Academie Militaire, ACADÉMIE MILITAIRE, Antsirabe (2026)

31/03/2026

ANTSIRABE: FAHATSIAROVANA NY ANDRON’NY 29 MARTSA.
Nisy ny lanonam-pahatsiarovana ny faha-79 taona ny tolom-panafahana 29 martsa 1947 izay natao tao amin’ny tanànan ‘Antsirabe tamin’ity taona 2026 ity.
Manaraka ny tara-kevitra : « Tolom-panafahana : fanavaozana ny fitiavan-tanindrazana».
Ny lanonam-panamarihana sy ny fametrahana fehezam-boninkazo dia natao teo amin’ny tsangam-bato ny 29 martsa manoloana ny garan’Antsirabe ny alahady 29 martsa 2026 nanomboka tamin’ny 08 ora maraina.
Efa nisy ihany koa ny fotoam-pivavavhana iraisam-pinoana izay notanterahina tao amin’ny Chapelle Militaire Antsirabe ny alahady 22 martsa 2026.
Nandray anjara tamin’izany ireo manam-pahefana sivily sy miaramila avy eto Antsirabe notarihin’Andriamatoa Prefet an’Antsirabe sy Ramatoa Lehiben’ny faritra Vakinankaratra mpisolo toerana ary notronin’ireo vahoaka maro.

10/03/2026

ANTSIRABE: FANKALAZANA NY ANDRON’NY 08 MARTSA
Nisy ny fankalazana ny andron’ny vehivavy (na ny 08 martsa) ho an’ity taona 2026 ity izay natao tao amin’ny tanànan’Antsirabe.
Niantomboka ny 06 martsa izany fankalazàna izany, ka ny rodobem-behivavy (foulée des dames) nandraisan’ireo fikambanam-behivavy samihafa, niainga avy eo amin’ny sampan-draharaham-paritry ny Mponina Vakinankaratra, notohizana tamin’ny dihy miaraka (zumba) manoloana ny gara sy ny fotoam-pivavahana iraisam-pinoana tao amin’ny EKAR « Notre dame de la Salette » Antsirabe.
Ny andron’ny 07 martsa dia nanao fanadiovana miaraka tao amin’ny Sekoly « Lycée André RESAMPA » ireo Fikam-banam-behivavy maro ao amin’ny Tanànan’Antsirabe.
Ny 08 martsa indray kosa dia nisy ny diabe na ny filaharana niainga manoloana ny sampan-draharaham-paritry ny mponina Vakinankaratra ka nihazo ny araben’ny fahaleovan-tena (Tsangambato) Antsirabe.
Nahitana ihany koa hetsika ara-java-kanto izay naseho tamin’ny alalan’ny fanaovana dihy, narahin’ny fandraisam-pitenanana nataon’ireo Manampahefana sy tompon’andraikitra maro. Teo koa ny fitsidihana ireo Tranoheva nahitana varotra fampirantiana nataon’ireo Fikam-banm-behivavy isan-tsokajiny, sy ny tranoheva nahitana ny fitsaboana sy fitiliana ara-pahasalamàna maro samihafa.
Tsy latsa-danja ihany koa ny hetsika ara-panatanjahan-tena toy ny Basket-ball izay nifaninanan’ireo Fikambanam-behivavy ireo nandritra ny telo andro nanaovana ny hetsika fankalazàna.
Nandray anjara tamin’ity hetsika ity ny Fikambanan’ny Vehivavy Vady Miaramila (FIVAMI) sy ny vehivavy miaramila ary ireo Vehivavy Mpiasa sivily avy ao amin’i Akademia Miaramila, ny ENSOA, ny 5°UPC, ny Fikambanan’ny Vadin’ny Zandary (FIVAZA) sy ny Zandary vehivavy avy ao amin’ny Vondron-tobim-Paritry ny zandarimariam-Pirenena Vakinankaratra ary ny Fikambanan’ny vadin’ny Polisy sy ireo Polisy vavy (FIVAPOVA).
Nitohy tao amin’i Akademia Miaramila moa ny hetsika ho an’ireto farany, izay nofaranana tamin’ny fiaraha-mikorana.

