Auto_ ecole_ taha

Auto_ ecole_ taha Contact information, map and directions, contact form, opening hours, services, ratings, photos, videos and announcements from Auto_ ecole_ taha, School, bloc a lot b80 rja flah hay el wafa, Agadir.

27/09/2022

مبروك النجاح للمترشحين لحصولهم على رخصة السياقة ،
ونتمنى التوفيق للمترشحين الآخرين بإذن الله ،
يمكن لكم تستافدو كذلك من عروض خاصة ولي غادي تناسبكم ،
تاصلو بالرقم : 0668154547 او 0700775418
زورونا بالعنوان المشار إليه
او تواصلو مع الصفحة
بالتوفيق للجميع 🚗

17/06/2022

حساب المسافات ⏳ :

● مسافة وقت رد الفعل

هي المسافة لي كتقطعها السيارة بين اللحظة فاش كنشوف الخطر الى لحظة الضغط على الفرامل،
يقدر وقت رد الفعل بثانية
كيتعلق دائما بالسائق وكيتغير من سائق لاخر حسب حالته البدنية والنفسية فحالة سكر او مرض او متناول بعض الادوية وغيرها غالبا كيكون وقت رد الفعل اكتر من تانية نظرا لظروف السلئق لهذا فهاد الحالات كيتزاد وقت رد الفعل

لحساب مسافة وقت رد الفعل
- عشر السرعة × 3
مثال:

30 ---> 3×3 = 9

60 ---> 6×3 = 18

90 ---> 9×3 = 27

● مسافة الامان

وهي المسافة لي بيني وبين العربة لي قدامي .. ومسافة الامان كتنقسم بين الجو فظروف عادية و الجو فظروف غير عادية
فظروف عادية بمعنى اننا فالنهار والجو مزيان ..
- عشر السرعة × 6
متلا :

30 ---> 3×6 = 18

60 ---> 6×6 = 36

90 ---> 9×6 = 54

فظروف غير عادية اي الشتاء العجاج الضباب التلج او الليل ..
- عشر السرعة × 9
متلا :

30 ---> 3×9 = 27

60 ---> 6×9 = 54

90 ---> 9×9 = 81

● مسافة الوقوف

هي المسافة بين اللحظة فاش شفت الخطر حتى توقفت العربة .. وقت رد الفعل + مسافة الحصر
هاد المسافة كتعلق بالسرعة حالة الطريق حالة العربة ...

لحساب مسافة الوقوف
- عشر السرعة × عشر السرعة

30 ---> 3×3 = 9

60 ---> 6×6 = 36

90 ---> 9×9 = 81

● مسافة الحصر او الكبح

هي المسافة بين اللحظة فاش ضغطت على الفرامل الى وقوف العربة
وهي فقط كيتضاعف الى كانت السرعة 2 مرات كتولي 4
2 ---> 4
3 ---> 6
نفس الشيء بالنسبة للقوة النابدة لي كتخضع لها العربة فالمنعرج .. 🚗

09/04/2022

انتقل الى جوار ربه المسمى قيد حياته محمد اوجعا الذي اشتغل كممتحن بمركز تسجيل السيارات باكادير ثم انتقل مؤخرا للاشتغال بمركز تسجيل السيارات بانزكان نسأل الله العلي القدير ان يتغمده بواسع رحمته وأن يسكنه فسيح جناتك ويلهم اهله الصبر والسلوان وان يجعل قبره روضة من رياض الجنة لا حفرة من حفر النار انا لله وانا اليه راجعون

هكذا تم تكريم مؤسسة طه لتعليم سياقة يوم أمس بعد حصول إحدى المترشحات على رخصة السياقة .. والتكريم الحقيقي يكمن عند نجاحكم...
05/03/2022

هكذا تم تكريم مؤسسة طه لتعليم سياقة يوم أمس بعد حصول إحدى المترشحات على رخصة السياقة .. والتكريم الحقيقي يكمن عند نجاحكم
مبروك النجاح
ونتمنى التوفيق للمترشحين الآخرين بإذن الله .. 🚗

