DSL Academy

السلام عليكم متابعي صفحة مركز اللغة الألمانية DSL Academy من المهتمين باللغة الألمانية. نخبركم بتعليق انطلاق دروس اللغة الألمانية في الوقت الراهن لأسباب تقنية جرتها علينا الجائحة.

كما يعلم الجميع فقد كنا نأمل بانطلاقة الدروس على أعلى تقدير في بداية شهر أكتوبر الجاري، لكن الرياح جرت بما لم نكن نشتهيه 😔

كما أنه لايمكن بأي حال من الأحوال أن نخاطر بصحة تلامذتنا أو أطرنا التربوية والإدارية في ظل ماتعيشه البلاد من ارتفاع أعداد الإصابات.

نأمل من الله عز وجل أن يرفع عنا هذا الوباء لنستأنف الدروس قريبا إن شاء الله 🙂

في إنتظار ذلك اليوم سنحاول أن نبقى على تواصل دائم معكم، ونجيب كما كان الحال دائما على أسئلتكم عبر بريد الصفحة للتواصل وتبادل التجارب 😉

.. والله الموفق والمستعان 🙏🏻

إنطلاق دروس اللغة الألمانية ابتداءً من شهر شتنبر.

المركز ديالنا من المراكز الرائدة فمدينة الرباط سيمكن ابتداءً من الموسم الدراسي الجديد أصدقاء اللغة الألمانية من جميع ربوع المملكة من الإستفادة من عروضه الممتازة 🙂

✔️ طاقم من الأساتذة الأكفاء
✔️ برامج تبادل ثقافي مع الألمان
✔️ منحة لدراسة اللغة في ألمانيا 🇩🇪

⚠️ المقاعد محدودة لدى يرجى الحجز وتحلي الجدية عند حجز المقاعد 🙏🏻

رابط التسجيل :

https://docs.google.com/forms/d/e/1FAIpQLSf3mUhv_-TmQQJZmNvv277sauUYgNNThzpt1Tgehb8gu27D8Q/viewform?usp=sf_link

✔️ الدروس الحضورية : 1.300 درهم
✔️ الدروس عن بعد : 1.000 درهم

Whatsapp : +212627552793
+49 177 5498273

DSL Academy - Préinscription {Septembre 2020} Whatsapp : +212627552793 +49 177 5498273

السلام عليكم ورحمة الله وبركاته ☺️ ...سيتم استئناف عملية توزيع الكتب على الفائزين بالمسابقة التي أجريناها في الصفحة الخاصة بمركزنا، والتي توقفت بسبب اجراءات الحجر الصحي وذلك ابتداءا من يوم الإثنين 20 يوليوز الجاري بمختلف مناطق المغرب.

مع خالص ودنا😊

#مرافقة #الرباط


السلام عليكم ورحمة الله وبركاته، هنا واحد المنشور جديد فالهاشتاغ ديالنا لتجميع تقنيات تعلم اللغة الألمانية السليمة 💪🏼... الناس اللي ماشافوش المنشورات الأولى تبعو الهاشتاغ وشوفوهوم، أو دخلو ليهوم من الروابط اللي تاتشوفو فأول تعليق👇🏼😊

.. هاد الكلمة "Kühlschrank" كانت ضحكتني فأيامي الأولى مع اللغة الألمانية، قلت ياااه معنيتها حرفيا الماريو البارد، والثلاجة نيت دايرة بحال الماريو 🧐 ومن الداخل باردة وتاتبرد😂

.. التحليل هو واحد الحاجة جد جد مهم فطريق تعلم لغات جديدة، وبالخصوص غانهضرو هنا على اللغة الألمانية 😎

