VITSY NO mahita

16/06/2025

Ary ny finoana no fahatokiana ny amin'ny zavatra antenaina, fanehoana ny zavatra tsy hita.
Hebreo 11, 1

14/06/2025

13/06/2025

Fotoanan'ny firehetana mamaivay

🔆 Efa mamaraparana ny asany Ny Ray, izay nolazainy tsy maintsy TO sy TANTERAKA,
🔆 Betsaka izay nolazainy no efa hitantsika fa niseho, raha tsy hitanisa afa-tsy ireto vitsivitsy ireto; ny fampodiany ny Israely olony avy amin'ny fahababoana, fitsanganan'ny firenena Israely indray, ny lamin'asa rehetra mahakasika ny fananganana fanintelony ny tempoly eo Jerosalema, ny aviavy manaroka, ireo voalazan'ny Matio 24, Lioka 21, Marka 13: areti-mandringana, ny horohoron-tany, ny ady sy filazana ady sy ny sisa;
➡Mamaraparana hoy aho satria dia efa niroso tamin'ny Voalazan'i Jeremia 49 isika ary eo amin'izay mahakasika indrindra an'i Elama isika izao;
🔆 Io famotehana an'i Elama io no mitondra antsika amin'ny adin'i Goga sy Magoga, izay famotehana indray an'i Israely saingy tsy ho tanteraka satria hiditra an-tsehatra Ny Ray ka Izy mihitsy no hanakana ny ady, hamono sy handrava ireo tafika LEHIBE tarihin'i Goga avy ao Magoga;

SATRIA, "HENOY TSARA" : RAHA TSY TAFIOMANA AMIN'IZAO FOTOANA IZAO IANAO, DIA HO TAVELA AO AMIN'NY , izay aharitra 7 taona eo ho eo, 1260 andro, miampy fetr'andro 1 (taona 1) sy fetr'andro 2 (taona 2) ary antsasaky ny fetr'andro (tapa-taona), tsara ny manamarika tsy fanisana taona gregoriana io, voalaza fa nohafohezina io andro fahoriana lehibe io.
➡Averiko tsara fa raha tsy tafiomana izao ianao dia ho tavela, satria ho tapitra ny fotoanan'ny FANAHY MASINA na ny fotoanan'ny FAHASOAVANA, tsy maintsy izao ka mandra-pahatapitr'io adin'i Goga io isika no MIREHITRA BE, raha tsy izay dia tsy ho alain'i Kristy ary hanendry ny fahatezerana.

🔆 Ahoana ilay hoe FIREHETANA, ahoana ilay hoe MIREHITRA MAMAIVAY?
🔴 Fanilon'ny tongotro sy fanazavana ny làlako ny teninao Salamo 119, 105
🔴 Izay mihinana ny nofoko sy misotro ny rako no manana fiainana mandrakizay; ary Izaho hanangana azy amin'ny andro farany. Jaona 6, 54
🔴 Raha tsy mihinana ny nofon'ny Zanak'olona sy misotro ny ràny ianareo, dia tsy manana fiainana ao aminareo. Jaona 6, 53
🔴 Izay manana ny Zanaka no manana ny fiainana; izay tsy manana ny Zanak'Andriamanitra no tsy manana ny fiainana Jaona 5, 12
🔴 Manoroha ny Zanaka, fandrao ho tezitra Izy, ka ho very eny an-dàlana ianareo; fa vetivety dia hirehitra ny fahatezerany. Sambatra izay rehetra mialoka aminy. Salamo 2, 12
🔅 Tsy maintsy mirehitra isika, mila atao mazava be ilay Fanilo, tsy mety mazava anefa io raha tsy ny TENIN'ANDRIAMANITRA irery ihany, Jesoa no tenin'Andriamanitra, MILA HOHANINTSIKA NY TENANY, SOTROINTSIKA NY RANY,
Mila mihinana sy misotro ny Tenin'Andriamanitra isika, sady tsy kely fa tena mihinana sy misotro be mihitsy, mila FENOINA NY FANAHY.
🔆 ATAOVY IZAY AMPIREHITRA MAMAIVAY anao, mba ho hitan'ny Anjely rehefa hp eo amin'ny rahon'ny lanitra Jeso, raha tsy izany dia ho tavela amin'io FAHORIANA LEHIBE 7 taona io ianao, nefa tena MAFY tena MAFY io, fahoriana tsy mbola nisy hatrizay no sady tsy hisy intsony.

