Fermagri Mikolo

Elaela tsy tazana tatoato fa sahirana mikarakara vokatra

Manao ahoana ny vokatra ao ry Tantsaha?
Inona ny lesoka tokony harenina, dia inona ny efa hita fa tokony tohizana

Zarao amin’ny kaomantera mba hakan’ny hafa lesona sy hanatsarana ny ho avy

Mandroso miaraka no tanjona

‎INONA NO MAHATONGA NY AHI-DRATSY HITOMBO BE EO AMIN'NY TANIMBOLY ?
‎
‎Satria feno ny fepetra ilainy amin'ny fitomboany, ohatran'ny fambolena ihany io e, rehefa ampy sakafo izy, ampy ny hazavana ilainy, ampy ny rano takiany, tsy misy mpifaninana izy dia mitombo izy arak'izay izy.
‎
‎Noho izany alohan'ny hitondrana teknika hanakanana ny AHI-DRATSY dia ilaina fantarina fa mitombo ihany koa izy rehefa : Mahazo hazavana (lumière), Mahazo rano, mahazo otrikaina, tsy misy fifaninanana (concurrence)
‎
‎Ireto teknika ireto dia mikendry ny hanesorana iray amin’ireo fepetra ireo :
‎- FANAJANA NY ELANELANA (Densité de semis) : Hajao ny elanelana isam-pototra tokony ho izy mba tsy halalaka loatra satria rehefa rakotra ny voly haingana ny tany dia tsy misy toerana ho an’ny ahi-dratsy, manakana ny hazavana tsy hahatratra ny voan’ahi-dratsy ihany koa ary mampihena sy manakana ny fitsiriany
‎
‎- FITANTANANA NY ZEZIKA TSARA : Rehefa mitondra zezika dia ataovy eo amin'ny fototry ny voly fa tsy aparitaka amin'ny tany rehetra satria raha aparitaka dia iny koa Ilay mampitombo ny ahi-dratsy be
‎
‎- FANDRAKOFANA TANY (Paillage) : Rehefa mampiasa ity rako-maty ity toy ny bozaka maina, mololo dia ataovy manodidina ny voly tsara ilay rakotra. Manakana ny fitsirian'ny voan'ahitra ity teknika ity satria mila hazavana izy vao mitsiry kanefa voatakona an'ilay rakotra ny tany ka tsy misy lalana hivoahany intsony
‎
‎- MAMPIARAKA VOLY MANARONA NY TANY (Plantes sous-couvertures) AMIN'NY VOLY AMBOLENAO : Amin'ity teknika ity dia ny voly lava noho Ilay rakotra velona no tsara ampiarahana aminy satria lasa rakotra koa ilay fambolena. Ohatra: Katsaka sy Mucuna, ambolena 1 volana mialoha Ilay katsaka vao mamafy ilay Mucuna. Amin'izay sady voasakana ny ahi-dratsy no masaka ihany koa ny taninao e
‎
‎- FIFANDIMBIASAN’NY VOLY (ROTATION) : Ity ny tena teknika tsara ihany koa satria
‎tapaka ny “cycle de vie” na ny tsingerim-piainana ny ahi-dratsy rehefa mampifandimby voly ianao satria ny ahi-dratsy dia manana ny fotoana hitsiriany, ny fotoana hitomboany, ny fotoana hamokarany voa.
‎
‎Noho izany raha mitovy foana ny voly ataonao eo dia mahazo aina izy, mitombo no sady mamokatra voa betsaka. Fa raha ovaina ny voly dia tsy mifanaraka amin’ny fotoana sy ny tontolo intsony iny ka Tsy mahavita mamokatra voa intsony izy
‎
‎Mandroso miaraka no tanjona🤗
‎