10/02/2022

السلام عليكم

درس اليوم هو الأضواء 💡
انحاول نذكر فقط المهمة منهم

أضوء الوضع أو الفيوز او أضواء التوقف :
ضوء كنتشاف به ومكنشوفش به
كيتستعمل فحالة الى كانت المدينة مضوية مزيان بالليل تانيا للوقوف والتوقف جنب طريق والاضاءة منعدمة مع أضواء النجدة واخيرا كنشغلو كذلك الى بغيت نخلي سيارتي فمكان ممضويش بليل

أضوء التقابل وكيتسمى كذلك الكود :
كيضوي على بعد 30 متر
كيتستعمل فجميع الحالات سواءا بالنهار ملي كيكون الجو مضطرب او بالليل داخل وخارج المدينة فحالة وحدة فاش كنطفيوه هي الى بغينا نبقاو جنب الطريق لانه كنستعملو الضوء لي ذكرت قبل

أضوء الطريق او الفار :
كيضوي مزيان على بعد 100 متر
كيتستعمل فقط خارج المدينة بليل ونكون بوحدي بالطريق ماتابع ما متبوع بحد باش نتجنب نعرض ناس للابهار بالضوء

أضواء الضبابة الامامية :
كيضويو مزيان
كيتستعمل فالشتاء الضباب لعجاج و الثلج مع أضواء التقابل وكيتستعمل كذلك مع الفار فطريق مضيقة وخاوية وفيها انعراجات

أضواء الضباب الخلفية :
كيتستعمل فقط فالضباب والثلج

ضوء او مؤشر تغيير الاتجاه .. الوامض او السينيال :
كيتستعمل ملي كنبغي ندير شي مناورة الانطلاق الخروج من المركن وغيرها

أضواء النجدة او الخطر :
كيتسعمل ملي كيوقع مشكل بالعربة او ملي تكون اخر المتوقفين فالزحام كذلك ملي كنلقاو حادث على الطريق

الى عندكم شي إستفسار تواصلو معانا مرحبا بالجميع .. 🚗

هام للأشخاص الراغبين في إجتياز رخصة السياقة مزال 23 مقعد شاغرة لي بغا يدوز قبل شهر مارس بتمن جد جد مناسب يمكن لكم تستاف...
17/01/2022

هام للأشخاص الراغبين في إجتياز رخصة السياقة
مزال 23 مقعد شاغرة لي بغا يدوز قبل شهر مارس بتمن جد جد مناسب
يمكن لكم تستافدو كذلك من عروض خاصة ولي غادي تناسبكم
تاصلو بالرقم : 0668154547 او 0700775418
زورونا بالعنوان المشار إليه
او تواصلو مع الصفحة
ومتنساوش طاكيو ليا اصدقاءكم لي مزال خاصاهم رخصة السياقة 🚗

14/01/2022

اسكاس امباركي
ⴰⵙⴳⴳⴰⵙ ⴰⵎⴰⵣⵉⵖ ⴰⵎⴰⵢⵏⵓ ⴰⵎⴱⴰⵔⴿⵉ
سيارة تعليم طه تتمنى لكم سنة أمازيغية سعيدة 2972
كل عام وأنتم بخير 🚗

السلام عليكم مزال مهدرناش على المراقبة اليومية والمراقبة الدورية ليوم ان شاء الله انحاول نتكلم عليهم ونبسط ..بالنسبة للع...
06/01/2022

السلام عليكم
مزال مهدرناش على المراقبة اليومية والمراقبة الدورية ليوم ان شاء الله انحاول نتكلم عليهم ونبسط ..

بالنسبة للعربة لازم تخضع للمراقبة اليومية قبل منطالق بها وذلك لتجنب المشاكل لي ممكن توقع ليا أتناء السير هاد المراقبة كتجلى في :

-زيت المحرك : كتساهم وتقلل تآكل ناتج عن احتكاك اجزاء المحرك كنراقبها بمقياس الزيت او لاجوج خاص غير ميكونش قل من لمينيمون .. اما عن خروج دخان الكتيف الاسود من العادم او شاكمة كاينين 3 الاسباب الاول انه ممكن اكون المحرك فحالة سيئة تاني زيت فحالة سيئة تالت المحرك مزال بارد ..

