روض الأطفال الصفاء

الحصة الأخيرة من الحصص المجانية لدروس الدعم والتقوية بالنسبة لسلك الإعدادي بمؤسسة أجيال الغد ستكون اليوم إن شاء الله على الساعة السابعة مساءا .

متحاولوش تخرجو فولادكم الكبت ديال داكشي لي معشتوهش، ومتحاولوش تخليوهم يحققو أحلامكم لي نتوما محققتوهاش،
محتاجين جيل واثق من نفسو كياخد قراراتو فالحياة بيديه،
عندو أحلام وأهداف يحققها، كونو حافز ليهم ماشي مانع، باراكا من النسخ المكررة..
متفهموهمش أن الحياة هي القراية فقط، وأن القراية هي تكون مهندس ولا طبيب،
متعلموهمش انهم لا مكملوش القراية ولا ايلا تخرجو ومخدموش ولا ايلا خدمو ومكانتش المهنة لي
باغيين أنها النهاية..
خلقو جيل آفاقو واسعة، كيشوف بعيد، عندو شغف.. ممكن يبدع ويكمل ماشي يقرا ويدفن راسو فحاجة كيحسها كتخنقو كل نهار
غالبا العائلةالسبب فالأمراض النفسية دالأطفال بكثرة الضغط والافكار السامة.. لي كطلع جيل معندوش الثقة فنفسو وخاوي والريح لي جات ديه ومعندوش جرأة يخوض حاجة جديدة،
الله الله في شباب المستقبل

اولادكم مقبلين على نتائج السنة والامتحان رجاءا عرفو كيفاش تعاملو وشكرا.

كلمة لجميع الأمهات المربية راها إنسان ماشي روبو و لا خدامة بالكهرباء...كاينين شي أمهات تقوليك ولدي ماشادش الحروف كاملين مافخبارهمش بلي كنقريو ببرنامج من عند الوزارة كل حرف فيه 15 يوم أو أكثر عاد كنتاقلو لحرف أخر وماشي بالترتيب لي كان قديم كتبداو بالألف دابا ولاو الحروف مامرتبينهمش ..أولا تقوليك ولدي ماكيكتبش يالاه شهر باش بادين 15 اليوم الأولى غير إستئناس والثانية عاد بدات الدراسة مايمكنش طفل أول مرة يمشي يقرا غادي يتعلم يكتب كلمات في 15 يوم...و فاش كنعطيو الوليدات شي تمرين فالدار ماشي تبقاي معصبة معاه وتسلخي فيه و لا تعطيه لخوه يكتب ليه هادي ماشي طريقة للتعليم ...كنعطيوه يكتب فالدار باش يتدرب و يضيف شوية المجهود على القسم.وماتبقايش تمشي عند المربية تقولي ليها ماتقوليش لولدي ماتزيريش ولدي راكم كتخرجو عليهم....المربية كتقوم بدور الأم الثانية للطفل ماشي عدوة ديالو باش تبقاو تحرشو فيه عليها.خاص كلشي يتعاون باش تقدرو تنتجو جيل مربي وكيقرا .وسمحوليا إلى طولت عليكم حيث هادشي خاصو نقاش و حوار باش كلشي يعرف لي ليه ولي عليه...و أعتذر على مروري

