قناة طب الأسنان زليتن

24/04/2025

12/04/2025

04/12/2021

مجمع العيادات يستمر في اغلاقه لما يقارب شهرين على التوالي ، بعد عامين من العطاء المتذبذب بين الانقطاعات ونقص وجود الكادر التعليمي في بعض الاقسام وكذالك نقص الكفاءات والتجهيزات اللازمة من مواد وغيرها لصناعة طبيب قادر على مزوالة المهنة مابعد التخرج ، الامر بات متروك بين تسويف وتفويت و الطالب بين محرقة الوقت وتكاسل الجهات المسؤولة ، الدفعة الرابعة عشر عامان انقضي وامتيازهم مزال منتصفه لم ينقضي !
المواطن بين غياب الجهات العامة الخدمية التعليميه وان قبلها باكراه الحال وضيق المعيشه وبين غلاء الاسعار في العيادات الخاصة .
من المستفيد ؟
لمصلحة من هذه الانتكاسات والتأخر في تقديم الخدمات ؟
الى متى سيستمر اغلاق مجمع العيادات?
نريد امتيازا حقيقيا ، نريد ان نكون أطباءا ليس لمجرد اسم ، نريد حقوقنا في اتمام ما بدأناه .

ميم 🦷

23/08/2021

17/08/2021

14/08/2021

زي ما وعدتكم البارح ان حننزلو اليوم صورة الأسنان بعد ما اشتغلناهم 👍🏻[ صورة الأسنان قبل الشغل في البوست اللي قبل هذا ].
المهم حنبدا بأول شيء او سؤال انت شن درت هني يا دكتور بنقولك أني درت حشوة بيضاء .. ! سؤالك حشوة بيضاء شن معناها يا دكتور ؟
اوك ركز معاي شوي الحشوات أنواع هلبا منها بيضاء و منها كحلة و منها مسميات تانية تو نحكو علي كل وحدة بالتفصيل.
خلونا عالبيضاء توا زي اللي في الصورة هذه اسمها #كومبوزت اي composite و هذا اسم عام للمادة هاذي طبعا الحشوة تصنع فيها الاف الشركات كان مش مئات الالاف من الشركات زيها زي أي دواء او مادة علاجية تختلف جودتها من السيئة للمعقولة لعند الباهية و الممتازة.
و حنتكلمو عالانواع في بوست بروحه 🤣 اهم شي ديرو متابعة للصفحة بش يوصلكم كل جديد و تبدو فاهمين شن نقول 😂.

عموما الشركات هاذي عالمية و اسعارها بالدولار و هذا عامل من عوامل انه السعر متاع الحشوة يكون غالي او رخيص و فيه غيره هلبا عوامل حنتكلمو عليهم بالتفصيل في بوست بروحه ان شاءلله.
بتسئلني انت توا … دكتور شن أفضل نوع و كيف بنعرف ان حشوة سني من النوع الفلاني او الفلاني ؟ ساهل جدا أسئل دكتورك او دكتورتك على شركة الكومبوزت اللي بيخدم بيها ( طبعا أكيد بعد تفهم مني صح الانواع بش تعرف هل هيا نوع مليح او لا 🤣) كمهدا بتسمعه و تهز راسك كيف الاطرش ف الزفة😂.
المهم ما نكثرش عليكم هلبا اليوم و نوضحلكم الصورة شوي و سادكم لان البوستات جاية و الخير جاي 🤫.
الاسنان هاذو تم اعادتهم لشكلهم الشبه طبيعي بش يشتغلو وظيفتهم و يكون التلامس مع الأسنان السفلية سليم و مايأثرش عالعضة متاعنا.
الكومبزت عالم بروحه مانبيش نكثرلكم معلومات جديدة في مرة وحدة و حتكون المعلومات تباعا ووحيدة وحيدة

خودوها قاعدة اي مشكلة ليها سبب ؟؟ لابد من معالجة سبب المشكلة قبل كل شي 👍🏻 و هني حنى عالجنا الأعراض فقط و نحينا التسوس و درنا الحشوة و أمورنا طيبة ! لكن هل في بالكم أن معاش نديرو شيء بعد هكي ؟؟؟؟
حل المعضلة اهيا حتكون في بوست بروحها و نبيك تجاوبو أو تقربو الإجابة في التعليقات 🤞🏻
تحياتي
د. مروان علي التير

14/08/2021

هذا عنوان البرنامج اللي حنبدأ فيه بعون الله و نحاول نبسط فيه مفاهيم طب الأسنان للمواطن الليبي المثقف اللي من خلاله نحاول نرفع من وعي المجتمع الليبي و ثقافته لطب الأسنان.
حتكون في العديد من الشروحات و التفاصيل المدة الجاية و حيكون التوضيح كتابيا زي هكي و بالتصوير لحالات من شغلي الخاص و أيضا حيكون فيه فيديوات عاليوتيوب ان شاءلله في القريب العاجل.
بداية حنوضح أن هاذي صورة للأسنان في الفك العلوي تبدا من الناب و تنتهي للضرس الأول و هالأسنان مصابة بالتسوس اللي مستواه يعتبر مش عميق هلبا و لكن بدرجة أنه فقدت فيه السن قوتها الطبيعية كما في السنّين الوسطيات أما الضرس الأخير فهو واضح ان هنا لون داكن بالداخل و هذا يدل على عمق التسوس في هالسن. طبعا كل مازاد انتشار التسوس في السن كلما ضعفت و نقص عمرها الإفتراضي هذه قاعدة ثابتة لازم تنحط في الراس.
طبعا النتيجة حتكون في بوست اخر غدوة ان شاءلله و حنوضح فيه تفاصيل اخرى تمام ؟ تمام 😉.
طبعا للمعلومة البوست موجه لكل فئات المجتمع عدا أطباء الأسنان 🙂.
طبعا توا ما عليك إلا تتابع الصفحة و تشارك المنشور بش يوصل لكل الناس و تعم الفائدة على الجميع.

18/12/2019

أنها الحقيقة 🤕🤕

👇👇👇👇👇👇👇

17/11/2019

اعلان
يعلن مركز البسمة زليتن عن حاجته لتوظيف ممرضات اسنان
على من تأنس في نفسها الرغبة مراسلة الصفحه
او الاتصال على

0916278175

17/11/2019

تعلن مصحة المشكاة التخصصية عن حاجتها لتوظيف تمريض اسنان في الفترة الصباحية و المسائية ، علماً بأن الفترة الصباحية من الساعة 9:00 الي الساعة 3:00 🕑 ، والفترة المسائية من الساعة 3:00 الي الساعة 9:00 ، للتواصل الاتصال علي الهاتف :
0926130867
العنوان : زليتن - مقابل مستشفى زليتن