ZainebAtif

ماعمرك تحكر راسك او تقارن راسك بشي حد ! مسألة الماديات حنا لي كانديروهم ماشي هما ! غدا عندو بعدو ماعندوش وغدا عندك وهاكا كادور ، كاين البعض عندهم فلوس الدنيا وماتقدرش كاع تجلس حداه ولا حتى تشوف فيه ،من عند الله مكروه ،وحتى دوك فلوس مباينينش فيه...هادشي واقع كانشرحو لك باش تزيد توصلك الفكرة
-بأن الحياة مكتعرفش شنو مخبي لك غدا ،داكشي كيجي بوقتو انت غير دير لي عليك ،ولكن أمن كل الإيمان أنه كاين أمور متقدرش تشريهم بمال الدنيا، انت عندك حوايج سبيسيال مكاينينش عند واحد عندو "زبابل الفلوس " فيك واحد (السر) أمن أن ربي يقدر يكون عاطيك الصحة ،العقل ،حسن المظهر ،وقبول رباني ،وهذا الأخير مكايتشرا مكايتباع ولو بفلوس قارون،وبأبسط حاجة ديالك تقدر تصنع جو زوين وتخلق حياة زوينة مخالقهاش الغير رغم امكانيته، وحتى لي شافك كايعزك وكادخل الخاطر، وهادشي عندو علاقة بالداخل ديالك لي معارفو حد من غير لي خلقك،ثم بشخصيتك هي بمثابة واحد الحاجة فحال واحد (لاتوش)خاصة بك كاتصنعها انت بطريقتك،راه كاين حوايج فيك مكاينينش فالأخر ...الرزق ماشي ديما كايكون بالفلوس ،
-الرزق هو الصحة، هو راحة البال هو كيفاش ربي احسن خلقك، هو الرررجووولة سطر عليها مزيان من لفوق ولتحت.... + الرزق المبادئ ديالك هو الكبرياء ديالك هو النفس ديالك ,هو رضاة الوالدين الى اخره...شي حوايج تخلقو معك وتكتسبو فيك من نعومة الأظافر مايقدرش الشخص الاخر يشريهم او يقلب عليهم فغيرك ..🌸❤️