10/08/2023
نهضروا على هاد خونا او الهدرة ديال الأم كادير كلشي و تقديس الأم كأن الرجل ماكايدير والو !
الاب لي كيخرج لبرا مع النبوري وكلشي ناعس فالشتى والبرد والصهد و يمشي الخدمة هادشي الا مكانش غا طالب معاشو وكل نهار بنهارو . كيخرج يتعافر مع جميع الاصناف دكحل الراس ويجيبها حلال باشما كانت في سبيل اجيب للاسرة ديالو داكشي لي خاصهوم وخصو يبقا ديما ضاحك و يتعامل مع لمود دالبشر لي على برا بوحدو وحتى لا دخل للدار خاصو يضوبل الخدمة ويتعامل مع الاسرة ديالو على حساب المود دكل واحد حتى هوما . هاد الرجل هو الرجل المثالي و منطقيا الرجل المثالي هو لي كيضحي حياتو في سبيل الاسرة ديالو .غير هو واش عمرك مشيتي عند هاد الاب وسولتيه واش نت فرحان تضل تخبط النهار والشهر والعام كامل على ود الاسرة ديالك؟ واش معييتيش ؟ واش هادشي عاجبك ؟ واش الصبر لداخل دالدار و على برا للظلم و القهرة المادية و المعنوية فسبيل ولادك مكيضركش فخاطرك ؟ ......تا واحد ما مستعد يسمع ويفهم بلي الآباء ديالنا صبرو على بزاف وضربو الطم ومكيشكيوش .
الآباء ديالنا ضربو الكرفي و تمارة على ودنا ومكيشكيوش ومكيبكيوش حيت عارفين الواجب هو الواجب و ماشي مخير انك ديرو مادام نت ختاريتي تكون اسرة . الا جينا نتباكاو حتى حنا مغنوصلو فين غير فاش نهضرو نهضرو بصفة عامة ماشي ندويو بانحياز و نجبدو الامهات بوحدهوم ونبينو بلي تمارة لي كيضربو راها عذاب وراها بزز عليهوم . بحال الى الاب كيخرج انشر مراودو فالزنقة . الواجب راه على كلشي بحال الام بحال الاب كل واحد ادير لي عليه و سالينا اما هاد خطاب المظلومية راه ساهل نديروه .
خلي رأي ديالك فالتعليقات او بارطاجي هادشي باش يوصل لكلشي او نبداو نبدلوا الأفكار !