‎FOMBA HANAMASAHANA SY HANATSARANA NY TOETRY NY TANY MBA HAMOKATRA
‎
‎Hita fa tena manomboka manta sy tsy azahoana vokatra be intsony ny tany amin'izao, eny na dia mitondra zezika ihany ary ianao isaky ny hamboly. Io ilay mahatonga fatiantoka ho antsika tantsaha mpamokatra.
‎
‎Kanefa noho ny fampiasana akora simika diso tafahoatra sy ny tsy fanarahana ny fatra tokony ho izy io anie no anton'ny mahatonga ny tany tsy hamokatra e, izay miteraka lafy ratsy ao amin'ny tontolo iainana ihany koa.
‎
‎Raha tsy voakarakara anefa ny tany dia tsy mahavokatra tsara ny voly ka izay ny antony tokony hamerenantsika ireo tsiron-tany ao aminy.
‎
‎- TEKNIKA "JACHÈRE" : Miteraka resabe ity satria hoe tsy hamboly mandritra ny taona 1 izany??? Safidy ilay izy satria fambolena maharitra (Agriculture durable) no tanjona ka tsy ny androany ihany no jerena. Ao anatin'ity dia hatsahatra tsy hambolena aloha ny tany mandritra ny taona 1 farafarakeliny, mba hamerenana ny nofontany. Tsy havela hiboridana be eo fotsiny anefa fa mba asiana ireo voly rakotra mba hamerenana ny tsiron-tany. Après ianao miverina mamboly no sady tsy mila miasa tany intsony fa manao "O labour".
‎
‎- MANAO VOLY RAKOTRA (SCV) : Ity no tsara indrindra satria rehefa mamboly isika dia maka ireo tsiron-tany ka mila mamerina rehefa maka mba hitazomana ny tany hamokatra foana. Ireto misy karazana voly rakotra velona afaka hambolena : Mucuna, stylosanthes, bracharia.
‎
‎- MANAJA NY FIFANDIMBIASAM-BOLY (Rotation culturale) : Ilay ity satria rehefa voly 1 foana no hambolenao isaky ny fotoam-pambolena dia ho lany ritra ireo otrikaina ao anaty tany satria sakafo mitovy foana no alainy ao. Teknika anaovana azy : Légumineuses (tsaramaso, soja,...) > Légumes feuilles (anana, salady,...) na Céréales (Vary, katsaka) > Légumes racines (Ovy, betiravy,...) > Légumes fruits (voatabia, concombre,...) izay tena mandany ny tsiron-tany. Dia miodina arak'izay. Manakana ny fitombon'ny aretina sy ireo bibikely mpanimba voly koa anefa ity teknika ity.
‎
‎- MANAO FIFAMPIVADIAM-MBOLY (Association culturale): Fampiarahana voly samihafa eo amin'ny tanimboly anankiray. Voly tsy mitovy karazana, izany hoe tsy mitovy fianakaviam-be (famille) mba tsy hahalany aingana ny tsiron-tany satria tsy mitovy amin'izay otrikaina alainy anaty tany. Ohatra : Anana (Azote) sy Karaoty (Phosphore). Manampy amin'ny fiadiana amin'ny fahavalo mpanimba voly ihany koa anefa ity teknika 1 ity
‎
‎- MANAO RAKOTRA MATY (Paillage) : Izany hoe fandrakofana ny tany amin'ny ireny bozaka maina, mololo mba hitazomana ny hamandoana ao anaty tany sy mampitombo ireo otrikaina anaty tany rehefa loa.
‎
‎- MITONDRA ZEZIKA BIOLOJIKA toy ny KAOMPOSTA
‎
‎Hiresaka lalindalina ny fomba fanamasahana tany isika amin'ny FORMATION "AGRICULTURE DE BASE ET MODERNE" amin'ny SABOTSY 28 MARS ho avy izao ao amin'ny FALDA ANTANIMENA TANÀ.
‎
‎Mandroso miaraka no tanjona 🤗
‎