🔵 SAMIA ARY MIOMANA, SAMIA MIHINANA SY MISOTRO NY TENIN'ANDRIAMANITRA, tena "abondamment" hoy ny fiteny frantsay, arak'izay tratra be indrindra na hoe "maximum", tsy androany ihany fa isanandro mandra-pihaviny.
, Izay vonona no mandeha

fa vetivety, toy ny indray mipi-maso, rehefa maneno ny trompetra farany, dia hovana isika rehetra; fa hotsofina ny trompetra, ary ny maty hatsangana tsy ho lo intsony, ary isika hovana
1Korintiana 15, 52

Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin'i Kristy no hitsangana aloha; ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
1Tesaloniana 4, 16 - 17

FIADANANA

05/06/2025

Zavatra iray loha no nangatahiko tamin'i Jehovah, izany no hotadiaviko, dia ny hitoetra ao an-tranon'i Jehovah amin'ny andro rehetra hiainako, mba ho faly mijery ny fahasoavan'i Jehovah sy mandinika ny tempoliny.
Salamo 27, 4

05/06/2025

Saino tsara ny hafatra 🤗🤗

Tsy minday

Fa ngah heverinao hoe mila pataloha?
Sao lazainao koa hoe mila saron-doha,
Tsy mila akanjo ambony na akanjo ambany
Na ny atin'ny akanjo aza, tsy mila an'izany;

Fa samy ajanona eto ny kavina sy peratra
Ny tenanao ihany rehefa hikopa-kelatra
Tsy mitondra entana dia tsy minday finday
Na asa na sekoly miato miaraka amin'izay;

F'angah heverinao fa ho entinao ny farafara?
Na ny trano be, ny kodiaran-droa sy fiara,
Vilany na lovia, na seza na latabatra
Ny vola sy fananana ho ajanona mitambatra;

Ny tenanao ihany hoah no entiny miakatra
Sao ianao hiezaka hanafinafin-javatra,
Fa io tenanao io aza tena mbola HOVANA
Vita izay dia hotafiana fitafy higagana;

Dieny izao ianao mianara mahafoy,
Rehefa vita omana ka vonona hanjohy
Fa tsisy ho entinao raha vao mipoitra ireo Anjely
Ajanona daholo na fananam-be na kely;

Tsy ianareo rehetra no hilazako izany,
F'izay nateraka indray, dia izay ihany.

04 Jona 2025
Tsitohery Zo Ramelina

04/06/2025

Hitendry ny lokangako ao an-tranon'i Jehovah aho

28/05/2025

Na zovy na zovy no tsy mitondra ny hazo fijaliana ka tsy manaraka Ahy, dia tsy azo ekena ho mpianatro izy.
Lioka 14, 27

27/05/2025

EFA NITENY

Ento midina amin'izay,
ireo izay nanaiky ho mpialona hoatranao,
ireo niavoavo na dia tsy nanan-katao;

Ento any ka asosay,
ireo nanaiky anao ka nanohitra nioko,
ireo izay nizarazara sy nitsitokotoko;

Ento dia viravirao,
ireo mafy fo rehetra ka nanilika ny Teny,
nanambany ny Ambony sady nanambony tena;

Ento any ka rarao,
samy tsy hitaredretra samy ho voaviravira,
Fa efa fotoana hifaranan'ny mpaniratsira;

Ny anjaranay mantsy,
hanomboka mialohan'ny hiafaranareo,
tsy ho hitanao akory no sady tsy aseho;

Izaho tsy hoe mihantsy,
fa fantatro ny inoako, andro vitsy dia ho to,
nambarako ny marina f'ianao no mafy fo;

Tsy fotoana intsony izao, fa ento ireo finidinao,
tsy fotoana mbola hifandaharako aminao,
niezaka aho hampihiratra ny masonao mba hino,
efa hoe ny mikodàna no mampirimorimo;

Niezaka aho niteny hoe ilay vavahady hety,
io no tokony nizorana, fa ianao tsy nety,
ny tsy ho tsiniko no nahatonga ahy hampahalala,
nefa izaho indray no noheverinao ho adala;

ts'hiteny mahereza aho, ts'isy hery mantsy any,
zory ny malalaka, fa hohavaozina ny tany,
ireo izay nihazakazaka trongisonao malaky,
ny vavahadinao sy ny forongonao voavaky;

Any ambony any, hitazatazana izahay,
Halahelo ihany nefa tsisy ho ataonay,
Ny ranomasonay aza, Izy no hamafa,
Asainy ho faly moa, tsy hihevitra ny hafa,

Satria NANAIKY SY NANKATO...

Tsitohery Zo Maherisoa
Ambatobe, 27 May 2025