Hamada Auto-école khénifra

السلام عليكم
في اطار حق المواطن في الحصول على المعلومة ومن موقعنا كفاعلين في القطاع غانبارطاجيو معاكوم هاد لبلان .
مند البدايات المواطن لي بغا بدوز بيرمي كايجي المؤسسة كايتسجل كايتعلم وكايدوز الامتحان النضري ب 30/40 ومن بعد ولات 32/40 كاينجح كايدوز الامتحان التطبيقي (الصوكان ) . بنفس السيارة لي تعلم فيها لكليان
هادشي ماغايبقاش علاش .
اسيدي المنضومة كلها كانت شاداها مديرية النقل عبر الطرق لي تابعة لوزارة التجهيز والنقل ....
ولكن اليوم ولات شاداها NARSA .
ونهار 17/06/2021 وقعات narsa واحد الاتفاقية مع جامعة محمد السادس للبولي تيكنيك الهدف منها هو الرقمنة زعما يولي داكشي كايعتمد على تيكنولوجيا والكاميرات ... ويقللو من تدخل العنصر البشري .
لبلان هو ان الاسئلة كاينا 600 سؤال فالمجموع وغاتولي 1000 سؤال يعني غاتزاد 400 ويعلم الله كيفاش يقادو هاد لعجب . وغاتولي 34/40 باش تنجح .
الصوكان غاتوليي تعلم بواحد السيارة عند المؤسسة وتمشي دوز الامتحان فالسيارة الدكية
فيها كاميرات و gps باش الامتحان على الطريق لي كانقولولو بالعامية الدورة الشرفية
اللتي ستحصل على وسام الشرف وغاضرب 20 دقيقة داخل وخارج المدينة على حساب ما كاين فالقانون .

دويرة ونزل ماغاتبقاش
وتا دوك لحدايد ديال الكاراج .... غاتولي غا تقيسها ب ملمتر غاتسمع. ديك لعيبة ديال. عليكومو سلاااام

خلاصة القول لي غايتعلم شي حاجة غاينجح .

Garage