Eveil spirituel

SPIRITUALITE : IREO FIANGONANA 7 AO ANATINTSIKA (2)

Voasoratra ao anaty Baiboly Kristiana ireo taratasy nosoratana ho an’ireo Fiangonana 7, hitantsika ao amin’ny Apokalypsy, dia ny Fiangonana Efesosy, Smyrna, Pergamosy, Tyatira, Sardisy, Filadelfia ary Laodikia. Ireo Fiangonana 7 ireo, dia hitantsika any Azia, nefa fantaro koa fa tsy ny endrika ivelany amin’ny maha-Fiangonana azy no zava-dehibe tiana ambara eto fa izy ao anatin’ny vatantsika tsirairay avy sy ny ho entiny !
Ireo Fiangonana 7 ireo no milaza ny Chakras 7 ao anatintsika olombelona tsirairay avy, ary voasoratra ao anatin’ireo Fiangonana tsirairay avy ireo, ny Lalana tokony handalovantsika eo amin’ny fiainantsika araka ny fandrosoan’ny Fanahintsika tsirairay avy.
Ka ireto omena antsika voalohany eto ireto, no Lalana andehanantsika raha vao teraka mandra-pahatongantsika ho Ateraka indray, izany hoe isika mbola Zanak’Andriamanitra. Marihiko fa tena zava-misy izy ity ary tena misy ao anatintsika fa isika no tsy nahalala, fa tsy Finoana ivelany apetraka akory. Izany hoe, milaza ny Spiritualité ao anatintsika.

1. Fiangonana Efesosy : (Mulhadara)
Ny Fiangonana Efesosy no mampiseho ilay chakra ambany indrindra, eo ambanin’ny hazon-damosina, izay antsoina ihany koa hoe Mulhadara ary mitondra ny Tany. Efa fantatry ny manam-pahaizana tandrefana ihany fa mitondra “zavatra” izy io, saingy tsy fantany tsara raha mitondra inona marina. Ry zareo Aziatika no efa nahalala tsara azy ity an’arivo taona maro lasa izay. Tsy mahagaga koa izany isika Malagasy raha mbola vaovao amin’izy ity.
Ity Chakra ity no mitondra ny Kundalini, hahafahantsika mamoaka ilay Fanahy ao anatintsika. Ity kundalini ity ihany koa anefa no tena tian’ilay Menarana tenenina ao amin’ny Baibolintsika Kristiana, nahatonga antsika nahalala ny “Tsara sy ny Ratsy” mba hahafahantsika manokatra tsikelikely ny Fiangonana telo voalohany, raha vao nanomboka ny 3ème Dimension, araka ny tantaran’I Adama sy Eva. Raha mbola ny Fiangonana Efesosy fotsiny anefa no voasokatra, dia mbola mila mino fotsiny aloha isika! Mbola tsy mahay tsara ilay Fanahy ao anatintsika.
Inona no entin’ny Fiangonana Efesosy na Mulhadara? Amin-drizareo Aziatika, ny olona eto dia mbola tsy mahalala firy afa-tsy ny zava-misy hitan’ny maso ihany, na ny “matière” ary mbola ao anatin’ny “Fitiavan-tena” na “Egoïsme” mihitsy. Noho izany, mila ampahalalana ny olona fa ny zavatra rehetra dia avy amin’Andriamanitra na avy amin’ny Fanahy avokoa. Ny tokony hoezahantsika dia ny fahaizana tsy mampiseho loatra na miaina amin’ity “fitiavan-tena” ity izay mitondra amin’ny ratsy, fa mila miala aminy ary miezaka mandeha amin’ny zava-misy iainana marina, satria izay misy dia marina, izany hoe: “tsy mandainga”.
Voaporofo ihany koa izany fomba fijery izany ao anatin’ilay Baibolintsika Kristiana manao hoe : “Satria efa niala tamin’ilay fitiavanao voalohany hianao. Koa tsarovy izay nitoeranao fony tsy mbola lavo, dia mibebaha, ka manaova ny asa voalohany ; …”. Mila miala amin’ilay “Fitiavan-tena te-ho tompony” na ny fitiavana “ny ivelany” isika. Ary izany no nampianarana ny ankizy, izay hitantsika amin’ny fitaizana Kristiana, mba hahalala sahady an’Andriamanitra, mba tsy ho tia-tena fa hahay hizara sy hiara-hiaina amin’ny hafa. Ary ny faharoa dia ny hoe : “Kanefa izao no toetranao : halanao ny asan'ny Nikolaita, izay halako koa.” Inona no asan’ny Nikolaita ? Mpandainga! Noho izany, raha fehezina izy roa ireo dia, tsy tokony ho tia-tena isika, ary tsy tokony handainga fa mila mahay miaina amin’ny zavatra tena misy satria ny zava-misy no marina!
Voalaza ao anatin’ny Efesosy ihany koa anefa, araka ny voalaza ao amin’ny Baiboly manao hoe : “Izay maharesy dia havelako hihinana ny avy amin'ny hazon'aina, izay eo amin'ny Paradisan'Andriamanitra”, dia hita fa izay maharesy, izany hoe izay miezaka ka mahasokatra ilay Menarana izay mitondra ilay Fanahy ao anaty, dia mahazo ilay Hazo faharoa na ny “Hazon’Aina”. Io Hazon’Aina io no azontsika aorian’ilay Fifohazana faharoa na ilay “Eveil de conscience”. Raha tsy tafafoha isika, ka tsy mahazo io Hazon’Aina io dia tsy tokony hanantena ny hahazo ny Paradisan’Andriamanitra.

