Compta Az eddine Teodoro

09/11/2023

للي مزال مافهم
COMPTABILITÉ ANALYTIQUE 🎯
👇🏼👇🏼
الهدف الرئيسي هو أنك تتعلم تحسب، و تعرف بشحال طاح على الشركة (un produit X)، الثمن باش كتبيعو وهامش الربح ديالها فيه. نفسر ليك أكثر باش تفهم مزيان أو إلى عطيتك أمثلة غايكون أحسن بكثير:
❎تخيل معايا الشركة اللي كاتصنع الصنادل، أو الطراقات ديال الميكة كتايسميها ناس خرين، مهم باش نصنعو هاد الصندالة خصنا ندوزو من واحد المجموعة ديال المراحل:
+أول حاجة كنشريو المواد الأولية من عند الفورنيسور واللي تتدخل فالصناعة ديال هاد الصندالة
+ثانيا من بعدما شرينا المواد الأولية غادي نديوها نحطوها فالستوك ديالنا فالشركة مع المواد الاولية اللي شرينا من قبل مثلا فالشهر اللي فات
+ثالتا الصندالة كتكون من جوج ديال الأجزاء: السوميلا و التِّيج يعني الصرفاقة ديال لتحت والصمتة ديالها، دونك كنخرجو المواد الأولية من الستوك أوكانديوها للورشة الأولى (Atelier 1) باش نقادو هادوك الجوج مكونات يعني أننا كنقادو منتوج غير مكتمل (produit semi-fini).
+رابعا كناخدو هاد المنتوج غير المكتمل واللي فالحالة ديالنا كيعني بأن الصندالة مزال متجمعاتش أوكاندخلوه للورشة الثانية (Atelier 2)، تماك كيتم التجميع ديالو باش تعطينا منتوج نهائي (produit fini).
+خامسا من بعدما كتاملات الصندالة ديالنا كدوز لمرحلة التزيين الأخير و التغليف (Finition+l'emballage)، وفي الأخير كنحطوها فالستوك فانتظار البيع ديالها.
⬅️ الثمن باش غادي نبيعو هاد الصندالة خصنا ناخدو فيه بعين الإعتبار
+ثمن المواد الأولية (البلاستيك، الصباغة..)
+المصاريف ديال النقل
+اليد العاملة
+عدد ساعات العمل في كل ورشة
+ثمن ديال التغليف
+هامش الربح ديال الشركة...
✅هاد المراحل اللي داز منها هاد المنتوج كتختالف من شركة لأخرى ومن منتوج لآخر، لكن القاعدة باش كتحسب هادشي كاملو مكتغيرش كتبقى صالحة لكل منتوج.
دونك دبا فهمتي شنو غايكون المطلوب منك فهاد الموديل، وأول حاجة خصك تتعلم تحسبها هي:
"Les charges de la comptabilité analytique "
القاعدة باش كتحسبهوم ساهلة أوباينة أو هي كالتالي:
Les charges de la comptabilité analytique(😊 les charges de la comptabilité générale(-) les charges non incorporables (+) les charges supplétives(+/-) différences d'incorporation des charges d'usage (+/-) différences d'incorporation des charges étalées (+/-) différences d'incorporation des charges abonnées.
❌ملحوظة: (+/-) كتعني زائد أو ناقص.
1️⃣-les charges de la comptabilité générale:
هادو راه باينين وخصكوم تكونو عارفينهوم حيث قريتوهوم داك العام ف S1 و S2، واللي من بينهم:
-Achats de MP
-variation de stock
-impôts et taxes
-charges de personnels
-VNA
-DEA
-Dot aux provisions...
2️⃣les charges non incorporables:
غادي نحاول نعطيكم اللي كيتستعلو بزاف خصكوم تحفضوهوم باش ايلا لقتوهوم فشي تمرين فلبلاصة تعرفو فين تصنفوهوم، إيلا نسيت شي وحدة زيدوها نتوما:
-DEA des immobs en non valeurs
-Dotation aux PPD des clients douteux
-Charges nettes sur cession des TVP
-VNA des immobs cédées
-Pénalités et amendes fiscales ou pénales
-Autres charges non courantes
-Participation des salariés
-Achats de petit outil
-Impôts sur les bénéfices
-Prime d'assurance vie du dirigeant
3️⃣les charges supplétives:
هما مجموعة ديال ليشارج اللي كنضيفوهوم بالرغم من أنهم مطالعينش ف C.G، والعدد ديالهوم 2 لاأكثر معندكش فين تلف:
-Rémunération du capital
-Rémunération de l'exploitant
4️⃣les charges d'usage:
هير تسمع فالتمرين كلمة amortissement عرف بلي كتدوي على les charges d'usage، أوراه ديجا قريتو كيفاش كيتحسبو les amortissements.
5️⃣les charges étalées:
تاهادو هير تسمع كلمة provision فالتمرين عرف بلي كندويو على les charges étalées أوتاهوما راه كتعرفو تحسبوهوم.
6️⃣les charges abonnées:
مثال ديالهوم واللي ديما كنلقاوهوم فالتمارين
-Loyer
-Abonnement
#طاغي صحابك يستافد

