Emil Bakan

Табият мезгилдеринин арасында өзгөрүлбөс тартип, эреже бар.Жаздан кийин сөзсүз жай келет.Андан соң күз жана башкасы.Бирок, өмүр мезгилдеринде болсо тартип, эреже кепилденген эмес.Баарыбыз күздө турабыз.

© Мубашир Ахмад

📖
25-күн 🗓️

ООЗ АЧАР УБАГЫНДА АМАЛ КЫЛУУЧУ БЕШ МЕДИЦИНАЛЫК КӨРСӨТМӨ

1. Бир стакан суу ичип оозуңузду ачканыңыздан кийин дароо кечки тамакты жегенге ашыкпаңыз.

2. Негизги тамактын алдында жашылчалардан даярдалган салаттарды көбүрөөк жегенге аракет кылыңыздар.Эгер өзүңүздү бир аз тогураак сезсеңиз,анда он мүнөт күтүп, андан кийин тамактанууну улантыңыз.

3.Ооз ачар тамагын шашпай,акырындан жеңиз.Ошондо тамак сиңирүү процесси кемчиликсиз болот.

4. Ифтарлыкты кылаар замат таттуу шириндиктерди жебөө керек. Анткени ал тамак сиңирүүнү да кыйындатат. Десертти негизги тамактан бир нече саат өткөндөн кийин жеген жакшы.

5. Ифтарлык менен саарлыктын арасында 1,5 же 2 литр суу ичүү сунушталат. Ошондо денеңиз күндүзү жоготкон суюктуктун ордун толтурат.

Туткан орозоңуздар кабыл болсун!🤲

#дневник
#рамадана 🕋🌙

📖
22-күн 🗓️

АПАМ ОКУГАН КЫЗДЫ АЛЫП БЕРЕМ ДЕЙТ

Апам менен сүйлөшүп калганымда дайым мага окуган кызды алып берем эле дей берет.Эмнеге апамдын мындай дегенинин себебин эми түшүнгөндөймүн:))

Окуган кыз:

✓ Перзентиңиз үчүн жакшы тарбиячы, өзүңүз үчүн жакшы жубай болот;

✓ 80 мүнөттүк лекцияларды сабыр менен угуп, сабыр эмне экенин жакшы түшүнгөн,чыдамдуу болот;

✓ Жатаканада жашагандары эти жок тамактарга көнүп,аптасына бир жолу жесе деле ыраазы болот.Жокчулук, барчылык эмне экендигин жакшы түшүнгөн,барына шүгүр,жогуна каниет кылат;

✓ Үйдү сарамжалдуу,таза кармайт;

✓ Эсепке так болушат.Үйдөгү чыгым каражаттардын эсебине жардам берет.

#дневник
#рамадана 🕋🌙

📖
21-күн 🗓️

Баардыгы – ката кетирүүчү;

Акылдуусу– каталарын моюнга алат;

Күчтүүсү– кечирим сурайт;

Кечиримдүүсү– мамилелерди калыбына келтирет.

Рамазан айынын алгачкы 10 күнү – ырайымдуулук, экинчи 10 күнү – кечирүү,ал эми акыркы 10 күндүгү– тозок отунан куткаруу.

#дневник
#рамадана 🕋🌙

📖
18-күн 🗓️

«Эгер эңсеген нерсең үчүн күрөшпөсөң,ошол нерсеңди жоготконуңда ыйлабагын»

Аллахым,элибизди жана жоокерлерибизди душмандын огунан өзүң сакта!🤲
Жоокерлерибизге күч-кубат бер!

#дневник
#рамадана 🕋🌙

📖

17-күн 🗓️

Эгер менин курма (финики) сатууга байланыштуу бизнесим болгонунда Рамазан айында «Акча иштеп алуу сезону келди»,–дебестен мүмкүн болушунча курмаларды арзаныраак сатып,орозолуу мусулман бир туугандарымды кыйнабаган болор элем.

#дневник
#рамадана 🕋🌙

📖
16-күн 🗓️

Бизге көрүнгөн ийгиликтердин астында өзүбүз байкабай жасаган тынымсыз аракеттер менен чоң эмгектер жатат.

#дневник
#рамадана🕋🌙

📖
15-күн

ОРОЗО ТУТУУНУН 15 ПАЗИЛЕТИ
____________
Аллах Таала орозону ар бир мусулманга парз кылып, орозо өзү үчүн деп айткан. Мусулмандар Аллахтын ыраазылыгына жетүү үчүн бул мүмкүнчүлүктү эч качан колдон чыгарбашы керек.
Орозо - бул Аллах Тааланын ырайымы жана кечиримдүүлүгү, мусулман үчүн көптөгөн пайдалуу жана пайдалуу жактары бар, алар хадистерде дагы мындай деп айтылган:

1. "Дүйнөдөгү бардык нерселердин зекети бар, дененин зекети орозо".

2. «Аллах үчүн ачкачылыкты жана суусоону башынан кечирген мусулмандар кандай гана бактылуу. Мындай адамдардын мартабасы кыяматта жогору болот ».