.. إيلى بقيت عاقل أول حاجة لفتت الإنتباه ديالي لهاد المسألة من غير الثلاجة 😁 كانت هي كلمة "neugierig"، واللي تاتعني بالعربية "فضولي" و بالفرنسية "curieux"!
قلت مع راسي هاد الكلمة فاللغات اللي تانتكلم مابانوليا مشتقين من والو، ولكن فالألمانية أنا ديجا عارف أن "gierig" تاتعني "جشع" و "neu" هي جديد أو الجديد... داكشي لاش "neugierig" هو شي واحد اللي تايتوق يسمع الجديد واللي تانسميوه فضولي 🤔... قلت مع راسي هادي خاصها شي قهيوة ☕😁
.. المهم بقيت تانقرى وتانحضي مع الإشتقاق فاللغة، ولقيت أنه wissgierig واللي مشتقة من "wissen"+"gierig" هو التطلع للعلم والمعرفة، و habgierig هي التطلع للإمتلاك وهي مشتقة من "wissen"+"haben"....
واللي مستخرجين من الأسماء :
Die Gier, die Wissgier, die Habgier, die Geldgier....

هادشي ماشي خارق للعادة، ولكن بالنسبة ليا داك الوقت كمبتدأ كنت تانحس بواحد النشوة منين تايبانليا شي اشتقاق وتانفهمو بوحدي، وهادشي عاوني بزاف نكمل نحلل ونفهم بزاف ديال الكلمات بلا مانحتاج نشوف فالمعجم، وخلاني "نفهم" ☑️ اللغة الألمانية ماشي "نحفظها" ❌

.. واحد المثال آخر للإسم "Ehrgeiz" واللي هو "الطموح" باللغة العربية، و "ambition" باللغة الفرنسية. هاد الإسم مشتق من الإسمين "die Ehre" و الإسم "der Geiz"... الإسم الأول المرادف ديالو بالعربية هو "الشرف"، والثاني هو "البخل"🤔... البخيل هو الإنسان اللي ماتايسامحش فشي حاجة بسهولة ياك! ...وفهاد الحالة هاد الحاجة مقصود بها الشرف (في معناه العام) أو الكرامة أو الحفاظ على الصورة ديالو قدام الناس، وهادو من أهداف الطموح💪🏼

.. كلمات أخرى نختم بيها هاد المنشور، وممكن تحللهوم هع راسك أو تشارك التحليل معانا فتعليق😊:

- Vertrag - - > (sich) vertragen

- hervor + heben - - > hervorheben

- nach + Tisch - - > Nachtisch

.. فكرة الپوسط مايمكنش نحصروها فمنشور واحد لأن التحليل بحر ممكن تبقى تاتعوم فيه ماحدك عايش... ولكن هادي غار لمحة حبيت نشاركها معاكوم، ونلفت انتباه الإخوة ليها ربما تفيدهوم كيفما فادتني 😉

.. خاصنا نساليو هاد الپوسط إن شاء الله، ونفتحو النقاش فالتعاليق لمن يحب 😎👇🏼💪🏼

#مرافقة #الرباط


السلام عليكم ورحمة الله وبركاته... آجي نكملو التقنيات ديال تعلم اللغة الألمانية السليمة 😊... الناس اللي ماشافوش المنشورات الأولى تبعو الهاشتاغ وشوفوهوم، أو دخلو ليهوم من الروابط اللي تاتشوفو فأول تعليق💪🏼

.. نبداو على بركة الله، اليوم بغيت نهضر على تقنية اللي ممكن تستعملها بطريقتك الخاصة فبزاف ديال الدروس، واللي غانعطي عليها أمثلة ب
"Verben mit Präpositionen" 😎

.. نحن البشر تانقدو نشدو الحوايج ونتفكروهوم بسرعة إيلى كانو مرتابطين بحاجات خرين فالذاكرة ديالنا ياك!
أبسط مثال على هاد المسألة هي منين تاتبغي تتفكر شي حاجة طرات ليك أيام الصغر، فبلا ماتحس تاتلقى راسك تاتفكر حاجات اللي كانو واقعين فداك الفترة وعندهوم علاقة بداك اللعيبة علاش كنتي تاتقلب🧐

.. نفس الشيء تايطرى فالألمانية مع المعلومات الجداد اللي تاتشد... مجموعة ديال الناس تايقولولينا راه تانشدو معلومات وتايتنساو لينا دغيا🤔
السبب فأغلب الأحيان تايكون أنك دخلتي داك المعلومة "حرفية" لدماغك، وماربطتيهاش بمعلومات خرين... فمن الطبيعي أنها تتنساليك😔

