SABA Bitola

Учесниците на Еразмус+ програмата за краткорочна стручна пракса во стручното образование и обука од Турција денес имаа можност да ги слушнат и да поразговараат за проектите на нашите ученици од трета година.

Презентирани беа интернет страници со различна содржина, креативни идеи и практични решенија, а посебно внимание привлече и наградениот проект од NASA — идејно решение за постапување при судир на астероид.

Преку ваквите средби учениците разменуваат знаења, идеи и инспирација, покажувајќи дека младите имаат огромен потенцијал кога им се дава простор да создаваат.

Учениците од прва година имаа можност да ја погледнат театарската претстава „Секстет“ и да уживаат во одличната изведба на актерите од Народен театар Битола. 🎭

Зошто комедија? Затоа што премногу долго сме сериозни.
Живееме во време на прегласни информации и постојани кризи. Научивме како да бидеме загрижени, а заборавивме да се смееме. Затоа сега е време за Камолети – светскиот крал на фарсата и мајсторот кој знае како хаосот да го претвори во лек.

Ученици од ПСУ САБА Битола заедно со ученици од Турција, кои се на двонеделен Еразмус+ проект, учествуваа на интерактивна работилница на тема „Сајбер заштита со вештачка интелигенција“ во IW Connect.

Преку практични примери, дискусии и современи дигитални алатки, учениците имаа можност да се запознаат со значењето на сајбер безбедноста, но и со улогата на вештачката интелигенција во препознавање и спречување на онлајн закани.

Ваквите активности се одлична можност младите да стекнат нови знаења, да разменат искуства и да развиваат вештини кои се сè поважни во современиот дигитален свет.

Учениците од 4 година, кои се наоѓаат пред една од најважните животни одлуки избор на високо образование и идна професија – имаа можност да остварат средби со педагогот Даниела Димитриевска, која им одржа професионално кариерно советување.

Преку разговор, насоки и анализа на личните интереси и способности, учениците добија поддршка полесно да го препознаат својот потенцијал и да донесат информирана одлука за својата иднина.

Изборот на професија не е само избор на факултет, туку избор на пат по кој младите ќе се развиваат, учат и ќе го градат својот живот. Затоа кариерното советување претставува важен чекор кон сигурна и успешна иднина.

🇸🇪 🇩🇪 Учениците од САБА имаат можност да одат на пракса во компании низ цела Европа!
👉И ти можеш да бидеш еден од нив!
✍️Запишувањето на нови ученици за учебната 2026/27 е во тек!

Учениците од ПСУ САБА Битола денес имаа можност да се запознаат со летните лидерски кампови во организација на ИМКА
🔹 GLOW Камп (Girls Leading Our World)
📅 1–4 јули
👧 За девојки
🔹 YMLP Камп (Young Men’s Leadership Project)
📅 8–11 јули
👦 За машки

Камповите се едукативни, интерактивни и инспиративни, насочени кон развој на лидерски вештини, тимска работа, лична одговорност и самодоверба кај младите.

Преку работилници, активности на отворено и искуствено учење, учесниците добиваат можност да стекнат нови пријателства, знаења и незаборавни искуства, во соработка со обучени младински работници и волонтери. Пријавувањето е до 15 мај 2026 год.

📌 Повеќе информации:
YMCA.mk отвора повик за кампери на летните лидерски кампови 2026 – YMCA.mk

👉 САБА во соработка со партнерите од Португалија, Романија, Шпанија и Турција организира вебинар на тема:
"Professional development opportunities for teachers and students on sustainable learning"
🌏Вебинарот е дел од проектот Digital Eco-Leadership
✔️12.05.2025 Вторник
✔️18:00 часот
✍️Пријави се на линкот подолу👇👇👇
https://forms.gle/4XnJUJo2Ug42VDoc7

👉САБА во соработка со партнерите од Португалија, Романија, Шпанија и Турција организира вебинар на тема:
"Professional development opportunities for teachers and students on sustainable learning"
🌏Вебинарот е дел од проектот Digital Eco-Leadership
✔️12.05.2025 Вторник
✔️18:00 часот
✍️Пријави се на линкот подолу👇👇👇
https://forms.gle/4XnJUJo2Ug42VDoc7

Иако денот беше врнежлив, тоа не ја спречи нашата група ученици со ентузијазам да го претстави убавиот Охрид пред гостите од Турција, кои се дел од двонеделниот Еразмус+ проект за краткорочна стручна пракса во стручно образование и обука во Битола.

Гостите имаа можност да го разгледаат градот, неговата уникатна архитектура, познатите цркви и прекрасните природни убавини кои го прават Охрид едно од најпосебните места во Македонија.

🎙️ Поддржете ги младите креативци од САБА Штип!

Учениците од САБА Штип започнаа свој поткаст ,,Ти си следен`` – простор каде младите гласно ги споделуваат своите идеи, ставови, интереси и инспиративни приказни. 💡🎧

Со многу ентузијазам, тимска работа и креативност, тие создаваат содржини кои вреди да се слушнат!

👉 Ве повикуваме да им дадете поддршка:
✔️ следете ги нивните епизоди
✔️ лајкнете и споделете
✔️ охрабрете ги младите таленти да продолжат да создаваат

Секој преглед, коментар и споделување значи огромна мотивација за нив! ❤️

САБА ПОДКАСТ | Сезона "ТИ СИ СЛЕДЕН" Е1 Добредојдовте во SABA PODKAST 🎙️Сезона „ТИ СИ СЛЕДЕН“ — Епизода 1.Ова е почетокот на нешто ново. Подкаст каде што младите гласови, реалните приказни и искре...

Денес нашето училиште имаше чест да биде домаќин на гости од Турција, кои го посетија наставниот процес и присуствуваа на дел од часовите по информатика. Станува збор за учесници во Еразмус+ програмата за краткорочна стручна пракса во стручното образование и обука.

Денес на часовите по Фотошоп учевме како креативноста се претвора во реалност.

Учениците имаа можност да научат како се прави апликација на дизајн врз реален објект – процес што го доближува дигиталниот дизајн до вистинската примена во секојдневието.

Преку практична работа, тие експериментираа со идеи, бои и форми, создавајќи уникатни решенија што изгледаат како да се дел од реалниот свет.