.

09/02/2023

Mеч од типот Махаира, IV век пред Христа пронајден на локалитетот Вардарски рид - Гевгелија, старомакедонски град Гортинија.
Мечот целосно е изработен од железо со благо закривенa горна страна на сечивото и конвексно проширување кон врвот со една сечива страна. Должината на мечот изнесува 55 см. (43 см. сечивото и 13 см. дршката). Сочувани се исто така и дел од железниот опков на канијата (корицата) на мечот, како и три коскени алки со кои мечот се заврзувал за носење.
Махаирата е меч со кого била вооружена македонската коњаница и е доста редок наод на археолошките локалитети.
Интересно е што Махаирата е пронајдена во самата населба, најверојатно била сокриена во дворот на куќата каде што живеел сопственикот. Недалеку од неа во друга куќа се пронајдени фрагменти од шлем од македонски тип. Ова укажува дека можеби во овој дел од градот Гортинија живееле луѓе кои биле во воената служба на Македонското кралство.

25/01/2023

Транспортна амфора пронајдена во луксузна резиденција на Вардарски рид - Гевгелија, старомакедонски град Гортинија, средина на II век пред Христа.
На јужната тераса од Вардарски рид во текот на II век пред Христа бил изграден нов и богат кварт сочинет од луксузни куќи кои биле изградени во престижниот медитерански стил со внатрешен двор со тремови и колонади од столбови и sидови украсени со фрески, а просториите кои се отворени кон главната улица биле продавници.

24/01/2023

Мермерна релјефна плоча со претстава на пилос овенчан со ловоров венец над кој е sвездата од Ајга (Кутлеш) - симболот на македонската кралска династија на Аргеадите. Датира од II-I век пред Христа и е пронајдена во хероонот во Пергам, денешна Турција.
Пилосот е капа која ја носеле Диоскурите и Кабеирите кои се придружници на богот Хефест и се поврзани со стар бригиски култ на Големата мајка божица кој веројатно потекнува од Македонија.
Пергамското кралство се одделува од Македонија скоро по смртта на Лизимах во 281 година пред Христа. Првиот владетел бил Филитер. За време на војните на Рим со Македонија, Пергам бил сојузник на Рим.
Населението на Пергам вклучувало различни локални племиња (Мизијци, Пафлагонци и др.), како и Атињани и Македонци. Голем број полиси влегле во границите на кралството: некои од нив биле управувани од владетели на династијата Аталиди, други биле автономни. Кралот ја контролирал ризницата и назначувал стратези. Кралството го достигнува својот врв под Еумен I (263-241 г. пред Христа) и Еумен II (197-159 г. пред Христа).

15/01/2023

ОСВОЈУВАЊАТА НА АЛЕКСАНДАР МАКЕДОНСКИ
Откако го исполнил планот на неговиот татко Филип да го нападне и освои западниот дел на Персиската империја и со тоа Македонското кралство да стане водечка сила на Медитеранот, Александар Македонски почнал да го крои својот план и тргнал кон исток.
Кај Ис и Гавгамела тој го победува Дариј и станува Крал на кралевите, а потоа продолжува уште подалеку, во Индија, крајот на тогаш познатиот свет, каде што беше запрен, но не од непријателот, туку од неговите исцрпени војници.

14/01/2023

НОВИ АРХЕОЛОШКИ ОТКРИТИЈА ВО СОЛУН

Изградбата на метрото во Солун се претвора во најголемото археолошко ископување досега направено во Беломорска Македонија.
Повеќе од 130.000 антички предмети од различни временски периоди го разоткриваат античкото минато на градот. На површина од 20.000 м2 секој ден на виделина излегуваат значајни артефакти.
На фотографијата е прикажана една од најбогатите пронајдени некрополи со овие ископувања.