‎IREO SINGA AO ANATIN'NY AKORA AMPIASANA AMIN'NY FANAMBOARANA ZEZIKA BIOLOJIKA AHITANA N-P-K
‎
‎Fanontaniana mipetraka matetika dia hoe ahoana no ahafahantarana fa manankarena N (Azote) na P (Phosphore ) na K (Potassium) Ilay akora ampiasana amin'ny fanamboarana zezika biolojika toy ny KAOMPOSTA na PURIN (ranon-jezika) satria ny zezika simika tonga dia miseho eo hoe N-P-K, Urée (N) ? Ireto misy akora maromaro efa fantatra ny singa ao aminy tamin'ny fikarohana izay efa natao :
‎
‎AKORA AMPIASANA AMIN'NY FANAMBOARANA KAOMPOSTA :
‎
‎- Consoude: Potassium (K) > Azote (N) > Phosphore (P)
‎- Tithonia na Tanamasoandro dia na Be mangidy : Manankarena NPK
‎- Mucuna : Azote no tena betsaka
‎- Desmodium na mandalo dia miraikitra : Azote no tena betsaka
‎- Radriaka : Azote sy Potassium
‎- Tephrosia : Azote no tena betsaka
‎- Jacinthe d'eau na Tsikafokafona : Azote sy Potassium
‎- Crotalaire : manankarena Azote
‎- Cajanus na Amberivatsy : Azote
‎- Sesbania : Azote
‎- Vatan'akondro : Potassium (K)
‎- Ortie : Azote no betsaka fa misy Potassium koa anefa
‎- Hoditr'akondro : Potassium (K)
‎- Trèfles : Azote
‎- Pissenlit na ny beroberoka : Potassium (K), phosphore (P), Calcium (Ca)
‎- Rumex: Ahitana ireo singa rehetra ilain'ny zava-maniry (NPK)
‎- Apanga (Fougère) : Azote sy Potassium
‎
‎AKORA AFAKA AMPIASANA AMIN'NY FANAMBOARANA RANON-JEZIKA NA PURIN :
‎
‎- Ortie : Azote
‎- Taretra : Potassium
‎- Vatan'akondro : Potassium sy Phosphore
‎- Hoditr'akondro : Potassium
‎- Beroberoka : Potassium (K), phosphore (P), Calcium (Ca)
‎- Tephrosia : Azote
‎- Cajanus : Azote
‎- Consoude : Potassium
‎- Tithonia : Manankarena NPK
‎- Absinthe : Azote sy Potassium
‎- Tanaisie : Azote sy Potassium
‎- Apanga : Azote sy Potassium
‎
‎ZEZIKA HAFA :
‎- Zezi-pahitra : Azote no tena betsaka
‎- Lavenona manankarena Phosphore (P) : Tonga dia ampiasana mivantana na ampiarahana amin'ny zezika
‎- Vovon-taolana manankarena Phosphore sy calcium
‎- Vovon-kazo : manankarena Phosphore sy Potassium fa FADIO fotsiny mba tsy ho ilay hazo misy asida be ireny no ampiasana : Pin, kininina, Mimosa
‎- Tain'omby lena : Azote sy Phosphore
‎- Tain'omby maina : Azote sy Potassium
‎- Pipian'omby : Azote sy Potassium
‎
‎AKORA AFAKA ANAOVANA BIOCHAR :
‎- B***e de riz (Akofam-bary) : Azote sy Potassium
‎- Coques d'arachide (Akoram-boanjo) : Azote sy Potassium
‎- Son de riz (Apombo): Azote sy Phosphore
‎
‎Fanamarihana : Azonao atao ny mampiaraka ireo akora ireo amin'ny zezika amboarinao mba ahazoanao Ilay singa feno NPK. Afaka atao "ENGRAIS VERT" ihany koa anefa izy ireo.
‎
‎Hiresaka bebe kokoa mahakasika ireo sy ny fomba fanamboarana zezika biolojika isika ao anatin'ny FIOFANANA AMIN'NY 28 MARS ho avy izao ao amin'ny FALDA ANTANIMENA TANÀ. Manomboka amin'ny 8h30 ny fiofanana
‎
‎Mandroso miaraka no tanjona 🤗
‎

