13/01/2025
🛑توضيح : خاص الجمهور السلاوي يعرف بلي البيان الأخير لاحتو شركة جمعية سلا و ليس اعضاء المكتب المديري و التسييري لجمعية سلا……. معليناش بيان جا متأخر، بحال الخدمة ديالهم لي عمرها ما كانت فالمستوى المطلوب. واش حتى خرج الجمهور، ورجع للنضال و المهنة المفضلة وطالب بالشفافية والنزاهة، عاد وليتو كتكتبو بيانات باش تبينو راسكم خدامين و شرفاء؟فين عمركم اخوتي شفتو شي اعضاء شركة كيشكرو فرسهم هههه ؟؟ اعضاء مبهدلين طيحتو الذل على سلا ….. من الأول دالعام ما شفنا لا اجتماع لا تقرير مالي لا والو، ودابا ملي سخن عليكم الجو وولا الجمهور كيعرّي على المشاكل، وليتو كتديرو حركاتكم البهلوانية هههههه هاد الشي غير خوف من السلطات اللي غادي تدخل قريبًا انشاء الله وتفضح المستور و دير حل قريب.
الجمهور السلاوي واعي دابا كثر من أي وقت مضى، وعارف شكون اللي كيعرقل الفرقة وشكون اللي كيبغي يخدم مصالحو الشخصية. الناس بحال التويجر، حجي (عائلة شكري) راه نخرو هاد الجمعية كثر من 30 عام، ونهبو فيها كلشي. خاص تعرفو اخوتي بلي هاد الناس عوض ما يخليو الرئيس الجديد يخدم سدّو عليه كلشي. حتى سارووت هو الاخر ما عطاوه ليه، ولاكن الحاجة الوحيدة هي كل مرة كيعيطو عليه غير باش يجيب الفلوس: “ألو جيب الملاين، ألو اجي نذوزو المنحة! ألو اجي نعطيو لناس فلوسها و نصرفو بلي بقا !! إنااا فلوس الله اعلم هههههه
المنحة اللي كتوصلكم عام ورا عام، عمرنا شفناها خدامة لصالح الفريق، والفلوس عمرها تبررت فين كتمشي. الجمهور دابا عرى على هاد المشاكل كاملة، والوقت دابا للنيابة العامة والسلطات باش تدير خدمتها وتفتح تحقيق شفاف على مالية الجمعية. خاصنا نشوفو هاد الفريق لي كان كيعطي الفرحة لمدينة سلا يرجع للمستوى لي يستحق، ولكن هذا ممكن غير ملي يتنقى الفريق من هاد الفاسدين اللي كيقلبو غير على البزولة.
كنطلبو من السلطات تكمل خدمتها، وتعطي للرئيس السفياني الأدوات والظروف الملائمة باش يخدم، والجمهور كيبقى فالأخير السند الحقيقي، وبلا جمهور ما كاين لا فريق لا نجاح. وختامًا، حنا ما مغنسكتوش حتى نشوفو فريقنا فالمكانة اللي كيستحقها!!!!!!
