Institut Descart معهد ديــــــكـــــارت

28/03/2026

La chute libre est le mouvement d'un corps soumis uniquement à la force de pesanteur (gravité terrestre), en négligeant la résistance de l'air. Ce mouvement s'effectue avec une accélération constante vers le centre de la Terre. Dans ces conditions, tous les objets tombent à la même vitesse, quelle que soit leur masse.

10/03/2026

L'expérience de la pile cuivre-zinc (pile Daniell)

24/01/2026

07/12/2021

َمُوح_بني_ملال
اذا كنت مهتم بنجاح و تطوير مشروعك اليك هذه المعلومات..
دراسة تفيد ان المشاريع الصغيرة 30%منها تفشل في السنتين الاولى ، 50% منها تفشل في الخمس سنوات الاولى من عمرها و 40% منها في العشر سنوات،
فالاضافة الى عوامل كسوء التخطيط الادارة و عوامل اخرى هناك عامل مهم جدا جدا # هو التسويق ، للاسف معضم حاملي المشاريع تجد في مخططاتهم الاستثمارية مصاريف انشاء اوراق الشركة ، التجهيزات ..الخ لكن لا يستثمرون في هدا العنصر الحيوي الدي يضمن استمرارية يدفق السيولة للمشروع و بالتالي النجاح (التسويق).
اليكم اهم عناصر التسويق:
1-الهوية
اسم المشروع
Logo الرمز
الشعار slogan
الاسم الالكتروني
2-الصيغة القانونية
الصيغة القانونية لها تاثير مهم على الزبون ف شركة ذات مسؤوليات محدودة sarl وقعها ليس كباقي الصيغ في تقييم الزبناء لمشروعك.
3- الموقع او المقر الاجتماعي
من الامور الدي يهتم بها الزبون او الشريك هو مكان تواجد المقر و كدلك سهولة التواصل معكم ،بمعنى انه يجب ان تكون الشركة في مكان يعرفة العامة و سهل الوصول اليه مرفوق بادوات التواصل كالهاتف الثابت gsm البريد الالكتروني الفيس بوك و غيرها..
4-المنتج
عملية التسويق لا تكتمل الا بوجود منتج او خدمة دات قيمة مضافة قادرة على المنافسة في السوق.
4- الاعلانات
اهم عنصر هو اشهار المنتج ليصل الى اكبر شريحة مستهدفة
و الوساءل كثيرة هنا كالجراءد و المجلات، الصحافة الالكترونية، التلفزة ، الراديو ...و تبقى الوسيلة الاكثر نجاحا في عصرنا الحالي هو التواصل الرقمي عبر شبكات التواصل الاجتماعي خاصة الفيسبوك اليوتوب انستغام و linkedin
5-العروض الخاصة promotion
بما انك ليس وحدك في السوق فلا بد من عروض مميزة لجلب الزبون الدي اصبح متطلبا و ليده اختيارات كثيرة
6- الافتتاح
لا يجب ان يبدأ نشاط المشروع دون ان تسبقه حمله اشهارية ، بعدها مناسبة كحفل شاي مثلا .. و كدالك توثيق الحدث لاغراض اشهارية و لجلب الزبناء