2. Fiangonana Smyrna : (Svadhishthana)
Ny Fiangonana Smyrna dia mampiseho ilay Chakra faharoa, mipetraka mifanitsy amin’ny foatra, izay antsoina ihany koa hoe Svadhishthana ary mitondra ny Rano. Rehefa tonga eto amin’ity Chakra faharoa ity isika dia tokony hahatsapa tena fa tokony hihetsika, hanao zavatra satria olona manana hery isika, afaka ny hiatrika ny fiainana ary tsy tokony ho kivy fa hahay handroso hatrany na inona fitsapana andalovantsika.
Voamarina ihany koa izany ao amin’ny Baiboly hoe “Aza matahotra izay hiaretanao; indro ny devoly efa hanao ny sasany aminareo ao an-tranomaizina, mba ho voazaha toetra hianareo, ary hanam-pahoriana hafoloana. Aoka ho mahatoky hatramin’ny fahafatesana ianao, …” Mila olona mazoto, tsy mora kivy Andriamanitra, ary tena hitsapa antsika mihitsy Izy. Mila vonona miatrika ny fiainana isika na inona zavatra rehetra mety mandalo. Mila “Positif” isika. Mandalo amintsika izy ity amin’ny fahatanorana iny, ka tokony hiezaka isika tanora mba tsy hiandry fotsiny, mba tsy hivadika ho olona “négatif” indray, fa hahay hihetsika, hahay hiasa, hahay hampiseho ny maha-antsika antsika, ho tena olon-dehibe atsy aoriana. Eto dia tsy mbola taitra ilay Fanahy noho izany, mbola mila hiainana eto ny “Finoana”. Nefa, mila mahay manome ny hafa ihany koa.

3. Fiangonana Pergamosy : (Manpura)
Ny Fiangonana ao Pergamosy dia mampiseho ilay Chakra fahatelo, mifanitsy amin’ny Sarakaty, na antsoina ihany koa hoe : Manpura ary mitondra ny Afo. Ny teny hoe Manpura dia entin’ny teny roa hoe “Man” izay midika hoe : “mieritreritra, mino, mandalina, mandinika, mahazo, miara-teraka, manome lanja”; sy ny teny faharoa hoe “Pura” izay midika hoe: “Feno, afa-po ary tafaray”. Misokatra izy ity rehefa manomboka mivadika ho “olon-dehibe” mahazo ny fiainana isika ary afaka mampiseho ny maha-antsika antsika.
Raha hazavaina kely ilay Manpura dia midika fa isika olombelona dia natao hahay hampitombo ny fahalalana ao anatintsika fa tsy tokony hijanona amin’izao. Miainga aloha isika avy amin’ny fahaizana mieritreritra sy mino. Nefa tsy mijanona amin’izay finoana izay fotsiny fa mahay mandinika ihany koa ary mahay mandalina mba hahazo tsara ny tena zava-misy eo amin’ny fiainana. Rehefa tena mahalala na mahay isika dia afaka hiaina amin’izay amin’ilay fiainana aorian’ny fahaterahana vaovao, mba hiara-hiaina amin’ilay Fanahy ao anatintsika ary afaka ny hanome lanja Azy ity. Aorian’ity Fahaterahana vaovao ity dia lasa ho Feno isika ary ho Afa-po satria Tafaray amin’ilay Fanahy ao anatintsika izany hoe, tafaray amin’Andriamanitra.
Hita taratra ato anaty Baiboly fa misy marina ny fampianarana tokony handalovan’ny olona tsirairay eto, izany hoe mila mianatra mba handroso sy hahazo, fa tsy mino fotsiny isika. Saingy ny olona no tsy mahay mitondra ny fampianarana tokony andehanany fa manao zavatra tsy araka ny tokony ho izy. Tsy tokony hijanona amin’ny fampianarana mba hahazo fotsiny koa anefa isika, na hahay lesona ny tantaran’ny Baiboly nefa tsy hahay hiaina marina ao anatiny, fa tokony hahay hanohy hiara-teraka na hiara-hiaina amin’ny Fanahy ao anatintsika mihitsy. Mila ezaka avy amintsika manokana izany, fa tsy tonga dia omen’Andriamanitra ny tsirairay foana rehefa mino, araka ny voalaza ao amin’ny Baiboly, manao hoe : “Izay maharesy dia homeko mana miafina sady homeko vato fotsy, ary eo amin'ny vato dia misy anaram-baovao voasoratra, izay tsy fantatr'olona afa-tsy izay mandray azy ihany”! Izany hoe, izay maharesy na mahasokatra ilay Fanahy ao anaty, ilay Kristy ao anaty, avy amin’ny ezaka ataony, dia hahazo ilay mana miafina, ilay fahaizana tsy ananan’ny hafa satria tsy mandeha amin’ny “mémoire” intsony fa mandeha amin’ny “intelligence”, ary mahazo ihany koa ilay vato fotsy izay hisy ny anaram-baovao ho azon’ny mpandresy, satria isika ateraka indray.
Izay indrindra no maha-fahateraham-baovao azy ity na Eveil de conscience, ary izany tokoa no iainan’ny olona tonga amin’ity Eveil de conscience ity, satria manova antsika tanteraka ary hahazoantsika anaram-baovao izy ity, dia isika tafaray tanteraka amin’Andriamanitra amin’izay manomboka eto.