‎FOMBA FITONDRANA ZEZIKA HO AN'NY VOLY
‎
‎Ilaina ny fahaizana mitondra zezika satria tsy ny fitondrana zezika be dia be no tsara indrindra fa ny fahaizana mampiasa azy. Mila fantatra ihany koa ao anatin'izay ny filan'ny fambolena dia manarak'izay ny zezika entina. Ato isika ilay miresaka an'ilay hoe "ZEZIKA TSARA FATRA".
‎
‎- FADIO NY ZEZIKA DISO BOSAKA (BE LOATRA) : Ny fitondrana zezika diso fatra "Excès d'engrais" dia mety handoro ny fakan'ny voly ka hahatonga azy tsy hitroka ara-dalàna ireo otrikaina ilainy sy mety hahafaty azy mihitsy.
‎
‎- MILA FANTATRA IHANY KOA NY FILAN'NY VOLY ALOHAN'NY HITONDRANA ZEZIKA :
‎- Azota no tena ilain'ireo voly mandravina toy ny anana, salady, laisoa, persil, céleri,...
‎- Potassium (K) ilain'ireo voly mamoa toy ny voatabia, korzety, voatavo, tsaramaso, petit pois, ...
‎- Fôsfôro (P) ho an'ireo voly mamody toy ny karaoty, Ovy, betterave, mangahazo,...
‎Ka raha zezika be azota ohatra no entinao betsaka amin'ny volinao toy ny voatabia na ovy dia ho lasa mandravina be fotsiny ny volinao fa mety ho vitsy na ho kely ny vodin'ilay ovy azonao.
‎
‎- AFANGARO AMIN'NY TANY RAHA ZEZIKA BIOLOJIKA : Tsara foana raha somary afangaro kely amin'ny tany ny zezika rehefa mamafy fa tsy avela hifandray mivantana amin'ny masomboly satria mety handoro ny masombolinao izany
‎
‎- APETRAKA MANODIDINA NY FOTON'NY VOLY NY ZEZIKA : Rehefa mitondra zezika dia tsara raha manodidina ny fototry ny voly no hametrahana azy satria ny fakan'ny voly no mitroka ny otrikaina ilain'ny voly, izay tena miantoka ny vokatrao.
‎
‎- MILA TOTOFANA TANY TSARA mba tsy ho danihin'ny masoandro ka mety hahavery ireo otrikaina ao anatiny
‎
‎Na dia anisan'ny fototra tena ilain'ny fambolena ary ny zezika dia tsy ny fitondrana be dia be azy no mahatsara vokatra fa ny fahaizana mampiasa azy.
‎
‎Hidirantsika lalindalina kokoa izy ireo amin'ny FIOFANANA AMIN'NY 28 MARS ho avy izao miaraka amin'ny fomba fanamboarana zezika biolojika toy ny KAOMPOSTA, LOMBRICOMPOST, RANON-JEZIKA,...
‎
‎Mandroso miaraka no tanjona 🤗