25/11/2021

تجربتي مع مباراة التعليم:
بزاف د الميساجات كيوصلوني بخصوص الپريپاراسيون للكونكور، و ف عِوض مانبقى نجاوب كل واحد بوحدو قررت نكتب پوسط نشرح فيه كلشي بخصوص المباراة، لهذا إيلا كنتي مهتم دير للپوسط save/enregistrer ولا لاكنتي كتعرف شي واحد مهتمّ طاݣيه ف كومونطير.
على بركة الله .. بزاف د الناس كيسولوا على المواد و تال آشمن نيفو خاصني نپريپاري .. المواد هوما اللغة العربية، اللغة الفرنسية، العلوم (رياضيات + نشاط علمي) و مكروهة الجماهير علوم التربية واخا العام لي فات ماكانتش بحكم ضيق الوقت و كورونا واحتمالية كبيرة تا هاد العام ماتكونش أ البطل(ة). أما بخصوص النيفو خاصك تقرا المواد من التحضيري تال التاسعة، ولكن ماتخافش تبّع معايا الطريقة لي درت والحمد لله يجيب الله التيسير .. المهم، بقات 20 يوم للكونكور و قررت غندوّز هاد العام، أول حاجة درتها هي قلّبت على امتحانات قدام (من 2016 تال 2020) و طبعتهم آه طبعتهم حيت الخدمة ف ال pc ولا تيليفون شوية صعيبة، و بديت على بركة الله أول امتحان، بديت باللغة العربية و بقيت غادي سؤال بسؤال، مثلا سؤال كيتكلم على المفعول المطلق كندخل نقرا الدرس سواء ف چووچل أو يوتوب و نخدم تمارين ديال الدرس و نحاول نكتب القاعدة وبعض الأمثلة من بعد و نقولكم علاش .. السؤال الموالي بخصوص المفعول لأجله كندخل نقلب على الدرس و نخدم تمارين و نعرف الحالات ديالو و كيف العادة ماننساش ناخذ أمثلة و القاعدة ف شي وريقة، و تبقى غادي هاكا سؤال بسؤال و درس بدرس غير هو أنا كنت كندير واحد الطريقة لي هي الدرس لي خدمتو خاصني نضبطوا مزيان و مانعاودش نرجع ليه مرة أخرى... على سلامتك، ساليتي الشق المعرفي ندوزوا دابا للشق الثاني ألا وهو الديداكتيك.
الديداكتيك إخواني هو طريقة تدريس واحد المادة وإيصالها للمتعلم بطريقة لا يشوبها الغموض، وكل مادة عندها الخصوصيات ديالها و ناخذ هنا على سبيل المثال مادة النشاط العلمي لي كنستعملوا فيها نهج/منهج التقصي، و هاد المنهج العلمي يقوم على وضع المتعلم موضع العالم الصغير أي أنه هو لي كيوضع فرضيات لواحد الظاهرة كندرسوها و هو كيوصل من خلال التجربة إلى تأكيد أو دحض تلك الفرضيات، حيت مشى داك الزمان ديال أن الأستاذ كيدخل و يعطي الدرس على طبق من ذهب، حاليا التلميذ هو لي كيدير كلشي نتا فقط موجه و مساعد.. ماشي هذا موضوعنا كنا كنهضروا على ديداكتيك مادة النشاط العلمي على سبيل المثال، أي أنه ينقسم لعدة مراحل أولا كنلقاو *التمهيد* للدخول ف الدرس عن طريق ملاحظة بعض الصور والرسومات، موراها كنلقاو *وضعية الانطلاق*، يليها *اقتراح فرضيات* كيف شرحت من قبل، من ثم *فحص الفرضيات وتدوين النتائج*، و *عرض النتائج وتقاسم الحصيلة* وأخيرا *الاستنتاج والتعميم*.
و الحل ديال شق الديداكتيك تا هو ساهل، غدخل لليوتوب وتقلب على تصحيح السنوات الماضية مثلا تكتب "تصحيح ديداكتيك اللغة الفرنسية ابتدائي + السنة" و غيطلعوا ليك أساتذة كيشرحوا كيفاش تجاوب على كل سؤال و نوعية الأسئلة لي ممكن تلقاها قدامك ف الامتحان، بالإضافة إلى أنه كاينين بعض الأسئة عندهم أجوبة نمطية خاصك [تفهمهم] و غيسهال عليك الأمر نهار الامتحان تصيغهم بطريقتك.