Rehefa tonga amin’ny “miara-teraka” isika, na “Fifohazana” na “Eveil de conscience” vao tena taitra ilay Fanahy ao anatintsika ary manomboka eto dia afaka hikambana tsikelikely Aminy, na ilay “Kristy” ao anaty, na ilay “Moi supérieur” amin’izay ilay “Moi inférieur” na ilay “Personnalité” izay mbola nandeha irery teo aloha, ka ho iray ihany izy roroa.

Nolazaina isika fa mbola Zanak’Andriamanitra satria mbola tsy feno, tsy afa-po ary tsy tafaray Aminy. Rehefa feno kosa isika, rehefa mitambatra ilay Moi inférieur sy ilay Kristy ao anatintsika dia mihamivadika tsikelikely ho Andriamanitra amin’izay isika. Izay no hojerentsika amin’ny Fiangonana 4 ambiny, izay efa ao anatintsika ihany.

NORO KRISTY

SPIRITUALITE : IREO FIANGONANA 7 AO ANATINTSIKA (1)
Tsy misy fivavahana azo lazaina ho marina tanteraka na aiza, na aiza, na iza, na iza, satria ny olombelona ihany no namorona azy ity, entina hampianarana ny tokony ho ataon’ny olona manoloana ny Spiritualité. Samy nanana ny fomba fiainany avokoa ny olombelona rehetra, tamin’ny fotoana nentina nanapariahan’ireo mpitarika azy azy ity. Nefa izy rehetra dia samy nentina natao hitaizana ny olona mba hahatratra ny Spiritualité avokoa. Nilaina ny fampahalalana ny olona azy ity, satria ny olona dia mbola tsy afaka nandray ny Spiritualité avy hatrany tamin’izany fa mbola mila mino fotsiny ihany, ary mbola tsy “mahazo”. Ny Finoana arahina asa, anefa dia mitaky endrika ivelany izay samy nanana ny azy, mba hampandroso ny ao anaty. Ary izay no tsy mampitovy ny Finoana rehetra. Saingy ny tanjona dia iray ihany, dia ny mba hahafahantsika mandroso sy mivoatra manaraka ny Lalana ary ho afaka miampita mankany amin’ny Spiritualité.
I. NY UNIVERSALITE SY NY UNICITE :
Inona no tena notakian’Andriamanitra tamintsika marina?
Takiana isika mba hahafehy ny “universalité” sy ny “unicité” MIARAKA.
Ny fivavahana tany amin’ny ilany atsinanana (Azia) dia somary miompana be be kokoa amin’ny “unicité” ary ny aty andrefana (Eropa) kosa, mazava ho azy narahintsika Malagasy ihany koa, ny Kristiana, dia miankina kosa amin’ny “universalité”.
Tsy ny manamarin-tena na manilika ny hafa no tokony ho atao ao an-tsaintsika fa ny fananana “ouverture d’esprit” mba hamantatra ny marina, miezaka ny hahalala, satria zava-marina ao anatintsika ny Spiritualité fa isika fotsiny no mbola tsy nahazo taloha ka nila nino.
1. Ny “Universalité” :
Ny “Univesalité” izay ahitana ny teny hoe “univers” dia fifehezana ny olona hitodika mankany amin’ny univers, izany hoe mitodika mankany ivelany, fifandraisana amin’ny any ivelany satria ny rehetra dia iray ihany. Anisan’ny zavatra kendrena indrindra ny fahaizana miara-miaina amin’ny olona hafa manodidina. Ary izany indrindra no hitakiana ny fahaizana “manetry tena” manoloana ny hafa. Kendrena ihany koa anefa ny mba hahaizantsika mifandray amin’ny karazan’olona samihafa izay mety tsy mitovy fomba fijery amintsika. Ary farany, ny mba ho ateraka indray afaka hanohy ny fiainana any amin’ny Spiritualité. Manaraka izany ny Fivavahana Kristiana.

2. Ny “Unicité” :
Ny “Unicité” dia midika ho fandehanana tsirairay, fahafehezana ny tena tsirairay, izany hoe miankina amin’ny “Développement personnel” mba hahay hitodika avy hatrany amin’Andriamanitra ao anaty. Eto izany dia ny fijerena ny tena mankany anatiny no zava-dehibe kendrena satria hita tokoa fa ny fahafehezana ny tena ihany no hahafahantsika mifandray amin’ny hafa manodidina ivelany, ary hahafahana mifandray tanteraka amin’Andriamanitra amin’izay. Anisan’ny zava-dehibe nokendren’ireo Tatsinanana, ny fahatongavana avy hatrany amin’izany fahafehezan-tena izany, dia ny “Eveil de conscience”, na “Réalisation de soi” izany!
Misy lafiny mahatsara azy ihany, satria rehefa azo izy io, dia tonga amin’ilay hoe manana ny “Fahamarinana” ny olona miaina ao anatiny satria efa “feno”. Tsy tahaka antsika izao! Tsy mahagaga raha mahita isika fa olona tena mahalala fomba sy tia ny marina ry zareo Aziatika. Ary fantaro fa any Azia no ahitana ireo firenena tena mifandray akaiky amin’Andriamanitra tahaka ny any Tibet, sns. Mety ho ambony ara-panahy izy, fa ny olana eo aminy fotsiny dia ny fandrosoany ara-tsiansa.
