Psy-coach Sara Afifi

مرحبا بكم في صفحة فضائي المهني
https://www.facebook.com/share/1CYePzraYG/

واحد الموضوع كيرهقني كاختصاصية
باش نكونو واضحين:
إلى كان ولدك عندو اضطراب تعلمي، فرط حركة، تشتت انتباه، أو أي اضطراب آخر،
وسكتي عليه سنوات…
وحتى وصل لقسم اشهادي عاد تفكرتي الملف الطبي،
راه خطأ و كتكون ما دافعتيش على
ولدك، راه ضيعتيه فحقو.
الملف الطبي ماشي ورقة كتوجد باش “ندوزو بها الامتحان”.
الملف الطبي تاريخ، تتبع، ومسؤولية.
منين كنحط الملف فآخر لحظة، طبيعي الجهات المسؤولة تشك: – فين كنتو هاد السنين؟
– علاش ما كان حتى إشعار قبل؟
– علاش المشكل بان غير فالسنة الإشهادية؟
والنتيجة؟
الطفل كيتحط فموضع الاتهام،
ويقد يتحرم من حقو فامتحان مكيف، مرافق ،وقت إضافي و حتى من فروض مكيفة فالسنوات ما قبل الإشهادية
ويدخل امتحان قاصح، ما كيعكسش قدراتو،
ويخرج بإحساس واحد: أنا فاشل و يفقد الثقة فراسو .
الاضطراب ما كيهبطش فجأة فالسنة الإشهادية.
كيبان من اللول،
وكيحتاج مواجهة، ماشي تأجيل.
اللي كيعرف حالة ولدو ويسكت:
راه كيخلي المؤسسة تشك
كيخلي الإدارة تتردد و كيحطنا حنا كإختصاصيين فموقف محرج لدرجة التشكيك فتزويرنا لتقارير
وكيخلي ولدو يخلص الثمن
الدفاع الحقيقي على الطفل كيبدا من نهار التشخيص،
ماشي من نهار الخوف من النقطة.
حط الملف من اللول.
و علم المؤسسة ان ولدك او بنتك عندهم اضطراب و هادي ماشي عيب
طالب بالتكيف البيداغوجي فكل المراحل.

متلازمة التعاسة النفسية
هي حالة نفسية مزمنة كيحس فيها الإنسان بعدم الرضا المستمر عن حياته، الإحباط، وفقدان المتعة، حتى فالأمور اللي ممكن تكون عادية أو إيجابية. ماشي بالضرورة كتكون مرض نفسي واضح بحال الاكتئاب، ولكن كتكون نمط دائم من السلبية والتعاسة كيأثر على الصحة النفسية والجسدية.

الأعراض

الإحساس المستمر بالحزن أو الضيق بلا سبب واضح.

فقدان الحافز والشغف فالحياة اليومية.

التشاؤم المبالغ فيه وصعوبة رؤية الإيجابيات.

العصبية والتوتر المفرط.

العزلة الاجتماعية وصعوبة الاستمتاع مع الآخرين.

اضطرابات النوم (أرق أو نوم مفرط).

مشاكل جسدية مرتبطة بالنفسية (تعب، صداع، آلام متفرقة).

العلاج

العلاج كيكون غالباً نفسي سلوكي مع بعض التعديلات فالحياة اليومية:

1. العلاج المعرفي السلوكي (CBT): لمراجعة الأفكار السلبية وتغييرها.

2. التدريب على الامتنان: كتابة يومياً الحاجات الإيجابية ولو صغيرة.

3. تنظيم الحياة: النوم الكافي، تغذية متوازنة، نشاط بدني منتظم.

4. الدعم الاجتماعي: مشاركة المشاعر مع الأصدقاء أو الأسرة.

5. ممارسة تقنيات الاسترخاء: التنفس العميق، التأمل، اليوغا.

6. فالحالات الشديدة: استشارة طبيب نفسي اللي يقدر يصف أدوية مضادة للاكتئاب أو القلق عند الحاجة.

📌 خلاصة:
متلازمة التعاسة النفسية ماشي قدر محتوم، ولكن حالة كتطلب وعي وتدخل مبكر بالعلاج النفسي والسلوكي باش الإنسان يقدر يسترجع توازنو وجودتو.