Photos from Macedonian Archaeology's post 26/11/2022

Археолошките истражувања во изминатите години покажаа дека Јени џамијата во Битола крие темели на три цркви кои датираат од 7, 11 и 13 век, а се смета дека онаа од 11 век е некогаш најголемата црква во центарот на Битола, „Св. Ѓорѓи“. При ископувањата се пронајдени два печата, еден сребрен со ликот на Свети Ѓорѓи и друг со ликот на Богородица во молитва. За највреден пронајдок се смета пекторалниот медалјон врз кого се изгравирани позлатени фигури на светци.
Се претпоставува дека црквата „Св. Ѓорѓи“ била епископија во времето на 11 век, во периодот кога тука живеел Гаврило Радомир , синот единец на Цар Самоил кој престолнината на царството ја пренел од Охрид во Битола. Старите битолчани џамијата ја нарекуваат и Нал-џамиси или Потковица џамија, а според преданијата токму црквата „Свети Ѓорѓи“ во центарот на Битола била украсена со исцртана потковица.
Во внатрешноста на џамијата темелите на откриените цркви се делумно реставрирани и покриени со стаклен под врз кој ќе можат да чекорат посетителите во блиска иднина кога ќе завршат конзерваторско- реставраторските работи на објектот.

22/11/2022

Една од најбогатите држави - наследничка на империјата на Александар Македонски било кралството на Селеукидите (главно се наоѓа во денешна Сирија).
На фотографијата е прикажана огромна златна октодрахма, со дијаметар 30 мм и тежина од 34,17 g, на кралот Антиох III Велики, кована во Селеукија на реката Тигар во зимата 211-210 година пред Христа.
Исклучително ретка, познати само неколку примероци.
Тип AHNS 67 = SC 1158 = Triton XI, (7 Jan. 2008), № 292.

17/11/2022

Медалјон со ликот на Александар Македонски (изработен II-III век), околу него се прикажани златни статери на неговите наследници (III-II век пред Христа).

18/10/2022

Прекрасниот мозаик од триклиниумот (трпезаријата) на куќата на Полихарм,
IV век, Стоби, Република Македонија.

17/10/2022

"Дамата од Ајга" - најверојатно е жената на Македонскиот крал Аминта I. Погребена е во раниот V век пред Христа.
Пронајдена во Ајга (Кутлеш), Беломорска Македонија.

Photos from Macedonian Archaeology's post 08/10/2022

Во реномирана книга "Ancient Greece - A political, social and cultural history" авторите јасно укажуваат на разликата помеѓу античките Македонци и античките Грци.
Цитат: "Еден факт е неоспорен: во антиката ниту Македонците, ниту пак Грците не ги сметале Македонците за Грци!".
Понатаму авторите велат дека Грците ги гледале Македонците како варвари исто како и нивните соседи Тракијците и Илирите и дека Македонската култура има многу малку заедничко со грчката култура.

02/10/2022

Митрата на Охридските архиепископи, злато и сребро со скапоцени камења, крај на 17 и почеток на 18 век.
Подарок од Венеција изработен од тамошните златари за Охридскиот архиепископ Јосиф (1719-1745), тежок 1,5 килограм чисто злато и украсен со 329 скапоцени камења. Се чувала во охридската црква „Света Богородица Перивлепта“ се до 1916 година кога во екот на Првата светска војна Бугарската војска заедно со многу други вредни артефакти ги носи "на чување" во Софија. Денес е изложена во Националниот Историски Музеј во Софија.

30/09/2022

Македонските археолози од прилепскиот Завод и Музеј Прилеп ги завршија истражувањата на локалитетот Селиште кај селото Беловодица, а кои се во рамки на годишната проектна програма поддржана од Министерството за култура. Се потврди хронолошката датација на егзистирање на црквата во 15 и 16 век. Се констатира дека таа претставувала гробишна црква на селото, кое на оваа локација се наоѓало пред нејзините жители да го напуштат, најверојатно заради тешката болест чума, по што го оформуваат денешното село на 2 км. кон југ. Од некрополата истражени се вкупно 13 гробови, во поголемиот број детски.

Фотографијата и текстот се преземени од Завод и Музеј - Прилеп

18/09/2022

Поглед на некрополата "Лисичин дол" близу Марвинци. Погребувања датираат од железното време VIII-VI век пред Христа.
Гробовите најчесто се од типот циста - составени од големи камени плочи поставени од сите четири страни на погребната јама со горна плоча - поклопец. Понекогаш има поставено и подна плоча.
Погребувањата се исклучително богати со бронзени артефакти кои во некои гробови достигнуваат и вкупна тежина од 1-2 кг.
На оваа некропола е пронајдена и познатата Пајонска свештеничка која претставува совршен пример за социјално-религиските корелации во Пајонското општество.
За жал пред околу 25 години оваа некропола беше мета на т.н. диви копачи, кои уништија голем дел од погребувањата како на оваа, така и на соседните некрополи кои се наоѓаат во склоп на археолошкиот локалитет Исар Марвинци.