3. "Эгер Алланын кулу Рамазан айында канча жакшылыктын жашырылгандыгын билгенде, бул айды жыл бою узартууну суранмак."

4. "Адам калп айтууну жана жаман иштерди жасоону токтотмойунча, адамдын туткан орозосун
Аллах кабыл кылбайт".

5. Ким орозо кармаган адамдын оозун ачырса (ифтарлык кылып берсе) ал орозо кармаган адамдын сообундай соопко ээ болот жана орозо кармаган адамдын сообу мындан кемибейт .

6. "Аллах Таала айтат: Менин пенделеримдин эң сүйүктүүсү орозо тутууга шашылгандар".

7. “Орозо - калкан. Араңардан бирөө орозо кармаса, жаман сөз айтпасын, ызы-чуу кылбасын. Эгер ага бирөө акарат келтирсе же уруп-сабаса, анда "мен орозо кармап жатам" деп айтышы керек.

8. Бейиште Ар-Райян деген дарбаза бар, андан орозо туткандар гана киришет.Кыямат күнү "Орозо кармагандар кайда?" деп суралат, ошондо алар орундарынан туруп, ушул дарбазалар аркылуу бейишке киришет. Алар киргенден кийин дарбазалар жабылат жана башка эч ким киргизилбейт ”.

9. "Кимде-ким Рамазан айында сооп алуу үчүн ишеним жана үмүт менен орозо тутс а, анын мурунку күнөөлөрү кечирилет."

10. "Рамазан айында Аллах тозок отунан кутула турган пенделерин тандайт."

11. "Кимде-ким бир күн Аллах үчүн орозо кармаса, Аллах аны жетимиш жылдык тозок отунан куткарат."

12. "Эгер адам таңга чейин орозо кармоону ниет кылбаса, анын орозосу кабыл болбойт".

13. "Кимде-ким Аллахтын ырайымынан үмүт кылып бир күн орозо кармаса, ал өмүрүнүн акыркы күнү болсо дагы бейишке кирет."

14. "Орозо калкан, ким орозо тутса, жаман иш-аракеттерден алыс болуп, ызы-чуу чыгарбашы керек. Эгер кимдир бирөө аны менен урушууга аракет кылса же ага акаарат келтирсе, анда ал: "Мен орозомун" деп эки жолу айтсын.

15. "Мухаммеддин (ага Аллахтын салам-салаваттары болсун) руху анын колунда болгон Аллахка ант болсун, орозо кармаган адамдын оозунан чыккан жыт мускус жытына караганда жагымдуу жана орозо кармаган адам эки жолу сүйүнөт:ооз ачкан учурунда жана Аллах менен жолуккан учурда туткан орозосу үчүн берилген сыйлыкты көргөндө кубанат.
#дневник
#рамадана 🕋🌙

📖
14-күн 🗓️

«Унчукпоо–бул унутуу»,–деген ойдон алыс бол. Жер дагы үнсүз турганы менен анын боорунда миңдеген вулкандар бар.

Унчукпоо– ар дайым эле макулдук белгиси боло бербейт.

Сүйлөө– күмүш болсо,унчукпоо– алтын экенин унутпаңыз.

#дневник
#рамадана 🕋🌙

📖

13-күн 🗓️

БҮГҮНКҮ КҮН- БУЛ СИЗДИН МҮМКҮНЧҮЛҮГҮҢҮЗ.

Биздин заманда "өткөнкү күн" м-н (өткөнгө өкүнүп) же келечек м-н (бир нерсени күтүп, даярданып) жашоо кадимки эле адат болуп калган.Албетте,бир нерсени алдын ала пландаштырып, айкын келечек үчүн иштөөнү, өсүүнүн белгиси катары эсептөөгө болот.Бирок, бул нерсе жашынган тузак да болушу мүмкүн.Бүгүнкү күндүн кереметтерине көңүл бурбаганыбызда ушундай болот.Ал эми бул экинчи жолу кайталанбай турган уникалдуу шанс эмеспи. Сиз баалаган адам менен сонун убакыт өткөрүүгө болот. Ойлонуп,өз кыялдарыңызды элестетүүгө да болот.Жөн гана бактылуу болууга да болот. Бүгүнкү күндү мазмундуу өткөрүү үчүн эмне кылууга болот,бир ойлонуп көрүңүз.
Эгер турмушуңузда кыйынчылыктар болсо, жүрөккө жакын кабыл албаңыз. Сиздин маанайыңызды эч нерсе бузбашы керек. Өзүңүзгө: "Бүгүн менин башымдан өтө турган бир гана нерсе–бул дагы бир сонун керемет күн"- деп айтыңыз.Көңүл калууну- суктанууга айландырыңыз. Кырдаалдын үстүнөн бийлигиңизди жоготпоңуз. Шарттардын сизди башкарып алышына жол Бенджамин Дизраэлинин мындай айтканы бар: «Майда-барат нерселер жан дүйнөсү майда болгон адамды гана башкара алат».Эгер сиз бул нерсеге жол бербесеңиз, эч ким жана эч нерсе сизден бүгүнкү күндүн кубанычтарын тартып ала албайт.

#дневник
#рамадана 🕋🌙