بصفتي أستاذة ، هدي مدة وانا كنبغي نكتب هاد لهدرة للأمهات اللي وليداتهم فالتعليم الأولي و كذلك فالإبتدائي..
الله يخليكم كلكن رائعات ومميزات وكتبغيو تصيفطو وليداتكم فاحسن مظهر للمدرسة..
ولكن أحسن حال راه ماشي هو حوايج غاليين وفيهم بزاف اكسسوارات وتعقيدات..
مثلا السروال بالسمطة راه ما صالحش نهائيا..
وحتى بالسلسلة اللي مريح وعملي هو السروال بلاستيك يكون قطن او دجين رطب او قطيفة كيطمة اوبيجامة مجموعة كولون للبنات..
باش يلا مشا لطواليط مايتعطلش او يجي عند الاستاذة تسد ليه هو وثلاثين اخرين وتضيع الحصة..
الصباط او سبرديلة بسيور لا ما صالحش نهائيا..
لبسو لوليدات سبرديلة بالغين او ديال تشك تشك عرفتوها؟
باش يلا تحلات يقدر بوحدو يسدها..
ولدك ماتعطيهش سوائل نهائيا عصير وحليب يشربهم فالدار..
ماعدا الماء وغير يدخل يحط القريعة ديالو فالركن المخصص للقنينات لأنها خطر على الادوات ديالو..
ويقدر وهو كيحلها فالقسم يخويها فالارض او على حوايجو وهدشي فيه ارباك وتعب للجميع..
قرعة ديال الماء جديدة حليها وعاودي سديها..
ليمونة( ماندرين) بدايها بالتقشار من شي بلاصة وعطيها لو
و ليمونة كبيرة شرطي لها القشرة بالسكينة اوقطعيها لو طريفات فعلبة كتسد مزيان..
ماتعطيهش قرعة ديال الزجاج..
ماتعطيهش ملعقة حديد..
عطيه منديل يفرشو وياكل عليه.. ملي يكمل يجمعو ويديه يسوسو فالسلة..
ماتعطيش لولدك شي حاجة اللي زوينة بزاف والاطفال كلهم ماكاياكلوهاش فديورهم بحال حلوة لاكريم بسطيلة...
هدشي كيأتر على الصغار وكيستفز المشاعر ديالهم..
عطي لولدك ياكلها ملي يرجع من المدرسة..
عطيو لولادكم خبز ديال الدار قراشل كيك كاطو ديال الدار فواكه..
في القسم الدراري بتشجيع الاستاذة و بالعناد كاياكلو كلشي..
وصي ولدك ما ينوضش من بلاصتو بلا سبب ما يطلعش فوق الطاولة لتقليل الاخطار الله يحفظ..
وصيه يلا تزير بزاف وماسمعاتوش الاستاذة يخرج للطواليط ويرجع بسرعة..
ديمة حاولي تعطي لولدك حبة زايدة من اللأكل يلا كان فالإمكان كنعطيوها للتلميذ اللي ماجابش معاه الماكلة..
وعلميه انه ممكن شي نهار ينسى الماكلة ويحتاج حتى هو..
علميه يتقاسم يدوق من عند الاصدقاء ويدوقهم وفنفس الوقت مايخليش راسو بجوع..
ملي يكون ماشي للمدرسة عطيه تعنيقة كبيرة وقولي ليه فودنيه انت هو الدكتور المهندس البطل المفكر.. ديالي..
سمع للأستاذة وماتفقصهاش..
التربية والنجاح كتبدا فالدار..
🌸💜بقلم الأستاذة أسماء

المدارس على وشك البدء وأريد أن أطلب منكم جميعا معروفا... 😊
يرجى الجلوس مع طفلك لمدة 5 دقائق واشرح له أن الطويل أو القصير أو السمين أو النحيف أو الأسود أو الأبيض ليس مزحة.
أخبرهم أنه لا حرج في ارتداء نفس الأحذية كل يوم. اشرح لهم أن حقيبة الظهر المستعملة تحمل نفس أحلام حقيبة الظهر الجديدة...
يرجى تعليمهم عدم استبعاد أي شخص بسبب "كونه مختلفا" أو عدم وجود ام أو أب. اشرح لهم أن الإغاظة تؤلمهم ...
وأنهم يذهبون إلى المدرسة للتعلم والاستمتاع وتجربة أشياء جديدة واكتشاف أنفسهم وتكوين صداقات ...

لا للتنمر.

التعليم يبدأ في المنزل 😊

قريبا إفتتاح روض و حضانة الصفاء بإبن جرير