17/09/2022

Шлем од Македонски тип, IV век пред Христа, лок. Исар - Марвинци, Валандово.
Најверојатно припаѓал на некој офицер во војските на Александар Македонски.

23/03/2022

Оазата Сива - се наоѓа во Египет на педесетина километри од границата со Либија и на 560 км од Каиро.
Плутарх информира дека Александар Македонски кога ја основа Александрија во 331 година пред Христа оди во оазата Сива каде имало големо пророчиште на богот Амон. Пророчицата покрај другото му рекла дека е со божествено потекло (син на Sевс - Амон) и дека е легитимен наследник на фараонската власт во Египет.
Оазата е составена од повеќе солени езерца во кои концентрацијата на сол е околу 95% и затоа телата на капачите во нив лебдат на површината на водата.

14/03/2022

Марков Град — археолошко наоѓалиште во скопското село Матка, Општина Сарај. Претставува тврдина (кастел) од доцноантичко време (V-VI век), укрепен манастир св. Недела и збег од средниот век. Лежи на северниот крај на долгата клисура на Треска, 2 км југоисточно од Матка, близу Скопје. Претставува стрмен гребен на источните падини на планината Осој, 380 м високо над реката и 860 м н.м. Опколена е со многу стрмни карпести гребени и раседлини. Има пристап само по една тесна патека од североисток. Местото е скриено со повисоки карпи од сите страни и има поглед на теснецот на реката и тешката комуникација низ теснецот.

Фотографија: проф. д-р Виктор Лилчиќ Адамс

23/02/2022

Детаљ од брозен сад - аутепса со претстава на крилеста сирена (во долниот лев агол на фотографијата и во коментар е прикажан целиот сад). Пронајден на некрополата Башот-Горна Корија кај Негорци (Гевгелиско), датирање околу I век од нашата ера.
Аутепса е редок бронзен сад за загревање течности (се ставало жар преку отворот на цилиндарот) и се употребувал за медицински цели - пронаоѓан е во гробови на доктори заедно со хируршки инструменти.
Овој пронајдок, заедно со други артефакти пронајдени на некрополите во Стоби и Скупи, покажува дека во Македонија медицината била доста развиена во првите векови од нашата ера кога Македонија е под римска окупација.
Некрополата на локалитетот Башот-Горна Корија кај Негорци е изтражувана последователно повеќе години и за жал е доста оштетена од модерните гробишта. Пронајдени се триесетина гробови кои датираат во временскиот распон од I до IV век од нашата ера. Близината на Негорските бањи сугерира дека е голема веројатноста да постојат и бањи од античкиот период на истата локација.

22/02/2022

Златен накит од Лихнид - белегзија со краеви кои завршуваат со протом на овен, обетка со Хипокамп (митско чудовиште со преден дел на коњ и заден дел на змија и риба) и игла за закопчување облека. Пронајдени на локалитетот Горна порта - Охрид, датација Македонски период IV-III век пред Христа.

21/02/2022

Релјефно-калапени чаши за пиење вино со претстава на соларниот симбол на античките Македонци.
Пронајдени при археолошките ископувања на Самуилова тврдина - цитадела. Датација Македонски период III-II век пред Христа. Вакви релјефно-калапени чаши обично најчесто користеле Македонските војници и се пронаоѓаат најмногу каде што била стационирана Македонската кралска војска.
Последните две децении со поновите археолошки истражувања во градското јадро на Охрид, стариот Лихнид, несомнено се потврдува древниот Македонски карактер на градот, наспроти старите верувања дека бил Илирски град кои се покажаа како неосновани и неточни.

20/02/2022

Златни обетки и копчи за ѓердан украсени со протоми на лав, овен, ерос, пегаз и негроидни глави.
Пронајдени на некрополата кај Горна порта - Охридска крепост, Македонски период III-II век пред Христа.
Денес се наоѓаат во Завод и музеј Охрид - Република Македонија.

