Институт за етнологија и антропологија

17/08/2026

Важно: освен електронски, пријавувањето е и со физичко присуство на 18 и 19 август (за прв уписен рок)
Во прилог упатството.

13/08/2026

Oд 20-27 август на повеќе локации ќе се одржи 17-тото издание на фестивалот на документарен филм Македокс. 🎬🎬🎬

Од богатата програма и мноштвото филмови со етнолошко-антрополошка содржина издвојуваме:

„Земјата Кикују“
Лична истрага на една новинарка која покажува како колонијалното одземање на земјиштето од страна на британската круна и моќната кениска индустрија за чај се уште влијаат врз локалните заедници, кои работат на плантажи одземени од нивните сопствени семејства.

„Блум - господари на сопствената судбина“
Инспиративна приказна за Емерик Блум, кој во повоена Југославија од мала инженерска работилница ја создава моќната компанија „Енергоинвест“.

„Задушена светлина“
Слепо девојче патува низ Аргентина со своето семејство, додека заедно носат подвижно кино во мали, заборавени села, прикажувајќи им филмови на локалните заедници.

Целосната програма по денови тука:

Фестивал на креативен документарен филм — 20–27 август 2026, Скопје и селата.

11/08/2026

Пријавување на кандидатите (електронски) во прв рок на 18 и 19 август.
Запишување во прв рок 3 и 4 септември.

30/07/2026

Огромна чест за нашата поранешна студентка Марија Милошевска, на која и беше доделена задача да изработи комеморативен предмет по повод 1.110 години од упокојувањето на св. Климент Охридски и 100 години од смртта на Крсте Петков Мисирков.
Станува збор за дело кое комбинира повеќе симболи - крстот (верата), молив (словото), дрвото (наследството) и среброто (светлината/знаењето). Нарачател е НУБ „Св. Климент Охридски“, каде и се одржа Свечена академија по овој повод.

Честитки за Марија и уште многу идни проекти!

Марија Милошевска, етнолог и мултимедијална уметница го изработи комеморативниот објект по повод 1.110 години од упокојувањето на свети Климент Охридски и 100 години ...

25/07/2026

26 ЈУЛИ - ИЗЛОЖБА НА ФОТОГРАФИИ ОД ТАЖАЧКИТЕ НА ГРОБИШТАТА КОИ ЕТНОЛОГОТ ВАСИЛ ХАЏИМАНОВ ГИ СНИМИЛ ПО СКОПСКИОТ ЗЕМЈОТРЕС

Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: Скопје 1963“, со фотографии на Васил Хаџиманов од тажачките обреди по земјотресот. Монографијата „Тажачки песни од скопскиот земјотрес во 1963 година“ од Ана Мартиноска и Жарко Иванов беше промовирана во декември 2023.

Веднаш по земјотресот во Скопје на 26 јули 1963, Хаџиманов со касетофон ги снимал тажачките песни или редачките на гробиштата на погребите на загинатите, потоа нотно и текстуално ги запишувал, а овие белешки и снимки стоеле долго во архивата на МАНУ, каде што ги однел неговиот син Зафир.

Утре покрај изложбата, ќе биде промовирано и дополнетото и двојазично (на македонски и англиски) издание на книгата „Тажачки песни од скопскиот земјотрес во 1963 г. (Од архивските материјали на Васил Хаџиманов)“. Настанот се одвива во знакот на одбележувањето на 120-годишнината од раѓањето на Васил Хаџиманов.

Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: […]

21/07/2026

Почитувани идни студенти 📖🎓📙
Објавен е конкурсот за студии од прв, втор и трет циклус за академската 2026-7 година.
На ИЕА ве очекуваме на додипломските студии по Етнологија и антропологија или Менаџмент и заштита на културно наследство, како и на магистерските и докторските студии по етнологија и антропологија!
Пријавување на кандидатите (електронски) во прв рок на 18 и 19 август
Запишување во прв рок 3 и 4 септември.

Универзитетот „Св. Кирил и Методиј“ во Скопје е првиот државен универзитет во Република Македонија.

15/07/2026

Вчера, 14.07., во прекрасниот амбиент на Гете институтот во Солун, нашата студентка Анастасија Илиевска настапи како еден од 26-те членови на меѓународниот ансамбл „Јам“, кој изведува сефардска и балканска музика.
Програмата на овој проект е тринеделна и опфаќа заедничка работа и концерти во Турција, Германија и Грција.
Убаво е да се видат наши млади луѓе како дел од нова генерација музичари од целиот свет.

