Факултет за туризам и бизнис логистика - УГД

30/05/2026

📜 Факултетот за туризам и бизнис логистика при Универзитетот „Гоце Делчев“ - Штип, на 21 мај 2026 година беше дел од меѓународниот настан „EU Opportunities Fair: Study, Mobility and Exchange in Europe“, кој се одржа во Дом на млади – Штип.

📚 Настанот беше насочен кон промоција на европските образовни програми и можностите за академска мобилност, и беше наменет за средношколци, студенти и млади луѓе од поширокиот регион.
Во рамките на своето учество, Факултетот за туризам и бизнис логистика ги презентираше своите студиски програми, меѓународните активности, можностите за мобилност и Еразмус+ програмите. Настанот овозможи директна интеракција меѓу претставниците на факултетот и младите учесници, со цел тие да се информираат за конкретните можности за студирање, практична обука и меѓународна соработка.

Во своето активно учество, ФТБЛ ја потврди својата улога како институција која континиурано придонесува кон европската образовна интеграција и создавање нови перспективи за идните генерации.

27/05/2026

📍На 20 мај 2026 година, Факултетот за туризам и бизнис логистика при Универзитетот „Гоце Делчев“ – Штип ја одржа 9тата Меѓународна научна конференција ISCTBL 2026 – „Предизвиците во туризмот и бизнис логистиката во 21 век“.

Оваа година, конференцијата ја отвори темата:
„Од дестинација до искуство: Поврзување на туризмот, технологијата и логистиката за поконкурентна Северна Македонија“

Покрај презентацијата на научни трудови, посебен акцент беше ставен на панел-дискусијата, преку која науката, практиката и реалниот сектор се поврзаа во една заедничка дискусија за иднината на туризмот.

Во панел-дискусијата учествуваа Александар Христов од Grizzly Igloos, Ѓорѓи Камов од Kajak.mk и Трајче Здравков од Центарот за развој на Источен плански регион. Панелистите споделија искуства кои покажаа дека современиот туризам не се гради само со убави дестинации, туку со храброст, иницијатива, дигитална видливост, соработка и јасна визија.

Александар Христов од Grizzly Igloos and Mountain Center ја истакна важноста на практиката за студентите и младите луѓе. Неговата порака беше дека успехот започнува кога ќе се направи првиот чекор — да се проба, да се згреши, да се научи и повторно да се продолжи. Дополнително, ја нагласи и улогата на професорите и академската заедница во носењето промени, особено преку освежување на стратегиите за развој на туризмот и нивно усогласување со современите трендови.

Ѓорѓи Камов од Kajak.mk посочи дека С. Македонија има огромен туристички потенцијал и дека нашата земја е вистински „hidden gem“ кој треба посилно да се промовира и препознае во и надвор од границите. Преку дигитална видливост, автентични искуства и современи платформи, македонските дестинации можат да станат подостапни и попривлечни за домашните и странските туристи.

Трајче Здравков од Centre for Development of the EPR - Центар за развој на ИПР ја потенцираше важноста на координацијата и заедничкото делување меѓу институциите, општините, реалниот сектор и академската заедница. Тој истакна дека туризмот е гранка која директно и индиректно поврзува повеќе сектори и може да биде важен двигател на регионалниот развој.

Конференцијата уште еднаш покажа дека ФТБЛ е на вистинскиот пат — преку студиски програми, истражувања, практична соработка и отворен дијалог со секторот.

Благодарност до сите автори, панелисти, професори, студенти, гости и учесници кои ја збогатија ISCTBL 2026 со своето присуство, идеи и придонес.

Повеќе инфо на линк: https://youtu.be/FDGJCt1yWeg?si=frny6Ae21vFagHNg

#ФТБЛ #УГД #Туризам #БизнисЛогистика #𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥𝐂𝐨𝐧𝐟𝐞𝐫𝐞𝐧𝐜𝐞

20/05/2026

🌍✈️ „ОД ДЕСТИНАЦИЈА ДО ИСКУСТВО“ – ФТБЛ повторно ги отвори најважните теми за иднината на туризмот и бизнис логистиката! 📦📲

📣Факултетот за туризам и бизнис логистика при Универзитетот „Гоце Делчев“ – Штип, по деветти пат успешно ја организираше Меѓународната научна конференција „Предизвиците во туризмот и бизнис логистиката во 21 век“.

🎯 Годинашната тема „Од дестинација до искуство“ ја стави во фокус потребата од поврзување на туризмот, технологијата и логистиката, со цел создавање поконкурентна туристичка понуда и посилен регионален развој.