17/02/2022

Погребување од типот кремација на Македонка од Исар-Марвинци, II век пред Христа.
Во гробот издлабен во карпа откриени се десетина теракотни фигурини, стамнос-пиксида (која е карактеристична само за Македонија), ехинус (длабока чинија), ихтија (плитка чинија) и други керамички садови. Со еден збор се што му е потребно на починатиот за задгробниот живот според тогашните верувања.
Западната некропола на Исар-Марвинци е датирана во времето на Македонското кралство од V-II век пред Христа и првпат е археолошки истражувана во 2009 година. За жал оваа некропола има најмногу оштетувања од дивите копачи кои во раните 90-ти години на претходниот век имаат нелегално ископано преку 1000 гробови.

Фото: Игор Ширтовски

28/01/2022

Sид со релјефи во храмот на Хорус во Едфу (Египет), изграден од Птоломеидите помеѓу 237 и 57 година пред Христа.
Македонската династија на Птоломеиди владее со Египет скоро 300 години - од смртта на Александар Македонски до смртта на Клеопатра, прифаќајќи ја староегипетската религија и обичаи.

26/01/2022

Прекрасен мозаичен под од времето на Птоломеидите со претстава на куче и позлатен аскос.
Ископан 1993 година во Александрија при изградбата на новата библиотека.
Датација 200-150 година пред Христа.

Иако е малку оштетен во центарот со пукнатини и фрагментиран по страните (опкружен со сив мотив со глава лав), овој мозаик прикажува реална сцена на машко куче со позлатен аскос (сад за вода или вино). Богатата разновидност на обоени парчиња тесери додава длабочина, осветлување и засенчување на сцената слично како македонското хеленистичко сликарство од тој временски период.
Кучето може да претставува домашно милениче на сопственикот на домаќинството, или можеби сцената е од домашен банкет и аскосот е испразнет за таа прилика.

22/12/2021

Нова книга на професорот Драги Митревски - “На север од Егејскиот свет”

Книгата е сублимат на досегашните научни сознанија за бронзеното и железното време на територијата непосредно на север од Егејското море, од јадранскиот брег во Албанија до Црното Море во Бугарија. Една целосно заокружена слика културниот развиток на заедниците од таа територија, до нивното организирање во првите антички држави.
Книгата е базирана на досегашните археолошки отркритија од териториите на денешните модерни држави на тој простор, обединувајќи ги на едно место во цврсто документирана научна целина, која претставува драгоцен прилог за балканската археологија и културна историја.

Преземено од ФБ страницата на Institute for Archaeological Research - Skopje
https://www.facebook.com/405871442776442/posts/4904014426295432/?app=fbl

10/12/2021

Светилникот во Александрија е едно од седумте светски чуда изграден во времето на македонската династија Птоломеиди. Бил изграден околу 290 година пред Христа на островот Фарос, блиску до градот Александрија во Египет. Бил разрушен во 1375 година од земјотрес. Денес на истото место има тврдина наречена Каинт Беј.

26/11/2021

Златна појасна тока со претстава на Посејдон, крај на IV век пред Христа, пронајдени на локалитетот Орманков гроб кај с. Тремник-Неготино.
На оваа појасна тока која е изработена од злато со техника на лиење, Посејдон е претставен како држи трозабец во неговата лева рака и како јава на два морски коњи кои во митологијата се познати како Хипокампи (чудовишта).
Хипокампите имаат специфичен изглед, предниот дел од телото е со изглед на коњ, а задниот дел од телото е како змија и риба, а во приказните биле користени и од морските божици – нимфи.
Токата заедно со друг златен 22 каратен накит со вкупна тежина од околу 1 килограм во 2008 година се пронајдени како закопано депо кое можеби припаѓало на некој офицер кој учествувал во походите на Александар Македонски или на некој Пајонски аристократ.
Депото било закопано за време на наездата на Келтите 279-277 година пред Христа.
Се чуваат во Археолошкиот музеј на Република Македонија.

25/11/2021

Златни статери на Филип II и Александар III Македонски, втора половина на IV век пред Христа, пронајдени на локалитетот Орманков гроб кај с. Тремник-Неготино.
Статерите заедно со друг златен 22 каратен накит со вкупна тежина од околу 1 килограм во 2008 година се пронајдени како закопано депо кое можеби припаѓало на некој офицер кој учествувал во походите на Александар Македонски или на некој Пајонски аристократ.
Депото било закопано за време на наездата на Келтите 279-277 година пред Христа.
Се чуваат во Археолошкиот музеј на Република Македонија.

