08/04/2020
واش أبو النعيم سلفي ؟
واش كاينا السلفية الجهادية ؟
علاش كاينتاسبو للسلفية مع أنهم ماشي سلفيين؟
ثلاثة أسئلة غادي نجاوبو عليها باختصار :
1️⃣ واش أبو النعيم سلفي؟
أبو النعيم ماشي سلفي والسلفية بريئة منه!
علاش ؟
حيت أبو النعيم خارجي تكفيري!
اواه تكفيري ݣاع 😯
اييه علاش ماسمعتيش ملي قال في الفيديو لي بسببه تشد في الحبس (البلد ارتد عن دينه وكفر بعد إيمانه وأصبح دار حرب وليس دار إسلام) في حين علماء المسلمين بالإجماع أجازوا إغلاق المساجد للضرورة التي فرضها هذا الوباء ومن المعلوم في الإسلام واحد القاعدة اسمها "دفع المفاسد مقدم على جلب المصالح" بمعنى نحافظو على أرواح الناس مقدم على أجر صلاة الجماعة، دابا تبين ليكم ان أبو النعيم خارجي (من فرقة الخوارج) تكفيري.
2️⃣ دابا نجاوبو على السؤال الثاني :
واش كاينا شي حاجة اسمها السلفية الجهادية؟
خاصنا أولا نعرفو اشنو هي السلفية ؟
السلفية ا خوتي هي اتباع القرآن والسنة بفهم سلف الأمة.
مزيان وشكون هوما سلف الأمة؟
سلف الأمة هوما الصحابة رضي الله عنهم ومن اتبع طريقهم إلى يوم الدين.
إوا والسلفية الجهادية كاينا؟
لا ا خويا أبدا إنما السلفية واحدة لا تتجزأ من اجتمعت فيه أوصافها فهو سلفي وإلا فهو غير سلفي.
3️⃣باقي لنا آخر سؤال 😄
وهو علاش كاينتاسبو للسلفية مع أنهم ماشي سلفيين 🤔
الجواب أنه نسبة السلفية نسبة شريفة تنتهي إلى النبي صلى الله عليه وسلم وأصحابه والسلف الصالح, والسلفيون أصحاب وسطية في دعوتهم فلا إفراط ولا تفريط! وهادشي علاش هاد المخالفين كيبغيو يتسماو سلفيين
وفي الأخير حنا راه غير اختصرنا الموضوع ولي بغا يعرف أكثر ما عليه غير يقرا مقال كتبه الشيخ الدكتور محمد علي فركوس حفظه الله 👇🏻
https://bit.ly/2y2od3C
05/04/2020
06/10/2017
23/07/2017