-زيت الفرامل : الاهم اننا نتعرفو على لفرانات لي عندنا بسيارة الفرامل الرئيسة وهي ديال رجل وكتحكم فالعجلات بربعة الفرامل التانوية وهي ديال اليد وكتحكم فقط بالعجلات الخلفية اما الفرامل للمحرك فهي فاش كنكّراطي السرعة .. بالنسبة لزيت الفرامل فهي كتمر عبر انابيب باش كتخلق لنا ضغط على الصفائح لي كتضغط بدورها على القرص باش كتوقف لنا دوران العجلات او توقف العربة
ملاحظة : لوحات الصفائح القابضات لبلاكيط اختلاف فالاسم لكن هما نفس الحاجة الى ماتو او ضعافو كنبدلوهم بربعة بينما الاقراص كنبدلو غير لي ماتو ..

-ماء البطارية : وهذا كيتعلق بالبطاريات القديمة لي كيتزاد فيهم الماء وكيخصنا دائما نردو لبال معاهم بالامتحان اما البطاريات الحالية فكتغير على المدة ملي كتنتاهي صلاحيتها ومكتبقاش تعطي كنبدلوها .. كذلك خصنا نعرفو انه الى خوا ليا الباتري وانا بالطريق عندي جوج طرق باش نعاود نشحنو يا يتعاون معايا شيحد ونقل ليا شوية ديال طاقة من لباتري ديالو عبر الاسلاك وصهور وكندير زائد مع زائد وناقص مع ناقص وبالتالي كنشحن والطريقة تانية هي ندير لمستوى التاني او دوزيام ونشوف لي يدفعني .. وديرو فبالكم ديما بلي من الضروري تاخدو معاكم فالعربة صهور والمصابيح للتغيير باش منبقاوش اونبان ..

-ماء التبريد : كنستعمل ماء مقطر ماء المطر ماء معدني او ماء خاص او لونتيجيل افضل بكتير ومن الاحسن منستعملش الماء العادي لانه كخلي الكاركير بالنسبة لماء تبريد فهو ضروري واجب ميقلش على لمينيم وميفوتش الماكسيمون باش ميدخلش لنا مع تيو ديال روتور هو كيمر عبر بزاف دلانابيب الى غير ذلك من رادياتور كروى فرفارة باش كيبرد لنا المحرك وكيجنبنا من سخونة المحرك يعني خصني نرد معاه لبال ..

-ماء مساحة الزجاج : من احسن يكون ماء خاص بالزجاج لانه كيخلي الواقية الامامية نظيفة وهو ضروري وخا يكون الجو مزيان لانو معرفناش اش ممكن نصادفو بالطريق لهذا من الاحسن يكون ومنساوش نغيرو مساحة زجاج ملي تبدا تخلي آتار على الواقية الامامية ..

-العجلات : هي الجزء الوجيد لي كيلمس الارض وهي لي كتحافظ لنا على تبات و توازن ديال العربة بالمساعدة ديال ليزامونتيسور العمق ديال نقش واجب ميقلش على 1.6 ملمتر .. العجلات ملي كتكون ممنفوخاش بالقدر الكافي كتفقد توازن مع طريق كيقل الالتحام ديالها مع طريق كتكون معرضة للإنفجار خصوصا على مستوى جنبات الإطار المطاطي .. نسبة ضغط العجلات كيشير لها الصانع و كنزيدو من ضغط العجلات الى كنا أناخدو طريق طويلة الى هازين الحمولة الى غادي نمشيو فطريق سيار .. اتناء سير وكنحس ان المقود كيترعد فالعربة ديالي خصها التوازن اما ملي كتجرني اتناء سير لشي جهة يعني ان احدى العجلات الامامية عوجة وبالتالي ايخصها التوازي اما ملي كتجرني فقط ملي كنضغط على الفرامل فمعناه ان الفرامل مكيتحكمش فالعجلات بالتساوي .

اما بالنسبة للمراقبة الدورية فبالاضافة للفحص التقني لي كتخضع له العربة كل سنة واجب وخا مزال موصلات الفيدونج نراقب العربة ديالي بصفة دورية ونراقب
-مصفاة الهواء
-مصفاة الزيت
-مصفاة البنزين
-الشموع
لانهم كيزيدو من إستهلاك الوقود وكيتزاد أكتر الى كانو شموع فحالة سيئة يعني واجب نغيروهم او نقيو صفايات للحفاض على العربة وتجنب استهلاك الوقود وكيتم ذلك على حسب الكيلوميتراج او المدة سواء ست شهور او تلاتة على حسب سيارتك واستعمالها ..