3. Ny tsara ho fantatra : Izy roa mitambatra!
Mila fantatsika olombelona aloha ny fisian’Andriamanitra, na tiantsika na tsy tiantsika. Andriamanitra dia ilay “conscience”, ilay “énergie” iray mitambatra, Fanahy na Esprit mahatonga ny fiforonan’izao tontolo izao, dia ny “Univers”. Ary efa ao anatiny ao isika, mitambatra ho iray ihany, mitambatra ho Izy, ho Andriamanitra. Nefa koa ao anatintsika tsirairay avy dia efa misy mitovy tsy misy valaka amin’Izy lehibe mitambatra io, mandeha tsirairay. Saingy amin’ny endriny kely indrindra indray, dia ilay énergie efa “feno”, ao anatin’ny sela mitondra antsika raha vao miforona ao an-kibon-dreny isika. Izy roa izay no ataontsika hoe Alpha sy Omega. Izay no ilàna ilay Universalité sy Unicité. Noho izany, izy roa mitambatra mihitsy no mila azontsika.
Mitambatra ho iray ihany isika fa amin’ny endrika misaraka ivelany fotsiny araka ny fahitan’ny masontsika. Noho izany, mila mahay miray saina sy Fanahy isika. Mila manana ilay “Fanetren-tena” ao anatintsika mba hahatonga antsika hahavita zavatra, hahay hiaraka, hahay hifanampy, tsy hisaraka, na inona tsy fitovian-kevitra manoloana olona samihafa. Ary miaina ho Zanak’Andriamanitra.
Nefa koa tsy hahay hiray amin’ny hafa fotsiny fa hahay hijoro ihany koa, hampiseho ny maha-izaho ahy ary afaka ny hijery sy hihaino Azy ao anatintsika amin’izay, mba hahataitra Azy, ary hampitombo sy hampivoaka tsikelikely ny maha-Andriamanitra amin’ny endrintsika izao!

Efa hitantsika ny tapany voalohany, dia isika mahay miray saina sy mino Azy saingy tsy feno ny fiainantsika azy ity fa mila tohizana amin’ny tapany faharoa izay efa ao anaty Baiboly ihany. Andriamanitra dia tsy mitady antsika ho olona mino fotsiny nefa tsy tena mahazo ary hijanona amin’izao. Mila antsika hivoatra hatrany Izy. Mila olona Izy afaka ny hahazo tsara ary afaka ny hiaina marina ao anatin’izany Eveil spirituel izany aty aoriana. Mila mamantatra ny ao anatintsika amin’izay isika ary miezaka manatratra ilay Fahaterahana indray, araka ny nampitain’i Jesoa tamintsika ihany saingy tsy tratrantsika. Fantaro fa mbola ny Personnalité na ny Saina fotsiny ihany, mbola ilay mpamorona ny vavaka dia isika ivelany, no mitondra antsika alohan’ny Eveil spirituel.
Raha mbola tsy taitra isika dia tsy afaka mitondra antsika ilay Fanahy ao anaty. Mbola handeha amin’ny “mémoire” fotsiny isika ary tsy hahazo inona fa ho “jamba” foana ihany. Noho izany, mila mifoha isika, mila tairina ilay Fanahy ao anaty, vao afaka mitambatra izy roa ka lasa afaka hitombo amin’izay ilay Conscience na “Fanahin’ny Fahamarinana” ao anatintsika mba ho afaka hahazo ny Spiritualité isika.
Hita izany fa mitovitovy ihany ireo finoana nampiharin’ireo Tatsinanana sy ny finoana Kristiana ary tsapa ihany koa fa iray ihany, fa ny fomba fijery nitondrana azy - dia izy avy any ivelany sy avy any anatiny - sy ny anarana nomen’ny Mpino tsirairay fotsiny no samihafa.
Inona no itovizany? Ny fototra no itovizany! Ny Lalana! Ilay Lalan’ny fivoaran’ny Fanahy ao anatintsika izay ao anatin’ny tenantsika tsirairay avy.
Ry zareo aziatika dia efa nahalala fa misy ny “plan de conscience” izay milaza ny fahatsapan-tenan’ny tsirairay manoloana ny fiainana. Ka ny fisokafan’ny chakras 7 izay misokatra tsikelikely avy any ambany mankany ambony ao anatin’ny tenan’ny olombelona, izay samy mamoaka énergie (na conscience) tsirairay avy, no mahatonga ny fahatsapan-tena na conscience-n’ny olona hitombo tsikelikely. Marihina fa ny 3% n’ny conscience fotsiny no misokatra raha tsy mbola taitra na éveillé isika, izany hoe ny 97% dia matory avokoa. Ary miankina amin’ny ezaka ataontsika ihany, fa tsy tonga ho azy akory, no mampisokatra ireo chakras ireo tsikelikely. Raha tsy mihetsika isika fa kamo sy miandry fotsiny, dia lasa tsy mahazo, fa raha mazoto isika ka manao zavatra foana, dia mora misokatra ireo ka mahatonga antsika hahazo énergie be be kokoa hatrany ary hiha-taitra kokoa ary mazava ho azy, afaka ny handroso be be kokoa, afaka ny hivadika tsikelikely ho Andriamanitra.
Hita ireo filaharan’ny chakras ireo, ao anatin’ny Baiboly Kristiana, ao amin’ny Apokalypsy, dia ireo Fiangonana 7, fa isika Kristiana no tsy nahalala azy ka tsy afaka tena niaina taminy fa dia nino ivelany fotsiny ihany. Ninoantsika fotsiny ny fisian’i Jesoa, notiavintsika be Izy ivelany, nifankatia isika, fa tsy fantatsika akory hoe efa misy Lalana ao anatinsika ao ary tena mila arahina araka ny fivoarantsika tsirairay avy, ary ampiharina amin’ny fiainana fa tsy inoana ivelany fotsiny ihany. Vokany, tsy tena hitantsika marina ilay Lalana, dia ilay Lalan’i Kristy ! Io no mila arahintsika raha handeha ho any amin’ny Spiritualité isika!
