لعشاق الرعب فقط

أجمل ماما فوس في العالم

الحل النهائي لمعرفة اي كلمة مؤنث او مذكر باللغة الفرنسية
نهايات المذكر
Oir -ment -isme -is -et -ier -eau -at -at -ard -age -le -me -te -se -re -de -ys -us -gue -s-x .
نهايات مؤنث
ere -ie -tion -sion -ion -esse -ette -nde -ance -elle -aison aille --ade -itude- ure -ise-sse -euse-ve -té.
الكلمات التي تشذ عن هذه القاعدة :
كلمات شاذة مؤنث :
1-mer :بحر
2-cour : ساحة
3-couleur : لون
4-soeur : اخت
5-route :طريق
6-eau : ماء
7-femme : امراة
8-fleur : زهرة
9-leçon : درس
10-fin نهايه
الكلمات الشاذة المذكر
1-frère :اخ
2-père : اب
3-monde :عالم
4-progres : تقدم
5-musée : متحف
6-domaine :مجال
7-groupe : مجموعة
8-coupe : قطعة
9-kiosque : كشك
10-espace : فضاء /مساحة
11-exercie : تمرين
12-cake : كيك
13-poste : وظيفه
14- téléphone :هاتف
15-jeune : شاب
مع العلم ان ايام الاسبوع والفصول والاشهر واسماء اللغات كلها مذكر
~

فصيلة من سمك النيص سُمّها المعروف بأسم تيترودوتوكسن أقوى ب1200 مرة من السيانيد (السمكة الواحدة فيها ما يكفي من السم لقتل 30 رجل بالغ ولا يوجد له أي مضاد معروف) ومع ذلك إبتسامتها ومظهرها الخارجي في غاية اللطافة والبراءة . مؤكد تـذكّرك ببعض معارفك😅😅

نقطة بيضاء 1:

نذكر أنه يقبع بالسجن المحلي للخميسات (المغرب) دركي مغربي بتهمة التقاط فيديو لزملائه وهم يأخذون رشاوى من المواطنين بالطريق.
وتقدم الدركي بالفيديو لرئيسه وهو يشكو له من خلاله ابتزاز زملائه للمواطنين؛ وقد ظن الدركي أن المسؤول سوف يحاسب الدركيين على أخذهم للرشاوى من المواطنين بدون مبرر؛ إلا أنه تفاجأ بالعكس حيث تم اعتقاله بتهمة التجسس على الزملاء أثناء مزاولتهم لعملهم.
الدركي المسمى أسامة غربال الان في السجن ومضرب عن الطعام وينتظر مؤازرة الجمعيات الحقوقية والمجتمع المدني لأن ماقام به هو من صميم مهمته كدركي وكمواطن 😔