09/09/2023

🔴نداء عاجل لشركات الاتصال
طلقو ولو شي ساعة مجانا راه كاين اللي حاصل وماعندوش روشارج

25/08/2023

بلاتي نقاد ليكم طريق فين تخدمو 😅😂

11/06/2023

#معلومة
شحال من واحد كيسمع #بالشيك وماعرفوش، ولا كيستعمل الشيك أوماعرفش السلبيات والاجابيات ديالو :
معكم مدير بنك بإحدى الوكالات البنكية المغربية :
اليوم غانهضر ليكوم على الشيك و انواعه باش تكون عندكم فكرة عامة عليه و باش تكونو على بال منو حيت ماشي ديال اللعب .
الشيك هو وسيلة للأداء يعني كانخلص بيه واحد السيد لي كايسالني شي حاجة هاد الشيك ممكن يدوز من يد ليد يعني الملكية ديالو يمكن تحول من شخص لشخص نتا تخلصني بشيك و أنا نخلص واحد آخر بهاداك الشيك ديالك وهي غادا هاد العملية كاتسمى التظهير l'endossement الطريقة هي أنني كانسني ف الظهر ديال الشيك ونعطيه لاخر و هو كايدير نفس الشيء و هاد العملية ماعندهاش حدود الى عمر الشيك منverso ديالو (موراه) كانgرافيو معاه ورقة عادية كاتسمى allonge و نكملو فيها التوقيعات.
● شناهو Chèque barré: هو ملي كايدارو 2 شرطات // متوازيين ف Recto ديال الشيك يعني من القدام ، وغالبا كايكونو الفوق على ليسر : المعنى ديالو أن هاد الشيك مايمكنش يتصرف Espèce (باستثناء مولاه) خاصك تدفعو ف الحساب ديالك يعني كادير Remise للشيك فحسابك وكايدوزو الفلوس من حساب مول الشيك لحسابك،الى كان الشيك لي دفعتي مولاه ف نفس الوكالة لي نتا فيها .الفلوس راغايدوزو بيه فيه sur place ويلا كنتو ف نفس البنكة مي ف وكالات مختالفين غايدوزو الفلوس على يوماين J+2 الى كان فبنك مغاير للبنك ديالك ف 3 Jrs ،هادشي الى كانت provision أما الى ماكانوش راكاتسلم *شهادة رفض الأداء certificat de refus de paiement *
==> 1) الشيك فاش كايكون عادي ماشي barré وبغيت نتخلص فيه ""espèce"" نرد البال لle lieu de paiement مكان الأداء كايكون ف الشيك كيعني البلاصة فين غانتخلص فيه، على الغالب كايكون الوكالة لي فاتح فيها مول الشيك بمعنى غايخصك تمشي للوكالة ديالو باش تخلص كاش الى مامشيتيش للوكالة ديالوو فخاصك تدفع الشيك فحسابك، باستثناء بعض الحالات كايكون عندهوم الشيك فيه هادا تصرفو فأي وكالة ديال ديك البنكة.
ا==> 2) الشيك عطيتو للسيد X ولو نكتب سميتو ف الشيك يمكن يستافد منو السيد Y أولا Z....و يبقا كايدور من يد ليد (هادشي لي سميناه التظهير l'endossement) ماعادا الى كتبت ف الشيك من الفوق : N.E أو NON ENDOSSABLE أو {غير قابل للتظهير} هاكا غايولي دور عند ديك La case ديال المستفيد بحيث أن هاداك لي محددو فالشيك الوحيد لي يمكن ليه يستافد من الشيك ومايمكنش يعطيه لشي حد آخر. ؛ ويلا كان الشيك barré و مكتوبة فيهN.E فغاتكونو فهمتو بلي الوحيد لي غايستافد من الشيك هو لي مكتوب ف بلاصة المستفيد و غايخصو يدير ليه remise (يدفعو ف الحسابcompte ديالو)
● شيك سرتفييchèque certifié
هاد العملية ديال إتبات الشيك certification du chèque كاتعني ببساطة أن البنك هو لي كايضمن الأداء للمستفيد مثلا فاش كاتشري سيارة من عند شي شركة كاطلب ليك شيك certifie هي ماشغلهاش فديك الهدرة ديال ماعندكش الفلوس ولا signature mamgadach أو أو ... هاكا هي كاتولي تعرف البنكة ماشي نتا ،،==> كيفاش كاتم هاد العملية!؟؟؟ فاش كاتمشي تسيرتفيي الشيك عند البنكة ديالك البنكة كاتأكد بلي عندك داك المبلغ ف الحساب وكادوز certification عندها فsystème هاكا دوك الفلوس كايخرجو داك الساع من الكونط ديالك و كايبقاو فواحد الكونطinterne ديال البنكة و البنكة كاطبع ليك ف الشيك بلي certifié ,نتا فاش كاتعطي داك الشيك لشي حد و كايدفعو كايخرجو الفلوس من داك الكونط interne ديال البنكة و كاياخدهم داك المستفيد . هاد العملية يؤدى عليها و كاتبقا هاد certification ديال الشيك لمدة 20 يوم فقط ،
■ دفعت شيك ف الحساب ديالي و رجع impayé ماتخلصش ماشي بالضرورة غايكون رجع على الفلوس ممكن يكون ماتخلصش لأسباب أخرى بحال :
التوقيع لي ف الشيك ماصحيحش La Non Conformité
حاجة اخرى مهمة جدا، le chèque est un moyen de paiement a vue يعني مكيتحكمش فيه التاريخ واخا تدير فيه سنة 2060 من حقي نتخلص فيه غدا. و نزيدك للنصيحة اللي عطا الشيك لشي واحد يحدد فيه الاسم ديال x و يكتب فيه N.E باش ميسبب ليه شي كارثة و يحدد المبلغ. خصوصا ناس تأجير السيارات راه كتغامر بشيك خاوي يصفتك للحبس و لا يدي ليك رزقك و معندك متصور. كاين بزاف مايتقال فهاد الموضوع المهم غير تعرفو البرانسيب ديال الشيك و باش ماتلعب بيه حيت اقدر ادخلك ل البنيقة و نتا ماعارف علاش .
و السلام