Ho jerentsika atsy aoriana ireo Fiangonana 7, milaza ireo chakras 7 ao anatin’ny tenantsika ireo.
NORO KRISTY

FANTARO NY TENA ANTSOINA HOE KRISTY !
Fantatrao ve ny tena antsoina hoe KRISTY? Betsaka isika no mihevitra fa raha manonona izany Kristy izany dia i Jesosy no ao ambadik’izay, izany hoe i Jesosy no Kristy ary izy irery ihany no Kristy! Ka rehefa mino azy tanteraka isika dia ho tonga any amin’I Ray na hahita Azy satria I Jesosy na ny finoana azy no Lalana. Tsy izay anefa no tena Spiritualité mipetraka marina ao anatintsika tsirairay fa hafa, saingy fampinoana diso nomen’ny fiangonana fotsiny izany, ka mila mailo sy mieritreritra tsara isika rehetra ankehitriny!
Ny Kristy, voalohany, dia ilazana na anononana ilay Fanahy izay mitondra antsika tsirairay avy. Efa ao anatintsika tsirairay avy ny Fanahintsika dia i Kristy! Kristy no iantsoana Azy, satria afaka mitondra antsika Izy, mba hahatratra ny Conscience du Christ, izay ambony indrindra azony tratrarina rehefa mbola miaina ao anaty vatana isika. Ary ao anatin’izany dia mandalo fiainana be dia be isika, dia manomboka amintsika mbola tsy mahay ary mivadika tsikelikely ho Andriamanitra, nefa koa efa manohy miaina amin’ny fiainana maharitra amin’ny maha-Andriamanitra mihitsy vao hahatratra ilay Kristy. Noho izany, mbola ho ela ny tohin’ny Fiainana, fa tsy farany mihitsy izao! Ny 3ème Dimension no tapitra teo, ary efa tapitra tamin’ny 2017, fa ny Fiainana dia tsy ho tapitra mihitsy!
Ny Kristy faharoa, dia amin’ny maha-Lalana sy Fiainana Azy. Notenenin’i Jesoa foana fa Izy no Lalana sy Fiainana. Ary tsy misy mankany amin’i Ray raha tsy amin’ny alalany. Dia mino fotsiny koa isika fa tsy mahazo akory ny tena dikany. Fantatrao ve ny tena dikan’izany Lalana izany? Ny Fanahy izay mitondra antsika tsirairay dia mipetraka ary mbola matory ao amin’ny fontsika tsirairay avy, rehefa mbola tsy taitra na tonga amin’ny Tena Ateraka indray na Fifohazana isika. Ny Andriamanitra Ray kosa dia mipetraka eo an-tampon’ny lohantsika tsirairay avy, mitondra ny Hazavana na Lumière. Efa ao an-tampon’ny lohantsika i Andriamanitra Ray fa tsy lavitra akory! Ary isika Malagasy dia efa tsy vaovao intsony tamin’ny fahalalana izany “Andriamanitra an-tampon’ny loha” izany, saingy tsy azontsika intsony izy ity rehefa niditra ny Kristianisma, izay nandiso antsika ihany! Ny Lalana noho izany, dia ilay Lalana arahin’ilay Kristy ao anatintsika, miainga eo amin’ny fo, izay tsy maintsy lalovany miakatra tsikelikely mandra-pahatonga Azy ho eo amin’ny Ray eo an-tampon’ny loha. Efa ao anatinao izany ny Lalana! Ny Lalana dia efa nolazaina antsika ao anaty Baiboly ihany saingy tsy nisy nampianatra antsika, dia Izy voalaza amin’ny alalan’ireo Fiangonana 7 ao anatintsika ihany. Mila MPANDRESY isika tsirairay rehefa mandeha Aminy. Noho izany, TSY VITAN’NY FINOANA FOTSINY NY LALANA, fa mila FIAINANA! Aza adinoina koa fa efa ao anatintsika avokoa ny rehetra, ary izany no ilazana fa Tempoly io tenantsika io! Mila avoakantsika tsikelikely izy rehetra ireo!
Ny rehetra miseho ao anatintsika koa anefa dia tsy maintsy mivoaka ety ivelany avokoa! Avy amin’ny Lalana lalovantsika ao anatintsika ihany no mampivoaka ny Fiainantsika ety ivelany. Avy amin’ny Karma ao anatintsika no mitarika ny olana rehetra izay mila sedraintsika sy mampisy ny fiainantsika ety ivelany. Nefa avy amin’ny Lalana izay lalovantsika ihany no mampivoatra antsika ary mahatonga antsika MIHA-MAZAVA hatrany mba hahazo ny ambony indrindra, dia isika ho tonga eo amin’i Ray ka hivadika ho Andriamanitra marina. Ny Lalana noho izany, dia tsy andalovana mba “hahazoana” fotsiny. Tsy isika “hahazo” sy “mahay” izany hoe mahalala ny dikany no zava-dehibe, fa isika MAHAY MANAO sy MAHAY MAMORONA mba HAMOAKA NY AO ANATINTSIKA MARINA. Ny ao anatinao no tena harenanao fa tsy ny ety ivelany! Ary ny Famoronana no famoahana azy! Efa mahay manao sy mamorona ve ianao? Tsy mora ny Fiainana fa sarotra! Raha Finoana fotsiny, na “Exercices” fotsiny, dia mora! Fa tsy izany no Fiainana, ary izany no nanomezana antsika 6 andro mba handalovana Aminy! Andriamanitra isika rehefa mivoaka ireo rehetra ao anatintsika ka lasa FENO sy MAZAVA marina isika! Tratraro ny hampivoaka ny ao anatinao mba ho Andriamanitra marina ianao atsy aoriana kely!