حاولت نبسط على قدر المستطاع لان الموضوع طويل وفيه بزاف ذكرت المعلومات المهمة منها ونتمناو نكون قدرت نوصلوها وتفهموها
متنساوش بلي الى عندكم شي إستفسار تقدرو تواصلو معانا مرحبا بالجميع .. 🚗

سيارة التعليم طه تتمنى لكم عام مباركا سعيدا بالصحة والسلامة والتوفيق وتحقيق المتمنيات إن شاء الله .. 🚗
01/01/2022

سيارة التعليم طه تتمنى لكم عام مباركا سعيدا بالصحة والسلامة والتوفيق وتحقيق المتمنيات إن شاء الله .. 🚗

29/12/2021

من بين الدروس النظرية أيضا لي على المترشح يتعرف عليها وضبطها وكتبقى مرتبطة به ملي كياخد السيارة ديالو وهو التعرف على وثائق العربة ولي كيندارجو ضمن محور العربة وهم :
رخصة السياقة
البطاقة الرمادية
شهادة التأمين
الضريبة
هادو الوتائق العادية فحالة إلى كانت العربة جديدة ومزال مكملات 5 سنوات ..
أما إلى تعدات 5 سنوات
واجب توفر على شهادة الفحص التقني وكيتجدد كل سنة
اما الى تعدات العربة 2 طن فمجموع الوزن والحمولة واجب توفر على الضريبة على الحمولة
ولا تعدات 3 طن على مستوى المحور واجب توفر كذلك على الضريبة على المحور
وأخيرا شهادة الفحص الطبي لي كتجدد بالنسبة للسائق كل سنتين وكتخص فقط الاشخاص لي كيخدمو بالرخصة ديالهم وكذلك ناس لي عمرهم أكتر من 65 سنة ..

ومتنساوش أنكم تقدرو تواصلو مع الصفحة وتشاركو معانا أسئلتكم وإستفساراتكم في ما يتعلق بالمجال بالتوفيق للجميع .. 🚗

السلام عليكم بعدما شفنا العلامات الدائمة وهي العلامات العادية لي كنلقاوها بالطريق بلونها العادي كاينين كذلك العلامات الم...
17/12/2021

السلام عليكم
بعدما شفنا العلامات الدائمة وهي العلامات العادية لي كنلقاوها بالطريق بلونها العادي
كاينين كذلك العلامات المؤقتة ؛ هاد العلامات كتحط على الطريق بصفة مؤقتة وكتحيد من بعد
وواجب عليا كسائق نرد معاها البال ونحتارمها وكذلك بالنسبة للناس لي عاد كيستاعدو للإمتحان
هاد العلامات المؤقتة اللون ديالها بالأصفر الى كانت علامة مؤقتة سواءا للمنع ⭕ او الاجبار 🔵 او الارشاد 🛃 فهي علامة وضعية اما إذا كانت علامة للخطر 🔺️ فهي متقدمة ب 50 متر داخل المدينة و 150 متر خارج المدينة بمعنى انها كتحتافظ بالقاعدة الاصلية فقط اللون لي كيتغير
كيخصكم تردو البال وتبعو كلشي بالتبسيط لان الكود ساهل وبالتوفيق للجميع
جمعة مباركة متتبعينا الكرام 🚗

Address

Bloc A Lot B80 Rja Flah Hay El Wafa
Agadir
80000

Opening Hours

Monday 08:30 - 19:00
Tuesday 08:30 - 19:00
Wednesday 08:30 - 19:00
Thursday 09:00 - 19:00
Friday 08:30 - 19:00
Saturday 08:30 - 12:00

Telephone

+212668154547

Website

Alerts

Be the first to know and let us send you an email when Auto_ ecole_ taha posts news and promotions. Your email address will not be used for any other purpose, and you can unsubscribe at any time.

Shortcuts

Share

Category