.. واحد من أهم الدروس اللي تايدوزو عليك وأنت تاتقرى الألمانية واللي غايبقاو ملازمينك ديما هما ال "Verben mit Präpositionen"، والإتقان ديالك للغة مقترن بمدى تمكنك منهوم😉

.. كاينين ناس اللي تايشدو لائحة ديالهوم وتاينزلو عليها تايحفظوها عن ظهر قلب! هاد الناس تايطيحو فالمشكل أنهوم ماتايربطوش هادوك الأفعال بواحد المعلومة مهمة، واللي هيا واش الإسم اللي غايستعملوه أيكون Akkusativ أو Dativ، زائد أنه واخا تكملها وتحفظ هاد المعلومة فهادشي ماتايكونش كافي🤔

.. زيد لدماغك حاجات أخرى ملموسة باش يقدر يرجع ليها منين تحتاج داك ال Präposition مع داك ال Verb 🧐

.. كون جمل من هاداك
Verb + Präposition + Akkusativ/Dativ
،مثلا الفعل "leiden":
[leiden + an + Dativ]

ممكن تعقل عليها بالجملة الملموسة :
-Er leidet an einer Erkrankung.

هاكا غادي تضبطها أحسن، لأن Erkrankung إسم مؤنث، وبما أنه جات قبلو "einer" فهو فهاد الحالة Dativ 😉
غاتزيد تصرعها إيلى زدتي شديتي جمل أخرى، مثلا:
-Er leidet an einem hartnäckigen Ekzem.

هاكا الدماغ أيوليو عندو إمكانيات أكثر أنه يوظف هاد الفعل بطريقة سليمة😎... ممكن تستعمل البطاقات اللي خدمنا بيهوم فالتقنية الأولى والثانية باش تضبهوم 😉👌🏼💪🏼

عندك شي أمثلة باغي تشاركهوم معانا ؟

#مرافقة #الرباط


السلام عليكم ورحمة الله وبركاته... مستاعدين تسمعو التقنية رقم 3⃣ ؟ 😎💪🏼

.. هاهيا:

الكل متافق على أن Dativ و Akkusativ من أهم قواعد اللغة الألمانية!

الناس اللي تايضبطوهوم تايمشيو مزيان، والناس اللي ماتايضبطوهومش من الأول تايبقى عندهوم خلط حتى بعد سنوات من الإقامة ف 🇩🇪، وهادشي أتكون لاحظتيه إيلى خالطتي ناس عاشو مدة فيها ومازال ماضابطينهومش 😔

.. أهم العلامات اللي تاتبين ليك واش خصك تستعمل Dativ أو Akkusativ هي الأفعال 😊

.. الإشكال هو أنه ماكايناش شي قاعدة اللي تاتقوليك واش واحد الفعل تايمشي مع Dativ أو Akkusativ! فمثلا الفعلين unterstützen و helfen عندهوم معنى متقارب ولكن الأول تايمشي مع Akkusativ و الثاني مع Dativ 🤔

.. في المقابل معروف أنه الأغلبية الساحقة ديال الأفعال فاللغة الألمانية تايمشيو مع Akkusativ ياك!

.. وهنا بغيت نشارك معاك واحد الطريقة استعملتها باش نضبط هاد الأفعال 😉

.. شنو درت أنا؟ نسيت شوية Akkusativ وركزت أكثر مع الأفعال اللي تايمشيو مع Dativ! وبديت تانحضي معاهوم وانا تانقرى شي نص أو رواية (وممكن gاع تديرليهوم شي لائحة وبدى تطل عليهوم مرة مرة، وتزيد أي فعل جديد لقيتيه تايمشي مع Dativ فهاد الائحة 💪🏼😎)

.. مثلا الأفعال gratulieren و helfen و danken و drohen تاتمشي مع Dativ 😌

.. عندك شي أفعال خرين؟ شاركهوم معانا فكومونطير👌🏻 ويلى ممكن ديرهوم فجمل وحطهوم 😊💪🏼