Ny Fiainana ivelany koa anefa dia mampiseho ny LALANA ihany! Tapitra ny 3ème Dimension, ary efa tonga eo amin’ny Fahazoana avokoa isika rehetra! Aorian’ny 3ème Dimension anefa no tsy maintsy handalovantsika ny 4ème Dimension, alohan’ny handraisantsika ny 5ème Dimension amin’ny 2160, ary ny 5ème Dimension dia efa fiainan’ny olona efa mitondra tanteraka ny maha-Andriamanitra azy tsirairay avy. Izay ilay FIAINANA VAOVAO hiainan’ny tsiraray avy atsy aoriana kely! Noho izany, mandalo Transition isika ankehitriny mba hiampitantsika mankany amin’ny FIAINANA VAOVAO. Koa satria isika dia efa “mahazo” avokoa ankehitriny, noho izany, mila mandalo ny FITÀNA isika tsirairay avy, mba hahafahantsika mamadika ny tenantsika ho Andriamanitra tsirairay. Ny FITÀNA no Fiainana ivelany afaka mitondra antsika ho Andriamanitra marina. Tsy afaka mivadika ho Andriamanitra isika tsirairay raha tsy manaraka ny FITÀNA!
Ny Kristy fahatelo, dia isika tonga ary mitondra ilay Kristy marina, rehefa nahatody ny Conscience du Chirst, tahaka ny niainan’i Jesosy raha nandalo teto an-tany izy, nefa koa tahaka ny iainako ankehitriny! Rehefa hiaina ao anatiny ianao any aoriana any, dia mandre sy miaina mihitsy ilay Lalana na Fiainana hiampitan’ny rehetra marina. Saingy tratraro aloha ilay hampivadika anao ho Andriamanitra amin’ity FIAINANA VAOVAO ity! Mirary soa ho antsika rehetra!
NORO KRISTY

ARAHO NY TENA LALANA AO ANATINAO!
Efa tiantsika hatrany ny tonga dia hahazo ilay fiainana tsara ambony, dia tsy inona izany fa ny Fiainana ambony miaraka amin’ny herintsika rehetra avy ao anatintsika. Vao tsy ela aho izao no nahita ny publications navoakan’i Gilbert Mosesy tamintsika izay milaza fomba betsaka entintsika hahatrarana ity 5ème Dimension ity. Ary tena efa betsaka isika no manaraka azy. Tsy ratsy izany fa tsara ny mahalala ny ambarany antsika mba hanoro hevitra antsika ihany, amin’ny fandraisana ity 5ème Dimension marina ity atsy aoriana atsy, fa tsy izao!
Ny olana mantsy dia matetika tsy mahazo tsara isika fa mieritreritra ny tonga dia handray sy hanaraka ny teniny avy hatrany ankehitriny. Tsy diso ny teniny fa misy Lalana mila arahina manoloana ny Fiainana fa tsy tonga dia mandray ny 5ème dimension isika tsirairay. Raha tonga dia mandray ny teneniny isika, izay tsy diso fa marina, nefa tsy mbola tonga any akory ny ao anatintsika, dia lasa diso Lalana tanteraka indray isika, ary mandiso ny lalantsika ihany. Koa mahaiza mitandrina!
Misy Lalana mila arahina ao anatin’ny Fiainana, dia ilay efa noteneniko antsika teto foana dia ny fanarahana ireo Fiangonana tsikelikely avy aty ambany mankany ambony, izay ny Fanahy ao anatinao ihany no mitondra azy fa tsy ianao velively! Noho izany, mahaiza MIHAINO Azy, ary manaraka Azy araka ny fanasitranany anao. Nefa koa mahaiza miaina na manaraka ny FIAINANA ivelany araka ny tokony ho izy, dia ny fanarahana ny FITÀNA araka ny efa nolazaiko antsika rehetra hatrizay! Aza adinoina fa tsy maintsy mbola handalo ny fihenan’ny Mémoire aloha isika, aorian’ny Ateraka indray marina, sy alohan’ny handraisana ny intelligence, vao mandresy ny fahafatesana rehefa mahaala ny Karma rehetra ao anatintsika, izay vao afaka handray izany 5ème Dimension tenenina amintsika eto izany, izany hoe hivadika ho Andriamanitra amin’ny alalan’ny fivoahan’ny hery rehetra ao anatintsika. Koa mahaiza mitandrina! Araho ny Lalana ao anatinao. Mety ho sarotra izy ity, ary tsy mampavitrika antsika ny mandray azy, nefa ity no LALANA mila arahintsika rehetra mba hampivoaka haingana ny hery rehetra ao anatintsika ka hahatrarantsika ihany ny 5ème Dimension tsy ho ela, araka ny faniriantsika!
Dia mirary soa ho antsika rehetra hanaraka ny Lalana marina!
NORO KRISTY

AZA AFANGARO I JESOSY SY I KRISTY!