10/03/2026

AKADEMIA MIARAMILA : TOLO-TANANA HO AN’NY MPIRAY TANINDRAZANA.
Mifanome tanana amin’ireo Mpiray Tanindrazana niharam-boina noho ny rivo-doza any amin’ny Faritra Atsinanana ny Fianakaviam-ben’i Akademia Miaramila Antsirabe.
Tonga nanatitra ny anjara fanomezana ho fanampiana ireo havana niharam-boina ireo ny solon-tena avy ao amin’ny Sekoly izay notarihin’i Jeneraly RATSARAHEVITRA Andriamisetra, Komandin’i Akademia Miaramila, ary notronin’ireo mpiara-miasa aminy, ny asabotsy 21 febroary 2026.
Teo amin’ny Araben’ny Fahaleovan-tena manoloana ny Tsangambato Antsirabe moa no nanatanterahina izany tolo-tanana izany ho an’i Faritra Vakinankaratra.
Izao hetsika izao dia manamarika ny fiombonam-po sy fihavanana mampiray ny Malagasy.
Efa nisy ihany koa moa ny hetsika niarahana tamin’ireo Hery Fiarovana sy Filaminana ary ireo Fitaleavam-paritra sy ny hery velona rehetra eto Vakinankaratra mialohan’izao.

13/01/2026

⚔️TANINDRAZANA TOKANA, ADIDY IOMBONANA⚔️

11/01/2026

⚔️Arahabaina ny Foloalindahy Malagasy rehetra nahatratra ny Andron'ny 12 JANOARY 2026⚔️
✨"TANINDRAZANA TOKANA, ADIDY IOMBONANA"🪂

08/01/2026

Toy ny fanao isakin’ny alatsinainy voalohany amin’ny volana dia nanatanteraka “Rassemblement” iraisana ny Foloalindahy sy ny mpiasa sivily eo anivon’ny Garnison Antsirabe ny Alatsinainy 05 janoary 2026, izay nahitana ny avy ao amin’i Akademia Miaramila, ny avy ao amin’i ENSOA, ny 5°UPC ary ny Vondron-tobim-paritry ny Zandarimariam-Pirenena Vakinankaratra.
Tao anatin’izany no nanaovan’i Médecin/Lieutenant-Colonel RAVELOSON, Médecin-Chef ny FSFA2 Antsirabe ny fampahafantarana sy fanentanana mahakasika ny valan’aretina « MPOX », ary ny fanantonana avy hatrany toeram’pitsaboana raha misy tranga ara-pahasalamàna hafahafa.
Nanamafy ihany koa ny Jeneraly RATSARAHEVITRA Andriamisetra, Komandin’ny Fari-piadidiana Miaramila Antsirabe, ny amin’ny tokony hanajàna ny fepetra rehetra mahakasika ny fisorohana amin’ity valan’aretina ity, toy ny tsy fifampikasohana sy ny fanasàna tanàna amin’ny rano sy savony, ny fametrahana ireo peta-drindrina amin’ny toerana rehetra ivezivezena.
Taorian’izay moa dia notohizana tamin’ny fanatanterahana ny Fotoam-bavaka VMK (Vondrona Miaramila Kristianina) ny fotoana ho an’ Akademia Miaramila, mba ho fangataham-pitahiana ho an’ny taona vaovao.

27/12/2025

FITSIDIHINA NATAON'IREO MANAMBONINAHITRA AVY AMIN'NY TAFIKA INDIANA.
Nanao fitsidihana tamin’ny fomba ofisialy ny Akademia Miaramila Antsirabe ireo Manamboninahitra ambony avy amin’ny Tafika Indianina ny 22 desambra 2025. Delegasiona notarihin'i kolonely DEVASHISH Diksh*t.
Ity fandalovana ity dia tafiditra ao anatin’ny fanamafisana ny fiaraha-miasa ara-miaramila sy ara-piofanana eo amin’ny Tafika Malagasy sy ny Tafika Indianina.
Nandray azy ireo tamin’izany ny Jeneraly RATSARAHEVITRA Andriamisetra, Komandin’i Akademia sy ireo mpiara-miasa aminy.
Nisy ny fanazavana sy fampahafantarana mahakasika ny Sekoly narahina fitsidihana ireo toeram-panofanana.
Nanazava ny fahaiza-manaony ara-tafika ihany koa ireto delegasionina ireto.

