وئام الشرع weam ALshara

“بعد تفكير طويل واستخارة، قررت نوقف عن عطائي في الفتره التانيه
ونخلي مكان لفرص وتجارب جديدة في حياتي. القرار ما كانش سهل، لكن كان لازم، لأن الحياة مراحل وكل مرحلة تفتح لينا أبواب جديدة.

إن وفقت في مشواري فهذا من فضل الله وتوفيقه، وإن أخطأت فمن نفسي ومن تقصيري. شكرًا لكل من دعمني، وكل كلمة طيبة أو دعوة صادقة كانت سبب في استمراري.

تفكروني في دعائكم ديما وربي يوفق الجميع ويكتب الخير في كل خطوة.”

🤍

Are you ready?🤔

تذكرو ديما إن الأستاذ او الأستاذه "انسان " زيكم
عنده ظروف و مشاكل يمكن متبانش عليكم
لازم نقدروه و نحترموه لان كلمه حلوه ولا شوية تفهم منكم يفرق هلبا
ديما كونو السند و الخير للناس الي قدامكم لان الاحترام هوا أساس كل حاجه حلوه 🩷

توا فكروني انتم ب شن عندنا غدوه و امتى الحصص 🤨

الطلبة : أكيد الابلات كلهم غياب اليوم خششششششششي واخيرا

أبلة الرياضيات ف السريع :

كالمعتاد حصصنا💚

الثامن (4:00 إلى 5:00)
✨باب المضلعات ✨

السابع (5:00 إلى 6:00 )
✨الأعداد النسبيه و الغير نسبيه و الأعداد العشريه ✨

يمكن الإلتحاق بالحصه لمن أراد 💚

صلاة الفجر لا يهبها الله للجميع بل هي إصطفاء لمن أحبهم الله فاللهم اجعلنا من أهل الفجر وسنته واعنا على صلاته

﴿ إنّ قُرآن الفجْرِ كانَ مَشْهُودًا ﴾🩷.

واني مدايره روحي نفكر في الاجابه بعد ما الابله شافتني سرحانه في ورقة صاحبتي :

كالعاده جايتكم ب اخبار حلوه 🥹🦋

رجعت فتحت الفرصه للإلتحاق بالمجموعات للناس الي فاتها التسجيل
تقدرو تجو غدوه للمركز وتبدو معانا ع طول
نفس توقيتنا الاحد و الاربعاء
الثامن من 4:00 إلى 5:00
السابع من 5:00 إلى 6:00

منبيش نوتركم بس الفاينل قريب 🫢

استغفروا 🤍

استغفر الله العظيم وأتوب إليه 🦋🤍

رجعنا ي حلوين 😉💚💚

الناس الي قاعدين راقدين شن تستنى رجعنا لجداولنا 📣🤔
الثامن ( 4:00 إلى 5:00 )🕐
السابع ( 5:00 إلى 6:00 ) 🕕

في شيء اسمه التجريد أو التفكير المجرد، اللي هو العالم المعنوي اللي نعرفوه، واللي بيه يتميز الانسان عن باقي المخلوقات.... الانسان بطبعه اول مايجي للدنيا يكون مادي صرف، ومعتمد علي حواسه في كل شي، هادا علاش العيل الصغير كل مايشوف حاجه يحطها في فمه، لان قاعد يتعرف على العالم .... الانسان مع الوقت المفروض يتخلص من المادية هادي ويتعلم ان في حاجات مجردة، نستوعبوها بعقولنا مش بحواسنا ..... وميدان الرياضيات ميدان التجريد، فلو لقيت روحك مش قادر تستوعب الرياضيات فأنت قاعد طفل في الحقيقة، وقاعد معتمد على المادة وحواسك، ومش قادر تستوعب المجردات، والرياضيات تفيدك هلبا في عمليات التحليل والتجريد، بغض النظر عن تخصصك، تخليك تشوف أي موقف تفككه وتجرده، ماتقعدش منبهر بالمادية متاعه .... الرياضيات تزيد الخيال والابداع متاعك ..... ف أهم مهارة في الحياة هي مهارة حل المشاكل، وحل المشاكل معتمد على التحليل والتجريد، وهدا تساعدك فيه الرياضيات بغض النظر خدمت بيها ولا لا ... فالرياضيات عالم مجرد لا دخل للمادة فيه، فعندما تتقن المفاهيم الأساسية للرياضيات فانك تنضج بعقلك وتوسع من مداركك واستيعابك وفهمك للعالم من حولك .🩷

توا عرفتو علاش المهندسين احسن ناس؟ 🥹🩷