SHFK "Dervish Cara" Pallçisht

06/09/2026

02/09/2026

Fjalimi i drejtoreshës së shkollës dhe kryetarit të këshillit të shkollës z.Vullnet Akiki

02/09/2026

🖨️📚 Shkolla Qendrore në Pallçisht vazhdon të përmirësojë kushtet për realizimin e procesit edukativo-arsimor.

Falë donacionit të familjes Amza nga fshati Pallçisht, shkolla është pajisur me printerë multifunksionalë për klasat mësimore. Ky projekt ka qenë i paraparë në programin e drejtorit të shkollës, me qëllim lehtësimin e punës së mësimdhënësve dhe rritjen e efikasitetit në procesin mësimor.

Falë këtyre pajisjeve, arsimtarët do të kenë mundësi të printojnë teste, fletë pune dhe materiale të tjera mësimore drejtpërdrejt në klasë, pa pasur nevojë të largohen nga nxënësit.

Janë furnizuar 8 klasa me printerë multifunksionalë, ndërsa klasa e parë ishte pajisur më herët, duke bërë që tashmë të gjitha 9 klasat të jenë të pajisura me këto mjete të nevojshme për mbarëvajtjen e procesit mësimor.

Shprehim mirënjohjen dhe falenderimin tonë të sinqertë për familjen Amzai për kontributin e tyre të vlefshëm në përmirësimin e kushteve të mësimdhënies dhe të nxënit.

Me respekt,
Drejtoresha e shkollës
Zenihate Memeti

01/09/2026

🎒🌟 Mirë se erdhët, nxënës të klasave të para!

Sot, në shkollën tonë periferike, me shumë gëzim dhe emocione pritëm nxënësit e klasave të para, të cilët nisën një kapitull të ri dhe të rëndësishëm në jetën e tyre shkollore. 📚❤️

Për ta bërë këtë ditë edhe më të veçantë, nxënësit u pritën me dhurata të përgatitura posaçërisht për ta, të personalizuara me emrat e secilit nxënës. 🎁✨

Këto dhurata u mundësuan falë bujarisë dhe mbështetjes së Familjes Xhemaili nga fshati Pallçisht dhe z. Rexhep Abazi nga fshati Kallnik, të cilëve u shprehim mirënjohjen tonë të sinqertë për këtë gjest të bukur.

Një falenderim i veçantë për Kryetarin e Komunës së Bogovinës z. Feti Abazi i cili i gëzoi nxënësit e klasave të para me dhurata, duke ua bërë edhe më të bukur ditën e tyre të parë të shkollës. 🎈🎁

Një falenderim i veçantë edhe për Sparkle Decor nga fshati Kallnik, që me përkushtim dhe kreativitet mundësoi dekorimin e shkollës periferike, duke krijuar një ambient të bukur, festiv dhe plot ngjyra për nxënësit tanë.🎈✨

Mirënjohje e veçantë për psikologen e shkollës Shpresa Qamili, sociologen Fitore Misimi dhe arsimtaren Emira Mustafi, për mikpritjen e tyre.🌸
Buzëqeshjet e fëmijëve, emocionet e prindërve dhe atmosfera festive e bënë këtë ditë të paharrueshme. U kujdesëm që hapat e parë të nxënësve tanë në shkollë të shoqëroheshin me gëzim, ngrohtësi dhe kujtime të bukura.🎒

✨ Suksese, vogëlushë, në rrugëtimin tuaj të ri drejt dijes! 📚🌟

Me respekt,
Drejtoresha e shkollës
Zenihate Memeti

01/09/2026

🎒🌟 Mirë se erdhët, nxënës të klasave të para!

Sot, në shkollën tonë qendrore, me shumë gëzim dhe emocione pritëm nxënësit e klasave të para, të cilët nisën një kapitull të ri dhe të rëndësishëm në jetën e tyre shkollore. 📚

Për ta bërë këtë ditë edhe më të veçantë, nxënësit u pritën me dhurata të përgatitura posaçërisht për ta, të njëjta për të tri shkollat dhe të personalizuara me emrat e secilit nxënës. 🎁✨
Këto dhurata u mundësuan falë bujarisë dhe mbështetjes së Familjes Xhemaili nga fshati Pallçisht dhe z. Rexhep Abazi nga fshati Kallnik, të cilëve u shprehim mirënjohjen tonë të sinqertë për këtë gjest të bukur.

Një falenderim i veçantë shkon edhe për Kryetarin e Komunës së Bogovinës, z. Feti Abazi, i cili i gëzoi nxënësit e klasave të para me dhurata, duke ua bërë edhe më të bukur ditën e tyre të parë të shkollës. 🎈🎁

Mirënjohje e veçantë për psikologen e shkollës Shpresa Qamili, sociologen Fitore Misimi dhe arsimtaren Teuta Ramadani, për mikpritjen e tyre.🌸

Buzëqeshjet e fëmijëve, emocionet e prindërve dhe atmosfera festive e bënë këtë ditë të paharrueshme. U kujdesëm që hapat e parë të nxënësve tanë në shkollë të shoqëroheshin me gëzim, ngrohtësi dhe kujtime të bukura. 🥰🎒

✨ Suksese, vogëlushë, në rrugëtimin tuaj të ri drejt dijes! 📚🌟

Me respekt,
Drejtoresha e shkollës
Zenihate Memeti

31/08/2026

🎒📚 Mirë se vini në vitin e ri shkollor 2026/2027! 🏫✨

Të dashur nxënës, prindër dhe mësimdhënës!

Ju njoftojmë se viti i ri shkollor 2026/2027 fillon më 1 shtator 2026 (e martë).

Gjatë periudhës së pushimeve janë bërë të gjitha përgatitjet e nevojshme, në mënyrë që nxënësit të kenë kushte sa më të mira.
Shkolla është gati të mirëpresë secilin prej jush për një fillim të mbarë dhe një vit të mbushur me përvoja të vlefshme edukative.

Le të jetë ky vit shkollor një vit i mbushur me dije, kreativitet, përkushtim dhe bashkëpunim. Së bashku, nxënës, prindër dhe mësimdhënës, do të vazhdojmë të ndërtojmë një shkollë ku çdo nxënës ndihet i vlerësuar dhe i motivuar për të arritur më të mirën.

Urojmë që ky vit t’ju sjellë shëndet, gëzim, suksese dhe rezultate të shkëlqyera në çdo hap të rrugëtimit tuaj shkollor. 🌟

Mirë se erdhët në vitin e ri shkollor! ❤️

📚 Suksese të gjithëve!

Me respekt,
Drejtoresha e shkollës
Zenihate Memeti