Math 2Bac SX

برومو 2026 ❤️
وحد النصيحة نبغي نقدمها ليك نتا كثلميذ مقبل على الامتحان الوطني:
أكثر أيام بغاو الاجتهاد والصبر هوما هذ الأيام الأخيرة قبل الوطني. فهذ الفترة كيتخلطو عليك المشاعر، مرات كتحس براسك واجد وقادر تدوز، ومرات كيدخلك الخوف وتحس براسك ما درتي والو. وهذ الإحساس طبيعي كيعيشوه تقريبا جميع التلامذ.

المهم دابا هو ما تضيعش الوقت فالخوف ولا المقارنة مع الآخرين، ركز غير على راسك وعلى الخدمة ديالك. حاول ترتاح مزيان، نظم وقتك

ولي نقوليك هو دير لي عليك والكمال على الله، ولي فيها الخير هي لي غادي تشوف ❤️
خصوصا أن هذ السنة تلاقات مع عيد الأضحى، والاغلبية يقدر ما يدوزوش العيد على خاطرهم بسبب الضغط والتفكير، ولكن تفكر بلي هذ التعب كامل غادي يدوز، وغيجي نهار تفرح فيه براسك وبالمجهود ديالك.

نتمنى ليكم كاملين التوفيق والنجاح، والله ما يضيع تعب حتى واحد

أحسن حاجة تقدر دير مباشرة من بعد ما تسالي الامتحان الوطني ديالك هي أنك ترجع تراجع الأجوبة ديالك من الأول للّخر. كون على يقين بلي غادي تلقى بزاف ديال الحوايج لي خاصهم التصحيح سواء أخطاء صغيرة نسيان ولا حتى أفكار كنت قادر تزيد توضّحهم أكثر
ولكن ماشي أي واحد يقدر يديرها حيث خاصك تكون جاوبتي فمدة أقل من الوقت لي عطاوك وهادشي كيجي غير بالخدمة والتداريب قبل الامتحان

😂😂😂

أحسن حاجة تقدر دير فهاد الفترة استعدادًا للامتحان الوطني هي أنك تخدم التجريبيات اللي فيهم أفكار مختلفة وبعيدة شوية على النمطية اللي موالف طول العام. هاد الشي غادي يطور المستوى ديالك، ويخليك تعرف كيفاش تتعامل مع أي سؤال جديد أو فكرة مفاجئة فالوطني، وبالتالي تدخل للامتحان وأنت واجد مزيان وواثق من راسك

هاد التمرين ماشي غير تمرين عادي بل هو تمرين شامل جمعت فيه جميع أفكار وفقرات درس Nombres Complexes باش التلميذ يراجع الدرس كامل بطريقة ذكية وسهلة
الفكرة ماشي هي حفظ الحل ولكن فهم جميع القواعد والتقنيات اللي ممكن تجي فالإمتحان الوطني

إلى قدرت تحل هاد التمرين وتفهم كل فقرة فيه فراه راجعت تقريبًا الدرس كامل

2Bac | الاستعداد للوطني

فكرة هذا التمرين هي التذكير بجميع فقرات الدروس انطلاقًا من حل تمرين شامل يجمع بين مجموعة من الأفكار المأخوذة من وطنيات سابقة. أما التلميذ الذي يظن أن الفكرة هي حفظ الأسئلة فقط، فأقول له: راه غا تتخور من اللخر، لأن المطلوب هو الفهم وربط الأفكار والتدرب على مختلف الحالات، وليس الحفظ

Limites exponentielle | 2bac

2Bac

Produit scalaire | Tcs