السلام عليكم... نظرا للظروف الاستثنائية التي تعيشها بلادنا، وفي إطار التدابير الاحترازية الرامية الى الحد من العدوى وانتشار "وباء كورونا " التي تتخدها المملكة فقد علقنا بدورنا عملية إرسال الكتب للفائزين بالمسابقة التي اجريناها في الصفحة الخاصة بمركزنا DSl Academy و التي كانت مقررة قبل أسبوعين حتى اشعار لاحق 😔

نعتذر منكم اوفيائنا عن هذا التعليق الخارج عن ارادتنا و الرامي قبل كل شيء لحفط سلامتكم، ونشكركم على التفهم. نسأل الله تعالى ان يحفظ الجميع مع خالص ودنا ♥️

وبالنسبة للفائزين فسوف نراسلكم على الخاص للمزيد من المعلومات
ملاحظة : الكتب سوف نرسلها إن شاء الله بعد استقرار الوضع في بلادنا 🙏

#التصحيح


السلام عليكم ورحمة الله وبركاته... نعتذر على التأخير في الإعلان على نتائج المسابقة حيت المشاركة كانت تبارك الرحمان كبيرة 💪🏼😎

الفائزين كانوا من مستويات مختلفة بين A1 و C1، ومدن مغربية مختلفة (وحتى من الشقيقة الجزائر 🇩🇿)

هنا التصحيح ➕ الائحة ديال الفائزين :

.. تصحيح الأسئلة :

1. متى وصلت أنجيلا ميركل إلى منصب المستشارة الألمانية؟ 2005

2. في أي سنة تم إسقاط حائط برلين وتوحيد ألمانيا؟ 1989 و 1990 على التوالي

3. كم عدد مقاطعات ألمانيا؟ 16

4. ماهي العاصمة القديمة لألمانيا (اللي كانت قبل برلين)؟ بون (Bonn)

5. لأي حزب تنتمي أنجيلا ميركل؟ CDU

... الفائزون :

1. سمية من الدار البيضاء
2. المهدي من خريبgة
3. ابراهيم من فاس
4. بلال من الناضور
5. سارة من مراكش
6. أمين من الجزائر
7. زكرياء من سلا
8. حمزة من الفقيه بن صالح
9. أسامة من المغرب
10. محمد من أولاد تايمة

#مرافقة #الرباط



السلام عليكم ورحمة الله وبركاته... الناس اللي غاتبدى تقرى الدورة الصيفية مابقى ليكوم والو، الله يعاونكوم 💪🏼

.. جيت اليوم نفكركوم فواحد البرنامج كاين فأغلب الجامعات في ألمانيا 🇩🇪، كنت هضرت عليه فالمجموعة وتانهضر عليه ديما فالندوات االي تنظمو!

.. هادا برنامج مجاني 🆓 ديال المرافقة للطلبة تايعاونوهوم ملي تايوصلو لألمانيا 🇩🇪.

... بالنسبة ليا أنا كان شدني واحد الطالب وعاوني بفضل الله بزاف. تلاقاليا منين نزلت من القطار وداني وراني الجامعة والإدارة ديال الحي الجامعي، ولصقناهوم حتى عطاوني سكن واخا ماكنتش مقيد في لائحة الانتظار 😎😁

الدورة اللي موراها تطوعت حتى أنا كمرافق للطلبة، وعطاوني قسيمة شراء 25 يورو + شهادة تقديرية كشكر على المجهود.
هادشي كااامل رباح عندك كطالب 😎😉

اللي عجباتو الفكرة يقلب على "Mentorenprogramm" فالجامعة المستقبلية ديالو، وخا تكون مازال مادفعتيش الڤيزا، راه ممكن تقيد للدورة القادمة. شد بلاصتك حيت تقدر تلقاهوم عمرو. الله يوفقنا كاملين 😊

لا تنسونا من صالح الدعاء جزاكم الله خيرا 😊