نصيحة تربوية من سارة عفيفي...

علاش خاصني نوعي ولادي على التنمر؟

لأن التنمر ماشي غير "لعب ديال الدراري"، بل هو سلوك كيخلي أثر نفسي عميق على الطفل، سواء كان ضحية ولا حتى متنمر. التوعية هي أول خطوة باش نحمي ولادنا:

باش ما يكونوش ضحية: يتعلمو كيفاش يواجهو المواقف، يطلبو المساعدة وما يبقاوش ساكتين.

باش ما يكونوش متنمرين: يعرفو أن الكلمة الجارحة ولا الضحك على الآخر كيأذيه بزاف وكيخلي جروح داخلية ما كيبانوش.

باش يتعلمو القيم: الاحترام، التعاطف، تقبل الاختلافات (اجتماعية، دينية، جسدية...).

باش يكون عندهم ثقة في راسهم: الطفل لي عارف حقوقو وكيفاش يدافع عليها كيكون قوي نفسياً وما كيخليش الآخر يسيطر عليه.

إذن، التوعية على التنمر هي استثمار في سلامة ولادنا النفسية والاجتماعية، وهدشي كيبدا من الدار قبل ما يوصل للمدرسة.

مع الدخول المدرسي، بزاف ديال التلاميذ غادي يكونو جداد فالمؤسسات… وهادشي ماشي ساهل عليهم، حيث كيحسو بالغربة وكيقلبو على اللي يرحب بيهم.
هنا كيجي دورنا كآباء: نعلّمو ولادنا يستقبلو الجداد بالكلمة الزوينة، بالابتسامة، وبالصحبة المزيانة.

اليوم راه هو جديد… وغداً حتى ولدك ولا بنتك يقدرو يكونو جداد فبلاصة أخرى ويحتاجو نفس الدعم.

التنمر ماشي لعب، والسخرية كتجرّح وما كتتنسا.
خاص ولادنا يتعلمو يتقبلو الاختلافات، كيفما كانت: اجتماعية، دينية، ثقافية… وما يحرجوش أصحابهم من ذوي الهمم، بل بالعكس، يوقفو معاهم ويساندوهم.

وحتى الأساتذة خاصهم يكونو واعيين، ياخدو أي سلوك تنمري بجدية، ويشجعو على جو ديال التعاون والاحترام.

المدرسة خاصها تبقى فضاء ديال العلم، ديال الصداقة، وديال الكرامة للجميع.

همسة...
نحن في زمن كلُّ الناسِ تدعي أن سببَ تعبهم في الحياة طيبةُ قلوبهم وصدقُ كلامهم و رزانةُ نفوسهم في الحقيقة لو كلُّ هذه الصفات فينا جميعًا لَعِشنَا في سلامٍ ووئام لأحببنا بعضَنَا وما تخاصمنا لصدقنا وما غذرنا
نحن في الزمن الذي يهرب المرءُ من صفاته الحقيقية يعيشها مع نفسه في الخفاء ويتقمّصُ صفاتٍ أخرى تناسبُ شكلَهُ ومظهرَهُ في العلن ثم بعد ذلك تضيع فيه الصفات فلا نعودُ نُفرق بين الصادقِ والكاذب أو الخائنِ والأمين ...
ما أروعَ أن نتمسّكَ بالخيرِ الذي فطرنا اللهُ عليه أن نتمسّكَ بطيبةِ قلوبنا أن نُوطّنَ أنفسنا وإن خالفْنَا العالمَ كلّه ...

‏الوعي لا يعني العيش في بلورة وردية !
الوعي ببساطة يجعلك تتعلم كيف تتعامل مع مصاعب وسلبيات الحياة بافضل احتمال وتحولها إلى ايجابيات وفرص ..
الوعي يجعلك متمكن من حل المشاكل والعراقيل ويجعلك تتخطى الصعوبات بتقنيات وتمارين تساعدك وتطورك

الوعي = التعامل مع صعوبات الحياة بافضل احتمال.

أن تقضي وقتك بالسعي لإدخال نفسك الجنة،خير لك..من السعي في إثبات أن غيرك سيدخل النار.