27/12/2025

AKADEMIA MIARAMILA: FANKALAZANA NY NOELY 2025.
Nankalaza ny Noely 2025 ny fianakaviam-ben’i Akademia Miaramila. Lanonana izay nokarakarain’i ASAMI (Asa Sosialy ny Akademia MIaramila) ny 20 desambra 2025.
Nanombohana izany ny fotoam-pivavahana notarihin’ireo Ray aman-dreny Ara-panahy (Aumôniers militaires) mitandrina ny Chapelle Militaire Antsirabe.
Nisy ihany koa ny fampisehoana kilalao sy hira izay nahitana ny fandraisan’anjaran’ireo ankizy, zanaky ny miaramila sy ny mpiasa sivily ao amin’ny Sekoly, ny Mpianatra ho Manamboninahitra ary ny miaramila avy ao amin’ny Bataillon des Opérations et Services (BAT.OPS).
Nofaranana tamin’ny fizarana vatomamy sy fanomezana ho an’ny mpikambana rehetra ny fankalazana mba ho mariky ny fifankatiavana sy ny firaisan-kina.
Nitarika ny lanonana ny Jeneraly RATSARAHEVITRA Andriamisetra, Komandin’i Akademia Miaramila sady filoham-boninahitry ny ASAMI, notronin’ireo vady aman-janany.

26/12/2025

FANEHOANA HO AMBANY FANEVA
Ny 18 desambra 2025 no naseho ho ambany faneva ireo Mpianatra ho Manamboninahitra ao amin’ny andiany mivantana faha 48 ny Akademia Miaramila. Izany dia notanterahina tao amin’ny “Place d’Armes“ ny Akademia Miaramila. Mpianatra ho Manamboninahitra miisa 89 ireo naseho teo ambany faneva tamin’io fotoana io, izay ahitana vehivavy miisa 08, sy teratany vahiny 10 mirahalahy, avy any: Burkina Faso, Niger, Côte d’Ivoire ary Comores.
Ny fisafoana ny andian-tafika no nanokafana ny fotoana, izay nataon’Andriamatoa Jeneraly, Komandin’i Akademia Miaramila.
Nanome voninahitra ny lanonana ny Minisitry ny Foloalindahy, ny Jeneraly RAZAFITOMBO Maminirina Ely sy ny Minisitra Delege misahana ny Zandarimariam-Pirenena, ny Jeneraly BAMA Marima niaraka tamin’ny Lehiben’ny Etamazaoron’ireo Tafika, ny Jeneraly PIKULAS Démosthène, ary ny Jeneraly Komandin’ny Fari-Piarovana sy Filaminana Tsiafajavona.
Taorian’ny firedonana ny hiram-pirenena dia naseho teo ambany faneva ity andiany mivantana faha 48 ity, rehefa niezaka sy nilofo mandritra ny fiofana ara-teknika fototra maha-miaramila na ny FETTA (Formation Elémentaire Technique des Toutes Armes), ary koa naharitra ny fitaizàna niandraiketan’ireo zokiny ka nahatontosa izany antsakany sy andavany.
Lanonana miavaka teo ambany fitarihin’Andriamatoa Jeneraly RATSARAHEVITRA Andriamisetra, Komandin’i Akademia Miaramila.
Ny matso notarihin’ny Lehiben’ny Sampan-draharaha fanofanana sy Fiofanana, narahin’ireo Manamboninahitra mpanabe sy ireo mpianatra ho manamboninahitra manaraka fiofanana ato am’ny Akademia Miaramila: Andiany mivantana faha 47, faha 48, ary ny andiany Iraisam-piadiana faha 22 no nanakatonana ny lanonana ara-miaramila.
Taorian’ny lanonana ara-miaramila dia nitsidika ny toerana hanaovana asa fanorenana trano fanampiny hipetrahan’ireo mpianatra ho manamboninahitra ao amin’ny Akademia Miaramila ireo Manampahefana.
Taorian’izay dia nisy ny fampisehoana fahaiza-manao ara-miaramila nataon’ireo mpianatra ho manamboninahitra avy ao amin’ny andiany mivantana faha-48.

30/10/2025

FANDRESENA 2025!✍️💪

12/01/2025

✨Ny Akademia Miaramila dia faly miarahaba ny Manamboninahitry ny Foloalindahy rehetra nahatratra ny Andron'ny 12 janoary🎉

Academie Militaire

31/03/2026

10/03/2026

10/03/2026

13/01/2026

11/01/2026

08/01/2026

27/12/2025

27/12/2025

26/12/2025

30/10/2025

12/01/2025

Address

Website

Alerts

Shortcuts

Share

Category

Listing takedown request