Zanaharitsimandry

24/09/2026

24/09/2026

✦ TOHINY FANDAHARAM-POTOANA ✦

📅 24 SEPTEMBRE — 27 SEPTEMBRE

FAMARANANA HIRA GASY

Ny 24 Septembre atraminy 27 Septembre no famaranana Hira Gasy.

🐂 Omby 30 isa no efa voaomana ka :

• Ny dimy no sorombe fanaovana rano ;
• Ny ambiny an'ny korana ,an'ny taranaka sy ny mpanotrona.

🌿 ANIO MIVOAKA ANDRO DADABE

Andriantsihanika
Rabodovola
Rakotomaditra Rabiby

Mitohy mandeha 3 andro ny fangataham-pitahiana amin'i Zanahary sy Razana, miampy ny fanajoroana.

🕑 FIZARANA TANTARA FENO

Miditra an'io ny fizarana tantara feno amin'ny 14h tolakandro. Ao no itanisana ny tetiarana feno, ny fomba, ny fady, ireo fotodrafitrasa zanakantitra rehetra toy ny sekoly,hopitaly ,centre fitaizana zaza sns.

🙏 FAMARANANA — FISAORANA

Famaranana sy fisaorana ireo sehatra ara-panjakana manotrona sy manampy, omban'ny mpikambana Zanakantitra. Marihina fa misy membre 1 million eo ny Zanakantitra amin'izao .

23/09/2026

Fanokafana ny lanonana Andriantsihanika anio
Kaominina imeritsiatosika

Maharitra 5 andro ny fankalazana ny famonosan-damba an'i dadabe Andriantsihanika.

Manomboka aminy fakana rano izany,mitohy aminy sorombe na famonoana omby famahanana sy ny loha ondry. Aorian'izany ny fanajoroana ny sahan-janahary sy ny fanandratana ny fomba sy fitsaboana ary mifarana aminy fangataham-pitahiana sy hiragasy.

Misokatra ho an'ny rehetra ny toerana mandritra ny 5 andro misy ireo fady hajaina toy ny tsy itondrana sakafo misy kisoa,tongolo,voasary. Misoratra an-toerana ny fadim-bohitra tokony ho arahina ary efa misy tompon'andraikitry ny filaminana eny an-toerana.

19/09/2026

Lanonam-pamokarana eny Kingory

Nanomboka ny 18 septembre 2026 ka mifarana 20 septembre 2026.

Kingory na Antanety fahiny dia iray amin'ireo vohitra misy ny razan'ny zanakantitra no vakoka zanakantitra.

14/09/2026

30/08/2026

Izay maty ankanina no tambazo hena!
Izay matim-bola no raviravizo!

Fa ny antsika ny hasina sy ny fahamarinana no himatimatesana!

❌Tsy misy hoe: RAHARAM-PIHAVANANA HATRAMIN'NY FARANY!❌

Eo @ Zandarimaria ALASORA no fotoana rahampitso @ 08 ORA MARAINA hoan'izay afaka mifanotrona!

Tsy ho avelantsika ho vitavita mora ny fanimbazimbana...

Masîna Dadabe Andriamanongavola!

Source : Ankoay Zanakantitra

29/08/2026

𝘙𝘢𝘩𝘢 𝘳𝘪𝘵𝘳𝘢 𝘯𝘺 𝘳𝘢𝘯𝘰 𝘥𝘪𝘢 𝘧𝘢𝘴𝘪𝘬𝘢 𝘯𝘰 𝘴𝘪𝘴𝘢 𝘧𝘪𝘵𝘢𝘰𝘷𝘢𝘯𝘢 𝘦𝘯𝘵𝘪-𝘮𝘢𝘯𝘰𝘳𝘪𝘯𝘢 𝘢𝘯𝘬𝘢𝘯𝘺 ,𝘳𝘢𝘩𝘢 𝘷𝘪𝘵𝘢 𝘯𝘺 𝘵𝘳𝘢𝘯𝘰 𝘥𝘪𝘢 𝘧𝘢𝘯𝘢𝘬𝘢 𝘴𝘪𝘴𝘢 𝘧𝘪𝘵𝘢𝘰𝘷𝘢𝘯𝘢 𝘦𝘯𝘵𝘪𝘯𝘢 𝘢𝘬𝘢𝘯𝘢 𝘯𝘺 𝘮𝘢𝘮𝘺.