‎TEKNIKA HITAZOMANA NY HAMANDOAN'NY TANY
‎
‎Hiditra vanim-potoana maina isika izao. Ilaina ny teknika hitazomana ny hamandoan'ny tany satria zava-dehibe amin’ny fambolena izany no manampy ny zava-maniry hitombo tsara, mampihena ny filàna fanondrahana matetika koa ary manatsara ny vokatra.
‎Ireto misy teknika maro azo ampiasaina :
‎
‎- FANAOVANA RAKO-MATY (Paillage) : Asiana bozaka maina na ravina maina na mololo manarona ny tany manodidina ny voly. Manampy amin'ny fitazomana ny rano ao anaty tany izany ary mampihena ny fahamainana. Eo ihany koa hiarovana ny fakan'ny zava-maniry tsy ho tratry ny masoandro.
‎
‎- FITONDRANA ZEZIKA BIOLOJIKA TSARA FATRA (KAOMPOSTA, LOMBRICOMPOST,...) : Mila atao tsara fatra tsara ny zezika entina rehefa hamboly satria iny anisan'ny manampy amin'ny fanatsarana ny firafitry ny tany sady manampy azy hitahiry rano ela kokoa ao anatin'ny tany. Miantoka ny fitazomana ny tsiron-tany ihany koa izany.
‎
‎- FANAOVANA VOLY RAKOTRA (Afaka ampiarahana amin'ny voly na volena mitokana) : Toy ny Mucuna, stylosanthes, trèfle, vesce, bracharia izay voly mandrakotra ny tany sy manakana ny masoandro tsy handoro mivantana ny tany izay manampy azy hitazona ny hamandoana sy mampihena ny fahamainana.
‎
‎- FANAOVANA LAKAN-DRANO MANODIDINA NY VOLY : Manampy amin'ny fitahirizana sy fanangonana ny ranon’orana eo amin’ny fototry ny voly, izay mampihena ny fahamainan'ny tany.
‎
‎- FANAOVANA FAMPIVADIAM-BOLY (Association culturale) : Fambolena karazana voly maromaro miaraka satria ny aloky ny zava-maniry sasany dia manampy hitazona ny hamandoana ao anaty tany.
‎
‎- FANONDRAHANA AMIN'NY FOTOANA METY : Tsaratsara kokoa ny manondraka maraina be amin'ny fiposahan'ny masoandro (6h ka hatramin'ny 9h30) na hariva (14h30 ka hatramin'ny 17h30) mialohan'ny filentehan'ny masoandro. Tsy manondraka mihoatra io ora io ny maraina satria lasa danihan'ny masoandro fotsiny ny rano atondraka ka lasa entona ny ankamaroany. Tsy manondraka mihoatra io ora voatondro io kosa ny hariva satria efa matory ny zava-maniry iray ka ny fanondrahana azy mihoatra io ora io dia mety hiteraka stress ho azy ary hisy fiantraikiny any amin'ny vokatra azo.
‎
‎Torohevitra: Aza avela hiboridana ny tany, satria very haingana ny rano ao anatiny rehefa tratran’ny masoandro sy ny rivotra.
‎Hianarantsika daholo ireo amin'ny FIOFANANA AMIN'NY 28 MARS ho avy izao ho an'i TANÀ.
‎
‎Mandroso miaraka no tanjona 🤗
‎
‎

IREO FOTOTRA MAMPAHOMBY NY FAMBOLENA

Ilaina foana ny manana fototra hiaingana raha te hahomby aty amin’ny fambolena na eo ary ny fiovan’ny toetr’andro izay manao ny ataony. Manampy anao ireto fototra ireto hiatrehanao ny olana miseho eo amin’ny fambolenao, manarak’izay ihany koa ny teknikam-pamokarana maoderina.

- NY FOMBA FANAMASAHANA TANY (Mamboly voly rakotra toy ny Mucuna, Stylosanthès, arachis pintoï,… : Fantaro mialoha ny taninao (Tany manta sa masaka) alohan’ny ambolena. Rehefa lany ny tsiron-tany dia tsy hahazo vokatra tsara mihitsy ianao satria tsy misy tany afaka mamokatra foana raha tsy hainao ny manamasaka izany amin'ny fotoana rehetra ilana izany.

- NY FOMBA FITAZOMANA NY TSIRON-TANY : Tsy afaka hamokatra maharitra isika raha tsy hay ny mifehy ireo fomba fitazomana ny tsiron'ny tany, mba ho anao sy ho an'ny taranaka mifanesy. Aza atao ambanin-javatra ny fitondrana zezika eto fa manampy be amin’ny fitazomana ny tsiron-tany izany

- NY TEKNIKA ENTINA HANATSARANA NY VOKATRA : Ohatra ny basket compost, paillage, fifampivadiam-boly (association culturale), fifampidimbiasam-boly (rotation culturale) : Tsy afaka mamokatra zavatra tsara kalitao isika raha tsy hay ny teknika entina mba hamokarana izay mifanaraka amin'ny tanjona tiana ho tratrarina

- FIAROVANA NY VOLY AMIN’NY ARETINA SY BIBIKELY : Maro be ireo akora natoraly afaka hiadiana amin’ny fahavalo mpanimba voly toy ny voandelaka, sakay, tongolo gasy, oeillet d’Inde, tagette,…. Rehefa tsy voafehinao ny fahavalo manimba ny volinao dia mety hiafara amin’ny fatiantoka faratampony

