طلبة سنة خامسة طب بشري

18/07/2016

السلام عليكم ممكن اطرح عليكم سؤال حول سنة الامتياز في تونس؟؟علماً انا طبيب سوري انهيت دراسة الطب البشري في روسيا الاتحادية علم ٢٠١٠ وبحاجة عمل سنة امتياز،هل من الممكن عمل سنة الامتياز في المشافي التابعة لوزارة الصحة في تونس

08/02/2016

الزمن والآفات وراءك يا قسم الكوميونيتي

05/02/2016

وين منحة الامتياز؟ ؟

02/02/2016

كم واحد بعثوه الدكاترة يجيب فطور في فترة امتيازه؟

30/01/2016

نبو منحتنا

18/01/2016

وين منحة الامتياز
نبو منحتنا

شن صار في منحتنا

06/01/2016

450 دينار
45000 درهم
مبلغ مش شوية
ويييينهم

25/11/2015

من البريد
لو سمحت جدول امتحانات سنة خامسه. لانه انت موجوده برا ليبيا ومعرفتشً كيف نوصل في جدول الامتحانات

20/11/2015

مازال 4 شهور عالامتياز ومافيش أخبار عالمنحة

طبعاً كلونا في متع خامسة وتوا كلونا

وانت احضرو ديوتيات زي الاتاشمنت

17/08/2015

مريض decompensated renal failure

مفروض يبعد عالبوتاسيوم

طبيبة تغذية قالتله عادي قشر الخيار وكوله

مع العلم كل 100 جرام من الخيار تحتوي على 147 ملي جرام من البوتاسيوم ولو قشرته فيحتوي على 133 ملي جرام

18/07/2015

وكأن صاحب الصيدلية نا يعرفش أن الأعراض البسيطة ممكن تكون بسبب داء أعظم

موقف شخصي :
العام الي فات كنت ناخد في كورس نساء وولادة في مستشفى الخضراء ووحدة من الحالات كانت شابة صغيرة كيف خشت للعشرين وللاسف تم ازالة الرحم منها والسبب هو complication of UTi .. اهمال او سوء تشخيص او ايا كان السبب ضيعلها مستقبلها .. نسال الله ان يعوضها خيرا وين ما كانت تواا

المهم ..
في نفس اليوم كان عندي صيدلية وخش زبون واحكالي الاعراض وانا وقتها نزبط انه ممكن UTi ونعرف نعطي دواء واصلا الاعراض واضحه والشي هذا شائع جدا والامور طيبة والحمد لله .. بس لاني مزال متاتر بالحالة و لانه ايضا قالي في الهستوري ان الموضوع متكرر و ليها فترة طويله !!
فنصحته من باب الحرص انه يعالجها افضل ليها وكان بامكاني انمشيه وخلاص .
يمشي السيد الفاضل يرجع تاني يوم ويحرش فيا صاحب الصيدلية !!
على العموم القصة ليها فترة والورقة توا لقيتها بالصدفة ولان ماعنديش مانشورات اليوم ف حبيت نشارككم بيها وخلاص ..

29/06/2015

حالة مشخص بسرطان في المعدة داروله عملية في تونس

روح لليبيا قعد شهرين بطنه منفخة وامساك وحتى المية يرجعها

مشو بيه لتونس معاش قبلوه منهم في الأخير رجعو بيه لشارع الزاوية لكن للأسف كان متاخر