🧭Iresaka sy amantatra ireo voambolana Malagasy mahakasika ny tao-trano isika tsy ho ela.

🏠 Fa fantatrao ve fa saika ny zavatra rehetra tao aminy trano Malagasy fahiny dia samy nanana ny anarany sy ny hasiny ary ny heviny avokoa?

Tsy “trano” fotsiny no navelan’ny Ntaolo ho lovantsika. Ao anatin’ireo tranon-drazana ireo misy aina,teny, voambolana, anarana ary fomba fandaminana ny tao-trano no mbola miafina ny ampahany lehibe amin’ny fahalalana sy ny soatoavina Malagasy.

Ho fantarina tsikelikely eto ireo teny mety efa tsy fahita intsony ankehitriny.

Aza miala....

https://www.facebook.com/share/17veX2YNXn/

26/08/2026

𝙆𝙤𝙡𝙤𝙣𝙩𝙨𝙖𝙞𝙣𝙖 𝙨𝙮 𝙩𝙨𝙮 𝙛𝙖𝙣𝙙𝙧𝙞𝙖𝙢𝙥𝙖𝙝𝙖𝙡𝙚𝙢𝙖𝙣𝙖 : 𝙢𝙞𝙡𝙖 𝙛𝙞𝙟𝙚𝙧𝙮 𝙢𝙖𝙯𝙖𝙫𝙖 𝙣𝙮 𝙛𝙞𝙖𝙧𝙖𝙝𝙖𝙢𝙤𝙣𝙞𝙣𝙖

Manjaka amin’ny fiarahamonina ankehitriny ny tsy fandriampahalemana. Manoloana izany, misy ihany koa ny fironana hanondro na hanome tsiny ny 𝙛𝙤𝙢𝙗𝙖𝙣-𝙙𝙧𝙖𝙯𝙖𝙣𝙖 𝙨𝙮 𝙣𝙮 𝙠𝙤𝙡𝙤𝙣𝙩𝙨𝙖𝙞𝙣𝙖 𝙈𝙖𝙡𝙖𝙜𝙖𝙨𝙮 ho isan’ny fototry ny olana.

🚩 𝘍𝘢𝘯𝘰𝘯𝘵𝘢𝘯𝘪𝘢𝘯𝘢 𝘭𝘦𝘩𝘪𝘣𝘦 𝘢𝘯𝘦𝘧𝘢 𝘯𝘰 𝘮𝘪𝘱𝘦𝘵𝘳𝘢𝘬𝘢: 𝘵𝘦𝘯𝘢 𝘯𝘺 𝘧𝘰𝘮𝘣𝘢𝘯-𝘥𝘳𝘢𝘻𝘢𝘯𝘢 𝘔𝘢𝘭𝘢𝘨𝘢𝘴𝘺 𝘷𝘦 𝘯𝘰 𝘢𝘯𝘵𝘰𝘯’𝘯𝘺 𝘵𝘴𝘺 𝘧𝘢𝘯𝘥𝘳𝘪𝘢𝘮𝘱𝘢𝘩𝘢𝘭𝘦𝘮𝘢𝘯𝘢?

Hatramin’izao, mbola andrasana ny fanambarana sy ny fijoroana mazava avy amin’ny tompon’andraikitra, indrindra eo anivon’ny fanjakana, manoloana ireo fanakianana sy fanosoram-potaka mahazo ny kolontsaina ary ny fomba amam-panao Malagasy.