12/03/2023

▪Comptabilisation et calcul à la RàS / Loyer 🏠

》إلا كانت عندك شركة وكنت كاري شي محل داير فيه هاد الشركة ها كيفاش كاندوزو هاد العملية 👨‍🏫

》في هذا المثال تحت إفترضنا أن شركة قامت بكراء محل على شخص ما وبثمن 72.000 درهم للسنة كاملة أي 6.000 درهم للشهر 🕰

》 في هذه الحالة سيكون حساب الضريبة لي غادي يخلصها الشخص لي كرينا عليه المحل والشركة لي كرات المحل على الشخص كما في الصورة تحت 🖼👇🏻

🕵️‍♂️

03/01/2023

09/12/2022

كلشي مشا لقطر بقاو غير الصالحين او الفقراء وهي تصب الشتا الحمد لله🤲🤲🤷‍♂️

31/10/2022

Bonjour welidat bac 2022/2023
Li 3ando problème fi chapitre régularisation stock et amortissement i5ali Lina problème fi commenter

31/10/2022

taxe d'habitation et taxe de services communaux
ضريبة السكن و ضريبة الخدمات البلدية ...

إبتداءاً من شهر 10 من كل سنة كاتسيفط الخزينة العامة للمملكة ورقة لكل منزل مكتوب فيها قيمة الضريبة لي غادي يخلص كل مواطن يملك عقار في المملكة المغربية. 🕵️‍♂️ 🇲🇦
كاتنقاسم هاد الضريبة لقسمين :
1- ضريبة السكن : 🏘
هاذ ضريبة السكن كاتنقسم لنوعين حتا هي :
أ- السكن الرئيسي "هو السكن لي شريتو باش تسكن فيه" 🏠
فهاد الحالة كانحسبو قيمة الضريبة على حسب القيمة الكرائية ديال الدار لي ساكن فيها، هاذ القيمة الكرائية كاتحددها المديرية العامة للضرائب وذلك على حسب الموقع لي جات فيه الدار، وطريقة الحساب كاتكون كالآتي :
لنفترض أنه عندنا منزل القيمة الكرائية الشهرية دياله هي 2000 درهم
- مبلغ الكراء السنوي يساوي
(2000dh x 12Mois) = 24000dh
- إذا كان سكنك الرئيسي فأنت معفي من 75% من هاذ الضريبة، أي 24000dh x 75% = 18000dh
- فهاذ الحالة المبلغ لي غادي نحسبو عليه ضريبة السكن هو :
24000dh - 18000dh = 6000dh
- مبلغ الضريبة كايساوي فهاذ الحالة :
6000dh x 10% - 500dh = 100 dh
بالنسبة لديك 10% و 500 درهم لي نقصتها جبتها من واحد الجدول غادي تلقاوه فالتعليق.
ب - السكن الثانوي "هو السكن لي كاتكون كاريه أو كاتشريه وتخليه لدواير الزمان، المهم ماتكونش ساكن فيه نتا..." 🏚
طريقة حساب ضريبة السكن الثانوي كاتكون بحالها بحال داك شي لي شرحناه بخصوص ضريبة السكن الرئيسي، الإختلاف الوحيد لي كاين هو أن السكن الثانوي مامعفييش من ديك 75%.
أي أنك كاتخلص الضريبة على مبلغ الكراء السنوي كاامل، وفي المثال لي فوق كان 24000 درهم
إلى رجعنا للجدول لي عندك فالتعليق غادي تلقى 24000 جات بين (20001 و 40000)
أي أن الضريبة فهاذ الحالة غادي تساوي
24000 x 20% - 2500 = 2300 درهم.
2 - الآن نمشيو لضريبة النظافة أو ما يطلق عليه برسم الخدمات الجماعية : 🚛
