C.F.P Toamasina

06/03/2026

FANADINANA "CONTRÔLE CONTINUE" TELO VOLANA VOALOHANY CFP TOAMASINA
‎
‎Tanteraka ny 02 ka hatramin'ny 04 Martsa 2026 teo ny fanadinana "Contrôle Continue" teto amin'ny CFP Toamasina ho an'ny sampam-piofanana " Coupe et Couture"
‎✓ Fotoana nanehoan'ireo tanora ny fahaiza- manaony ifehezany ny ara-teknika amin'ny sampam-piofanana norantoviny nandritra izay telo andro izay.
‎
‎✓ Na dia teo aza ny tsy fisian'ny herinaratra vokatry ny fandalovan'ny rivodoza "GEZANI" dia nasehon'ireo mpiofana ny fahaiza-manaony mampiasa ny "Machine à Main" sy ny "Fer à Charbon" mifandraika amin'ny zava-misy eto an-toerana.
‎
‎✓ Tanjona ny hamolavola ireo tanora ho teknisianina hahazoan'izy ireo ny diplaoma B.E.P ary ny hidiran'izy ireo sahady eo amin'ny sehatry ny asa.
‎
‎ .

03/03/2026

🗓️ 02 Martsa 2026
📌 CFP Toamasina : fananganan-tsaina voalohany roa herinandro taorian'ny fandalova'ny rivo-doza GEZANI.

Arakin'ny lamina sy vina napetrakin'ny METFP sy ny DRETFP Antsinanana dia efa miverina amin'ny laoniny ny fampianarana eto anivon'ny CFP Toamasina.

Maro tamin'ireo mpiofana no simba fitaovana tamin'ny fandalovan'ny rivo-doza ka tsy nipetraka tanam-polo ireo mpandraharaha eto anivon'ny ivo-toeram-pihofanana sy ny olona tsara sitrapo avy any ivelany niara nisalahy nitondra fanampiana ara-pitaovana, izay kely dia kely anefa manan-danja amin'ny fitohizan'ny fianaran'ny mpiofana.

Sary : C.F.P Toamasina

21/02/2026

🗓️ 𝟮𝟬 𝗙𝗲𝗯𝗿𝗼𝗮𝗿𝘆 𝟮𝟬𝟮𝟲
ANTSO AVO HO AN'NY MPIANATRA SY NY MPANDRAHARAHA!
✓ MIVERINA AMIN'NY LAONINY NY FAMPIANARANA MANOMBOKA NY ALATSINAINY 23 FEBROARYC.F.P Toamasina C.F.P Toamasina
‎

17/02/2026

26/01/2026

𝗗𝗥𝗘𝗧𝗙𝗣 𝗔𝗧𝗦𝗜𝗡𝗔𝗡𝗔𝗡𝗔: 𝗙𝗜𝗙𝗔𝗠𝗜𝗡𝗗𝗥𝗔𝗠-𝗣𝗜𝗧𝗔𝗡𝗧𝗔𝗡𝗔𝗡𝗔
‎
‎Tontosa androany 26 janoary 2026 ny fifamindram-pitantanana teo amin'ny Talem-paritra mpisolo toerana ny fampianarana teknika sy fanofanana arak'asa Atsinanana, Ramatoa MOASARY Simone sy ny Tale vaovao Andriamatoa ANDRIANANTOANDRO Joelson Richard.
‎
‎Ny lanonana dia notanterahina teto amin’ny efitrano malalaky ny faritra Atsinanana, notronin'reo solon-tenam-panjakana eto an-toerana.
‎
‎ .

18/09/2025

𝐏𝐑𝐎𝐉𝐄𝐓 𝐀𝐍𝐉𝐀𝐑𝐀 – 𝐅𝐈𝐇𝐀𝐎𝐍𝐀𝐍-𝐃𝐑𝐀𝐌𝐀𝐓𝐎𝐀 𝐌𝐈𝐍𝐈𝐒𝐈𝐓𝐑𝐀 𝐒𝐘 𝐍𝐘 𝐌𝐏𝐈𝐀𝐍𝐃𝐑𝐀𝐈𝐊𝐈𝐓𝐑𝐀 𝐍𝐘 𝐓𝐄𝐓𝐈𝐊𝐀𝐒𝐀 "𝐀𝐍𝐉𝐀𝐑𝐀"

Noraisin-dRamatoa RASOLOARISOA Marie Marcelline, Minisitry ny Fampianarana Teknika sy ny Fanofanana arak’Asa, androany 17 Septambra i Dr. Izaka RABESON, solontenan’ny SOS Village d' Enfants sady mpandrindra ny Tetikasa ANJARA – "Actions novatrices pour les enfants et les jeunes".

Nifantohan’ny resaka ny fanamafisana ny fiaraha-miasa amin’ny fanatanterahana ity tetikasa vatsian’ny Vondrona Eoropeana ity, izay haharitra 36 volana ao amin’ny faritra Analamanga sy Vakinankaratra.

Ny tanjona lehibe dia ny hanatsara ny fiainan’ny tanora amin’ny alalan’ny fanohanana ny fandraisan’izy ireo anjara amin’ny fiainam-pirenena, ny fampiroboroboana ny fahaiza-manao ary ny fanamafisana ny politikam-panjakana momba ny fampianara sy ny fiarovana ara-tsosialy.

Ity tetikasa iarahan’ny SOS Villages d’Enfants Madagascar, Action Éducation ary PFSCE ity dia antenaina hitondra vahaolana maharitra sy fahafahana vaovao ho an’ny tanora, ka hahafahan’izy ireo mandray anjara mavitrika amin’ny fampandrosoana ny firenena.

10/08/2025

𝗙𝗶𝗹𝗮𝘇𝗮𝗻𝗮 𝗠𝗮𝗻𝗷𝗼

Amin'ny alahelo lehibe no ampandrenesana antsika fa Andriamatoa RAKOTONIRINA Jean Claude Roger dia nantsoin'ny Ray hody any aminy ny sabotsy 09 Aogositra 2025.

I tompokolahy dia efa avy Talem-paritry ny Fampianarana Teknika sy Fanofanana arak'Asa Atsinanana teo aloha.

Ny nofo-mangatsiakany dia hiala any Antananarivo ny Alatsinainy 11 Aogositra 2025 maraina ary hiaretan-tory ao amin'ny biraon'ny DRETFP Atsinanana ny Alatsinainy hariva mialohan'ny hanaterana azy any amin'ny fasan-drazany any Fénérive-Est.

𝘔𝘪𝘳𝘢𝘳𝘺 𝘧𝘪𝘰𝘯𝘰𝘯𝘢𝘯𝘢 𝘧𝘦𝘯𝘰 𝘩𝘰𝘢𝘯'𝘯𝘺 𝘧𝘪𝘢𝘯𝘢𝘬𝘢𝘷𝘪𝘢𝘯𝘺 𝘴𝘺 𝘯𝘺 𝘮𝘱𝘪𝘢𝘳𝘢-𝘮𝘪𝘢𝘴𝘢 𝘵𝘢𝘮𝘪𝘯𝘺 𝘳𝘦𝘩𝘦𝘵𝘳𝘢 𝘵𝘰𝘮𝘱𝘰𝘬𝘰!

14/04/2025