Raha miverina mijery ny soatoavina nentin-drazana isika, dia hita fa nanana toerana lehibe teo amin’ny 𝙛𝙖𝙣𝙙𝙖𝙢𝙞𝙣𝙖𝙣𝙖 𝙣𝙮 𝙛𝙞𝙖𝙧𝙖𝙝𝙖𝙢𝙤𝙣𝙞𝙣𝙖 𝙣𝙮 𝙛𝙞𝙝𝙖𝙫𝙖𝙣𝙖𝙣𝙖, 𝙣𝙮 𝙛𝙞𝙛𝙖𝙣𝙖𝙟𝙖𝙣𝙖 𝙖𝙧𝙮 𝙣𝙮 𝙛𝙞𝙧𝙖𝙞𝙨𝙖𝙣𝙠𝙞𝙣𝙖. Hoy ireo fomba fiteny nentin-drazana:

“Fihavanana aloha vao finoana.”
“Tain’omby mivadika tsy misy mangalatra.”
“Aleo very tsikalakalam-bola toy izay very tsikalakalam-pihavanana.”
“Aza ny lohasaha mangina no jerena fa Zanahary ao an-tampon'ny loha .”

Tsy midika akory izany fa tsy tokony hodinihina na havaozina ny fomba amam-panao. Saingy ilaina ny manavaka ny kolontsaina sy ny soatoavina fototra amin’ireo fihetsika na fomba fanao mety hifanohitra amin’ny lalàna sy ny fiainan’ny fiarahamonina ankehitriny.

Ny tantara Malagasy ihany koa dia mampiseho fa maro tamin’ireo mpanjaka no niezaka nampiasa ny firaisankina, ny fandaminana ary ny fampandrosoana ho fototry ny fitondrana.

𝘼𝙣𝙙𝙧𝙞𝙖𝙢𝙖𝙨𝙞𝙣𝙖𝙫𝙖𝙡𝙤𝙣𝙖, ohatra, dia fantatra amin’ny ezaka nataony teo amin’ny fandaminana ny Betsimitatatra sy ny fanamafisana ny firaisan-kina teo amin’ny vahoaka( Ny raharaha Iombifotsy) .

𝘼𝙣𝙙𝙧𝙞𝙖𝙣𝙖𝙢𝙥𝙤𝙞𝙣𝙞𝙢𝙚𝙧𝙞𝙣𝙖 kosa dia nampifandray ny fanamafisana ny fanjakana tamin’ny ady amin’ny mosary, ny ady aminy tsy fandriampahalemana ary ny fandaminana ny fiarahamonina.

𝘼𝙣𝙙𝙧𝙞𝙖𝙢𝙖𝙣𝙙𝙖𝙯𝙤𝙖𝙡𝙖 indray dia ampifandraisina amin’ny fampiroboroboana ny seranana sy ny fifanakalozana ara-barotra, izay anisan’ny nampiroborobo ny fifandraisana sy ny toekarena.

Tsy misy Razambe na Kolontsaina Malagasy mahafoy aina fa manome lanja ny aina ny fomban-drazana sy kolontsaina

𝘓𝘢𝘩𝘪𝘵𝘰𝘬𝘢𝘯𝘢 𝘯𝘺 𝘢𝘪𝘯𝘢
𝘕𝘺 𝘢𝘪𝘯𝘢 𝘵𝘢𝘩𝘢𝘬𝘢 𝘯𝘺 𝘵𝘢𝘷𝘪𝘮𝘣𝘪𝘭𝘢𝘯𝘢
𝘙𝘢𝘩𝘢 𝘵𝘰𝘢𝘯𝘢 𝘯𝘺 𝘢𝘵𝘺 𝘮𝘢𝘳𝘢𝘳𝘺 𝘯𝘺 𝘢𝘧𝘦𝘳𝘰
𝘍𝘢𝘥𝘪𝘰 𝘯𝘺 𝘮𝘢𝘯𝘢𝘰 𝘵𝘳𝘢𝘯𝘰 𝘢𝘷𝘰 𝘢𝘷𝘢𝘳𝘢𝘵𝘳𝘢

Noho izany, raha miresaka ny olana ara-piarahamonina ankehitriny isika , dia ilaina ny fijery mandanjalanja sy mifototra amin’ny zava-misy. Tsy tokony ho mora ny manondro ny fomban-drazana ho fototry ny tsy fandriampahalemana, raha tsy misy fanadihadiana sy porofo manohana izany.