دابا نجحتي ف الكتابي و عيّطولك للشفوي، أول حاجة قبل ماتنوض تراجع هي الهندام، سروال و قاميجة خطيني من صباط مقمقم وݣرافاطة مربوطة و قاميجة مطلوقة سير عاااادي غير هو شوف راسك ف المرايا واش كتعطي مثال للأستاذ المهذب و ماكاين لاش تكلّف راسك .. البنات نتوما لي لبستوها جات معاكم هههههه .. أول حاجة كدخل تعطيهم لاكارط ناسيونال ديالك، كيسجّلوا بعض المعلومات عليك و موراها أطلق العنان هههههه، تقديم باللغة شكون نتا و شكون تكون وآش جابك لهنا و فين سكنتي و فين قريتي و آش قريتي و عاود لينا شوية على حياتك بحال الخرافة "كاين لي كيسولك على موضوع بحث التخرج "pfe" .. ثاني حاجة نفس هادشي لي قلتي عاودو لينا بالفرونسي هههههه يعني وجّد قبل ماتمشي و تجنّب الارتجال .. ثاني حاجة هاحنا وصلنا لديك الوريقة لي كنت كنقولكم ملي تكونوا كتقراو الدروس ديروها و كتبوا فيها القواعد و الأمثلة (قواعد وأمثلة د ݣاع المواد ماشي غير اللغة العربية .. مثلا: المساحات و الحجوم .. آه كيف سمعتي الحجوم ماشي الأحجام نتا باينلي غادي تشوه بينا هههههه .. القواعد د اللغة الفرنسية المهم أي حاجة كيتعطاو فيها قواعد وأمثلة) و هنا غنهضر ليكم على تجربتي الشخصية مع الشفوي:
بعد التحية والسلام وتقديم نفسي، استوقفني أحد أعضاء اللجنة و قالي ممكن تعاود التقديم بالفرنسية و فاش وصلت لجملة J'habite actuellement à Meknès قالي ممكن تكتبهالنا على السبورة، كتبتها ورجعت اللور شوية، قالي شنو كدير قلت ليه كنتأكد واش كتبتها صحيحة ولا لا حيت غنقري تلاميذ و خاصني مانغلطش و عجباتهم هاد القضية وكنت نسيت واحد الحاجة وهي النقطة ف آخر الجملة. من بعد قالي عطيني المكونات ديالها، قالي نصرّف ليه le verbe habiter ف بعض الأزمنة، من بعد دزنا للرياضات و عطاوني ندير بعض العمليات على السبوة و كنت كنحاول نبيّن ليهم بلي ماعنديش مشكل ف الحساب و كنعطي الجواب قبل مانكتبو على السبورة لدرجة واحد من اللجنة عطاني عملية طويلة ندير ليها القسمة و بقى كينتظرني ندور للسبورة نكتب ولكن عطيتو الجواب قبل و كانت فيه الفاصلة، و قالي بالحرف "حسبتيها و خرج ليك الحل بالفاصلة ف دماغك و الباقي صفر ماعندي مانسالك" .. انتقلنا للغة العربية، عربنا ما تيسّر من الجمل، أغير وجدوا راسكم للإعراب هههههه، من بعد طلب مني نكتب الاسم العائلي ديالي على السبورة و نستخرج منو كلمات، وفكلّ مرة نعطيه كلمة كان كيطلب مني الشرح ديالها .. هانا نحط ليكم الأجوبة ديالي:
الاسم العائلي: "وكيدير"
الكلمات لي تمكّنت نستخرجها:
- كَيّ: علاج عربي قديم بالنار
- دِير: مكان تعبّد اليهود
- وَرد: زهر
- وِرد: هاد الكلمة قلت ليه هي جزء من القرآن .. وقالي ماشي بداك المعنى، هادي جات ف واحد الآية ف القرآن عارفها؟ قلت ليه إيلا ممكن تبداها ليا، وقالي : {ولما ورد ماء مدين...} و كمّلت ليه الآية: {وجد عليه أمة من الناس يسقون ووجد من دونهم امرأتين تذودان قال ما خطبكما قالتا لا نسقي حتى يصدر الرعاء وأبونا شيخ كبير} .. وهو شرحها ليا بكونها داك المنهل ديال الماء
- كيد: شرحتها ليه ب "كيد النساء" سمحوا لينا أ العيالات هههههه
- رَيّ: سقي
و قاطعني قالي فين عارف هادشي و نتا قلتي لينا ماستر ف الاقتصاد، قلت ليهم فيا بلية د الكلمات المسهمة و مبلي بالجريدة...
دزنا للعلوم سولوني على تحولات المادة و السؤال المهم هو شنو كنسميو فاش كتحول المادة من الحالة الصلبة للحالة الغازية، ماتردّدتش و قلت "التّسامي" -حيت كيف قلت ليكم ف الپريپاراسيون كنت كندير الخدمة ديال ضربت-لصقت ومانعاودش نرجع لشي حاجة من بعد-، سولني على بعض الأمثلة -ها علاش كنقولكم ديما قيدو الأمثلة- و عطيتو مثال تحوّل اليود الصلب لغاز بنفسجي بعد تعريضه للحرارة، و قالي زيدني مثال آخر وشداتني الضحكة قلت ليه عندي واحد المثال ولكن ماديروهاش مني قلة الصواب و هو فاش كنديرو مثلا البخور والجّاوي ف العافية و كيطلع الدخان وقالي كتفهم حتى ف السحور ههههههههههههه
سولوني واش حافظ بعض الأناشيد و جسّدت ليهم واحد النشيد باللغة الفرنسية...
فاش ساليت تمنّاو ليا حظّ موفّق وقالي واحد من اللجنة ماعندي مانسالك من كل فنّ طرب.