18/11/2021

Саркофагот на Александар Македонски е уметничко дело што може со часови да се гледа во археолошкиот музеј во Истанбул. Пронајден е на некрополата на кралевите во градот Сидон (Либан) во 1887 година. Иако се нарекува Саркофаг на Александар Македонски тој всушност не му припаѓа на Александар.
Се смета дека му припаѓа на сидонскиот крал Абдалонимос (332-311 година пред Христа) кој бил назначен за крал на Сидон лично од Александар Македонски во 332 година пред Христа.
Саркофагот се нарекува со ова име затоа што на него се прикажани сцени од битките на Александар Македонски и македонската војска против Персијците.
На предната страна на саркофагот, Александар е прикажан на неговиот коњ Букефал со лавовска кожа на главата. Од облеката лесно се разликува кој е Персиец, а кој Македонец. На пример, Македонците се прикажани полуголи и носат кратки туники. Персијците, пак, се прикажани како целосно облечени и носат панталони и неколку слоеви кошули, бидејќи во персиската култура било забрането да се изложуваат нивните тела освен лицето и врвовите на прстите.
Саркофагот бил насликан, тоа сеуште се забележува на некои делови каде што е бојата зачувана.
Реплика од Саркофагот може да се види во Археолошкиот музеј на Македонија.

16/11/2021

Насловната страница на "National Geographic" од декември 1983г. (бр.164)
со фотографија на иконата Богородица Пелагонитиса од манастирот Зрзе.

Во светот денес, и по 37 години, репликата од насловната се продава како "уметничка декорација" за на ѕид, "декоративен мотив" за заштитна обвивка за ајфон ... итн.

Богородица Пелагонитиса е една од автентичните "македонски изобразенија" на Мајката Божја со Господ, која освен со географската одредница како Пелагониска (од Зрзе) се нарекува уште и Умиление или Радост на Младенецот.
Освен во Македонија, Зрзе, Старо Нагоричани ... стари примероци на оваа икона (од 13/14 век) има и на Косово, во Дечани, но и во Сирија и на Синај.

Реплика на иконата Мајка Божја - Пелагонитиса, видов и утрово во малата црква Св. Лидија (Првопокрстената Македонка) во Битола, на една скромна, но свечена и благодатна Божикна Литургија, со верен, еднодушен и радосен народ.

На насловната на светски познатиот магазин е "оригиналната, македонска икона" од Зрзе која се смета за најавтентична и најубава, поврзана со преданијата на чудото дека самата икона, преку ноќ, се поставувала на Иконостасот од десната страна на Царските Двери, иако според каноните Богородичната икона треба да стои лево.

Од архивата на Благој Македонецот Шаклевски

Want your school to be the top-listed School/college in Gevgelija?

Click here to claim your Sponsored Listing.

Location

Category

Website

Address

Gevgelija
Other Education in Gevgelija (show all)
Центар за странски јазици "Future" Центар за странски јазици "Future"
Слободан М. Данко наспроти КАМ маркет
Gevgelija

" The more you learn the more you earn."

Центар Мајка Тереза Гевгелија Центар Мајка Тереза Гевгелија
Деко Ковачев бр. 96 Гевгелија, Македонија
Gevgelija, 1480

Образовен центар за лица со посебни потреби. An educational center for people with special needs.

ZEDM Slozuvalka ZEDM Slozuvalka
Gevgelija

Здружение за едукација на деца и млади СЛОЖУВАЛКА, Гев?

Артелингва - Едукативен центар и преведувачко биро, Гевгелија Артелингва - Едукативен центар и преведувачко биро, Гевгелија
Pande Duganov 14 (pozadi Jugo Vo Prostoriite Na ArtelinguaPrintHouse
Gevgelija, 1480

Aртелингва - Едукативен центар и преведувачко бирo тел:

Helen Doron Gevgelija Helen Doron Gevgelija
Marshal Tito 191
Gevgelija, 1480

Иновативен метод за изучување на англиски јазик.

Seminarski raboti  Proektni zadaci Семинарски работи Проектни Задачи Seminarski raboti Proektni zadaci Семинарски работи Проектни Задачи
Ристо Динев
Gevgelija, 1480

Семинарски, Проектни задачи, Бизнис Планови, Дипломски