Fantatrao ve ny TENA KRISTY? I Kristy dia ilay Fanahy ao anatinao, ao anatintsika tsirairay hahafahantsika mihetsika isan’andro. Izy no mitondra ny Conscience ao anatintsika ka mahatonga antsika afaka hahatsiaro tena nefa koa afaka handroso hatrany. Ny fitondrany antsika avy ao anaty no mampiakatra antsika tsikelikely nefa koa mahatonga ireo Fiangonana na Chakras ao anatintsika hisokatra tsikelikely, arakaraka ny fivoarantsika ihany. Rehefa mianatra isika, rehefa miatrika ny fiainantsika ivelany andavanandro isika, dia lasa miha-mandroso marina ary lasa miha-mahazo ny Fiainana, nefa koa miha-misokatra tsikelikely ireo Fiangonana na Chakras ao anatintsika. Tsy isika no tokony hanokatra azy, toy ny ataon’ny Aziatika sasany izay tsy mety, fa ny fivoaran’ny fiainantsika andavanandro ihany no mampisokatra azy tsikelikely. Noho izany, mila mivoatra isika tsirairay miatrika ny FIAINANA mba handroso marina. Atreho ny FIAINANA fa aza simbana amin’ny zavatra hafa ivelany!
Io Fanahy ao anatintsika io no TENA KRISTY, satria afaka mitondra antsika Izy io miaraka amin’ny vatantsika hatramin’ny Conscience christique na Conscience du Christ ary izay no iantsoana azy ho “Kristy”. Io Conscience du Christ io no Conscience ambony indrindra azony hitondrana antsika tsirairay avy. Ka rehefa tonga amin’io Conscience du Christ io ny olona mitondra Azy any aoriana any, dia afaka misolo tena ilay Kristy ao anatintsika amin’izay, amin’ny endrika ivelany, mba hampianatra ny hafa izay mbola tsy tonga amin’izany, nefa koa afaka mitondra ny anarana Kristy tahaka ny nataon’i Jesoa ka nahatonga azy ho Jesoa Kristy sy ny ataoko ankehitriny ka mahatonga ahy ho Noro Kristy. Izay fotsiny ! Isika rehetra izay tonga amin’izany, any aoriana any, dia mbola hitondra izany avokoa.
Noho izany, tsy I Jesosy mihitsy no TENA KRISTY fa nisolo tena ilay Kristy tao anatintsika fotsiny izy, tahaka ny ataoko ankehitriny! Raha I Jesosy no tompointsika dia lasa diso fiheverana isika! Ilay Fanahy ao anatinao ihany no TENA TOMPONAO, ary samy manana ny Tompony ny tsirairay! Izy no tena Kristy ao anatinao afaka mitondra anao lavitra marina! Manoro lalana anao ivelany fotsiny I Jesoa sy ny tenako izao fa tsy Tompo velively! Zokinao izahay ary mitovy ihany isika, fa ny Fanahy ao anatinao irery ihany, Izy irery ihany no afaka mitondra anao ary mila HENOINA marina satria Izy no Tomponao! Koa tandremo ny fiandrasana zavatra be dia be avy any amin’I Jesosy!
Hoy Jesosy hoe : “Raha misy MIHAINO ny feoko dia hiditra ao aminy Aho!” Nisolo tena ilay Kristy ao anatintsika I Jesosy teto. Noho izany, mila MIHAINO isika fa tsy MINO FOTSINY! Tsy ampy ny Finoana fotsiny raha tsy arahina asa, ary tsy asa ivelany fa asa anaty dia ny FIHAINOANA Azy! Rehefa manomboka mahay MIHAINO ny ao anatintsika isika fa tsy mino Azy ivelany fotsiny dia hiova ary hahita tsikelikely ny LALANA MARINA ao anaty amin’izay! Rehefa manomboka mahay MIHAINO ny ao anaty isika, mahay mitodika mankany anaty fa tsy variana amin’ny ivelany intsony, dia tsy maintsy handresy ny fahafatesana eto an-tany ihany ary hivadika ho Andriamanitra marina satria hitantsika ny LALANA MARINA.
Ao anatin’ny tenanao ihany no LALANA ! Efa ao anatin’ny tenantsika tsirairay Izy, ary miandry ny ho arahintsika! Io no mila arahina mba hampivadika antsika tsirairay ho Andriamanitra marina, rehefa entin’ilay Kristy ao anatintsika isika, manaraka io LALANA amin’ny endrika Hazofijaliana io, noho isika tarafin’ny Reny avy any amin’ny sisiny, ary miakatra mankany ambony eo amin’I Ray eo an-tampon’ny loha! Aza mitodika ivelany intsony fa efa ao anatinao avokoa ny rehetra!
NORO KRISTY

ATAOVY TSARA NY SAFIDINAO : FIANGONANA SA JESOA?
I Jesoa dia tena olona efa niaina tany amin’ny Spiritualité mihitsy no niverina teto an-tany indray, 2000 taona lasa izay ary nanome ny olona teto ny tokony hatao manoloana ny fiainana. Izy no mitondra ny anarana Sananda any amin’ny Spiritualité, izay mitondra ny Fitiavana ambony indrindra! Efa fantatsika tsara fa nanangana Ekipa izay nandeha nampianatra ny olona tamin’izany izy, saingy nenjehin’ny fiangonana ihany, noho ny fanambarany ny Fahamarinana. Vokany, novonoina izy! Novonoin’ny fiangonana sy ny mpitarika tamin’izany! Niezaka namoaka ny Baiboly ny mpianatr’I Jesoa, saingy tsy nahavita be satria novonoin’ireo mpitondra ihany koa! Ka nalain’ireo mpitarika fivavahana tamin’izany ny Baiboly ary novainy kely, dia navoakany nampiasaina indray! Saingy tsy nomeny ny rehetra ny famakiana azy mba tsy ho hitan’ny rehetra! Iza no tsy nasaina namaky Baiboly? Ny Katolika, mazava ho azy! Nefa koa, nampiforona ny Protestanta sy ny hafa rehetra taty aoriana! … Sa tsy izany? Fantatsika rehetra izany!
