07/12/2014
زمان العياقة والضسارة !!
معروف علينا مسلمين !!
ولكن الخصايل ديال اليهود والنصارى !!
شحال من واحد سميتو محمد ولا نور الدين !!
ولكن السمية مشات فيهم خسارة !!
من ولاَّو لي تابعين دينهم معقدين !!
ولي نساو عقيدتهم ناس ملاح بصريح العبارة !!
نسينا و اهلمنا حق الواليدين !!
و ولِّينا باغين نطرطقو ليهم المرَّارة !!
حافظين گاع أسماء الفنَّانين !!
و ماعرفينش حتى موجبات الطهارة !!
تسولنا على لاعب نجاوبوك فالحين !!
تسولنا على صحابي تلقا الناس حيارَا !!
من ولاَّو المساجد فالنهار خاويِيين !!
والناس مخشية فالبيران وبلايص الدعارة !!
خاصك تخرجي معرية على الصدر والرجلين !!
حيت الا تسترتي غادي تولِّي متخلفة وحمارة !!
إلا درتي الحجاب ديريه فالمشتا وغطِّي الوذنين !!
وحيديه من يدخل الصيف وتقوى الحرارة !!
خاصك تحفظي سمية الممثلين !!
وماتعجني و ما تمسِّي بيدّك خمَّارة !!
ونتا باش تكون راجل ماخصكش تنزّل العين !!
خاصك تمشي للِّيسي وترمى على البنات السنَّارة !!
من ولاَّو يتقارنو اهل العلم مع المغنِّيين !!
قرا الفاتحة على البلاد آ خالي عمارة !!
راه ولاَّ سعد المجرد مول الصوت الحنين !!
كايتنافس على شخصية العام مع المنجرة پشاخ على الحضارة !!
شفتي البلاد لي راحنا فيها عايشين !!
وشفتي فين وصلات بيهم الحقارة !!
الكلام ماينطبقش علينا كاملين !!
ماشي كلنا مامربيِيينش وشمكارة !!
الله يهدينا ويرد بينا آجمعين !!
راه الزمان بدور والدنيا غدَّارة !!
غدا نلقاو راسنا امام الخالق واقفين !!
بآشمن وجه نواجهوه و بآشمن كمَّارة !!