- NY TEKNIKA MANAJA NY TONTOLO IAINANA : Toy ny Agroforesterie (Alavadim-boly) izay sady fomba entina hiarovana ny ala. Sady manana sahy maitso isika no manana voly tsara kalitao miaraka aminy

- NY FANARAHA-MASO SY NY FIKARAKARANA NY FAMBOLENA : Tsy mijanona fotsiny amin’ilay hoe voavoly fa mila karakarana ny voly. Ohatra : Mila jerena tsara ny fotoana hiavana, hievoevona, ny fanotofana sns

Aza adino ihany koa fa ireto no tena fototra voalohany ankoatran’ireo voatanisa ireo :
- MASOMBOLY TSARA KALITAO
- ZEZIKA TSARA FATRA
- RANO TSARA TANTANA

Rehefa voafehy ireo dia azo antoka fa hahazo vokatra tsara ianao ankoatran’ny fiovan’ny toetr’andro izay tena olana miantefa amin’ny fambolena

Noho ny fahatsapana fa tena ilaintsika ireo fototra ireo no nisian’ny fiofanana mahakasika ny “AGRICULTURE DE BASE ET MODERNE” ho an’I TANÀ izay hianarana ireo fototra ireo sy ny teknikam-pambilena moderna (Legioma, very, katsaka, soja) sns

Mandroso miaraka no tanjona 🤗

‎Miovaova ny toetr'andro, miova manaraka an'izay ihany koa ny vokatra miakatra sy azo
‎
‎Tadidio fa isan-taona dia mivoatra manaraka ny toetr'andro ny teknika entina hamokarana mba hifanaraka amin'ny zava-misy andavan'andro hiainana
‎
‎Ny teknikam-pambolena teo aloha tsy hoe ratsy akory, fa na izany aza ilaina ihany koa ny manaraka ny teknikam-pambolena moderna mba ahazoana vokatra sahaza
‎
‎Ny tsy fahaizana mifidy izany amin'ny vanim-potoana rehetra (Voly avotra sy vola tsotra) dia mety hiteraka fatiantoka sy vokatra tsy tomombana
‎
‎Noho ny fahatsapana ireo rehetra ireo dia indro izahay hanolotra ho anareo fiofanana mahakasika ny AGRICULTURE DE BASE ET MODERNE ho an'ny Tana.
‎
‎Izany dia hianarana ireto teboka maromaro vitsivitsy ireto, izay afahana mandroso sy mifehy ny fambolena legioma, vary, katsaka, tsaramaso, sns
‎
1. ‎Teknikam-pambolena moderna ( Vary, katsaka, Soja, sns)
2. ‎Fambolena legioma moderna
3. ‎Fomba fanamboarana zezika
4. ‎Fomba fitazomana sy fanatsarana ny tsiron-tany
5. ‎Fomba fanarahana ny tetiandrom-pamokarana
6. ‎Ady gasy sy simika
7. ‎Culture hors sol
8. ‎hydroponie
‎Ny fiofanana dia natokana ho an'ireo zay vao hiditra ao anatin'ny tontolon'ny fambolena, na ihany koa te hanamafy ny traikefa efa hanana
‎
‎Atao ny sabotsy 28 Martsa 2026 ho avy izao ao amin'ny FALDA ANTANIMENA, izay manomboka amin'ny 8h30
‎
‎Ny saran'ny fiofanana dia 40.000Ar izay ahazoana attestation de formation sy support de formation
‎
‎Ho an'ireo izay liana amin'izany dia manasa anao handefa ny anaranao feno sy ny numéro ahazoana anao ao amin'ny hafatra miafina na ihany koa hiantso ny laharana
‎
‎034 23 191 16
‎034 14 110 24
‎
‎Ho ferana 40 ihany ny mpandray anjara amin'ity fiofanana ity ka rehefa feno ny isa dia mikatona ny fisoratana anarana
‎
‎Mandroso miaraka no tanjona
‎

FOMBA FAMBOLENA TSARAMASO
Hiditra vanim-potoana tsy dia mahabetsaka rotsak’orana isika izao, izay vanim-potoana azo hambolena tsaramaso.