Mila mieritreritra tsara isika Mpino rehetra ankehitriny ireo! Ary tsy tokony hino fotsiny intsony! Fantatrao ve fa efa voaovan’ireo mpitondra fivavahana na mpitondra fiangonana hatrizay io Baiboly vakianao isan’andro io? Fantatrao ve fa efa tsy marina tanteraka intsony izy io, na mbola misy Marina aza ao? Ary fantatrao ve fa efa hevitry ny fiangonana sisa no omena sy hampianarina anao isan’andro ao, mba hinoanao fotsiny, fa tsy ny toro-hevitra nomen’I Jesoa intsony? Koa, ataovy tsara ny safidinao! Hanaraka an’I Jesoa izay nohenjehin’ny fiangonana teto an-tany ianao sa hanaraka izay rehetra fampianarana nomen’ny fiangonana hatrizay?
Raha fintiniko ny hevitr’I Jesoa dia milaza ny fampahalalany ny LALANA dia ny Fiangonana 7 ao anatintsika, izay mitaky antsika tsirairay mba ho MPANDRESY isaky ny Fiangonana tsirairay, miainga avy amintsika entin’ny EGO ao amin’ny Fiangonana Efesosy, mba hivadika ho Andriamanitra ao amin’ny Fiangonana Laodikia. Raha mandalina izany isika, mandinika tsara, dia mahatsapa fa izany ihany no voalaza ao! Saingy nampianarina izany ve isika tany am-piangonana? Mino fotsiny isika dia manaiky manaraka ny finoana satria finoana, sy manaraka ny fivavahana Kristiana amin’ny endriny rehetra, na inona safidintsika! Tsy manaraka ny LALANA izay efa voalaza ao ihany isika, mba hivoaka ho MPANDRESY isaky ny Fiangonana marina! Fa nahoana? Mety ve izany aminao, nefa efa voasoratra ao anaty Baiboly ihany fa tsy zava-baovao vao hampitaiko izao akory?
Tongava saina isika Mpino rehetra ireo! Aza mino fotsiny fa mieritrereta kely ihany, mba mametra-panontaniana! Tsy tadidinao angaha ilay tenin’i Jesoa ao amin’ny Jao 8 : 51, izay efa averiko eto foana, manao hoe : “Lazaiko aminareo marina dia marina tokoa : Raha misy olona mitandrina ny teniko, dia tsy mba hahita fahafatesana izy mandrakizay”. Matoa ny olona maty dia very Lalana izy! Matoa ny olona mitomany rehefa misy maty, dia malahelo ny Fanahy ao anaty, satria diso Lalana ny olona maty! Ny olona mandresy ny fahafatesana no mahazo ny Marina, ary afaka hivadika ho Andriamanitra! Tsy nantsoina ho “olombelona” tsotra fotsiny isika fa napetraka ho Zanak’Andriamanitra, satria afaka mivadika ho Andriamanitra isika tsirairay avy ireo rehefa mahita ny Lalana marina, dia isika mandresy ny fahafatesana izany! Saingy tsy afaka mandresy ny fahafatesana rahoviana isika raha mino fotsiny, satria tsy ampy ny Finoana raha tsy arahina asa, saingy asa ao anaty fa tsy ivelany! Koa afaka mieritreritra tsara ve ianao, sa dia Mpino Mpanarak’efa fotsiny ihany koa? Inona no asa mila tandremana amin’izany?
Nafarany isika hoe : “Raha misy MIHAINO ny feoko dia hiditra ao aminy Aho!” Saingy nahay NIHAINO ny feony ve isika Mpino? Be eritreritra foana isika fa tsy mahay MIHAINO ny Fanahy ao anatintsika akory! Izany olona TENA MIHAINO izany dia TSY MIERITRERITRA! Ary izany indrindra ilay manao Fierem-panahy TSY MIERITRERITRA fa MIHAINO marina! Nampianarina izany ve isika tany am-piangonana? Dia mbola tsy tonga saina amin’io fampinoana diso nomena antsika io ihany ve isika Mpino rehetra ireo? Gaga ve ianao raha maty avokoa ny rehetra hatrizay? Satria TSY NAHAY NIHAINO ny rehetra hatrizay! Dia lasa isika indray no mieritreritra fa tsy maintsy maty ny olona! Diso izany! Afaka tsy maty ny vatantsika ary afaka mivadika ho Andriamanitra marina isika tsirairay ireo!
Efa tapitra tamin’ny 2012 ny fiainana teo aloha hatrizay! Efa hiditra ny FIAINANA VAOVAO isika amin’ny 2160, ary mila manova ny tenantsika tsirairay isika mba hivadika ho Andriamanitra marina, izany hoe mila mandray ny Spiritualité amin’izay isika ankehitriny, mba hahazo izany FIAINANA VAOVAO izany! Koa ataovy ny safidinao! Hanaraka ny tenin’I Jesoa ianao mba handray ny Spiritualité mba ho IRAY ihany isika rehetra, sa hijanona amin’ny fampianaran-diso nomen’ny Finoana hatrizay, izay hitondra anao amin’ny fahafatesana ihany? Ataovy ny safidinao!
NORO KRISTY