محمد بيضير

واش غي انا لي وليت مامسوق للمنتخب واش لاعب ولا لا، كنفضل نهز كتاب نقراه مع كأس ديال اتاي بزعتر ،ونتمتع بهضرت المشرع ونسا الهم ، اقدر شادني إكتئاب ولكن بان ليا محال نمشي للقهوة نتفرج ،الحصول مابقات معنى...

الحياة صعيبة بزاف، ماكاينش لي صعيب منها ،كضربك وتشتف عليك وتهينك وتقلل منك ... ولكن أنت خاصك تنوض وتكمل في طريقك وتعيش كل نهار بنهاروا ولكن ديما هدف كبير اكون قدامك، حيث ماشي ساهل دير شي حاجة في هاذ وقت، الغلا والخدمة قليلة وبنادم صعيب ،ولكن ربي كبير غي توكل عليه من قلبك دير توكل ونوض تحرك وخربق وقلب حتى توصل

الحمدلله، اليوم درت تحليلة ديال جرثومة المعدة ولقيتها مشات من بعد شهر ونص ديال العذاب، دوايات وريجيم ،الله اجعلها مغفرة الذنوب وشافي الجميع يارب ،صحة هي كلشي أخوتي تهلاو في صحتكم وبعدوا على ماكلة الزنقة

بكل فخر كتلبس هاذ البذلة ،وكتقوم بمهنة المفوض القضائي، لي هي مهنة ماشي ساهلة ، حيث خاصك تكون خبير في القانون وفي علم النفس وفي علم الإجتماع بحكم كتلقا كل نهار بأنواع مختلفة من المواطنين ، وفق الله جميع الزملاء الكرام في السير بهذه المهنة المحترمة إلى ماهو أفضل ❤️