Hipatya world

أسهل الطرق للحفظ بدون نسيان 🚨
أولا بالنسبة للتاريخ و الفلسفة ، أحسن الطرق باش تحفظوهم كايخصكم تفهمو الدرس على شكل قصة ، اااه بطريقتكم كاتحاولو تقراو الدرس و كأنكم كاتقراو فشي قصة
حيت راهم فعلا عبارة عن قصص دازت شحال هادي
و حاولو تعاودوهم بالدارجة باش تفهمو الأحدات و ملي كاتفهمو كاتسهال القضية و نتوما دابا تبارك الله ماشي بالضرورة كيف حفظتو كيف خاصكم تكتبو ، حاولو ديما تحفظو بالدارجة أي تحفظو داكشي لي فهمتو باش فنهار الفرض تكتبو داكشي مبدل على كلشي و تتدربو على أنكم تتفاداو حالات الغش🤫😉
بالنسبة للمواد الآخرين راه (ما تكرر تقرر ) أي أنه أي حاجة بقيتو كاتقراوها و تعاودو تقراوها أولا حفظتوها و تبقاو كل مرة تعاودو تعرضوها راها كاتلصق فدماغكم 🚨 وياااكم أ هادوك لي كايحفظو و يلوحو الدرس هه لااا هاد العام استتنائي خاصكم لي حفظتوها تبقاو كل مرة تضربو طليلة باش ماتمشيييش
الفرنسية أتبغي ليكم الحفاظة و الفهامة و التطبيق ضرووووري
العربية تاهي نفس الشيء 🚨 ردو البال مع العربية غادين تحگروها لكن راها أصعب مادة فالجهوي ماكاين ما ولكن هادي هضرة بزاااف دالتلاميذ ماشي أنا بوحدي
لحد هنا هادشي لي جا فبالي ، لي عندو شي استفسار مرحبا أنجاوب على كلشي

نصائح لدراسة الرياضيات"
1.الفهم يؤدي إلى الحفظ والعكس غير صحيح.
2.السرعة مهمة في حل المسائل"طبعاً الحل الصحيح".
3.القراءة لن تفيد استخدم القلم والورقة في دراسة الرياضيات.
4.لاتدرس الرياضيات عندما تكون متعباً أو في آخر أوقات اليوم والمساء أو بعد مادة تحتاج لجهد وتركيز كبير ،أفضل الأوقات للدراسة هوة الصباح الباكر .
5.فهم القوانين وطريقة تطبيقها بشكل صحيح
واحفظها من خلال تطبيقها على المسائل وراجعها كل فترة وفترة.
6.حل تمارين أكثر تجعل الفكرة تترسخ بشكل أعمق وتكسبك ثقة في حل المسائل "حل تمارين بيدك وحل التمرين التي حلها المعلم وتمارين لم يحلها وحلها غير موجود أمامك واسئل المعلم ان كان حلك صحيحاً".
7."لن تفهم الرياضيات بدون ان تعتمد على نفسك في الحل من غير المعلم"💁‍♀️
8.الرياضيات مادة متسلسلة لن تسطيع فهم الدرس الحالي بدون فهم الدروس التي قبله (اهتم بهذه النقطة).
9.راجع أساسيات الرياضيات وادرسها جيداً.
10.لن تحصل على درجات عالية بدون المذاكرة ومراجعة المعلومات السابقة بأوقات ثابتة.
11.اسئل المعلم عن الأمور التي لم تفهمها.
12.سجل الملاحظات التي يعطيها المعلم حول المسائل وطريقة الحل أثناء إعطاء الدرس.
13.خصص نوتة للملاحظات اجمع فيها القوانين التي تدرسها "ستسهل عليك المراجعة فترة الامتحان".
14.اهتم بغذائك وبشرب كميات كافية من الماء وبالنوم الكافي.
15."فكّر على أنّ المسألة هيه لعبة او لغز والقوانين التي تدرسها لحل المسألة هيه قوانين هذه اللعبة"🤸‍♂️
16."اعزل المعطيات واعزل الطلب ثم اكتب ماهيه القوانين التي تحتاجها وابدأ بصياغة الحل".
17."لاتعتقد أبداً أنك لن تستطيع فهم الرياضيات قد يكون لديك خطأ في الدراسة اولم تفهم على شرح المعلم"🏃‍♂️
18."لاتتخيل الحل قبل كتابته".

واحد النصيحة عن تجربة بالنسبة ليكم نتوما أصحاب الأولى باك ، حاولو تعطيو لكل حاجة حقها أه لكن مواد الجهوي أكثر ، خاصكم فعلا الدرس لي تكتب يتحفظ باش ملي كايتجمعو الامتحانات ماكايتراكموش عليكم الدروس و ديك الساعات كاتبقاو غير كاتراجعو
و حاولو المواد العلمية ماتعطيوهاش أكثر من حقها حيت غاديا ترهقكم بزاف والحفاظة كاتبغي جهد يعني غايأثرو على المواد الادبية
الفرنسية هي الأولوية
خاصكم تعرفو كيفاش تقسمو وقتكم حيت جيتو فواحد العام لي خاصكم تخدمو المواد الأدبية حيت عندكم فالجهوي و حتى المواد العلمية حيت عندكم فالوطني 😁😅
🚨 أهم حاجة من هادشي كااامل هي أنكم خاصكم تعرفو كيفاش تنظمو وقتكم و تديرو كل حاجة فنهارها و تحيدو عليكم ديك تال غدا و ندير