Ny kolontsaina dia azo dinihina, tsikeraina ary hatsaraina araka ny fivoaran’ny fiaraha-monina . Saingy tokony hotandrovina ihany koa ireo soatoavina mampiray ny Malagasy: fihavanana, fifanajana, firaisankina ary andraikitra iombonana.

Ny fanontaniana tokony hapetraka, araka izany, dia tsy hoe: “Ahoana no hamongorana ny fomban-drazana?”, fa hoe : “ 𝘼𝙝𝙤𝙖𝙣𝙖 𝙣𝙤 𝙝𝙖𝙢𝙥𝙞𝙖𝙨𝙖𝙣𝙖 𝙞𝙧𝙚𝙤 𝙨𝙤𝙖𝙩𝙤𝙖𝙫𝙞𝙣𝙖 𝙖𝙫𝙮 𝙖𝙢𝙞𝙣’𝙣𝙮 𝙧𝙖𝙯𝙖𝙣𝙖 𝙢𝙗𝙖 𝙝𝙖𝙣𝙖𝙣𝙜𝙖𝙣𝙖𝙣𝙖 𝙛𝙞𝙖𝙧𝙖𝙝𝙖𝙢𝙤𝙣𝙞𝙣𝙖 𝙢𝙞𝙡𝙖𝙢𝙞𝙣𝙖, 𝙢𝙞𝙧𝙖𝙮 𝙝𝙞𝙣𝙖 𝙖𝙧𝙮 𝙢𝙖𝙣𝙙𝙧𝙤𝙨𝙤 𝙞𝙣𝙙𝙧𝙖𝙮?”

24/08/2026

𝙁𝙞𝙩𝙖𝙧𝙖𝙞𝙣𝙖𝙣𝙖 𝙨𝙮 𝙖𝙝𝙞𝙖𝙝𝙮 𝙢𝙤𝙢𝙗𝙖 𝙣𝙮 𝙛𝙞𝙝𝙚𝙩𝙨𝙞𝙠𝙖 𝙖𝙩𝙖𝙤𝙣’𝙣𝙮 𝙡𝙚𝙝𝙞𝙡𝙖𝙝𝙮 𝙞𝙧𝙖𝙮: 𝙖𝙣𝙩𝙨𝙤 𝙝𝙤 𝙖𝙢𝙞𝙣’𝙣𝙮 𝙛𝙖𝙣𝙖𝙙𝙞𝙝𝙖𝙙𝙞𝙖𝙣𝙖 𝙡𝙖𝙡𝙞𝙣𝙖

Araka ny fitarainana sy vaovao voaray avy amin’ireo mponina, dia efa hatramin’ny taona 2022 no voalaza fa nahitana tranga mampiahiahy mifandraika amin’ity lehilahy ity.

Voalaza fa any amin’ireo faritra Andranoro, Andranomena, Ambohimanarina ary hatrany Alasora dia efa nisy olona nitaraina momba ny fihetsika ataony.

Anisan’ny fitarainana voatonona ny momba ny mpiandry rano ao Andriamanelo, izay milaza fa voalaza fa anipazany rongony ny rano ary ifohany rongony eny an-toerana. Etsy ankilany, misy koa ireo mpandeha sy mponina ao Andranoro mitatitra fa misy fitaovana very na alainy rehefa hitany.

Mampanahy ihany koa ny filazana fa hatramin’ny zavatr' olona nodimandry aza dia angalariny ankatoky ny fandevenana.

Manoloana ireo fitarainana miverimberina ireo, dia ilaina ny fanadihadiana matotra sy mahery hamantarana ny marina, hanavahana ny zava-misy amin’ny tsaho, ary handraisana fepetra raha toa ka voaporofo ny fandikan-dalàna.

Tokony hojerena manokana ihany koa ny resaka mety hisian’ny fandotoana na fanimbana ny fomba amam-panao sy ny soatoavina nentin-drazana, raha misy porofo manamarina izany.

23/08/2026

Andriantsihanika
Antsa miaramila