قصتي مع #الجنية
فواحد النهار من فصل الربيع شهر 5 تقريبا سنة 2011 عيط ليا صاحبي حمزة و قال ليا نتلاقاو فالقهوة و راه معاه شي بنت كايعرفها ..مشيت مع ديك 7 ديال العشية ،جلسنا شربنا قهوة هضرنا بزاف و ضحكنا المهم ديك العشية دازت العشية زوينة وصلت 10 ديال الليل مشينا مع البنات خداو طاكسي ...قال ليا صاحبي بلاما ناخدو طاكسي حنا القهوة قريبة شوية و غادي نختاصرو الطريق "نقزو الصور و السكة ديال القطار" باش نوصلو دغيا ..داك الشي لي درنا طلع نقز هو الأول و تبعتو أنا ..فديك اللحظة ملي نقزت حسيت بواحد الألم طالع ليا من رجلي مع ظهري حتى للرقبة ديالي ..الألم كان عبارة عن شيء بحال شي صعقة كهربائية حسيت بداك الشي و قلت يمكن من ديك القفزة بجهد ضرني ظهري ...
المهم كملنا طريقنا قطعنا السكة و كانت المنطقة مهجورة ما كاينش.حس البشر و ما كاينة حتى حتى بولة ولا شي حاجة تعطيك الضو (ظلام حالك) ...خرجنا للشارع و بقينا غادين و بديت نحس بشي حاجة فصدري بحال الخلعة بغيت نقولها لصاحبي سبقني و قاليا : خويا كانحس بشي حاجة فصدري ماشي هي هاديك قلت ليه حتى أنا ممكن حيت شربنا القهوة و كمينا الكارو و مازال ما كليناش...و فديك اللحظة شفت شي حاجة حمرا غادا معايا فالطريق و كانت المفاجئة صاعقة ليا عمرني نخيلت نشوف شي حاجا بحال هاكا ...
شفت داك الشي حمر غادي معايا فالطريق شفت فيها لقيتها بنت لابسة رداء أحمر طويل و شعرها مغطي وجها كامل ..ضرت شفت فالولد صاحبي بان ليا ما شاف والو و غادي نتأكد ملي بدا كايتكلم معايا عادي .. حاولت حتى أنا نهضر معاه عادي باش ما يلاحضش الإرتباك ديالي ..بقات كاتهضر ليا فودني شي هضرة ما بغيتش نسمعها و فالصراحة ليومنا هذا ما عرفتهاش شنو كانت كاتقول ديك الساعة ..و بعد لحظات غبرات ما بقاتش كاتبان ليا ...كملنا طريقنا و صاحبي كايعاود ليا شي حاجة و أنا بالي مشغول مع هاد الشي غادي و كانفكر من بعد ما وصلنا للدرب لي شافني كايقول ليا مالك ؟؟ ما عرفتش شنو كان باين ليا فوجهي لدرجة أنه واحد الدري مشا جاب ليا قرعة ديال الماء و قال ليا شرب و غسل وجهك ممكن كان كايحساب ليهم متعاطي شي مخدر أو شي حاجة..
المهم بقيت حوالي نصف ساع و الدراري بغاو يمشيو ياكلو فواحد السناك قريب مشيت معاهم و طلبنا داك الشي لي غادي ناكلو خدينا كل واحد الطبق ديالو و فديك اللحظة بانت ليا تاني ديك البنت كانو الملامح ديالها بحال شي واحد كايتسناك تمشي معاه و كاتدير حركة براسها بحالا كاتقول "يالله معايا".. فديك اللحظة نضت قلت ليهم بغيت نمشي كلشي بقا مستغرب و كايقولو ليا مالك جاك شي مساج ؟؟ ولا عندك شي حاجة ؟ وا غير كول بعدا...قلت ليهم لا بغيت نمشي بحالي صافي ناض كلشي و تمينا غادين للدرب ..و إحساس غريب و أفكار بزاف كادور ليا فراسي ما عرفتش واش هاد الشي بصح ولا تهيؤات المهم وصلنا و من هنا غادي يبدا الحدث المهم في قصتي مع الجنية...
وصلنا للدرب و أنا كانحس براسي مرفوع ..شوية جا عندي واحد الولد قرب مني و بقا كايهضر معايا و من تم ما عقلتش شنو طرا دازت ساعة و أنا فاقد للوعي فقت لقيت راسي كلي عامر بالماء و محيد البيل لي كنت لابس و كانحس بآلام فالفخد لي تجرحت فيه ديالي و فدراعي و فعنقي...من بعد قالو ليا راني طحت غيبت و شوية نضت كانجري فاتجاه الشارع الكبير و بلي واحد صاحبي تبعني شدني و طحت أنا وياه فالأرض واحد الحركة بحال ديال الركبي ...
و هادا السبب فالآلام لي حسيت بيها ...فقت لقيت ناس بزاف واقفين و حشمت ما بغيتش نمشي لدارنا عيطت لواحد ولد خالتي مشيت نعست عندهم فالدار حيت ما بغيتش الوالدة تشوفني فديك الحالة ..المهم من بعد ديك الليلة ما مشيتش للسونطر 3 أيام و ما بقيت كانشوف والو حتى لواحد النهار من بعد أسبوع تقريبا وقعات حاجة غريبة لي غادي تحسم فكلشي ...
من بعد ما بديت ننسى داك الشي و بديت نعيش عادي و الحمد لله ما لاحظت حتى آثار بعد داك الحادث بديت نصلي و نقرا القرآن كل نهار البقرة و نشرب الما ديال الرقية ..واحد الليلة نعست شوية حسيت شي حد كايتنفس بجهد فالبيت نضت حليت عيني بانت ليا بنت صغيرة (3 ولا 4 سنوات) و زوينة بزاف تخلعت و عرفت الأمر ماشي عادي قلت واقيلة كانحلم ولكن داك الشي ما كانش حلم البنت الصغيرة كبرات و طوالت و أنا بديت نقرا آية الكرسي بدات تقرا معايا و قالت ليا أنا حافظة القرآن كامل ..
قلت ليها و شنو بغيتي عندي قالت ليا بغيتك تمشي معايا ..كانت زوينة و ودنيها لي كبار شوية و لابسة الأحمر كيف المرة الأولى ولكن هاد المرة شفت الملامح ديالها بوضوح ..قلت ليها فين نمشي معاك ؟؟ قالت ليا لا انت غادي تبقى فبلاصتك ولكن غادي تكون معايا ..قلت ليها إلا وليت معاك ما غاديش نبقى عايش حياتي عادي و غادي يتحرق قلب أمي عليا ..فديك اللحظة قربات عندي و بغات تبوسني بجهد ..دفعتها و قلت ليها أنا معاك بالله و بالشرع بعدي مني ما يمكنش نكون معاك ..رجعات خطوة للوراء و قالت ليا واخا أنا غادي نبعد دابا ما غاديش نفرض عليك شي حاجة انت ما باغيهاش ولكن غادي نبقا نجي نشوفك و مشات و أنا ما نعستش حتى للصباح ..
عاودت كلشي للوالدة ديالي تخلعات بزاف و جابو ليا الفقها 3 أيام كايقراو فالدار و قالو ليا تخطيتي شي حاجة و هادا الجن العاشق لي جاك خاص ديما تحصن راسك بالأدعية و الصلاة و قراءة القرآن و من هاداك النهار ما بقيت شفتها ولا حسيت شي حاجة ....أنا كانوصي الناس لي بغا يمشي فطريق خاوية يقرا الأدعية و يكون ديما موضي حيت الأذى كايكون قريب منك ديك الساعة و ممكن تمسك سي حاجة خايبة لا قدر الله .
و شكرا على المتابعة

???

jomo3a mobaraka