طريقة حساب هاد الضريبة كاتكون بحالها بحال ضريبة السكن، الإختلاف الوحيد لي كاين أن ضريبة النظافة مانخدموهاش بالجدول لي فالتعليق، حيت عندها نسبة مئوية ثابثة لي هي 10.5% ،
كمثال : لنفترض أنه عندنا منزل القيمة الكرائية الشهرية دياله هي 2000 درهم
- مبلغ الكراء السنوي يساوي
=> (2000dh x 12Mois) = 24000dh
- فهاذ الحالة المبلغ لي غادي نحسبو عليه ضريبة النظافة هو : إذا كان سكن رئيسي فإنك تستفيد من تخفيض 75%
(24000dh x 25%) x 10.5% = 630dh إذا كان سكن ثانوي
(24000dh x 10.5%) = 2520dh

🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦🇲🇦

20/10/2022

Chekon li mazal mafahmch comptabilité
Ghadi nechalah nediro des vidéo nechar7o fihom les chapitres pour les deux branches eco et gc
I5ali Lina mochekil dyal fi commenter o 7na nejawboh

18/08/2022

اجي تفهم السجل التجاري Registre de Commerce

فاش تبغي دير البيع و الشراء أو شي حرفة تديرها فشي محال ديالك اول حاجة خصك تفكر فيها هو السجل التجاري RC باش اللي بغيتي تسافر برا .. ♥️

الى كانت الحالة ضعيفة دوسي ساهل جمعو راسك بلا ما تمشي عند كونتابل يحسبلك 2000 درهم .

كاين زوج ✌️نواع ديال السجل التجاري:

1 - الأشخاص الطبيعيين لي هوما تجار و صنايعية و منعشين عقاريين و نقل البضائع .....

2 - الأشخاص المعنويين لي هوما الشركات بالأنواع ديالها و فالغالب شركة ذات مسؤولية محدودة SARL لحقاش تتحتاج راسالمال كبير.

نتا حيت حالتك على قد الحال دير شخص طبيعي بلا ما دير شركة لاحقاش غالية و صعيبة باش تجمع دوسي وحدك

بالنسبة لأشخاص الطبيعيين (les personnes physiques ) خاصك تقلب على محل و دير عقد الكراء أو الا كان عندك محل راه كنز مهم ديك معاك ملكية و تگاليزيه و تسجلو فدار التسجيل فين يخلصو la vignette ب 200 درهم و ومنبعد تمشي دار الضريبة يعطيوك شي ورق جمعهم ورجع عندهم يعطيوك واحد الشهادة سميتها Attestation d'inscription a la taxe professionnel ( la patente)

دابا عندك :

عقد الكراء وla patente غادي ديرهوم فشوميز و تمشي عند كاتب عمومي يكون مطرق قولو عمرلي les imprimés ديال السجل التجاري يعطيك 3 ديال نماذج وقّع فيهم و ديهم مقاطعة گاليزيهم.

حتى لدابا مزيان عندك : la patente + عقد الكراء +les imprimés + زوج✌️نسخ من البطاقة الوطنية.

دابا سير المحكمة التجارية الى كانت فمدينتك أو قسم السجل التجاري فالمحكمة الابتدائية و خلص 150 درهم فالصندوق و دفع الدوسي فقسم السجل التجاري و ها نتَ عندك registre de commerce .

الله يوفق الجميع.

وماتساوش الله يرحم الولدين.. ♥️