26/06/2026

💧– МАНИФЕСТАЦИЈА: „ВОДАТА СПИЕ, ДУШМАНОТ НЕ СПИЕ“ – 💧

Од 19 до 21 јуни 2026 година во Битола се одржа првото издание на Манифестација – интердисциплинарна културна платформа, основана од Македонското студентско етнолошко друштво, која преку природните елементи ги истражува врските помеѓу природното и културното наследство.

Првото издание беше посветено на водата. Во текот на три дена, преку мултимедијална изложба, работилници, интерпретативна прошетка и проекции на филмови, посетителите имаа можност да ја запознаат Битола од една поинаква перспектива - преку реките, чешмите, мостовите, звуците, пејзажите и приказните што ги создава водата.

Коавторки на концептот и изложбата се Дафина Несторовски и Душица Брачиќ, кои заедно го осмислија првото издание на Манифестација. Околу оваа идеја се приклучија предавачи, истражувачи, студенти, уметници и институции, создавајќи програма што ги поврза антропологијата, уметноста, биологијата и филмот.

Благодарност до сите учесници, предавачи, соработници, институции и партнери кои со своето знаење, труд и ентузијазам придонесоа ова прво издание да стане реалност.

Веруваме дека ова е само почеток. Манифестација ќе продолжи да расте и во следните години, отворајќи нови теми, нови соработки и нови начини на кои ќе ги истражуваме врските помеѓу природата, културата и заедницата.

12/06/2026

„Манифестација“ е интердисциплинарна културна платформа основана во 2026 година од млади истражувачи, уметници и студенти. Нејзината цел е преку природните елементи (водата, земјата, воздухот и огнот) да ги истражува врските помеѓу природното и културното наследство на Битола. Главен носител е Македонското студентско етнолошко друштво.

Оваа прва година три дена, 19-21 јуни, се посветени на водата - низ изложба, работилници, прошетки и филмови. Истражете ја Битола преку приказните, звуците и пејзажите што ги создава таа, затоа што „Водата спие, душманот не спие“.

Сите настани се бесплатни. За дел од активностите е потребна претходна регистрација поради ограничен број учесници. Погледнете ја програмата и регистрирајте се тука:

https://manifestacija.org/program

25/05/2026

Со финалната изложба реализирана во дворот на СОУ Гимназија „Јосип Броз Тито“ - Битола, успешно заврши проектот „Локално време: работилница за млади за нематеријално културно наследство“, реализиран од Македонското студентско етнолошко друштво со поддршка од Министерството за култура и туризам, како проект од национален интерес за 2026 година.

Во текот на изминатите месеци, учениците заедно со авторките и менторки на проектот, Душица Брачиќ и Ангела Грозданов, работеа на истражување на секојдневието како дел од нематеријалното културно наследство. Наместо културното наследство да се гледа само како нешто старо, далечно и музејско, работилницата отвори простор за размислување за сегашноста: навиките, предметите, звуците, местата, рутините и малите ситуации што често ги сметаме за „премногу обични“ за да бидат важни.

Преку антрополошки методи како теренско набљудување, разговори, водење теренски белешки и фотодокументација, учениците имаа можност да го истражуваат сопственото средношколско искуство и прашањето: „Како ја носиме Горната дома?“. Во рамките на работилницата беа реализирани активности во битолската чаршија, посети на занаетчии, интерактивни вежби, изработка на печати, музејски легенди и архивски материјали, кои подоцна прераснаа во дела претставени на изложбата.

Финалната поставка беше замислена како „жива архива“, односно простор каде посетителите беа и активни учесници. Така, покрај ученичките дела, изложбата содржеше интерактивни елементи: архивски папки, празни музејски легенди, простор за да се напишат писма „до себе за 5 години“, како и простор каде посетителите оставаа свои траги и размислувања.

Особено сме благодарни на учениците за нивната отвореност, креативност и искреност во процесот, како и на СОУ Гимназија „Јосип Броз Тито“ - Битола за соработката, поддршката и просторот што ни беше овозможен. Благодарност и до сите професори, соработници, занаетчии и посетители кои придонесоа проектот да стане простор за заедничко размислување за секојдневието, младоста и културното наследство што се создава токму во сегашноста.