🚨هام للتلاميذ المقبلين على السنة الأولى باكالوريا 🚨
أهم الدروس لي خاصكم تكونو شادينهم من العام الفايت فالرياضيات :
Les fonctions
Calcul vectoriel
Trigonométrie
Arithmétique
هادو راه بزاااااف لكن أهم جوج خاصكم تاكلوهم فالعطلة هما
Les fonctions et trigonométrie
راه دايرين بحال شي شبح فكل درس غادين تلقاوهم
و حاولو تفهمو درس la logique ، هو أول و أصعب و أطول درس فالأولى باك غاتبقاو تخدمو بالقواعد ديالو العام كااامل إذا حاولو على الأقل تفهمو و تخدمو تمارين فأي حاجة فهمتوها ( لي فهمو و بغا التمارين يسيفط ليا فالخاص )
صافي باراكة عليكم غير هادشي الله يجعل البركة فيهم

هام للتلاميذ المقبلين على السنة الأولى باكالوريا❤️💪
أنقوليكم شنو خاصكم تديرو فهاد الأيام لي باقية فالعطلة
بالنسبة للتربية الاسلامية ضرورة حفظ أو بداية حفظ سورة يوسف ، أولا على الأقل تفرجو فمسلسل يوسف الصديق راه كاين حتى فالفايس بالنسبة لأصحاب *6
بالنسبة للاجتماعيات حاولو تتفرجو فأفلام وثائقيى على الحرب العالمية الأولى و الثانية و المرحلة بين الحربين
بالنسبة للعربية حاولو تاخدو أفكار على الإشهار ( أنواعه ، وضائفه..) المهم كاين الخطاب الصحفي و الاشهاري و السياسي باش تسهال عليكم القضية🤫😊
بالنسبة للفرنسية ركزو مزيااااااان على الفرنسية بالنسبة للشعب العلمية و الاقتصاد ، حاولو على الأقل سمعتووو على الأقل تاخدو أفكار على كل رواية على حدا و تتدربو على الكتابة و لي باغي الحاجة الزوينة هي يقرا الروايات الله يرحم ليكم الوااالدين قراااوهم فالعطلة و الله تا زوييين كاننصحكم تبداو ب Antigone عاد la boîte à merveilles عاااد le dernier jour d'un condamné
المهم حاولت نعطيكم أبسط الحوايج لي خاصكم تديروهم فهاد الأيام لي بقاو
حاولو تديروهم و ان شاء الله ماغاتندموش و غاتشكروني شي نهار
و لي بغا يسول على شي حاجة مرحبا يسول فالتعاليق

الناس ديال أولى باك عندي ليكم مفاجئة غدا فالعشية
حيت راه خاصكم تبداو من اليووووم قبل غدا راه غاتندمو بزاااف على كل دقيقة كاتضيعوها

لي شاف هاد المنشور يكتب لينا أشمن مستوى دراسي عندو ف 2023 باش نبقا نحط ليكم شنو تديرو فهاد العطلة

عندي ليكم واحد الحاجة ، صحاب *6 لي مابإمكانهمش يستخدمو اليوتيوب و فنفس الوقت محتاجينو ، ايلا بغيتو نولي نهز الفيديوهات من اليوتيوت و نحطهم ليكم هنا مرحبا غير هو خاص التفاعل بعدا و البارطاج صافي ؟

واحد الاقتراح زوين من طرف واحد البنت من هاد الصفحة ، { طرق لتعلم اللغات }
غانعطيكم بعض التقنيات لي مجربة و عندها نتيجة
بالنسبة للأشخاص لي باغين يتعلمو للغة الإنجليزية راه كاينة واحد القناة سميتها English singsing فاليوتيوب فيها قصص قصيرة بالانجليزية و مافيهمش الترجمة ، غادي تبداو تتفرجو و حاولو يكون فيديكم كتاب و الكلمة لي مافهمتوهاش كاتكتبوها و تخليو البلاصة حداها خاوية باش ملي تساليو تديرو الترجمة و حاولو كل نهار تعاودو تقراو دوك الكلمات لي قبل عاد تزيدو عليهم (هاد الفكرة كنت كانديرها و زوييينة خاصة أنها ممتعة ، حيت كاتسمع لقصة و كاتستافد منها ) واخا ديال الوليدات الصغار لكن مافيها باس حنا باغين نتعلمو و أصلا باقين صغار😅
تانيا للأشخاص لي عزاز عليهم الأفلام ، الأفلام مامحدودينش لي بالإنجليزية تفرجو لي مافيهمش الترجمة ضروووري هاد النقطة حيت نتا غاتولي كاتشوف فالحركات باش تفهم و هادي نقطة زوييينة
و اخر حاجة هي أول حاجة كنت كانديرها ، هي أنكم تهضرو مع أجانب لاكنتي بنت هضري مع بنت ولاكنتي ولد هضر مع ولد باش هاكدا كاتهضرو فبزاف دالمواضيع ، هما الأكثرية كايهضرو بالإنجليزية ، غاتقولو وا باااش غانهضرو معاهم ، غانقول ليكم غاتستخدمو تطبيق الترجمة فالأول غاتستعملوه و لكن من بعد غاتلاحظو أنكم مابقيتوش كاتترجمو بزاااف دالكلمات يعني شنووووو ؟ يعني أنكم بديتو كاتشدو اللغة
المهم لاطاحت عليا شي فكرة زوينة أنقولها ليكم
فاش كاتسناو نوضو شمرو على دراعكم قبل ماتسالي العطلة🥰🤗💪💪

السلام عليكم عطيوني اقتراحاتكم لهاد الصفحة ، شنو تبغيوني نبدا نحط ليكم ، واش تبغيو نصائح باش توليو تخدمو فقرايتكم مزيان و كيفاش تتفوقو و لا بغيتو الشرح ديال شي دروس ولا شنو ، بغيتكم نتوما لي تقولو داكشي لي باغينو و مالاقينوش فبلايص اخرين اولا نديروهم هنا بنكهة أخرى🤗💪🥰