Voalohany indrindra, masomboly tsara kalitao sy tsara fantina ampiasana. 70Kg ka hatramin’ny 80Kg /Ha ny fatran’ny masomboly

FOMBA FIKARAKARANA TANY :
- Eo amin’ny 25cm ka hatramin’ny 35cm ny halalin’ny asa
- Haravona tsara ny parcelle
FATRAN’NY ZEZIKA AMPIASANA :
- Raha zezi-pahitra : 5T/Ha
FOMBA FAMBOLENA AZY :
- Mielanelana 40cm ny ligne ary 20cm ny elanelana isaky ny fototra
- Atao 2 isan-davaka ny voa ary 3 ka hatramin’ny 5cm ny halaliny. Tsy atao lalina be fa manjary ela vao tafavoaka ilay voa

Aza adino fa aty anatin’ny fambolena dia ny finarakarana dia anisan’ny miantoka ny vokatrao. Rehefa hita fa manomboka misy betsaka ny ahi-dratsy dia mila miava, rehefa hita ihany koa fa maina be ny tany (tsy misy orana) dia mila manondraka. Farafahakeliny in-droa (2) miava amin’ny tsaramaso

Efa mampiomana sahady izahay ho an’i ANTANANARIVO fa ho avy ny fiofanana vaovao ho antsika amin’ity taona vaovao ity mahakasika ny « AGRIBUSINESS », satria tsy mijanona eo amin’ny hoe mamboly ihany isika fa mila mivelatra ao anatin’ny fampiodinanan’ny fambolena sy fiompiana mba hampidim-bola ho antsika

Mandroso miaraka no tanjona 🤗

Ela ela tsy tazana izahay fa mbola sahirana manomana zavatra vaovao ho anareo indray 🤗🤗

Sehatry ny fambolena sy fiompiana foana no tena ahafantaranareo ny Fermagri MIKOLO fa andao mba ampahafantarinay anareo fa misehatra ao anatin’ny asa tanana koa anie izahay e!
Ireto sombin-tsary ireto izao dia fiaraha-miasa niarahanay tamin’ny orinasa tsy miankina iray ao Ambatolampy🤗 Misaotra foana mahatoky e🙏🤗

Anisan’ny tanjona niraisanay ihany koa mantsy ny hoe hampiroborobo ny tontolo ambanivohitra sy hanome lanja ny vehivavy eo amin’ny sehatra rehetra🤗🥰
Mandroso miaraka no tanjona🤗

‎FAMBOLENA VOLANA FEBROARY

Ao anatin'ny vanim-potoana ho an'ny orana tanteraka isika amin'izao, ary raha hoarina tamin'ny taona lasa dia betsaka ny rotsak'orana tonga
‎
‎Noho izany, afaka hambolena avokoa ny hankamaroan'ny legioma, satria ampy tsara ny rano, fa na izany aza mila manao tatatra sy mamboly eo ambony dongona mba hialana amin'ny dibo rano
‎
‎Ireto misy sombina fambolena azo tsika volena mandritra ity volana ity
‎
‎Legioma :
‎Karoty
‎Anana
‎salade
‎chou fleu
‎tsaramaso
‎voatabia
‎courgette
‎haricot vert
‎Ovy
‎sy ny maro hafa
‎
‎Vilona :
‎Chloris
‎brachiaria
‎ray grass
‎avoine
‎
‎Ho an'ireo mila ilay FAMBOLENA ISAM-BATAN'OLONA SY TOROHEVITRA 2026, dia soraty ao anaty commentaire ny FAMBOLENA SY FIOMPIANA, dia ho zarainay miandalana aminao izany
‎
‎Raha tianao foana ny hizarana zavatra tsara sy mahasoa eto, dia aza adino ny manaraka ny pejy sy mizara ary mitaona ny namana hanaraka
‎
‎Mandroso miaraka no tanjona 🤗