💡 На конференцијата учествуваа професори, експерти, институции и практичари од туристичкиот сектор, кои дискутираа за:
✅ дигиталната трансформација во туризмот
✅ важноста на туристичкото искуство
✅ иновациите и маркетингот
✅ регионалниот развој и соработката
✅ потребата од поголема дигитална застапеност на Македонија

📢 Пораката беше јасна – Македонија има огромен потенцијал, а иднината на туризмот лежи во креативноста, иновациите и храбрите идеи на младите.

🎓 ФТБЛ продолжува да создава кадри подготвени за современите предизвици и новите трендови во туризмот и логистиката.

🌟 Од дестинација… до незаборавно искуство!

🔗Целата вест на www.ugd.edu.mk

20/05/2026

19/05/2026

📍 Од уникатни туристички приказни и experience tourism, до дигитални платформи, локален развој и современи туристички трендови.
Утре во Штип ќе се одржи 9тата Меѓународна научна конференција ISCTBL 2026 во организација на Факултетот за туризам и бизнис логистика при УГД, Штип.

🎤 Панел-дискусија:
„Од дестинација до искуство: Поврзување на туризмот, технологијата и логистиката за поконкурентна С. Македонија“

Панелисти:
✔Kajak.mk
✔ Grizzly Igloos and Mountain Center
✔ Centre for Development of the EPR - Центар за развој на ИПР

Нè очекува динамична дискусија со реални искуства, идеи и современи перспективи за иднината на туризмот и услугите во нашата земја.

#ФТБЛ #УГД #изберимудроделувајхрабро

19/05/2026

📜 🌍 Проф. д-р Цветанка Ристова Магловска реализираше Еразмус+ мобилност за настава на University of the Balearic Islands во Палма де Мајорка, Шпанија, во периодот од 4 мај до 8 мај 2026 година.

Во рамки на мобилноста беа одржани четири предавања со студентите од насоките туризам, хотелски менаџмент, туризам и економија (двојна програма) и туризам и бизнис администрација (двојна програма), на Факултетот за туризам и Економскиот факултет.

Мобилноста претставува значаен придонес кон академската соработка, размената на знаења и интернационализацијата на високото образование.

18/05/2026

🌍Факултетот за туризам и бизнис логистика и ВУАРР Висше училище по агробизнес и развитие на регионите ја продолжуваат успешната меѓународна соработка!

Во рамки на Еразмус+ мобилноста, професори од ВУАРР одржаа предавања за студенти и колеги на теми од областа на финансиите, човечките ресурси и туризмот. Во дискусиите учествуваа проф. Крстев, проф. Лаков и вонр. ас. д-р Миланова од страна на ВУАРР, како и проф. Методиевски и проф. Филипоски од ФТБЛ.

📍 Средбите и предавањата се реализираа во Скопје и Штип, со фокус на нови можности за заеднички активности и академска размена.

Заедно градиме посилни меѓународни партнерства!

#ФТБЛ #УГД #Еразмус

12/05/2026

🎾♟️ПОКАНА ЗА УЧЕСТВО НА ДРЖАВНО УНИВЕРЗИТЕТСКО ПРВЕНСТВО

Почитувани студенти и студентки од прв и втор циклус на студии на Факултетот за туризам и бизнис логистика кои имаат желба, спортски дух и афинитет кон шах и тенис, ги повикуваме да учествуваат на Државното универзитетско првенство во шах и тенис – поединечни конкуренции.

♟️ Државно универзитетско првенство во шах

📅 Датум: 14.05.2026 (четврток)
📍 Локација: Факултет за физичко образование – Скопје
⏰ 08:30 – Акредитација
⏰ 09:00 – Почеток на првенството

🎾 Државно универзитетско првенство во тенис

📅 Датум: 19.05.2026 (вторник)
📍 Локација: МТП тениски терени – Скопје
⏰ 08:30 – Акредитација
⏰ 09:00 – Почеток на првенството

04/05/2026

📜 Факултетот за туризам и бизнис логистика беше посетен од проф. Мухамет од Факултетот за туризам од - Турција, кој одржа инспиративно предавање на тема туризам, одржлив развој и менаџмент на туристички дестинации.

Преку својата презентација, професорот ги доближи современите пристапи во управување со туризмот, со посебен акцент на улогата на различните засегнати страни и значењето на одржливите практики.
Оваа посета претставува значаен чекор кон продлабочување на нашата меѓународна соработка. Искрено се надеваме дека ова е само почеток на успешна и долгорочна партнерска врска, која ќе отвори нови можности за размена на знаење, искуства и заеднички проекти.

Упатуваме искрена благодарност до професорот за посетата, како и до нашите студенти за нивниот интерес, активност и придонес во успешната реализација на овој настан.