Smart Learning

03/10/2022

🚨✋ كتقرا فالباك علوم ؟ 🧑‍💻
باغي تفهم و تتعلم و تنجح ؟🕵️
مرحبا بك في مركز سمارت (البرنوصي أمل2)
معاك حتى تنجح و تتفوق 🤝🏻💪🏻🥇
كنوفرو ليك:👇🏻👇🏻
1️⃣- أساتذة مستوى عالي و تجربة كبيرة فالتعليم و الدعم🧑‍🏫
2️⃣- حصص مجانية للاستئناس و التعرف على الأساتذة.🙋
3️⃣- ما تتسجل حتى تقتنع و تعرف راسك غدي مزيان.. 🤛🏻🤜🏻
مرحبا بكم الأربعاء-الخميس-الجمعة على الساعة 19h00
ها واتساپ 👇🏻 دخل سولنا لي بغيتي:
ا 0660206427

03/10/2022

🇬🇧🇬🇧🇬🇧 Anglais, 🇫🇷🇫🇷🇫🇷 Français

Les inscriptions sont ouvertes pour les cours de langues ( ) Pour les élèves :
Bernoussi Amal2 Casablanca.
دروس اللغة الفرنسية و الإنجليزية (التواصل) للتلاميذ:
العنوان:
رقم 11 شارع احمد بن باسو أمل 2،
البرنوصي البيضاء
فوق البريد بنك قرب الكوميسارية 34؛ و المركب الثقافي حسن الصقلي، مقر الجماعة القديم.
أوقات عمل الإدارة:
من 14h30 إلى 20h30
Wtsp : 0660206427
Gsm. : 0619483338

30/09/2022

06/09/2022

#بلان
*بغيتي تدير شي حاجة باش تتغير للأحسن و ما عرفتيش منين تبدا و ما قدرتيش تبدا* 🥴🥺😭

هديك مشكلة عامة عند الغالبية
غير كل واحد و الدرجة لي عندو ..
ماشي مستحيل باش تحاربها و لكن خاصها الصبر و التدرج..
راه ماشي غاتنعس و تفيق و تلقا راسك تبدلتي هادي أمپوستحيل 😉 لكن خاصها إصرار و بزاف ديال l'entrainement حيت العضلات ديال التغيير ميتة مرخية مسالية..

✅ *أول حاجة*
خاصك تفكر فاش غتنفعك هاديك الحاجة لي بغيتي توصل ليها في المستقبل، و الفوائد ديالها كاملين عليك و على المحيط لي داير بيك، و عيش في هاد الفكرة و خليها حتى هي تعيش فيك و تكبر في خاطرك 😊

✅ *ثاني حاجة*
*ماتزربش* الزربة هي لي كتخرج على الواحد، كلشي كيطيب بالمهل بحال طاجين البقري 🐄🍖🥩 المشكلة أنك طحتي في وقت كلها زربانة.. من الماكلة للقراية للخدمة لبنادم للأخبار للأحداث و زيد و زيد.. كلشي مكسيري.. و إلا تبعتي التيار و انت الموطور عندك عيان غادي تتسوطا🤯 و لا تتسطى🤪 كون مأكد من هاد القضية 💯%

✅ *ثالث حاجة*
ما تقارن راسك بحتى شي واحد. كون انت، و عيش وقتك و حياتك حسب ظروفك ماشي بعقلية و ظروف ناس أخرين، ما يمكنش تتعاند مع شي واحد وارث و فاتك في الفلوس، و لا شي ختنا قرات مزيان و انت نعستي و فاتتك في النيڤو، و لا شي مريݣل ناض كيقلب على الفرص و زݣل شحال من وحدة و جات فيه وحدة زوينة و انت كتتسنا الفرصة تجي حتى لعندك.. ألااا.. ألااا .. ألاا أصاحبي..

✅ *رابع حاجة*
كنتي كتحشم و ما كترضاش و كتتأثر بالكلام السلبي ديال الناس لي محيطين بيك و لي كيحطمك عمرك تخرج من الدوامة و غاتبقى دايخ..
استشر مع لي باغي ليك الخير ماتسوق لتواحد دير لي ينفعك و لعب ساهل، دقة دقة و ما تسمعش للجمهور كون قاسح و واقف صحيح .. تأكد غير أنك في الاتجاه الصحيح 🎯

✅ *خامس حاجة*
من الأحسن تبدا بالحاجة لي سااهلة و بشوية بشوية حتى تولف .. فالاول كلشي كيجي صعيب و من بعد كيبقا غادي و يسهال.. النهار الثاني اسهل من الاول و الثالث اسهل من الثاني و سيييير .. انت ما تعلمتيش تكون فاشل في شهر و لا شهرين و لا عام و لا عامين راه عمر أصاحبي.. إيوا صبر شوية

و مع هادشي كااامل جاتك شي فرصة ماتزكلهاش.. بانت ليك شي طريق مختصرة ما تفلتهاش .. عندك وقيتة خاوية اكسيري مزيااان
و كون مأكد غايبان ليك الفرق
🙂
*و قبل كلشي و من بعد كلشي هادي أسباب و الرزاق هو الله رب العالمين*
و هادشي غايكون زوين إلى *بديتي من غدا*
و غايكون وااعر إلى بديتي *دبا نيت* 😊💪🏻💪🏻
و دبا كتعني دبا وخا تنوض غير تصلي 2 ركعات و تطلب الله يبين لك الطريق الزوينة لي فيها الخير و الناس الزوينين لي يدلوك على الخير.

05/09/2022

#تعلم