پ.س: بعض الأسئلة ماجاوبتش عليهم مثلا قالي ركّب الاسم ديالك ف جملة و قالي علاش كتبتيه "ياسينُ" بضمّة واحدة وماشي التّنوين وسكتّ، وسولني أسئلة آخرين مابقيتش عاقل عليهم و كانت اللجنة كتلحّ عليا باش نلقى شي جواب ولا نخمّنو ولكن اعتذرت وقلت ليهم مانقدرش نعطيكم معلومة مامتأكّدش منها، هاد القضية كنت قريتها ف شي قنت ديما فاش ماتعرفش شي حاجة ماتجاوبش حيت غيقولوا هذا يقدر غدا ف القسم شي تلميذ يسوّلو و يعطيه الجواب لي جاه على بالو و يكون غالط .. واللجنة كتردّ البال بزاف لهاد القضية بالإضافة، واش كتخليهم يكمّلوا هضرتهم ومكتقاطعهومش، و هوما كيقاطعوك بعض المرات فاش كتكون كتهضر باش يشوفوك واش كتنفعل ولا لا...
كاينين بعض الحالات لي ضربوهم اللجنة بورقة تجسيدا لواحد التلميذ مشاغب عندك ف القسم و كيفاش غادي تتعامل معاه، كاينين لي عطاوهم نصوص باللغة العربية والفرنسية باش يشوفوا النطق ديالهم واش سليم، و كاينين بعض اللجان كيسولوا على علوم التربية واخا ماتكونش دوزتي فيهم الكونكور، ولكن مكيتعمّقوش معاك حدّهم يسولوك على الديداكتيك شنو هو، بعض البيداغوجيات ك بيداغوجيا اللعب/الفارقية/الخطأ، شنو هي الجذاذة، وثائق الأستاذ، مجالس المؤسسة، و السؤال المشهور علاش اختاريتي التعليم لهذا نصيحتي ليكم تفاداو داك الجواب "الناشّف" ديال كيعجبني التعليم و بغيت نقري ولاد الشعب حيت غيضحكوا عليك، قول لي قلتي غير الله يرضي زيد عليه الاستقلالية المادية، حيت إيلا بصح داكشي لي قلتي تطوّع و خدم نتا فابور.
نتمنّى نكون فدتكم شوية، و لي احتاج شي حاجة و ف أي وقت، مرحبا ♥️
والناس لي دازو من نفس المسار تقاسموا معانا تجربتكم باش لي دخل يستفد 🌸

28/02/2021

معهد ديكارت امام ثانوية ابن رشد.
اجي توجد للباك- امتحان الانجليزية.
استفد من تجربة استاذ مميز وباحث في سلك الدكتوراه.
Prepare well for your BAC exam!
1- فهم جميع دروس اللغة (15 points).
Understand Language related lessons!
2- طريقة التعامل مع النصوص (15 points)
Learn how to deal with Reading comprehension passages.
3- التمرن على كتابة جميع أشكال الانشاء (10 points)
Learn to write the different forms of writing: paragraph- e-mail- report- article- biography...
حصتان في الاسبوع.
اول حصة الاحد المقبل ابتداء من 11 صباحا.

01/12/2017

مكتب إدارة معهد ديكارت

23/11/2017

السلام عليكم
معهد ديكارت يقد لكم مجموعة من الخدمات
دروس الدعم ، تكوينات ، انشطة تعليمية ، ....
تعليم بطرق حديثة لجميع المستويات
تكوينات مختلفة تهم المقبلين على الامتحانات الاشهادية من المتمدرسين و الاستعداد لامتحانات التعليم بالنسبة للمقبلين عليه.